Por, nuk është vendosur ende nëse futbollisti do të bëhet apo jo përfundimisht pjesë e kësaj skuadre, pasi kartoni i tij zotërohet nga Beshiktashi që kërkon 8,5 milionë euro për transferimin.

Pikërisht pas ndeshjes ndaj Beshiktashit, ku Muçi shënoi edhe gol, ishte parashikuar të zhvillohej një takim mes presidentëve të dy skuadrave për të vendosur rreth futbollistit të Kombëtares shqiptare.

Në teori, gjithçka duhej zgjidhur brenda datës 10 maj, me Trabzonsporin që duhej të paguante këstin e parë nëse donte të siguronte firmën e futbollistit. Por pas ndeshjes të së shtunës, mediat turke kanë bërë të ditur se afati përfundimtar për të vendosur të ardhmen e Muçit ishte data 20 maj dhe jo ajo 10, siç ishte bërë e ditur fillimisht.

Kësisoj, klubet kanë edhe disa ditë kohë për të vazhduar negociata rreth shifrës që duhet paguar për Muçin dhe mënyrës së pagesës së saj.

The post Ishte dita vendimtare për të ardhmen e Muçit, nga Turqia japin lajmin e papritur për sulmuesin appeared first on Albeu.com.

Sipas marrëveshjes mes dy klubeve, Trabzonspori ka afat brenda datës 10 maj për të ushtruar të drejtën e pagesës së këstit të parë të klauzolës prej 8,5 milionë eurosh. Por për momentin nga klubi nuk është dhënë asnjë sinjal i tillë, duke shqetësuar jo pak Muçin. Dhe lajmet e fundit nga mediat turke, mund të shtojnë këtë shqetësim.

Klubi i Trabzonspor ka nisur bisedimet zyrtarisht me Karlo Holse, sulmuesin danez të ekipit të Samsunspor.

Ky i fundit ka shkëlqyer në këtë sezon me 10 gola e 9 asiste, teksa raportohet se Trabzonspori ka kërkuar leje nga Samsunspor që të nisë negociatat me të për transferimin në verë. Të njëjtat burime theksojnë se plani i klubit është që ta transformojë atë në numrin 10 të skuadrës, gjë që është një sinjal i qartë se nuk do të ushtrohet e drejta e blerjes së kartonit të Muçit.

Në këto rrethana, futbollisti i Kombëtares shqiptare mund ta shohë veten përsëri në udhëkryq në këtë verë, në kërkim të një skuadre të re pasi qartësisht te Beshiktashi nuk e duan, por thjesht synojnë të përfitojnë sa më shumë ekonomikisht nga shitja e tij.

The post Surprizë e pakëndshme për Muçin, një danez mund t’ shkatërrojë gjithçka pas sezonit të shkëlqyer appeared first on Albeu.com.

“Ishte një ndeshje e vështirë, e pame edhe me ekipet e tjera se si luajtën. Është vetëm një ndeshje ndaj duhet ta interpretosh siç duhet. Është shumë e vështirë në këtë stadium, një skuadër shumë e mirë. Ne jemi shumë, shumë të lumtur që shkuam në gjysmëfinale, ishte një ndeshje shumë e rëndësishme për ne dhe do të shkojmë atje për të fituar dhe arritur në finale”, u shpreh Muçi pas sfidës.

Ai u pyet edhe për situatën e tij shëndetësore, për shkak të problemeve që e kishin lënë prej javësh larg fushave të lojës.

“Kisha një dëmtim, për një apo dy javë nuk mundesha as të ecja ndaj ishte një periudhë e vështirë. Por tani po bëhet çdo gjë më mirë në stërvitje dhe sot ndjehesha mirë. Ndaj shpresoj që në ndeshjen e radhës të luaj më shumë minuta dhe të vazhdoj të ndihmoj ekipin”, deklaroi sulmuesi shqiptar.

The post U kthye si protagonist në momentin e duhur, Muçi tregon vuajtjet: Dy javë nuk mundesha as të ecja appeared first on Albeu.com.

Kjo është arsyeja, që e shtyn klubin për të investuar sërish te Muçi.

Opsioni për blerjen e kartonit nga Beshiktashi, mund të shfrytëzohet deri më 10 maj. Bëhet fjalë për 8.5 milionë euro, që duhet të shpenzohen nga Trabzonspori.

Më parë, 1 milion euro u dhanë për të siguruar huazimin.

Muçi nuk ka luajtur gjatë muajit prill për shkak dëmtimi. Rikthimi në fushë pritet pikërisht sot, kur është rezervuar transferta me Samsunspor në transfertë.

25-vjeçari është mjaft i vlerësuar te Trabzonspori. Klubi turk po lufton për të kaluar Fenerbahçen, që ndodhet 2 pikë larg.

