“Ndërkohë që Anila Denaj, përgjegjëse për sigurinë ushqimore në vend, vazhdon fushatën dhe drejton çetën e saj të patronazhistëve, zyrtarisht është konfirmuar prania e alfatoksinës në qumësht, në disa raste.

E vendosur para fakteve, kjo agjenci nuk ka mundur ta fshehë fenomenin shqetësues.

Janë të paktën 6 raste të konstatuara, të verifikuara pas analizave.

Behet fjalë për mostra të marra në qumësht që është konsumuar nga janari e këndej.

Alfatoksina është një substancë helmuese, toksike, që dëmton shëndetin e njeriut.

Bashkimi Europian ka protokolle të rrepta për mbajtjen nën kontroll.

Ministrja jonë e Bujqësisë ka protokolle të rrepta për ta mbajtur të fshehte, siç ka ndodhur edhe me më parë me salmonelën apo me pesticidet në mandarinat tona.

I kërkojmë serish zonjës Denaj më këto pak ditë që i kanë ngelur të bëjë detyrën, dhe të bëjë transparencë të plotë mbi praninë e alfatoksinës në qumësht, burimin e saj pasi për 12 vite kanë dështuar t’ju ofrojnë siguri për ushqimet më te shtrenjta ne rajon që paguan secili prej nesh.

I kujtojmë SPAK se neglizhenca apo ‘shpërdorimi i detyrës’ mbi sigurinë ushqimore është një shkelje e rende e ligjit dhe cenim i shëndetit.

Partia Demokratike do ta shpallë institucionin e Sigurisë Ushqimore si institucion të Sigurisë Kombëtare. Dhe ne jemi angazhuar me ekspertët më të mirë për një ndryshim të shpejtë dhe rrënjësor për të garantuar çdo familje që ushqimet në tregjet tona të jenë të sigurta.

Një platforme që do ta bëjmë publike së shpejti. Një platformë që do sjellë një transformim total, që do garantojë Siguri Ushqimore për qytetaret, për familjet tona”.

The post Grigels Muçollari: Skandali i qumështit me alfatoksinë, qeveria prej 12 vitesh nuk ofron asnjë siguri për ushqimet e përditshme të shqiptarëve appeared first on Albeu.com.

Gjithashtu, ai shprehet se, opinioni publik është tronditur dje nga zbulimi i faktit se në fillim të këtij muaji, 27 ton fileto pule e prekur nga salmonela, ka hyrë në Portin e Durrësit.

DEKLARATA:

As 32 pesticidet e dëmshme për shëndetin të ndaluara në BE, por që qarkullojnë lirisht në Shqiperi, as salmonela helmuese nuk e bëjnë qeverinë, Ministren e Bujqësisë, Anila Denaj, dhe AKU të lëvizin nga vendi.

Opinioni publik është tronditur dje nga zbulimi i faktit se në fillim të këtij muaji, 27 ton fileto pule e prekur nga salmonela, ka hyrë në Portin e Durrësit.

Këtë e konfirmon zyrtarisht dhe AKU. Kjo agjenci, pretendon se ka rënë në gjurmë të salmonelës që në doganen e portit. Por, nuk ka kryer detyrën për bllokimin e menjëhershëm.

Pra, një pjesë e madhe e kesaj sasie ka hyrë në treg.

Ka pasur dje gjithë ditën raportime për këtë situatë. Për shkak të mungesës së transparencës dhe papërgjegjshmërisë kriminale të Ministres Denaj, versionet janë të ndryshme.

Por, askush nuk e mohon që mishi me lëndën helmuese, ka mbërritur ne marketet dhe shtëpitë e qytetarëve.

Ky është një skandal shumë i rëndë. Autoritetet tona së pari kanë reaguar me vonesë për analizat finale, dhe më e keqja, e kanë lejuar produktin të konsumohet.

Meqënëse as demtimi i shëndetit të qytetarëve nuk është arsye për zonjën Denaj të mbajë përgjegjësi, të bëjë transparencë e të largohet një orë e më parë nga ajo detyrë, ne i themi sot Prokurorisë, që nëse vertetë kërkon të bëjë punën e të mbrojë qytetarët, të heqë dorë nga ndjekja e keqbërësve të vegjël, por të shkojë drejt e në zyrën e Ministres së Bujqësisë.

Siguria ushqimore do të vendoset me 11 Maj me votën e qytetarëve, por ndërkohë do të kerkojmë transparencë të plotë të këtyre ngjarjeve dhe vënien para Drejtesisë të çdo qeveritari.

