Sipas njoftimit të MPB-së, dje rreth orës 13:00 në polici është evidentuar një denoncim nga institucioni publik shëndetësor në Kriva Pallankë për një person të vdekur në vendin e quajtur “Poljana”, në fshatin Ogut të Kriva Pallankës.

Pas veprimeve të ndërmarra, është konstatuar se viktima është S.J., 52 vjeç, banor i Kriva Pallankës dhe punonjës i “EVN”, i cili ka vdekur gjatë ushtrimit të detyrave të tij të punës.

Mjeku ka konstatuar vdekjen, ndërsa me urdhër të prokurorit publik, trupi i pajetë është dorëzuar në Departamentin e Mjekësisë Ligjore për autopsi.

Në vendin ku ndodhi ngjarja është kryer edhe këqyrje nga një ekip policor i DPB Kriva Pallanka, thuhet në njoftim./Telegrafi/

The post Punonjësi 52-vjeçar nga Kriva Pallanka ndërron jetë në vendin e punës, trupi dërgohet për autopsi appeared first on Albeu.com.

Sipas njoftimit, më 16.06.2026, rreth orës 17:00, në hyrje të shtetit në Pikën Kufitare Bllacë, zyrtarët policorë i hoqën lirinë A.R. (45) nga Kosova, pasi gjatë kontrollit të pasaportës dhe verifikimeve në evidencat operative u konstatua se ndaj tij ishte lëshuar masa „Arresto“ me kërkesë të Sektorit për Bashkëpunim Ndërkombëtar Policor – Interpol.

Siç njoftojnë nga MPB, ai më pas u është dorëzuar nëpunësve policorë të Njësisë Policore “Mirkovc” për procedim të mëtejshëm.

The post Arrestohet në Bllacë një 45-vjeçar nga Kosova, ishte në kërkim nga Interpoli appeared first on Albeu.com.

Të ndaluarit janë E.R. (21), A.J. (37), M.N. (29), M.R. (23), R.S. (44) dhe I.O. (24), të gjithë nga Shkupi; A.B. (19) nga fshati Sopishtë në rrethinën e Shkupit; A.B. (43), R.Sh. (48) dhe A.N. (42), të gjithë nga fshati Katllanovë në rrethinën e Shkupit; si dhe K.A. (41) nga fshati Çellopek në rrethinën e Tetovës.

Sipas MPB-së, gjatë kontrolleve te këta persona janë gjetur dhe konfiskuar substancë pluhurore e bardhë, një substancë e ngurtë e bardhë, si edhe marihuanë.

Nga MPB bëjnë të ditur se, pas dokumentimit të plotë të rasteve, ndaj tyre do të paraqiten parashtresat përkatëse.

The post 11 persona ndalohen në Shkup pasi u kapën me drogë appeared first on Albeu.com.

Nga MPB bëjnë të ditur se pesë persona janë ndaluar në Tetovë, prej tyre dy të mitur, tre në Shkup, dy në Prilep ku njëri ishte i mitur, si dhe nga një person në Dellçevë, Shtip, Gjevgjeli, Zajas dhe Demir Hisar. Po ashtu, njëri nga të miturit në Tetovë dhe edhe një shofer tjetër më herët kishin qenë pjesë e aksidenteve rrugore. Pas përfundimit të dokumentimit të plotë të rasteve, ndaj tyre do të ngrihen kallëzimet penale përkatëse.

Autoritetet u kanë bërë thirrje të gjithë pjesëmarrësve në komunikacion që të zbatojnë rregullat e trafikut, të mos ulen në timon pa kaluar provimin për patentë shoferi, të mos drejtojnë automjetin nëse u është vendosur masë ndalimi për drejtim, apo kur janë nën ndikimin e alkoolit, me qëllim që të kontribuohet së bashku për rrugë më të sigurta.

The post 15 drejtues mjetesh ndalohen brenda 24 orëve, qarkullonin pa patentë appeared first on Albeu.com.