motivim Archives - Albeu.com

Tri mënyra për të motivuar veten kur nuk doni të bëni asgjë

K Agaj — Sat, 03 Jun 2023 14:19:48 +0000

Motivimi është përgjegjës pse ne bëjmë ose jo diçka, sa kohë na duhet për ta bërë apo sesa shumë përpiqemi për të arritur diku.

Ndonjëherë, ndodh të mos kemi dëshirë për të bërë asgjë, pra “vuajmë” nga mungesa e motivimit që mund të vijë për arsye nga më të ndryshme dhe kjo është normale pasi motivimi s’është diçka konstante, por s’i ta kthejmë tek vetja kur na duhet më shumë?

1. Bëni një plan

Motivimi përfshin një sërë procesesh si planifikimi, vendosja e një objektivi të caktuar, qëllimi, detyra, të ndërmarrësh veprime, etj. Nëse nuk je i sigurtë në gjërat që duhet të bësh, cili është hapi i parë apo se ç’lloj veprimesh duhet të ndërmarrësh fillimisht, një plan solid do t’ju ndihmonte të arrinit çfarë po përpiqeni të arrini.

2. Luaj me psikologjinë tënde

Mund të përdorni një lloj strategjie që në të shumtën e rasteve funksionon. Thuajini vetes se nëse X gjë ndodh, atëherë ti do të bësh Y. Kjo ju ndihmon të qëndroni më shumë të motivuar në lidhje me një situatë. Përshembull, ju mund të vendosni se meqë s’jeni fare të motivuar për një X detyrë, do të bëni një tjetër detyrë.

3. Përcaktoni qartë detyrat

Sa më të qartë ta keni qëllimin që duhet të përmbushni, aq më e lehtë do të jetë për ju të arrini deri aty. Bëni një listë të gjërave dhe ndajini në mini-deytra që duhet përmbushur ditë pas dite. Mbani shënime dhe bëni “check” gjithçka që arrini. Do të kthehet në lojë interesante

The post Tri mënyra për të motivuar veten kur nuk doni të bëni asgjë appeared first on Albeu.com.

Si ta motivoni veten kur nuk ju shkohet në punë

E S — Tue, 09 Aug 2022 08:56:15 +0000

Si të motivoni veten kur nuk ju shkohet në punë. Duhet ta pranojmë, jo të gjithë zgjohen entuziastë çdo ditë për të shkuar në punë.

Autorja shumë librave bestseller të menaxhimit, Susy Welch, thotë se kur filloi të punonte si eksperte karriere një dekadë më parë u habit “se sa shumë njerëz shkonin të dëshpëruar në punë çdo mëngjes”.

“Nuk mund të them një shifër të saktë, thotë Welch për CNBC Make it, por duhet të jetë më shumë se 20%”.

Arsyet se pse kaq shumë njerëz shkojnë, ditë pas dite, në një punë që e urrejnë, janë zakonisht paratë, fëmijët dhe gjithë gjërat e tjera që i japin kuptim jetës”, thotë ekspertja. Kjo është arsyeja, që kushdo që lufton çdo mëngjes me dëshpërim, duhet të përpiqet të zhvillojë dhe të përsërisë një matra të thjeshtë “që gërmon në thellësi dhe i jep kuptim rrëmujës suaj personale”.

Për shembull, mantra juaj mund të jetë:

“Nuk mund të shkoj aty ku dua, pa qenë këtu më parë”

“Këto janë vite kompromisi, nuk do të zgjasin përgjithnjë”.

Fillimi i ditës me këtë mentalitet mund të ketë ndikim të madh në atë se si do të ndiheni gjatë ditës”

“Një herë kam pasur një mantra, kur isha një mama “single” me katër fëmijë të vegjël dhe punoja 50 orë në javë”, thotë ekspertja.

Mantra e saj ishte: “Qëndro, bëj durim” (Vetëm kështu fëmijët do të mësojnë rëndësinë e punës dhe sakrificës; po e bëj këtë gjë për ne).

Këto fjalë, thotë Welch, më ndihmuan të përballoj shumë mëngjese dhe ditë të vështira, por nuk janë një zgjidhje në afat të gjatë. “Nuk pretendoj që një mantra befas ta bëj jetën të bukur, por është një mekanizëm i efikas, jo një kurë”.

Në disa raste, thotë ajo, “një mantra skadon” dhe nuk është më një instrument i dobishëm për t’u dhënë kuptim rrethanave. Kur kjo ndodh, në të vërtetë është një gjë e mirë, sepse nëse matra juaj ka skaduar, “zilja e zgjimit është një kambanë alarmi”, që mund të tregojë se ka ardhur momenti për një punë të re.

Por deri në atë moment, thotë Welch “Lëreni mantrën tuaj t’ju ndihmojë që të ngriheni nga krevati dhe të arrini suksesin”. Kjo ka fuqinë të ndryshojë gjendjen tuaj shpirtërore dhe ditën që do të vijë”.

The post Si ta motivoni veten kur nuk ju shkohet në punë appeared first on Albeu.com.

