Në këtë përvjetor të dhimbshëm, Elijona ka ndarë një mesazh prekës për të kujtuar nënën dhe motrën e saj, Lindën, të cilat u ndanë nga jeta më 25 korrik 2021.

Elijona, e cila ishte vetëm 14 vjeçe në momentin e tragjedisë, ka rrëfyer përmes një dedikimi në rrjetet sociale dhimbjen e madhe që vazhdon ta shoqërojë dhe mungesën e pazëvendësueshme të dy personave më të rëndësishëm në jetën e saj.

Sot, në moshën 19-vjeçare, ajo kujton se ka arritur të njëjtën moshë që kishte motra e saj, Linda, kur humbi jetën tragjikisht. Elijona ka theksuar se vetëm tani arrin ta kuptojë më mirë sa e re ishte motra e saj dhe sa shumë ëndrra e plane kishte ende përpara.

“Isha vetëm 14 vjeçe kur ju humba. Sot jam 19 vjeçe… po aq sa ishe ti Linda, kur jeta jote u ndërpre. Sot e kuptoj edhe më shumë sa e re ishe. Ti kishe vetëm 19 vjeçe, me aq shumë ëndrra, plane dhe momente që ende nuk i kishe jetuar”, ka shkruar ajo.

Në mesazhin e saj, Elijona ka treguar se kujtimi i nënës dhe motrës është forca që e ndihmon të vazhdojë përpara.

Ajo është shprehur se çdo arritje dhe çdo përpjekje në jetë ua dedikon atyre, me shpresën se po i bën krenare nga lart.

Në fund të dedikimit, Elijona ka përkujtuar edhe tetë viktimat e tjera të aksidentit tragjik, duke shprehur lutje dhe mbështetje për familjet që humbën të dashurit e tyre në atë ditë të rëndë.

The post ‘Më mungon zëri dhe përqafimi yt’, Elijona kujton nënën dhe motrën në pesëvjetorin e tragjedisë appeared first on Albeu.com.

Në një intervistë të shkurtër me gazetaren Kristi Gongo, Agnes Bollati tregon momentet që përjetoi gjatë kohës kur motra e saj ishte pjesë e shtëpisë më të famshme në Shqipëri.

Pjesë nga intervista:

Kristi Gongo: Selina të ka përmendur shumë në BIG.

Kristi Gongo: Edhe të gjithë pyesin: Kush është motra, kush është motra?

Kristi Gongo: Del për herë të parë?

Agnes Bollati: Po, në televizion.

Kristi Gongo: Si është të jesh motra e fitueses së ‘Big Brother’?

Agnes Bollati: Më mirë se kaq nuk ka ku të shkojë.

Kristi Gongo: Si e ke përjetuar ti gjithë eksperiencën e saj?

Agnes Bollati: Ndjesi shumë e bukur, me ngritje dhe ulje, por ia doli të tregojë veten e saj.

Kristi Gongo: Çfarë të mërziste më shumë kur e shihje? Të merrte malli?

Agnes Bollati: Më merrte shumë malli se nuk isha mësuar të rrija pa të, por më mërziste kur e shihja të mërzitur, kur e shihja që qante, kur e shihja që përballej me sfida që kur ishte me ne nuk përballej.

Kristi Gongo: Kur doli çfarë i the?

Agnes Bollati: Kur doli thjesht e kam përqafuar dhe e kam puthur pa fund, malli nuk më është hequr kurrë.

Kristi Gongo: Sa diferencë keni ju me njëra-tjetrën?

Agnes Bollati: Unë dhe Selini kemi 9 vite diferencë.
Kristi Gongo: Kë do më shumë Selinën apo Onon?

Kristi Gongo: Më shumë më shumë?

Agnes Bollati: Nuk bëj dot diferenca.

The post Çfarë i tha kur doli nga BBV 5? Rrëfehet motra e Selin Bollatit: Kur e shihja të qante… appeared first on Albeu.com.

