Gjykata Themelore në Mitrovicë ka vendosur t’ia vazhdojë edhe për dy muaj paraburgimin V.M.-së, ish-pjesëtarit të Ministrisë së Punëve të Brendshme të Serbisë, i cili po hetohet për përfshirje në rrëmbimin dhe plagosjen e Milan Vukashinoviqit.

Vendimi për vazhdimin e masës është marrë më 13 gusht 2026 dhe më pas është vërtetuar edhe nga Gjykata e Apelit. Sipas zëdhënëses së Gjykatës Themelore në Mitrovicë, Hateme Haxhaj, paraburgimi i të pandehurit është zgjatur deri më 16.10.2026.

“Të pandehurit V.M. i është vazhduar masa e paraburgimit deri më 16.10.2026”, ka thënë Haxhaj për media.

Gjatë seancës së shqyrtimit fillestar, të zhvilluar më 31 gusht 2026, V.M. i ka mohuar akuzat dhe është deklaruar i pafajshëm. Pas përfundimit të kësaj seance, procedura penale ka hyrë në fazën e kundërshtimit të provave.

V.M. është duke qëndruar në paraburgim prej arrestimit të tij në dhjetor të vitit 2025, kur nisi hetimi për rastin e Milan Vukashinoviqit, shtetas i Kosovës me nacionalitet serb.

Dyshimet e ngritura nga hetimet lidhen me ngjarjen e 1 nëntorit 2025, kur Vukashinoviq dyshohet se u plagos dhe më pas u rrëmbye pranë Leposaviqit nga pjesëtarë të xhandarmërisë serbe.

Arrestimi i V.M.-së në Leshak, më 20 dhjetor 2025, ishte bërë publik nga ministri i Punëve të Brendshme, Xhelal Sveçla. Operacioni ishte kryer bashkërisht nga Policia e Kosovës dhe Agjencia e Kosovës për Inteligjencë.

Sveçla kishte deklaruar se V.M. kishte shërbyer në Policinë e Kosovës pas integrimit të saj në kuadër të marrëveshjes së vitit 2013, por më vonë ishte larguar nga detyra me dorëheqje. Sipas tij, kishte dyshime se V.M. bashkëpunonte me strukturat e sigurisë së Serbisë dhe se ishte i përfshirë në rastin e Vukashinoviqit.

Me urdhër të Gjykatës për kontroll, Policia e Kosovës kishte kontrolluar banesën e V.M.-së dhe objektet përcjellëse. Si rezultat i bastisjes, ishin marrë nëntë telefona celularë, një laptop, tri dokumente, një pushkë gjuetie me 39 fishekë, një jelek për fishekë të armës së gjuetisë dhe një tytë arme.

The post V.M. deklarohet i pafajshëm për rastin e Vukashinoviqit, paraburgimi i zgjatet deri më 16 tetor appeared first on Albeu.com.

Ministria e Punëve të Brendshme, e drejtuar nga ministri në detyrë Xhelal Sveçla, ka përmbyllur ditë më parë procedurën e radhës së prokurimit me nënshkrimin e një kontrate.

Përmes kësaj procedure të hapur, dikasteri është furnizuar me patentë shoferë ndërkombëtarë.

Vlera e kontratës arrin në 14 mijë e 985 euro, ndërsa furnizuesi i përzgjedhur është operatori ekonomik “Ndërmarrja Tregtare Grafike Blendi O.P.”.

Kompania është shpallur fituese pas zhvillimit të procedurës së tenderimit.

MPB ka bërë të ditur se oferta e këtij operatori është vlerësuar si e përgjegjshme dhe me çmimin më të ulët. Shuma e kontratës është e njëjtë me vlerën e planifikuar nga autoriteti kontraktues.

Furnizimi do të financohet nga Buxheti i Konsoliduar i Kosovës, ndërsa shpenzimi i përgjithshëm për të do të jetë 14,985 euro.

The post MPB lidh kontratë prej 14 mijë e 985 eurosh për patentë shoferë ndërkombëtarë (Dokument) appeared first on Albeu.com.

Ministria e Punëve të Brendshme ka informuar qytetarët se, duke nisur nga e hëna, 17 gusht, zyra ku pranohen vendimet për fitimin, rifitimin dhe humbjen e shtetësisë me lirim do të zhvendoset në një adresë tjetër.

Lokacioni i ri i kësaj zyre do të jetë në katin e parë të objektit të Agjencisë për Regjistrim Civil, në rrugën “Luan Haradinaj” në Prishtinë.

Në njoftimin e MPB-së sqarohet se zhvendosja është realizuar për ta ndarë zyrën nga objekti i Divizionit për të Huaj dhe për t’u siguruar qytetarëve ambiente më të përshtatshme.

