Kumbulla e nisi fazën përgatitore mes zërave të merkatos, që e shihnin atë larg Romës e një kandidat potencial për t’u larguar nga verdhekuqtë në marrëveshje të ndryshme për të përforcuar reparte të tjera.

Por ndeshje pas ndeshje, ai ka ditur të fitojë vlerësime falë lojës së tij dhe Zhoze Murinjo duket se ka ndryshuar mendje për mbrojtësin e përfaqësueses shqiptare.

Tekniku në ndeshjet e fundit e ka rreshtuar Kumbullën si titullar dhe ashtu ka ndodhur edhe në sfidën e sotme ndaj Debreçenit, duke dhënë sinjale të qarta se ka më shumë besim te futbollisti shqiptar dhe ky i fundit po luan si duhet kartat e tij për të qenë pjesë e formacionit bazë në sezonin e ri nën drejtimin e Murinjos.

The post A do i besojë Mourinho Kumbullës? appeared first on Albeu.com.