Në promon e radhës të emisionit “Ëndërrtjerrësit”, ka zbuluar se Luana dhe Marina Vjollca janë rikthyer edhe njëherë në ekranin e Top Channel.

Dy motrat Vjollca ishin ulur pranë bashkëpunëtorëve që i kanë shoqëruar ndër vite, nga “Pa limit”, “Procesi sportiv”.

Në promo Luana dhe Marina kanë treguar me nostalgji si ishin fillimet e tyre dhe se nga çfarë janë privuar për shkak të punës.

“Episodi i 9-të i “Ëndërrtjerrësit”. Të ftuarit në këtë takim i lidh;  sporti, loja dhe argëtimi! Motrat Vjollca, pas shumë vitesh, në një intervistë të dyja së bashku, krah bashkëpunëtorëve”- shkruhet në këtë postim.

Marina aktualisht është prezantuese në spektaklin e humorit, në Tv Klan, Klanifornia, ndërsa Luana u shkëput vitin që shkoi nga Top-i dhe ende nuk e dimë ku do ta shohim edhe pse moderatorja ka premtuar së shpejti një projekt.

 

View this post on Instagram

 

A post shared by Top Channel (@topchannelalbania)

The post Marina dhe Luana Vjollca rikthehen në Top Channel (VIDEO) appeared first on Albeu.com.

“Autorizimi i sotëm prezanton trajtimin e parë për COVID- 19 në formën e një pilule që merret nga goja – një hap i madh përpara në luftën kundër kësaj pandemie globale,” tha shkencëtarja e FDA-së, Patrizia Cavazzoni.

Trajtimi i Pfizer, i quajtur Paxlovid, është një kombinim i dy pilulave të marra gjatë pesë ditëve që u demonstrua në një provë klinike me 2200 njerëz se ishte e sigurt dhe zvogëloi rrezikun e shtrimeve në spital dhe vdekjeve tek njerëzit në rrezik me 88 për qind.

Në një lëvizje të pazakontë, FDA nuk mblodhi panelin e saj të zakonshëm të ekspertëve të pavarur për të shqyrtuar në thellësi të dhënat rreth pilulës së Pfizer përpara autorizimit.

Trajtimi i Pfizer ka qenë i autorizuar më parë në Bashkimin Evropian.

Autorizimi vjen ndërsa rastet po rriten në të gjithë Shtetet e Bashkuara të domunuara nga Omicron, varianti më infektiv i koronavirusit i parë deri më sot.

Varianti me shumë mutacion është më i aftë të anashkalojë imunitetin e dhënë nga infeksioni i mëparshëm dhe autoritetet shëndetësore po i bëjnë thirrje publikut që marrin vaksinat përforcuese në mënyrë që të rivendoset një shkallë më e lartë e mbrojtjes.

Ndryshe nga vaksinat, pilula nuk synon proteinën gjithnjë në zhvillim të koronavirusit, të cilën e përdor për të pushtuar qelizat. Në teori, duhet të jetë imun ndaj varianteve dhe Pfizer ka thënë se studimet paraprake e kanë mbështetur këtë hipotezë.

Pritet ende autorizimi për një tjetër pilulë kundër COVID-19, të zhvilluar nga Merck, e cila gjithashtu merret gjatë pesë ditëve dhe është treguar se redukton të njëjtat rezultate (hospitalizimi dhe vdekja) me 30 për qind tek njerëzit me rrezik të lartë.

Ekspertët e pavarur votuan në favor të këtij trajtimi me një diferencë të ngushtë, por shprehën shqetësime rreth sigurisë së tij, si dëmtimi i mundshëm i fetusit dhe dëmtimi i mundshëm i ADN-së.

Të dy trajtimet funksionojnë në mënyra të ndryshme brenda trupit dhe pilula e Pfizer nuk mendohet të ketë të njëjtin nivel shqetësimesh.

Trajtimi i Merck ka marrë dritën jeshile nga Britania dhe Danimarka./REL/

The post Rregullatori shëndetësor në SHBA autorizon pilulën e Pfizer kundër COVID-19 appeared first on Albeu.com.