Partia Demokratike e konsideron sigurinë ushqimore si çështje të Sigurisë Kombëtare.

Partia Demokratike do të angazhojë specialistët më të mirë dhe gjithë burimet e duhura për ta garantuar produkin ushqimor, për fëmijët tanë, për prindërti tanë, përmes një platforme që parashikon përmbysje totale të gjendjes aktuale, që nga ndërhyrjet ligjore e deri tek ofrimi i standarteve europiane në analizimin dhe trajtimin e rasteve. PD do të rrisë kapacitetet në burime njerëzore dhe në infrastukrurë, për të bërë të mundur parandalimin e rasteve.

The post Fileto pule me salmonelë në tryezat e shqiptarëve, Muçollari: Qeveria dhe Ministrja Denaj të largohen menjëherë appeared first on Albeu.com.

“Bëhet fjalë për mbetje zinku dhe të tjera metale që janë toksike dhe të dëmshme për mjedisin. Ndërsa autoritetet tona, heshtin”, tha ai.

Muçollari tha se përgjegjësit e vërtetë janë zyrtarët e lartë të qeverisë, ndërsa i bëri thirrje Prokurorisë së Durrësit të nisë hetimet.

Deklarata:

Media te rëndësishme italiane, përfshirë dhe agjencinë e lajmeve Ansa, kanë raportuar dje masivisht për kapjen në portin e Ankonës të 56 tonë mbetjeve toksike, që ishin nisur nga Shqipëria.

Autoritetet atje janë të shqetësuara dhe kanë marrë masat. Bëhet fjalë për mbetje zinku dhe të tjera metale që janë toksike dhe të dëmshme për mjedisin.

Ndërsa autoritetet tona, heshtin.

Përsëri, konfirmohet se nga Shqipëria, nga porti i Durrësit bëhet trafik ilegal ndërkombëtar i mbetjeve toksike.

Mbetjet ishin fshehur pas etiketimeve false.

Burimi sërish vendi ynë.

Fqinjët tanë, e kanë ndalur këtë trafik dhe kanë arrestuar të përfshirët.

Ndërsa këtu tek ne, qeveria, Kryeministri, Ministrja e Mjedisit, janë të zënë me mbrojtjen e korrupsionit të Erion Veliajt, e me luftën e brendshme klanore të rilindjes.

Askush nuk flet se si ka mundësi që vetëm pak muaj pasi Shqipëria u kap në trafik ilegal ndërkombëtar të mbetjeve toksike, sërish 56 tonë lëndë e rrezikshme u gjenerua, ose u mblodh, e u trafikua në territorin tonë.

Pse hesht Ministrja e Mjedisit, e cila bën kaq shumë zhurmë me bujtinat që njerëzit i kanë ndërtuar vetë, apo me byrekun që gatuajnë amvisat në Gjirokastër.

Ajo është drejtpërdrejt përgjegjëse për këtë krim.

I bëjmë thirrje prokurorisë së Durrësit që prej 5 muajsh ka 102 kontejnerët e trafikut të mbetjeve toksike, të shkojë me hetime tek përgjegjësit e vërtetë të këtij krimi të rëndë që po përsëritet, që janë zyrtarët e lartë të qeverisë, të policisë e të Portit të Durrësit.

The post Në Portin e Ankonës u kapën 56 ton mbetje/ Muçollari: Lëndët toksike vijojnë të trafikohen nga Shqipëria appeared first on Albeu.com.

Sipas tij, kriza e mbetjeve të dyshimta, që ende nuk është zbardhur, tregoi se nuk kemi siguri mjedisore, dhe se Agjencia qeveritare që mbulon këtë sektor, nuk e bën punën.

DEKLARATA:

Shoqëria jonë u përball gjatë këtij viti me dy çështje mjaft të mprehta, si siguria ushqimore, dhe ajo mjedisore.

Denoncimet tona, zbulimet e mediave, dhe reagimi i qytetarëve treguan se produktet që konsumojmë janë të pasigurta, dhe se Agjencia qeveritare përgjegjëse për këtë sektor, AKU, është jashtë funksionit.

Po ashtu, kriza e mbetjeve të dyshimta, që ende nuk është zbardhur, tregoi se nuk kemi siguri mjedisore, dhe se Agjencia qeveritare që mbulon këtë sektor, nuk e bën punën.

Siguria ushqimore dhe siguria mjedisore janë elementët më të rëndësishëm të jetës, të qytetarëve, të fëmijëve, prindërve e familjarëve të secilit prej nesh.