Pamjet e publikuara nga vetë Besa tregojnë momente nga ceremonia dhe festa e martesës, e cila u zhvillua në një atmosferë elegante dhe intime. Çifti u shfaq duke festuar me të afërmit, ndërsa ceremonia u mbajt larg vëmendjes së mediave.

Megjithatë, ajo që ka tërhequr vëmendjen e ndjekësve ka qenë mungesa e Dafina Zeqirit në fotografitë dhe videot e publikuara nga dita e martesës. Kjo ka nxitur reagime dhe komente të shumta në rrjetet sociale, me shumë ndjekës që kanë pyetur nëse këngëtarja ishte e pranishme në ceremoninë e motrës së saj.

Deri më tani nuk ka pasur asnjë reagim publik nga Dafina lidhur me martesën apo mungesën e saj në pamjet e shpërndara në rrjet.

Besa dhe Carl Johane e bënë publike fejesën e tyre në maj të vitit 2024. Pas afro dy vitesh lidhje të zyrtarizuar, ata kanë vendosur t’i japin fund beqarisë dhe të nisin një kapitull të ri së bashku.

Ndërkohë, bashkëshorti i Besës vazhdon të mbajë një profil të ulët publik, duke qëndruar larg vëmendjes së medias dhe rrjeteve sociale, një zgjedhje që e ka ruajtur edhe pas martesës së tyre.

The post Motra e saj martohet në fshehtësi, Dafina Zeqiri shkakton trazira me veprimin e saj appeared first on Albeu.com.

Artistja ka zgjedhur që këtë moment të rëndësishëm ta mbajë larg syrit të publikut, duke organizuar një ceremoni intime dhe larg vëmendjes mediatike.

Lajmi u bë i ditur nga Prive by Liberta Spahiu duke ndarë disa pamje nga ceremonia e dasmës.

Në krah të saj ishte bashkëshorti, Carl Johane, me të cilin artistja ka ndërtuar historinë e saj të dashurisë po ashtu larg vëmendjes së publikut.

Çifti kishte zyrtarizuar lidhjen me fejesë në maj të vitit 2024, gjersa tani kanë kurorëzuar dashurinë e tyre me martesë.

Publikimi i fotove dhe videove nga ceremonia ka surprizuar fansat, pasi çifti kishte arritur ta mbante këtë hap të rëndësishëm larg mediave dhe thashethemeve.

Besa ndërkaq ka kohë që nuk ndiqet në rrjete sociale me Dafinën, edhe pse ishte e pranishme në dasmën e kësaj të fundit.

Në një intervistë të mëparshme ka theksuar se ka respekt dhe është për të sa herë që ka nevojë

The post FOTO/ Martohet Besa, motra e Dafina Zeqirit appeared first on Albeu.com.

Gjatë intervistës, ajo u ndal edhe te raporti me motrën e saj, këngëtaren Dafina Zeqiri, një marrëdhënie që prej vitesh ka qenë në qendër të vëmendjes së publikut.

Pas pjesëmarrjes së Besës në dasmën e Dafinës, shumë fansa e interpretuan këtë moment si një shenjë të një afrimi apo ribashkimi të shumëpritur mes dy motrave.

Megjithatë, Besa foli me plotë dashuri për raportin e tyre, duke theksuar se respekti vazhdon të jetë për motrën.

“E respektoj dhe e dua motrën time pafund. Nëse nesër marr një telefonatë ku dikush më thotë ‘motrës tënde i duhet një veshkë’, unë jam aty për t’ia dhënë”, është shprehur ajo.

Por ajo që tërhoqi vëmendjen në rrjetet sociale ishte një reagim nga Dafina Zeqiri. Këngëtarja publikoi në Threads një mesazh të fortë, ku shkruhej:

“Një person që ka gjithmonë nevojë për një audiencë, në fund do të fillojë të bëjë performancë në vend që të jetojë të vërtetën.”

