Njoftimi bashkëngjitur është reklamuar nga një hotel në kryeqytet, i cili ofron një pagë 40 mijë lekë për një pastruese pa llogaritur sigurimet.

Aftësi të tilla deri para pak vitesh paguheshin jo më shumë se 20 mijë lekë. Presioni për paga në profesione që nuk kërkojnë shumë aftësi po ndodh për dy arsye.

Së pari dhe më e rëndësishmja është pakësimi i popullsisë nga rënia e lindjeve dhe emigracioni i lartë që po tkurrin forcën e punës. Zhvillimet demografike kanë ndryshuar edhe strukturën e popullsisë në favor të moshave të vjetra që nuk janë shumë produktive në tregun e punës dhe për modelin ekonomik që ofron Shqipëria.

Së dyti sektori i turizmit dhe ai i ndërtimit janë rritur me shpejtësi vitet e fundit sidomos nga kërkesa e huajve për të vizituar Shqipërisë dhe rritja nga rritja e lejeve të ndërtimit në qendër të vendit.

Të dhënat zyrtare nga INSTAT paga në ekonomi ka shënuar nivel rekord në tremujorin e tretë të këtij viti, teksa të gjithë sektorët paguajnë më shumë sesa një vit më parë, por më i fortë ndryshimi ishte për bujqësinë, shërbimet dhe turizmin, që po vuajnë dhe më shumë nga largimi i fuqisë punëtore, duke detyruar dhënien e pagave më të larta për punonjësit ekzistues.

Krahasuar me të njëjtin tremujor të vitit të kaluar, gjatë tremujorit të tretë 2022, paga mesatare bruto për aktivitetin e Bujqësisë, pyjeve dhe peshkimit, ka rritjen më të madhe prej 15,7%, e ndjekur nga Tregtia; transporti; aktivitetet e akomodimit dhe shërbimit ushqimor, me 13.7%, ndërtimi me 13%, industria me 11%.

Pakësimi i fuqisë punëtore në një kohë që kërkesa është në rritje po ushtron presion të pagat. Mirëpo pagat më të larta në aftësitë të ulëta ushtrojnë presion për rritje të përgjithshme në nivelet e tjera për të ruajtur diferencat në përvojë dhe profesione.

Kriza për punonjës po bën që kompanitë bashkë me njoftimin për vendin e lirë të punës të bëjnë publik edhe nivelin e pagës.

Ekspertët e tregut të punës dhe bizneset shpjegojnë se në vijim, mungesa e fuqisë punëtore do të kthehet në emergjencë për mbajtjen në këmbë të aktiviteteve. Fatos Çerenishti që drejton “FAFA” resort një nga njësitë më të mëdha të akomodimit në vend tha se, vështirësitë në gjetjen e punonjësve pengojnë seriozisht mbarëvajtjen e aktivitetit.

Sipas tij, importi i punonjësve të huaj shpesh nuk është zgjidhje për shkak të kostove më të larta që kanë pasi përveç pagës duhet siguruar edhe akomodimi dhe ushqimi që në fund të ditës është një kosto shtesë për bizneset në raport me punonjësit vendas./Monitor

The post Mungesa e fuqisë punëtore nxit rritjen e pagave në nivelet e ulëta, 40 mijë lekë për pastrues appeared first on Albeu.com.

Emigrimi i lartë i popullatës mbetet një nga faktorët kryesorë të mungesës së fuqisë punëtore. Prodhuesit e bukës gjithashtu janë të shqetësuar se mungesa e specialistëve të përgatitjes së brumit mund të sjellë shumë shpejt në Shqipëri tendencën e prodhimit të industrializuar të bukës.

“Problemin e punëtorëve po e vuajmë sepse shqiptarët nuk duan të punojnë në vendin e tyre. Kemi rritur pagat dhe përkujdesjen ndaj punëtorëve.

Mendoj se shqiptarët janë ende të lidhur me psikozën e viteve ‘90 për t’u larguar nga vendi, ndërkohë që furrat e bukës kanë nevojë për specialistë, si në furra buke, ashtu edhe në pastiçeri. Në 900 furra në Budapest, administratorë dhe sipërmarrës janë shqiptarët e Kosovës.

Gjithashtu specialistë të brumit nga vendi ynë po emigrojnë në Kroaci, Maqedoninë e Veriut, Gjermani dhe Greqi. Por mungesa e fuqisë punëtore mund të sjellë industrializimin e prodhimit të bukës. Ne nuk e duam mekanizimin e saj, pasi nuk është në traditën tonë.

Ky sistem do të kërkonte linjë të re prodhimi, do të kërkojë dhoma frigoriferike, do të kërkojë më tepër kosto prodhimi. Përveç kësaj Shqipëria do të humbasë një traditë, atë të prodhimit të bukës në kushte artizanale”, u shpreh Gëzim Peshkopia, kryetari i Shoqatës së Brumërave dhe Pastiçerive.

Për periudhën 2021-2022, çmimi i bukës është rritur 3 herë radhazi me një rritje totale prej 71%. Shtrenjtimi i parë nisi në muajin shtator të vitit të kaluar ku buka masive nga 70 lekë u rrit në 80 lekë.

Në mesin e muajit mars, çmimi i bukës shënoi sërish rritje duke arritur në 100 lekë. Ndërsa çmimi në 120 lekë ka nisur të tregtohet në rrethet si Korça, Pogradeci, Gjirokastra apo Saranda, për shkak të shtrenjtimit të kostove të transportit të miellit nga karburanti.

Gëzim Peshkopia, kryetari i Shoqatës së Brumërave dhe Pastiçerive, thotë se rritja e çmimeve të bukës masive deri në 120 lekë ka qenë individuale, ku në shumë furra të tjera çmimi nuk ka ndryshuar, duke amortizuar koston te marzhet e fitimit, me qëllim ruajtjen e ekuilibrit mes prodhimit dhe konsumit.

“Ashtu siç reflektohet ka një zgjatje të situatës së vështirë të çmimeve që nisi që nga pandemia e Covid-19 dhe u bë edhe më problematike me fillimin e luftës, duke përcjellë edhe ndikime psikologjike.

Për shkak të shtrenjtimit të lëndëve të para, çmimet janë rritur nga disa biznese, ndërsa në të tjera nuk ka pasur rritje. Disa furra buke kanë amortizuar fitimet, për të mos prekur konsumatorin. Furrat e bukës janë prekur më shumë nga rritja e çmimit të miellit, vajit, margarinës, majasë dhe karburantit.

Për të përballuar shtrenjtimin e çmimit të karburantit, furrat e bukës kanë kufizuar lëvizjet, duke bërë vetëm lëvizje të planifikuara. Ndërkohë konsumi është rritur, jo vetëm në qytetet e bregdetit, por edhe në zonat e tjera”, pohoi ai./MONITOR

The post Jo vetëm rritja e çmimeve, por dhe mungesa e fuqisë punëtore mund të ketë ndikim të madh tek buka! appeared first on Albeu.com.