Çfarë kuptimi do të kishte të flisnim për të tjera gjëra të rëndësishme dhe ato, nëse jemi kaq mbrapa në këto dy drejtime?

Edhe pse gjendja është alarmante dhe gjithë shoqëria është e shqetësuar dhe kërkon zgjidhje, qeveria nuk e ka lëvizur gishtin?

Masat që merr një qeveri, dallohen tek buxheti. Në buxhetin që sapo u miratua, rilindja nuk parashikon asnjë përmirësim në sigurinë ushqimore dhe mjedisore.

Asnjë plan, apo vizion për të ofruar këto dy garanci, që janë detyrë e saj dhe përgjegjësi ligjore.
Asnjë shtim fondi për trajnime, për rritje të personelit, për shtim të ekspertizës, për përmirësim të analizës, laboratoreve, për ngritje të kapaciteteve të gjurmueshmërisë, për paisje të reja e të nevojshme.
As edhe një gjë në këtë drejtim.

Qeveria në fund të mandatit, po u thotë qytetarëve se nga ushqimet e dëmshme, dhe nga mbetjet e rrezikshme apo toksike, duhet të ruheni vetë. Një papërgjegjshmëri kriminale.

Partia Demokratike e ka prioritet sigurinë ushqimore dhe sigurinë mjedisore. Ne po punojmë me ekspertë dhe njohës të fushës, për të ofruar zgjidhje për këtë çështje kaq jetike. Partia Demokratike do të vendosë gjithë burimet e duhura e të nevojshme, që shqiptarët të kenë ushqim të sigurtë, dhe mjedis, e sistem ekologjik të sigurtë.

The post Grigels Muçollari: Dështimet e qeverisë në sigurinë ushqimore dhe mjedisore, buxheti 2025 asnjë garanci për jetën e qytetarëve appeared first on Albeu.com.

Sipas tij, siguria ushqimore, që duhej të ishte një nga gjërat kryesore në këtë vend, por qeveria ka dështuar, ndërsa Ministria e Bujqësisë që është përgjegjëse direkte, është bashkëpunëtore në krim.

Deklarata e Grigels Muçollarit:

Për javë me radhë kemi ngritur shqetësimin jetik të mungesës së sigurisë ushqimore, me fakte dhe raste konkrete.

Qartësisht, Qeveria ka dështuar të bëjë detyrën në një prej sektorëve më jetikë. Ministria e Bujqësisë si përgjegjëse ka dështuar ose është bashkëpunëtore në krim.

Thirrja jone ka qenë që organet e drejtësisë të reagojnë sepse nuk ka indicie më të fortë për të nisur një hetim se sa lejimi në treg i produkteve të dëmshme për shëndetin. Nuk ka asgjë më të rëndësishme se sa shëndeti dhe jeta e qytetarëve. Drejtësia nuk po vepron.

Edhe pse:

-AKU, agjencia që ka rolin kyç, që ka fondet dhe stafin, që është e ngarkuar me ligj ta ofrojë këtë shërbim, sigurinë ushqimore, ka dështuar.

Teksa reagojnë me vonesë ose nuk bëjnë detyrën kur informacioni u vjen i gatshëm, dhe kur dalin për kontroll del se malli është zhdukur, AKU dhe Ministrja e Bujqësisë lëvizin menjëherë kur ka denoncime, kur thuhet e vërteta.

Janë vigjilentë pra, symprehtë, janë energjikë për të mbrojtur imazhin e qeverisë.

Ne do të donim shumë, që AKU dhe Ministrja e Bujqësisë të kishin të njëjtin angazhim për të mbrojtur qytetarët nga ushqimet e produktet e dëmshme. Por kjo nuk ndodh.

Ndërsa hidhen në sulm ndaj opozitës apo qytetarëve të shqetësuar për sigurinë ushqimore, apo publicistëve e personave të njohur, njerëzit e qeverisë, nuk reagojnë ose reagojnë me shumë vonesë kur mallra, ushqime e produkte të rrezikshme hyjnë në tregun e në marketet tona.

Nëse do të bëhej puna e do të zbatohej ligji, AKU e funksionarët e qeverisë do të duhej të kontrollonin çdo gjë që në hyrje, në kufij e dogana. Kjo nuk ndodh.

Por, ata nuk e bëjnë punën as kur autoritetet e vendeve fqinje, të BE, apo kur organizmi i Komisionit Europian, lajmëron, lëshon alarmin. Ata vetë, AKU dhe funksionarët e qeverisë, në reagimet e tyre e pranojnë dështimin.