Ky postim është interpretuar nga shumë ndjekës si një mesazh thumbues ndaj motrës së saj, megjithëse Dafina nuk përmendi asnjë emër në postim

The post “Një person që ka gjithmonë nevojë për një audiencë!”/ Dafina Zeqiri thumbon motrën pas deklaratës së saj appeared first on Albeu.com.

Xhuana e cila pasi kishte përjetuar dhunën nga Eraldo, mbrëmjen midis datës 9 dhe 10 mars, kishte vendosur t’i jepte fund jetës, duke konsumuar një tabletë fotoksinë, në apartamentin e marrë me qira në Tiranë. Ku e para që e gjeti në grahmat e fundit të jetës ishte pronarja e apartamentit, e cila kishte marrë një telefonatë të shqetësuar nga motra e Xhuanës që jeton në Tiranë, që i kishte bërë me dijeni se nuk po lidhej dot me Xhuanën.

Pronarja e apartamentit e cila pasi vrapoi drejt hyrjes pa të shtrirë aty Xhuanën, në gjendje të rëndë shëndetësore. E reja e cila edhe pse u transportua me urgjencë drejt Spitalit Univeristar ‘Nënë Tereza’, nuk mundi t’i shpëtojë helmimit të fortë që fotoksina kishte shkaktuar në organizmin e saj.

“Në nëntor erdhi në Tiranë, qëndroi te motra ime që jeton në këtu. Pastaj gjeti shtëpi me qira me shoqen e saj, deri në muajin mars. Motra në Tiranë ka marrë në telefon Xhuanën por Xhuana nuk është përgjigjur. Pastaj ka shkuar e zonja e shtëpisë dhe e ka parë në atë gjendje. Kanë marrë ambulancën, mjeku tha që ka ardh me puls shumë të ulët dhe…”, rrëfen Marjana.

Xhuana nuk mundi të thotë asnjë fjalë se përse ajo ndërmori atë veprim. Por ajo la për familjarët e saj një letër që tregonte shumëçka për dhunën që kishte përjetuar. Por njëkohësisht ajo la të kuptohej se ishte dhunuar fizikisht nga Eraldo, para se t’i jepte fund jetës. Dhunë mesa duket e çoi edhe në vendimin fatal për të konsumuar fotoksinë. Ndoshta edhe për faktin që ajo nuk mundi ta pranojë faktin që ai që e dhunoi ishte njeriu të cilin kishte dashuruar në gjithë këto vite.
Dhunë e cila u vërtetua edhe nga ekspertiza mjeko-ligjore, ku sipas Marjanës, motrës së saj, shenjat e dhunës ishin të dukshme në fytyrë dhe në trup, si edhe në xhupin e grisur. Për këtë mendohet që mund të ketë pasur një përleshje midis të dyve.

“Ne e dimë që ka pasur vetëm dhunë psikologjike, presion të tipit ‘ti nuk vlen, nuk do kesh kurrë një jetë të qetë pa mua’. Jo dhunë fizike. Dhunë fizike vetëm atë natë që Xhuana dha jetën.
Ka foto të ekspertizës mjekoligjore, që kemi parë Xhuanën. Te pjesa e fytyrës, e trupit, xhupi i saj i grisur….”, tha motra e Xhuanës.

Por çfarë kishte shkruar Xhuana në letrën e saj të lamtumirës për njerëzit e saj të afërt. Pse ajo u kujdes në këtë letër, t’u bënte atyre me dije se nuk i kishte koritur, apo ndryshe nuk i kishte turpëruar.

A ishte kjo një akuzë të cilën Eraldo ia bënte shpesh në formë presioni psikologjik dhe me anë të kësaj fjalie drejtuar familjarëve të saj, Xhuana u përpoq t’u thoshte që duhet të rrinë të qetë edhe më ikjen e saj. Dhe se çfarëdo justifikimi që të nxjerrë Eraldo dhe familja e tij mbi arsyet e vetëvrasjes së Xhuanës, ato janë të pavërteta.