The post Plot 17.5 milionë euro për Muçin nga Europa, zbulohen prapaskenat e bujshme te Trabzonspori appeared first on Albeu.com.

Më parë u larguan Ylber Ramadani dhe Arlind Ajeti. Për Silvinjon nënkupton se asnjë nga lojtarët e tjerë që udhëtuan në Valencia, nuk ka pse të qëndrojë në tribunë.

Jasir Asani, Klisman Cake dhe Nazmi Gripshi që munguan ndaj Polonisë, do të jenë për llogaritë e sfidës përballë Ukrainës. Ky takim është rezervuar për të martën(31 mars), prej orës 20:45.

Kujtojmë se Muçi pati vetëm disa minuta në fundin e ndeshjes me Poloninë. Ky sezon me Trabzonsporin është edhe më i miri në karrierën e tij sipas statistikave.

Njoftimi i FSHF-së:

Kombëtarja shqiptare ke zhvilluar seancën e radhës stërvitore në qendrën sportive Parador de El Saler të Valencias, me kuqezinjtë që janë stërvitur për rreth 1 orë me intensitet të plotë.

Trajneri Silvinjo dhe stafi teknik i kanë angazhuar lojtarët në në ushtrime fizike fillimisht, teksa më tej stërvitja është fokusuar në ushtrime me topin dhe ndeshje kontrolli.

Departamenti i Komunikimit në FSHF në me dije se me skuadrën nuk është stërvitur sot sulmuesi Ernest Muçi, i cili që të shtunën ka ndjerë një shqetësim në pjesën e pasme të kofshës së djathtë.

Për këtë arsye, dje iu nënshtrua një rezonance magnetike, e cila evidentoi një edemë në nivelin e muskulit, që kërkon disa ditë pushim për shërim të plotë e si pasojë ai nuk mund të rikuperohet në kohë plotësisht për ndeshjen ndaj Ukrainës.

Pas konsultimit me stafin mjekësor, trajneri Silvinjo vendosi ta lërë të lirë Muçin, i cili ka udhëtuar sot drejt Turqisë për të vijuar rikuperimin.

Gjithashtu, në seancën e sotme stërvitore nuk mori pjesë edhe mesfushori Jasir Asani, i cili ka pësuar një goditje në gjurin e djathtë gjatë stërvitjes së djeshme. Stafi mjekësor po e mban në monitorim të vazhdueshëm gjendjen e tij dhe nesër do të vlerësohet nëse futbollisti do të jetë i gatshëm për t’u rikthyer në stërvitje.

Ndeshja miqësore mes Ukrainës dhe Shqipërisë do të zhvillohet më 31 mars, në orën 20:45, në stadiumin Estadi Ciutat de València, në Valencia.

The post E papritur! Largimi i Muçit i bën “nder” Silvinjos, sulmuesi lë Kombëtaren në momentin më të mirë appeared first on Albeu.com.

Shkak është bërë një gol i shënuar këtë fundjavë nga mesfushori i Beshiktashit, Orkun Kokçy në ndeshjen kudnër Gençlerbirligi.

Ai shënoi nga një kënd shumë i vështirë me një goditje dënimi, me një goditje padyshim spektakolare.

🔥🔥🔥 İNANILMAZ GOL!

GOL | Gençlerbirliği 0-2 Beşiktaş

⚽️ 67′ Orkun Kökçü pic.twitter.com/kegj0iL0Vg

— Anında Goller (@gollerizletv) March 15, 2026

Në programe të ndryshme televizive, ky u cilësua si një nga golat më të bukur të sezonit dhe lëvdatat për futbollistin e Beshiktashit nuk kishin fund.

Pikërisht kjo ka acaruar në kulm tifozët e Trabzonspor të cilët kanë pushtuar rrjetet sociale, duke e cilësuar standard të dyfishtë nga mediat kryesore në vend.

Ata kanë kujtuar se disa javë më parë, Ernest Muçi, kishte shënuar një gol të tillë për ekipin e tyre ndaj Koniaspor, nga një kënd edhe më i vështirë se ai i Kokçy, por nuk ishte vlerësuar në të njëjtën mënyrë. Përkundrazi, kishte kaluar si normalitet.

🔥Trabzonspor’da Ernest Muçi’nin Konyaspor ağlarına serbest vuruştan gönderdiği gol pic.twitter.com/tuMfSZUQrx

— Ofsayt Analiz (@ofsaytanaliz) March 15, 2026

“Kur një gol i tillë vjen nga një skuadër e Stambollit, flitni për të për ditë me radhë, por kur një gol i ngjashëm vjen nga Trabzonspori, nuk jua ndjen të flisni. Historia e Trabzonsporit ka qenë gjithmonë për të dalë kundër këtyre standardeve të dyfishta dhe ne nuk do ta harrojmë këtë qasje tuajën”, shkruante një tifoz i Trabzonsporit në rrjetet sociale, mes komenteve të shumta për këtë çështje.