Pranojnë se produkte të rrezikshme hyjnë në treg, dhe se ata kanë ndaluar ose konfiskuar një pjesë të tyre. Po pjesa tjetër? Vetëm ky konfirmim i dështimit, është alarmues.

Partia Demokratike është e shqetësuar për mungesën e sigurisë ushqimore. Ne përsërisim kërkesën ndaj organeve ligjzbatuese dhe të drejtësisë të veprojnë. Përgjegjësit për këtë krim me pasoja të renda në shëndetin e qytetarëve duhet të mbajnë përgjegjësi.

Ne jemi të angazhuar dhe do të ngremë zërin e do të denoncojmë çdo rast kur qeveria dështon të ofrojë siguri për ushqimet.

Po ashtu, jemi të angazhuar me ekspertë e njohës të fushës të ofrojmë zgjidhje për këtë problem madhor.

Fëmijët tanë, prindërit tanë, të gjithë shqiptarët, meritojnë të konsumojnë produkte e ushqime të sigurta, që e përmirësojnë jetën nuk e shkurtojnë atë.

The post Siguria ushqimore, PD: Qeveria ka dështuar, Ministria e Bujqësisë bashkëpunëtore në krim, drejtësia të veprojë appeared first on Albeu.com.

Përmes një statusi në rrjetet sociale, Muçollari thotë se skandali me AKU-në dhe tendenca e Shalsit për ta servirur si histori të vjetër është si rilindja, që përpiqet të gjejë ndonjë komplot ose armik që është i verbuar nga sukseset e qeverisë.

“Z.Shalësi, s’ka asgjë të vjetër në historinë e dështimit të qeverisē dhe AKU! Pështjellimin që ka krijuar dje një deklaratë e kreut të KLSH në Komisionin e Ekonomisë, lidhur me një sasi të madhe akulloresh që janë hedhur në treg, 3 vite më parë, nuk e ka ndihmuar fare qendrimi qortues i shefit socialist të këtij komisioni, Shalësi.

Z.Shalësi, s’ka asgjë të vjetër në historinë e dështimit të qeverisē dhe AKU! Pështjellimin që ka krijuar dje një deklaratë e kreut të KLSH në Komisionin e Ekonomisë, lidhur me një sasi të madhe akulloresh që janë hedhur në treg, 3 vite më parë, nuk e ka ndihmuar fare qendrimi qortues i shefit socialist të këtij komisioni, Shalësi.

Shalësi pyet kryetarin e KLSH, përse na solle tani një histori të vjetër. Tendenca është tipike e rilindjes. Për të gjetur ndonjë komplot ose armik që është i verbuar nga sukseset e qeverisë. Shqetësimi që ngriti dje kreu i KLSH mund të mos jetë adresuar si duhet, e mund të mos jetë paraqitur në publik mirë, por thelbi ngelet. Thelbi ka të bëjë me faktin se 3 vite më parë, AKU nuk ka bërë detyrën për të mbrojtur qytetarët dhe fëmijët nga kjo sasi akulloresh të rrezikshme për shëndetin.

Dhe çfarë është më e rëndësishme, ka të bëjë me faktin tjetër edhe më shqetësues, se AKU vazhdon të vegjetojë për sigurinë ushqimore. Dhe sigurisht, AKU nuk ēshtë nje entitet me vete, autonom. Perfaqeson qeverinë. Nese kjo agjensi s’ka bërë asgje, qeveria s’ka bërë asgjë. E kjo nuk është aspak histori e vjetër. Por është aktualiteti që vijon çdo ditë.

Nga organizata të specializuara si ALERT, apo në media, dalin plot raste që tregojnë se kjo agjensi që ka në dorë shëndetin tonë e të fëmijëve tanë, dështon në mënyrë sistematike.

Ne, asnjëherë nuk kemi parë që AKU të ketë vigjëluar e të ketë kapur në kohë një mall apo produkt të dëmshëm. Nuk kemi parë që kjo agjensi qeveritare të na ketë garantuar sigurinë ushqimore. Janë disa raste të këtij muaji, ku AKU rezulton në inekzistencë totale. Siç ishte për një lloj sallami të ardhur nga Italia. Autoritetet atje e hoqën direkt nga tregu, AKU nuk bëri asnjë hap, u mjaftua vetëm me një njoftim gjysmak në ëebin e vet.

