Kështu, pas disa organizimeve si Kampionati Botëror U-23, Botërori për peshat joolimpike, Europiani U-23, Turneu Ndërkombëtar i përvitshëm “Muhamet Malo”, apo Kongresi Botëror Zgjedhor, në vendin tonë vjen një tjetër aktivitet madhor.

Bëhet fjalë për Kampionatin Europian për të rritur, kompeticion që do të zhvillohet më datat 20-26 prill 2026.

Lajmin e ka dhënë vetë Federata Shqiptare e Mundjes, duke njoftuar marrjen e këtij organizimi historik, që për herë të parë vjen në Tiranë.

NJOFTIMI I FEDERATËS:

Një tjetër arritje e madhe për Federatën Shqiptare të Mundjes! Jemi krenarë t’ju njoftojmë se Federata Botërore na ka besuar organizimin e një prej eventeve më prestigjioze në sportin e mundjes, Kampionatin Europian për të Rritur. Ky është një hap historik për sportin tonë, një mundësi për të treguar vlerat, pasionin dhe përkushtimin e Shqipërisë në arenën ndërkombëtare. Faleminderit të gjithëve që na mbështesin në këtë rrugëtim”, shkruhet në komunikatën e Federatës Shqiptare të Mundjes, duke i bashkangjitur edhe dokumentin zyrtar të marrjes së organizimit për Europianin e të rriturve, një kompeticion që do të sjellë në Tiranë elitën kontinentale të mundjes.

REZULTATE TOP – Kujtojmë që në verën e vitit të kaluar Shqipëria shkroi historinë pikërisht me sportin e mundjes, duke fituar medaljet e para olimpike të vendit tonë. Dy të bronzta në “Paris 2024”, të fituara nga Chermen Valiev dhe Islam Dudaev, sportistë të natyralizuar me pasaportë shqiptare, me iniciativën e presidentit të federatës, Sahit Prizreni. Ndërkohë, vetëm pak javë më parë Valiev shënoi një tjetër rezultat të madh, duke u shpallur nën-kampion bote me Shqipërinë.

The post HISTORIKE/ Shqipëria merr organizimin e Kampionatit Europian 2026 të mundjes appeared first on Albeu.com.

Vajza kuksiane triumfoi në kategorinë U-15 në Ballkaniadën e Maqedonisë së Veriut, duke mposhtur me tuç kundërshtarët nga Bullgaria, Serbia dhe Greqia.

“Ndjehem shumë krenare për medaljen që kam fituar sepse te tria kundërshtarët ishin të forta. Kampionati në fakt ishte i fortë sepse të gjitha kishin një qëllim, por unë në fund ia arrita ta realizoja”,-u shpreh fillimisht Erglena Domi.

Në Ballkaniadë trajneri i Erglenës ishte Sadik Domi, ish-mundës dhe njëkohësisht babai i sportistes.

“Vajza bëri 3 ndeshje dhe në fund ishim shumë të gëzuar, sepse është e para vajzë shqiptare që merr medalje. Më vjen mirë edhe për Kukësin sepse ky sport ka qenë tradicional, por tani është harruar. Kemi qenë shumë mirë me djemtë, por tani po vijnë edhe vajzat”,-u shpreh Sadik Domi, trajner dhe babai i Erglenës.

Edhe pse mundja është një sport i paragjykuar për vajzat, Erglena fton bashkëmoshataret të ushtrohen për të përfituar benefitet që vijnë prej tij.

“Ju uroj të gjitha vajzave që kanë dëshirë të ushtrohen në sporte luftrake, siç është mundja, ta ushtrojnë pa frikë dhe të ecin sa më shumë më arritjet”,-tha Erglena Domi.

Me medalje të arta nga ballkaniada për Shqipërinë, erdhën edhe dy mundësit e tjerë të talentuar si Ardit Zeneli dhe Albi Peposhi, ndërsa në Maqedoninë e Veriut garuan 13 shtete.

The post Mundje/ E para vajzë shqiptare me medalje të artë, Erglena Domi: Krenare, babai trajner: Mundi 3 rivale shumë të forta appeared first on Albeu.com.

Sportisti që përfaqëson Shqipërinë ia doli të mposhtë në finale rusin Gadzhimurad Rashidov, një sfidë që ishte në kategorinë e stilit të lirë për peshat deri në 65 kg. Pavarësisht vështirësisë që hasi, mundësi çeçen që garon me flamurin kuqezi, arriti që të fitonte.

Dudev fitoi me rezultatin 2-1, fitore e cila jo vetëm i jep Shqipërisë medaljen e artë, por konfirmon formën e mirë që sportisti po kalon, duke qenë një nga më të mirët në botë në disiplinën që garon.

The post Dudaev mban lart flamurin kuqezi, “shkëlqen” me medalje ari në Europianin e mundjes appeared first on Albeu.com.

Nga futbolli në mundje, tashmë ish-sulmuesi, me peshë 104 kilogramë me 188 centimetra lartësi, do të shoqërojë yllin olimpik britanik të boksit Anthony Ogogo në luftën e tij kundër Malik.

“Për mbi njëzet vjet kam bërë atë që më pëlqen më shumë të bëj, por ishte një profesion, tani dua të provoj përvoja të reja. Mundja ishte gjithmonë në kokën time, Ogogo nuk mund të boksonte më, ai zbuloi dashurinë për mundjen dhe më pyeti nëse doja të provoja, “tha Akinfenwa për “Daily Mail” ./ h.ll/albeu.com

The post Nga futbolli në mundje, jeta e re e Akinfenwa: Dua të provoj përvoja të reja appeared first on Albeu.com.