The post VIDEO/ Tifozët e Trabzonsporit janë të inatosur për trajtimin që po i bëhet Muçit në Turqi: Këtë nuk do ta harrojmë… appeared first on Albeu.com.

I huazuar nga Beshiktash me opsion blerjeje, mesfushori shqiptar jo vetëm që ka rigjetur formën optimale, por ka hapur edhe një kapitull të ri negociatash mes dy klubeve.

LOJTARI I MUAJIT

Paraqitjet dhe golat e shënuar nga Muçi, kanë sjellë edhe vlerësime dhe ka qenë media prestigjioze turke “HT Spor”, e cila e ka shpallur Ernest Muçi si lojtarin më të mirë të muajit, përforcon edhe më shumë peshën e ndikimit të tij te Trabzonspor. Ky çmim vjen pas formës së shkëlqyer që mesfushori shqiptar po kalon, duke u shndërruar në një nga figurat më të rëndësishme të kampionatit. Përzgjedhja nga një prej platformave më të ndjekura sportive në Turqi jo vetëm që rrit profilin e tij në tregun vendas, por e vendos Muçin në qendër të vëmendjes, në një moment kyç të sezonit.

LOJTARI MË PRODUKTIV NË SKUADËR- 24-vjeçari ka arritur kontributin më të lartë në gol në karrierën e tij, duke regjistruar 13 gola dhe 4 asistime në të gjitha kompeticionet. Me këtë shifër, ai barazoi rekordin e mesfushorit grek Anastasios Bakasetas prej 13 golash në një sezon (2022-23), duke u bërë mesfushori i parë i Trabzonsporit që prek këtë kuotë në vitet e fundit. Në kampionat, Muçi ka realizuar 10 gola në Super Lig, duke shënuar dy herë ndaj Bashakshehir dhe Gooztepe, si dhe nga një gol kundër Koniaspor, Beshiktash, Gençlerbirlixhi, Kocaelispor, Samsunspor dhe Fenerbahçe. Në Kupë, ai shtoi edhe 3 gola të tjerë, duke treguar vazhdimësi në të dy kompeticionet.

Përtej golave, Muçi ka dhënë edhe 4 asistime, duke e çuar totalin e kontributit direkt në 17 gola. Veçanërisht domethënëse është efikasiteti i tij nga distanca: tre prej golave kanë ardhur nga jashtë zone, ndërsa goli i vetëm i skuadrës nga goditja e dënimit këtë sezon mban firmën e tij. Me 1164 minuta në 18 paraqitje kampionati ku 13 sfida i ka nisur si titullar, Muçi është shndërruar në motorin kreativ të mesfushës.

MERKATOJA- Forma e tij aktuale përbën një ndryshim të madh krahasuar me periudhën e vështirë te Beshiktashi. Në 10 ndeshjet e fundit të kampionatit, Muçi ka realizuar 10 gola dhe 2 asistime, një statistikë kjo që e vendos mes lojtarëve më vendimtarë të fazës së dytë të sezonit. Ky shpërthim ka ndryshuar edhe dinamikën mes dy klubeve. Trabzonspor pagoi 1 milion euro për huazimin sezonal, ndërsa opsioni i blerjes është i fiksuar në 8.5 milionë euro. Drejtuesit e klubit nga Trabzoni raportohet se po shqyrtojnë mundësinë e rinegocimit të kësaj shume, duke argumentuar se marrëveshja fillestare është arritur në rrethana të ndryshme sportive. Nga ana tjetër, Beshiktashi nuk duket i gatshëm të bëjë lëshime.

Kontrata e Muçit me klubin e Stambollit është e vlefshme deri më 30 qershor 2027, çka i jep atyre një pozicion të fortë negociues. Duke marrë parasysh rritjen e vlerës së tij në treg dhe moshën relativisht të re, klubi bardhezi e konsideron çmimin aktual të arsyeshëm. Megjithatë, një tjetër frikë që ka Beshiktashi, është fakti se në janarin e ardhshëm ai hyn në 6 muajt e fundit të kontratës dhe mund të nënshkruajë parakontratë me klube të tjera, çka do të ishte një goditje e madhe financiare, duke ditur se janë paguar 10 milionë euro.