“Kur e kishte pirë këtë, atë natë kishte shkruar një letër. Aty ne kemi kuptuar që ai e kishte rrahur.
Mam, bab, nuk ju kam koritur. Nuk kam bërë asgjë për ta merituar këtë. Ai më ka rrah saqë nuk e duroj dot më këtë lloj dhune që më ka bërë. Ju dua shumë mos qani. Këto kanë qenë fjalët”, rrëfen motra.

Pra është e qartë edhe nga letra që Xhuana ka lënë, që Eraldo ka ushtruar dhunë fizike mbi të.
Dhunë e cila mesa duket kohët e fundit duhet të jetë bërë sistematike, por që Xhuana me siguri e ka mbajtur brenda vetes së saj.

Por nuk përjashtohet edhe fakti që kjo dhunë të jetë shoqëruar edhe me terror psikologjik nga ana e Eraldos, me qëllim që Xhuana të dilte fajtore për ndarjen e tyre. Në të kundërt nuk ka se si shpjegohet ndryshe që Xhuana kujdeset në letrën e saj për nderin e familjes./Në Shënjestër

The post Motra zbulon detaje nga letra e fundit e Xhuana Nikollit: Donte të kuptonim që nuk kishte asnjë faj appeared first on Albeu.com.

Kështu është shprehur motra e Xhuana Nikollit për të renë që i dha fund jetës duke konsumuar fotoksinë pas dhunës së ushtruar nga ish bashkëshorti i saj Eraldo Fizi.

Por vetëvrasja e Xhuanës në kushtet e tronditjes së fortë psiqike mbart me vete një mister të madh.
Që edhe sot është veshur nga një tis mjegulle. Atë të shumë pikëpyetjeve të rrethanave në të cilat e reja i dha fund jetës.
Xhuana dhe Eraldo të cilët ishin lidhur në martesë më datë 9 Qershor 2025. Njohja e tyre që kishte nisur në bankat e gjimnazit.Xhuana e cila kishte përfunduar studimet në drejtësi, ndërsa Eraldo e kishte mbyllur ciklin e tij të studimeve me ato të gjimnazit. Martesë e cila zgjati vetëm 3 muaj. Që është ende e vështirë për të zbuluar se çfarë çoi në krizën e tyre.

Aq sa në muajin nëntor, Xhuana mori vendimin për të lënë banesën bashkëshortore në Lezhë dhe të zhvendosej fillimisht në Tiranë, te një nga motrat e saj që jetonte në kryeqytet.

Dhe më pas të jetonte në një apartament të marrë me qira, të cilën e ndante me një shoqen e saj.
Shoqe e cila sipas Marjanës, motrës së Xhuanës, ishte e pranishme edhe në spital në momentet e fundit të jetës së saj.

Por që askush nuk di të thotë se cila është dëshmia e saj rreth orëve të fundit të Xhuanës.
Nëse ajo ka qenë apo jo e pranishme gjatë dhunës së Eraldo ka shkaktuar ndaj Xhuanës. Ku ishte ajo mbrëmjen e datës 9 mars, kur Xhuana vendosi t’i japë fund jetës.

Pra shumë pyetje të cilat me përgjigjen e tyre mund të hidhnin sadopak dritë mbi atë që ndodhi me Xhuanën.

Eraldo Fizi i cili është shpallur në kërkim që nga data 10 Mars, në akuzën ‘Dhunë në familje’ dhe ‘Shkaktim i vetëvrasjes’, por që edhe deri në ndërtimin e këtij dokumentari, ai vazhdon të jetë në liri.

“Motra ime dhe mami aty kemi pas kontaktin e fundit me të që ka dhënë deklaratën për ngjarjen e Xhuanës. Tani vetëm ia kemi lënë autoriteteve në dorë që ta marrin në pyetje sërish, si ka ndodh ngjarja, të ballafaqohen mendimet”, tregon motra e Xhuanës.

