KF Elbasani ka zyrtarizuar një transferim të bujshëm gjatë këtij afati kalimtar, duke afruar në skuadër mbrojtësin e djathtë senegalez Moussa Wague.

Wague iu bashkua Barcelonës në vitin 2018, pasi kishte spikatur me paraqitjet e tij për kombëtaren e Senegalit. Gjatë periudhës te klubi katalanas, ai ndau dhomën e zhveshjes me emra të mëdhenj të futbollit, mes të cilëve edhe Lionel Messi, ndërsa luajti me fanellën e Barcelonës edhe në Ligën e Kampionëve.

Në prezantimin e afrimit më të ri, klubi elbasanas vuri në dukje përvojën e gjerë ndërkombëtare të mbrojtësit. Eksperienca e tij e fundit ishte në Superligën greke me Panserraikosin, ndërsa më herët kishte debutuar me Barcelonën në La Liga dhe në Ligën e Kampionëve, përpara se të kalonte në Ligue 1 te OGC Nice.

Karriera e senegalezit përfshin gjithashtu përvoja në elitën e futbollit grek me PAOK, në Kroaci me HNK Gorica dhe në Qipro me Anorthosis Famagusta.

Sipas njoftimit të KF Elbasanit, Moussa Wague ka regjistruar 21 paraqitje me përfaqësuesen e Senegalit dhe ka shënuar edhe në Kupën e Botës 2018. Tashmë, pas aventurave në disa kampionate evropiane, ai do ta vazhdojë karrierën si pjesë e skuadrës shqiptare.

The post Moussa Wague zbarkon në Elbasan, ish-mbrojtësi i Barcelonës që luajti me Messin në Ligën e Kampionëve appeared first on Albeu.com.

Elbasani ka zyrtarizuar Moussa Wague si përforcimin më të ri të skuadrës. Nënkampionët e Superiores njoftuan nëpërmjet rrjeteve sociale prezantimin e mbrojtësit të djathtë.

27-vjeçari u bë i njohur në fazat e para të karrierës në kampionatin spanjoll, ku veshi fanellën e Barcelonës dhe regjistroi pjesëmarrje edhe në Champions League. Më pas, ai u aktivizua në Greqi me PAOK-un dhe Panserraikos, ndërsa ka luajtur gjithashtu për HNK Goricën në Kroaci dhe Anorthosis Famagusta në Qipro.

Wague ka zhvilluar edhe 21 ndeshje me kombëtaren e Senegalit. Me afrimin e tij, trajneri Ivan Gvozdenovic siguron një tjetër përforcim të rëndësishëm për repartin e mbrojtjes.

The post Elbasani sjell nga Greqia në Superiore mbrojtësin që ka luajtur me Barcelonën appeared first on Albeu.com.