AKU nuk bëri asgjë as për alertin që erdhi për një sasi të madhe me pulë që kishte rezultuar me salmonelë, edhe pas sinjaleve që duhej hequr nga tregu. AKU nuk ka bërë asgjë për të rritur inspektimin në këtë sezon pushimesh, ku garancia ushqimore është edhe më jetike për shkak të temperaturave të larta.

AKU nga agjensi që duhej të garantonte sigurinë ushqimore dhe shëndetin e njerëzve, është në të vërtetë një rrezik. Pasi duke mos e kryer punën, i lë qytetarët pa mbrojtje. Kjo situatë është e patolerueshme. Pasojat nuk mbulohen dot me propagandë rilindase, pasi ato janë dramatike. Duhet zgjidhje e menjëhershme, dhe kjo duhet të nisë pikërisht nga problemi, që është AKU.”

The post Skandali me akulloret/ Muçollari: S’është histori e vjetër, pasojat s’mbulohen me propagandë rilindase appeared first on Albeu.com.

Anëtari i kryesisë, Grigels Muçollari tha se dhënia e godinave shtetërore është një aferë e re dhe një farsë me fitues të paracaktuar.

Sipas tij, kjo është një mundësi pasurimi për miqtë e Edi Ramës.

Deklarata e plotë:

Plani jo transparent që ka Edi Rama për godinat shtetërore, i fshehur pas një emërtimi si; energjizimi i qytetit, është në fakt një aferë e re, një farsë me fitues të paracaktuar, një mundësi pasurimi për miqtë e tij.

Të parat godina shtetërore që janë në listën e Ramës për t’u shndërruar në grataçela, janë ajo e ATSH-së, e Aviacionit Civil, e Kadastrës dhe e Trajtimit të Pronave.

Sipas thirrjes qe Korporata e investimeve me një njoftim gjysmak dhe jo me të dhëna të plota, katër zonat më të shtrenjta në trojet më të lakmuara të Tiranës futen në një procedure me negocim, pra pa transparence, pa garë.

Behët fjalë për 130 mijë metra katrorë ndërtim, ku shteti, merr më pak se sa do të merrte një pronar toke, në këto zona. Shteti përfiton më pak se 35 përqind të ndërtimit.

Sot, në Tiranë, ne këto zona të lakmuara ajo që pronari i tokës përfiton është të paktën 45 përqind.

E para gjë që bie në sy në këtë projekt jo transparent, është se Kryeministri sillet si pronar i këtyre godinave.

Ato nuk janë prona të Edi Ramës.

U përkasin qytetarëve, janë ngritur nga puna, nga mundi, nga taksat që ata kanë paguar në vite.

Nuk gjendet dot interesi publik në këtë plan.

Sipas njoftimit, përfiton administrata, se merr zyra dhe ambiente të reja. Po mirë, zyrat aktuale e kanë penguar administratën që të ketë sukses.

Është për faj të këtyre zyrave që ka korrupsion dhe qytetarët nuk gjejnë të drejtën që u takon. Zyrat e reja do ta bëjnë Kadastrën të ndershme dhe funksionale?

Përfituesi i madh është ndërtuesi, i cili dihet se është i paracaktuar, se konkurs nuk do të ketë, do të ketë farsë. Eshtë një mik personal i Edi Ramës.

Në klastrin e parë, ai që do të marrë ATSH për të bërë grataçelë në këmbim të ndërtimin të zyrave për qeverinë, llogaritet që me çmimet e tregut do të fitojë rreth 50 milionë euro.

Ai që do të bëjë kullë dhjetëra katëshe pranë inxhinierisë, në këmbim të zyrave për qeverinë, do të fitojë mbi 40 milionë euro.

Ku është qytetari në këtë mes? Ku është përfitimi i publikut, i taksapaguesit? Askund. Sepse këto kulla nuk do të zgjidhin aspak nevojën për strehim, pasi çmimet do të jenë të larta, të paprekshme nga njerëzit e zakonshëm.

Është pra e gjitha, një mundësi e mirë pasurimi për miqtë e Edi Ramës dhe një lavatriçe e re e pastrimit të parave në Tiranë.

Partia Demokratike e cilëson këtë projekt një aferë korruptive. Ftojmë qytetarët që të reagojnë të bëhen pjesë e aksionit për ta ndalur këtë zhvatje.

Bashkohuni me 11 Korrik në Bulevard të ngremë zërin ndaj hajdutërisë qeveritare, ndaj shkeljes së të drejtave, ndaj nëpërkëmbjes së shqiptarëve.

The post Muçollari: Dhënia e godinave shtetërore, aferë e re, farsë me fitues të paracaktuar appeared first on Albeu.com.