Por një nga misteret që i mbetet hetimit për të zbuluar është edhe si Xhuana e siguroi fotoksinën. Nëse ajo e ka blerë vetë në një farmaci bujqësore, apo duhet t’i besojmë një skenari më të errët. Që mund të ketë qenë e detyruar ta konsumojë. Ashtu siç nuk duhet nënvlerësuar gjatë hetimit edhe vërtetësia e letrës që ajo ka lënë për familjarët e saj. Po kështu nëse atë mbrëmje që Xhuana është dhunuar nga Eraldo, ky i fundit ka qenë i vetëm në banesë me të, apo aty ka pasur edhe persona të tjerë, që mund të kenë qenë familjarë të tij. Sikurse duhen parë edhe kamerat e sigurisë në ambientin pranë pallatit të marrë me qira nga Xhuana. Lidhur mbi lëvizjet e fundit të Eraldo Fizit apo edhe të personave të tjerë të cilët nund ta kenë shoqëruar si edhe tabulatet e tij telefonike, për të parë qelizat e tij të telefonit dhe zonat ku ai ka lëvizur.

Gjetje të cilat mund të japin një panoramë më të qartë të asaj se çfarë ka ndodhur atë mbrëmje kur Xhuana Nikollaj, vendosi t’i japë fund jetës. Por edhe përpara kësaj date. Por që mund të çonin edhe në një zbardhje më të plotë të ngjarjes.
Ndërkohë që nga aktet e ekspertimit të Mjekësisë Ligjore rezultoi se shkaku i vdekjes ka ardhur si pasojë e konsumimit të fotoksinës, ku gjithashtu janë konstatuar edhe shenja dhune në trupin e saj.

“Ne nuk e dimë ku e ka blerë, kush e ka marrë. Këtë pyetje kam bërë dhe unë dhe e kam shtruar. Një vajzë e re t’i shitet një fotoksinë. Të ketë kaq shumë lehtësi të shitet pas asnjë lloj certifikimi. Sepse duhet të jenë persona të autorizuar që ta blejnë dhe që kanë një biznes të madh sepse përdoret në uzina, në fabrika. Duhet të ketë një licencë ku duhet ta çoj, si duhet ta përdor, jo njerëz të thjeshtë. Kështu shumë vajza mund ta marrin lehtësisht. Po ku është shoqëria jonë, pse lejohet të shitet”, shprehet motra Marjana Kalaj. Rasti i Xhuanës nuk është vetëm një dhimbje e madhe vetëm për familjen e saj, por edhe një kambanë alarmi për shoqërinë.

Shoqëri e cila ka ende nevojë për emancipim. Dhe për të kuptuar që vajzat, nënat, gratë, nuk janë pronë e askujt. Por duhen mbrojtur nga çdo akt dhune, i kujtdo qoftë. Sepse askush nuk meriton të humbasë jetën nga dhuna e bashkëshortit, apo një familjari. Ndërkohë që për familjen e Xhuanës tashmë ato që kanë mbetur janë fotot dhe kujtimet e saj. Me të cilat zgjohen dhe flejnë çdo ditë.

“Kur ishim të katërta bashkë qeshnin me njëra- tjetrën në oborrin e shtëpisë sonë.
Xhuana gjithmonë përveçse motër e kam pas edhe si vajzë. Rrinte me çunin tim, lozte me të. Nuk e kanë ndarë as fëmijët e mi. Nuk di si t’u them dhe fëmijëve të mi, se ku është tezja. Sepse për ne është traumë që nuk e pranojmë, vetë jo, pastaj dhe fëmijët. Vetëm idea kush ia bëri këtë gjë, nuk kemi fjalë. Ne flejmë me fotot e Xhuanës. Prindërit e mi nuk rrinë të qetë nga idea pse ia morën jetën vajzës së saj. Pse ai e dhunoi motrën tonë. Ai mund të rrijë shumë i qetë, mund të jetojë në një vend tjetër jashtë Shqipërisë, mund të kalojnë vitet por prindi e ka mendjen aty, pse ai nuk po paguan për atë çfarë ka bërë”, shprehet motra.