KLASIFIKIMI- Pas sulmuesit Paul Onuachu, i cili kryeson listën e golashënuesve të ekipit me 17 gola, Muçi është shndërruar në realizuesin e dytë më të mirë të Trabzonsporit. Forma e tij aktuale nuk është më thjesht një seri e mirë ndeshjesh, por një sinjal i qartë i maturimit sportiv. Vendimi që do të merret në verë për të ardhmen e tij do të ndikojë jo vetëm në trajektoren personale të futbollistit shqiptar, por edhe në projektin e Trabzonsporit.

Aktualisht, të gjitha treguesit flasin për një lojtar që ka hyrë në fazën më produktive të karrierës së tij dhe që ka rikthyer emrin e tij në qendër të vëmendjes së futbollit turk. Nëse Trabzonspori blen kartonin e Muçit, nuk mbetet e sigurt pjesa nëse Muçi do të kontribuojë për ta edhe sezonin e ardhshëm apo do të largohet menjëherë për t’u shitur në ndonjë skuadër tjetër.

The post Kryefjalë në Turqi/ Ernest Muçi zgjidhet lojtari i muajit, 24-vjeçari thyen rekordin e grekut appeared first on Albeu.com.

Protagonisti absolut i javës ishte Arlind Ajeti. Qendërmbrojtësi i Kombëtares, realizoi dy gola në fitoren e thellë 0-5 të Adana Demirspor ndaj Bodrumspor, duke shënuar dy golat e parë të takimit dhe duke udhëhequr ekipin drejt një suksesi bindës.

Një paraqitje shumë e mirë për mbrojtësin kuqezi, i cili u shfaq vendimtar edhe në fazën ofensive.

Paraqitje të shkëlqyer zhvilloi edhe Taulant Seferi në të njëjtën sfidë. Sulmuesi shqiptar shënoi golin e pestë të takimit dhe dhuroi asist për golin e katërt, duke mbyllur një ndeshje perfekte.

Ky ishte goli i 13-të sezonal në kampionat për Seferin, i cili vijon të konfirmohet si një nga lojtarët më vendimtarë të skuadrës së tij.

Në Turqi spikati gjithashtu Ernest Muçi. Sulmuesi kuqezi realizoi një gol dhe dha një asist në fitoren 3-0 të Trabzonspor në transfertë ndaj Samsunspor, duke qenë një nga lojtarët më të mirë në fushë dhe duke dhënë kontribut të rëndësishëm për skuadrën e tij. Ky ishte goli i 9-të sezonal në kampionat për Ernest Muçin.

Në Itali, Cristian Shpendi ishte protagonist me Cesenan. Sulmuesi shqiptar asistoi për golin e parë në fitoren 2-0 ndaj Pescarës, ndërsa në fund të takimit pati mundësinë të shënonte edhe nga pika e bardhë, por nuk ia doli, pasi gjuajtja e tij u prit nga portieri kundërshtar.

Titullarë me klubet e tyre këtë javë ishin gjithashtu Thomas Strakosha, Mario Mitaj, Berat Gjimshiti, Qazim Laçi, Ylber Ramadani, Juljan Shehu, Arbër Hoxha, Jasir Asani, Rey Manaj dhe Anis Mehmeti, të cilët vijojnë të japin kontribut të rëndësishëm me klubet e tyre.

The post Paraqitjet e legjionarëve/ Ajeti protagonist me dy gola, Seferi dhe Muçi vendimtarë appeared first on Albeu.com.

Përpara ndeshjes së kësaj jave, futbollisti i Kombëtares kuqezi u nderua sërish me çmimin e golit më të bukur të muajit dhjetor.

Bëhet fjalë për javën e 15-të të Superligës turke, kur Ernest Muçi shënoi një dopiedë në ndeshjen e Trabzonsporit përballë Goztepe (2-1).

Përpara fillimit të ndeshjes me ekipit të Trabzonsporit dhe Kasimpasha, antari i komitetit të Federatës Turke të Futbollit, Coşkun Öztürk, i dorëzoi trofeun futbollistit të kombëtares shqiptare…

The post Ernest Muçi, mjeshtri i golave spektakolarë, fiton çmimin e golit më të bukur të dhjetorit appeared first on Albeu.com.

Rashica po ashtu është përfolur për një kalim te Trabzonspori. Futbollisti i Beshiktashit nuk ka pasur periudhën më të mirë të mundshme, për këtë mundësia e lëvizjes është konkrete.

Çështja e Muçit po ashtu mbetet në ajër. Ish-lojtari i Tiranës do i kushtojë Trabzonsporit disa miliona, nëse kërkon që t’i zotërojë kartonin.

Muçi dhe Rashica luajtën bashkë te Beshiktashi në edicionin e kaluar. E ardhmja e tyre mbetet për t’u vendosur.

The post Ndizet merkato në Turqi, Ernest Muçi trazon përsëri rrjetin me veprimin e fundit appeared first on Albeu.com.