Moto GP Archives - Albeu.com

“The last dance”, Valentino Rossi garon sot për herë të fundit (FOTO LAJM)

admin — Sun, 24 Oct 2021 11:50:27 +0000

Epokës së Rossit i erdhi fundi, sot ai do të garojë për herë të fundit në Moto GP.

42-vjeçari do të “parkojë” motorin e tij pas garës së sotme duke u tërhequr nga garat kompetitive.

Shumë shikues do të ndodhen pranë pistës së garës për të përshëndetur e duartrokitur “Doktorin”.

9 herë kampioni i botës ka marrë edhe një dhuratë nga kolegu i tij Luca Marini, një motor të verdhë ku mbi të shkruhej “Grazie Vale”./albeu.com

" />

The post “The last dance”, Valentino Rossi garon sot për herë të fundit (FOTO LAJM) appeared first on Albeu.com.

ZYRTARE: Valentino Rossi pensionohet nga Moto GP

E S — Thu, 05 Aug 2021 15:22:45 +0000

Piloti italian i Moto GP, Valentino Rossi do të pensionohet në fund të vitit pas Grand Prix.

Rossi pati një karrierë të bujshme ku kishte fituar 115 Grand Prixe gjatë 25 viteve të karrierës së tij në Moto GP.

“Unë thashë që do të marr një vendim për vitin e ardhshëm pas pushimit të verës dhe vendosa të pensionohem në fund të sezonit”, tha ai.

“Gjysma e mbetur e sezonit do të jetë e fundit në karrierën time në Moto GP. Është një moment i vështirë sepse nuk është lehtë të thuash se nuk do të garoj më kurrë, por e kam bërë këtë gjë që 30 vjet dhe tani është koha e duhur!”, përfundoi Rossi.

42-vjeçari do të vazhdojë të pilotojë për Petronas Yamaha SRT gjatë pjesës së mbetur të sezonit të MotoGP 2021.

The post ZYRTARE: Valentino Rossi pensionohet nga Moto GP appeared first on Albeu.com.

ZYRTARE/ Miami GP do të jetë pista më e re në Formula 1

E S — Sun, 18 Apr 2021 11:03:25 +0000

Formula 1 sapo ka dhënë lajmin se ka arritur marrëveshje për një pistë të re.

Nga viti 2022, Formula 1 do të nis garën e Miami GP, e cila do të mbahet afër “Hard Rock Stadium”.

Kjo garë e cila do të jetë e para që nga viti 1959 në shtetin amerikan, do të mbahet në një plan urbanistik të ri emocionues në kompleksin “Hard Rock Stadium” në Miami Gardens, shtëpia e klubit të famshëm të NFL Miami Dolphins.

Kontrata është firmosur për 10 vitet e ardhshme dhe gara prestigjoze tani ka vendin edhe në Amerikë. Pista ka 19 kthesa, dhe do jetë e gjatë 5.41 km.

Formula 1 ka bërë të ditur lajin në uebfaqen zyrtare dhe përmes llogarisë në Twitter.

Miami do të jetë vendi i 11-të që Formula 1 ka garuar në Shtetet e Bashkuara që nga fillimi i Kampionatit në 1950, pas Indianapolis, Sebring, Riverside, Watkins Glen, Long Beach, Las Vegas, Detroit, Dallas, Phoenix dhe Circuit of the Americas në Austin.

The post ZYRTARE/ Miami GP do të jetë pista më e re në Formula 1 appeared first on Albeu.com.