Gjatë rrëfimit të saj Marjana, thotë se Xhuana nuk e njihte dhunën. Pasi në familjen e tyre dhuna ishte një fjalë e huaj. Dhe jo më ta mendonte se ajo mund të ishte vetë pre e dhunës psikologjike dhe fizike. Atë dhunë që e çoi edhe drejt aktit të fundit tragjik, të dhënies fund të jetës. Një humbje të cilën Marjana edhe sot e ka të vështirë ta besoj, se kush është personi që e shkaktoi.

“Në atë moshë që ishte motra ime ajo nuk ishte rritur kurrë në asnjë lloj dhune në familjen tonë. Kemi pasur gjithmonë harmoni, respekt. Prindërit tanë gjithmonë kanë sakrifikuar dhe veten e tyre për ne. Kanë privuar veten që Xhuana dhe të gjitha ne të marrim shkollën. Të kemi një jetë më të mirë. Prindërit, kurrë s’na kanë bërtitur dhe kur e kam parë motrën time në atë gjendje, kam thënë ‘mos çfarë paska bërë”, thotë ajo.

E vetmja lutje që Marjana dhe familja e saj tashmë kanë është ajo drejtuar autoriteteve ligjzbatuese. Lutje që lidhet me arrestimin sa më të shpejtë të Eraldo Fizit, si personi përgjegjës për shkaktimin e vdekjes së njeriut të tyre të afërt. Dhe vendosjen e tij përpara drejtësisë. Si i vetmi ngushëllim që mund të qetësojë sadopak shpirtrat e tyre. Por edhe të vetë Xhuanës, që meriton drejtësi.

“Dhimbje shumë e madhe sa gjithmonë e më shumë mendoj se kjo plagë nuk do shërohet kurrë.
Por do të doja edhe një ndihmë nga institucionet, që Eraldo Fizi të marrë dënimin e merituar…
Uroj me gjithë zemër që drejtësia të fumksionojë për të gjithë femrat, për nënat, për gratë, për gjithë ato vajza që ndihen në vështirësi. Shpresoj të mos shkojnë deri në aktin e fundit, por t’i drejtohen drejtësisë dhe të marrin një zgjidhje dhe të mos pranojnë asnjë lloj dhune”, shprehet Marjana.

Në fund Marjana, motra e Xhuanës i drejtohet edhe me dy fjalë Eraldos, që me siguri do ta shikojë këtë rrëfim të saj nëpërmjet këtij dokumentari. Janë dy fjalë të cilët ajo do tia thoshte edhe në sy nëse do ta kishte përballë. Dhe që ai nëse do të ishte ai burri i denjë që dashuroi motra e saj, duhet të kishte të njëjtën burrëri të mos fshihej, por të dilte përballë dhe të përgjigjej për humbjen e jetës së njeriut me të cilën ndau 7 vite të jetës së tij.

“Pse e dhunove motrën tonë. Pse ia bëre këtë gjë. Ajo nuk e meritonte atë vuajtje, nuk e meritonte atë dhunë barbare. Ajo meritonte të jetonte, të ishte e lumtur. Të kapet sa më shpejt autori dhe të vendoset para drejtësisë. Ne nuk duhet t’i lejmë gjërat në harresë. Ne kemi frikë se rasti i Xhuanës do harrohet. Eraldo kudo që të fshihesh një ditë do dalësh dhe do paguash për atë dhunë fizike. Të ndalohet me çdo kusht që çdo vajzë të ndjejë jetën e saj, jetë e lumtur siç ajo do të donte dhe jo të jetë e privuar nga burri, ish-burri ose një tjetër që nuk e lë të qetë”, shprehet ajo.