Për të rritur efikasitetin e shërbimeve dhe për të shkurtuar radhët e pritjes, ministria ka angazhuar gjithashtu staf shtesë mbështetës.

MPB-ja u ka kërkuar qytetarëve që për shërbimet përkatëse të përdorin edhe aplikimin online, i cili ofrohet përmes platformës E-Kosova.

The post Nga 17 gushti, dokumentet e shtetësisë tërhiqen në lokacion të ri appeared first on Albeu.com.

Në pikëkalimin kufitar të Jarinjës, të enjten në mbrëmje, është ndaluar një pjesëtar i Ministrisë së Punëve të Brendshme të Serbisë (MUP).

Rasti është konfirmuar nga Policia e Kosovës, e cila njoftoi se personi është nga Kosova dhe është marrë në pyetje. Policia sqaroi se intervistimi i tij nuk do të thotë domosdoshmërisht se ai do të dërgohet në mbajtje.

Ndërkaq, një dokument i Ministrisë së Punëve të Brendshme, të cilin e posedon transmetuesi publik, tregon se më 6 gusht 2026 është nxjerrë vendimi për t’ia hequr shtetësinë e Republikës së Kosovës Vido Gjuriqiqit, të lindur më 11 shkurt 1973 në Mitrovicë.

Në vendimin e MPB-së thuhet se Gjuriqiq ka pasur njëkohësisht shtetësinë e Kosovës dhe atë të Republikës së Serbisë.

Si arsyetim për këtë masë, dokumenti thekson se Gjuriqiq “është anëtar i forcave policore të një shteti tjetër”, pa e pasur pëlqimin e institucionit kompetent.

MPB-ja vlerëson se një veprim i këtillë ndërlidhet me aktivitete që cenojnë sigurinë kombëtare të Republikës së Kosovës.

The post Pjesëtari i MUP-it serb ndalohet në Jarinjë, MPB-ja ia heq shtetësinë e Kosovës appeared first on Albeu.com.

Në fjalën e tij hyrëse, Sekretari i Përgjithshëm i MPB-së, Genc Metaj, tha se kjo ditë shënon një moment të rëndësishëm për reflektim lidhur me sfidat që droga dhe trafikimi i paligjshëm i saj vazhdojnë të paraqesin për sigurinë publike, shëndetin e qytetarëve dhe mirëqenien e shoqërisë sonë.

Sipas tij, pasojat e këtij fenomeni prekin familjet, të rinjtë dhe komunitetet tona, ndaj kërkohet një reagim i koordinuar, gjithëpërfshirës dhe afatgjatë nga të gjitha institucionet dhe akterët relevantë.

Metaj theksoi se Republika e Kosovës tashmë ka vendosur themelet e një qasjeje të qartë dhe të strukturuar përmes Strategjisë Shtetërore Kundër Drogave 2024–2028. Ai tha se ky dokument strategjik dëshmon angazhimin e institucioneve të Republikës së Kosovës për ta trajtuar në mënyrë efektive fenomenin e drogës dhe për të krijuar një mjedis më të sigurt dhe më të shëndetshëm për të gjithë qytetarët.

“Vizioni ynë është i qartë: të reduktojmë praninë dhe përdorimin e drogës, të minimizojmë pasojat e saj sociale, shëndetësore dhe të sigurisë, si dhe të forcojmë rezistencën e shoqërisë ndaj këtij fenomeni”, theksoi Metaj.

Ai nënvizoi gjithashtu se Ministria e Punëve të Brendshme mbetet e përkushtuar në koordinimin dhe mbështetjen e zbatimit të këtyre politikave. Megjithatë, sipas tij, lufta kundër drogës nuk është vetëm përgjegjësi e institucioneve, pasi ajo nis në familje, vijon në shkollë dhe përforcohet në komunitet.

“Vetëm përmes angazhimit të përbashkët të institucioneve, shoqërisë civile, sistemit arsimor, sektorit shëndetësor dhe vetë qytetarëve mund të ndërtojmë një shoqëri më të sigurt dhe më rezistente ndaj këtij fenomeni”, tha Metaj.

Në përmbyllje të fjalës së tij, Metaj u shpreh se kjo ditë duhet të shërbejë për të riafirmuar përkushtimin e përbashkët në mbrojtje të shëndetit, sigurisë dhe mirëqenies së qytetarëve tanë. Ai shtoi se, duke vepruar së bashku me përgjegjësi dhe profesionalizëm, mund të krijohen më shumë mundësi për të rinjtë tanë dhe një e ardhme më e sigurt, më e shëndetshme dhe larg ndikimit të drogës.