The post Motra e Xhuana Nikollit ngre dyshime të forta dhe paralajmëron Eraldo Fizin: Kudo të fshihesh, një ditë do e paguash! appeared first on Albeu.com.

Përmes një postimi në rrjetet sociale, Edisa ka lënë të kuptohet se mes tyre ekzistojnë hatërmbetje të vjetra, duke i bërë publike për herë të parë. Ajo është shprehur me tone ironike dhe provokuese, duke deklaruar se nuk ishte në dijeni të qëndrimeve që, sipas saj, kanë qenë të vazhdueshme nga ana e motrës së Mateos.

“Tani e mora vesh që paska inate të vjetra me mua. Chill baby girl, se unë as nuk e dija që ti i qeke vardisur kaq shumë ish-të fejuarit tim”, shkruan Demollari, duke ndezur menjëherë reagime në rrjet.

Ky postim ka tërhequr vëmendjen e ndjekësve, pasi sjell në fokus një tjetër dimension të marrëdhënieve jashtë shtëpisë së famshme, duke përfshirë edhe persona që nuk kanë qenë pjesë direkte e formatit.

Deri në këto momente, nuk ka një reagim publik nga motra e Mateos lidhur me deklaratat e bëra, ndërsa mbetet për t’u parë nëse kjo situatë do të përshkallëzohet më tej.

Ndërkohë, dinamika mes personazheve të lidhur me “Big Brother VIP Albania 5” vijon të mbetet në qendër të vëmendjes, duke prodhuar vazhdimisht diskutime dhe përplasje edhe jashtë ekranit.

The post “Chill baby girl…”/ Edisa Demollari thumbon motrën e Mateos: “I je vardisur ish-it tim” appeared first on Albeu.com.

Aktori i humorit jo vetëm që e ka lënë pas të shkuarën, por sinjalet e forta tregojnë se ai është sërish i dashuruar dhe tashmë lidhja është bërë familjare.

Kohët e fundit, Besi është shfaqur krejtësisht i “rilindur” dhe me një energji ndryshe në rrjetet sociale.

Ai ka ndarë me ndjekësit disa detaje që nuk lënë vend për dyshime, duke nisur nga një tatuazh i ri ku shkruhet emri “Ejona”, data 25.12.2025 dhe shprehja kuptimplotë “Trëndafil në kohë lufte”.

Gjendjen e tij emocionale e ka përshkruar më së miri edhe përmes një fotoje ku shfaqej i buzëqeshur dhe me sytë që i shkëlqenin, të cilën e shoqëroi me vargun: “Më ktheve vajtimin në valle”.

Por konfirmimi më i fortë ka ardhur mbrëmjen e djeshme nga motra e tij, Ana Kallaku.

The post Motra e Bes Kallakut ndan momentet e ëmbla me ‘kunatën e re’, ja fotoja që po habit rrjetin appeared first on Albeu.com.

Teksa po festonte ditëlindjen e saj të 19-të brenda shtëpisë më të madhe në vend, Elijona u shfaq e vetmuar dhe e emocionuar, duke shpërthyer në lot gjatë rrëfimit të saj.

“Zakonisht për çdo ditëlindje mërzitem, por kur mërzitem e kam të paktën babin ose familjen që ma heqin pak mërzinë. Tani jam krejt vet dhe mosha që do ta mbush po më mundon, sepse motra ime kur i ka pasur 19 vjet ka ndërruar jetë dhe tani unë arrita në moshën e saj. Nuk po më duket fer të jetoj në të… nuk e di”, u shpreh ajo mes lotësh.

The post “Po i mbush 19 vjeç, aq sa ishte motra ime kur vdiq – nuk më duket fer që unë jetoj”, Elijona mes të qarash rrëfehet për ditëlindje në BBVK 4 appeared first on Albeu.com.