Ministria e Punëve të Brendshme mbetet një nga akterët kryesorë në hartimin e orientimeve dhe të qasjes strategjike për luftimin e këtij fenomeni. Gjatë gjithë këtij muaji do të zhvillohen aktivitete vetëdijesuese me synimin për uljen e numrit të përdoruesve të drogave.

The post MPB riafirmon angazhimin për uljen e pranisë dhe përdorimit të drogës në Kosovë appeared first on Albeu.com.

Nga MPB kanë thënë se të dyja palët janë pajtuar që Kosova ka plotësuar të gjitha kriteret nga udhërrëfyesi për viza dhe se Kosova ka shënuar progres në vazhdimësi në fushat përkatëse si riatdhesimi, siguria e dokumenteve, rendi publik e luftimi i krimit të organizuar e korrupsioni si dhe të drejtat fundamentale njerëzore.

“Të dyja palët u pajtuan që Kosova ka plotësuar të gjitha kriteret nga udhërrëfyesi për viza dhe ka shënuar progres në vazhdimësi në fushat përkatëse si riatdhesimi, siguria e dokumenteve, rendi publik e luftimi i krimit të organizuar e korrupsioni si dhe të drejtat fundamentale njerëzore”, thuhet në komunikatë.

Nga kjo Ministri kanë deklaruar se kanë kërkuar përmbylljen sa më të shpejt të këtij procesi.

Franca është jashtëzakonisht e kënaqur me bashkëpunimin dhe shkëmbimin e informatave në fushën policore e të migracionit. Ky proces tashmë ka hyrë në fazën finale dhe po diskutohet në formatin e Grupit për Viza të Këshillit të BE-së. Si Republikë e Kosovës kërkuam përmbylljen sa më shpejtë të procesit të liberalizimit të vizave meqë qytetarët tanë e meritojnë”, thuhet në komunikatë./Express

Komunikata e plotë:

Ministri Sveçla priti në takim një delegacion nga Franca i përbërë nga disa zyrtarë të Ministrisë së Brendshme dhe Ministrisë së Jashtme dhe Evropës.

Ky takim u realizua me rastin e takimeve e shkëmbimeve të rregullta në kuadër të marrëveshjeve bilaterale me shtetin e Francës. Këtë radhë delegacioni nga Franca ishte i përbërë nga zyrtarë të lartë nga Ministria e Jashtme dhe Evropë dhe Ministria e Brendshme, me ç ‘rast janë zhvilluar takime teknike punuese me ministritë tona përkatëse në fushën e bashkëpunimit policor, luftën kundër krimit të organizuar e terrorizmit, menaxhimit të migrimit, azilit, liberalizimin e vizave, frankofoninë dhe marrëdhëniet bilaterale.

Përveç bashkëpunimit me Republikën e Francës në fushën e sigurisë, përgjatë këtij takimi, ministri Sveçla dhe ekipet teknike të Ministrisë së Punëve të Brendshme dhe Punëve të Jashtme të Republikës së Kosovës prezantuan të arriturat tona në luftimin e krimit dhe korrupsionit, luftimin e kontrabandës me migrantë, si dhe për bashkëpunimin me Francën në fushën e ripranimit dhe riatdhesimit.

Të dyja palët u pajtuan që Kosova ka plotësuar të gjitha kriteret nga udhërrëfyesi për viza dhe ka shënuar progres në vazhdimësi në fushat përkatëse si riatdhesimi, siguria e dokumenteve, rendi publik e luftimi i krimit të organizuar e korrupsioni si dhe të drejtat fundamentale njerëzore.

Franca është jashtëzakonisht e kënaqur me bashkëpunimin dhe shkëmbimin e informatave në fushën policore e të migracionit. Ky proces tashmë ka hyrë në fazën finale dhe po diskutohet në formatin e Grupit për Viza të Këshillit të BE-së. Si Republikë e Kosovës kërkuam përmbylljen sa më shpejtë të procesit të liberalizimit të vizave meqë qytetarët tanë e meritojnë./express

The post Delegacioni francez në Kosovë, MPB: Të dyja palët u pajtuan se janë plotësuar kushtet për vizat appeared first on Albeu.com.

“Njoftojmë opinionin se MPB-ja I bëri të gjitha kontrollet e domosdoshme dhe konstatoi se denoncimi për sulm është I rrejshëm. Po merren masa për vërtetimin e denoncimit dhe masa përkatëse dhe sanksione kundër personit për denoncim të rrejshëm. I falënderojmë qytetarët për durimin dhe mediave për qasjen profesionale ndaj situatës”, thuhet në komunikatën e MPB-së.

The post MPB: Denoncimi për bombë, i rremë appeared first on Albeu.com.