Humbja ndaj Realit, Laporta zbret dhe motivon lojtarët: Tani duhet të fillojmë vetëm të fitojmë

E S — Thu, 13 Jan 2022 11:55:00 +0000

Barcelona u mposht ditën e djeshme nga Real Madridi në kuadër të gjysmëfinales se Superkupës së Spanjës me rezultati e ngushtë 3-2, pas 120 minutave lojë.

Përkundër rezultatit, ekipi i drejtuar nga Xavi bëri një performancë të mirë duke mos u dorëzuar në asnjë moment.

Një humbje që la një shije të mirë për drejtuesit e klubit, që shpresojnë se kjo skuadër tanimë po merr formë dhe po lufton në çdo ndeshje.

Pas përfundimit të ndeshjes, në dhomat e zhveshjes së Barcelona ka zbritur presidenti i Laporta ku mbajti një fjalim motivues.

“Faleminderit, sot katalanasit janë krenarë për ekipin e tyre, kjo është rruga dhe jam i sigurt se do ta arrijmë”, tha ndër të tjera Laporta. r.t/albeu.com

The post Humbja ndaj Realit, Laporta zbret dhe motivon lojtarët: Tani duhet të fillojmë vetëm të fitojmë appeared first on Albeu.com.

Si të qëndroni të motivuar në një ditë me shi? Gjëra të vogla që do t’ju ndryshojnë rutinën

A M — Fri, 03 Dec 2021 09:19:01 +0000

Një ditë me shi, e zymtë, të bën të ndihesh pa energji dhe pa motivim! E vetmja gjë që duam të bëjmë është të qëndrojmë në shtrat gjithë ditën, por jo gjithmonë diçka e tillë është e mundur dhe jo gjithmonë është gjëja më e mirë që mund të bëjmë. Prandaj, e keni ju në dorë për të qëndruar i motivuar në këto ditë me shi, duke bërë disa gjëra, si më poshtë.

Ndriçoni hapësirën. Nëse hapësira juaj e punës ose vendi ku qëndroni në shtëpi është i mbushur me dritë natyrale, kur jashtë është kohë e zymtë, ora juaj e brendshme mendon se jeni afër gjumit gjithë ditën. Prandaj kujdesuni të ndriçoni hapësirën me drita.

Ndryshoni atmosferën me kufje. Shiu është relaksues dhe i mrekullueshëm….në kohën e gjumit. Nëse ju duhet të qëndroni të motivuar dhe energjik në një ditë me shi – duhet të harroni plotësisht se po bie shi! Nxirrni kufjet, zgjidhni një listë muzikore optimiste, energjike dhe mos e mbani mendjen te retë e errëta dhe shiu jashtë.

Ushtrohuni gjithsesi. Nëse hapësira juaj e stërvitjes është jashtë; shiu ndikon në rutinën tuaj të përditshme. Për ditët me shi, bëni një rutinë ushtrimesh në shtëpi ose shkoni në palestër, ose edhe thjesht shkoni për një shëtitje në një qendër tregtare. Edhe shumë pak lëvizje luan një rol të madh në ngritjen e humorit gjatë ditëve me shi.

Dilni jashtë pavarësisht nga shiu. Blini disa çizme shiu, sepse nuk janë kurrë të panevojshme. Vishni një kapuç, një xhup të papërshkueshëm nga uji, merrni një çadër dhe vijoni ditën tuaj si normalisht. Shiu nuk ka pse t?ju prishë rutinën.

Zgjidhni ushqime të ngrohta dhe të shëndetshme. Kur bie shi dhe ftohtë është një ide më e mirë që t’i jepni energji trupit tuaj me ushqime të shëndetshme. Do të jeni edhe më të fokusuar.

Ndizni disa qirinj. Aromaterapia me të vërtetë ndikon në nivelin tuaj motivues. Ndizni disa qirinj që ju kujtojnë diellin e verës ose plazhin. Kur ndryshoni mjedisin tuaj të brendshëm – është shumë më e lehtë të harrosh botën e zymtë jashtë.

Ripërcaktoni listën e detyrave. Ditët me shi mund të krijojnë një kohë të mirë për të përmbushur detyrat që kërkojnë pak më pak fokus ose energji! Për të qëndruar produktiv në një ditë me shi, mund t’ju duhet të rishkruani listën tuaj të detyrave.

Pavarësisht nga dita, moti apo temperatura – është e rëndësishme të vazhdoni të lëvizni, të jeni të motivuar dhe të qëndroni pozitivë! Mos lejoni që një ditë të ndikojë në të gjithë javën tuaj!

The post Si të qëndroni të motivuar në një ditë me shi? Gjëra të vogla që do t’ju ndryshojnë rutinën appeared first on Albeu.com.

Man United i “tromaksur” pas humbjes ndaj Liverpool, Ferguson vendos t’i vizitojë në stërvitje

E S — Wed, 27 Oct 2021 09:46:41 +0000

Manchester United nuk është duke kaluar një moment pozitiv, e ajo humbje në shtëpi kundër Liverpoolit i dha një “doditje” të fortë që kërkon jo pak për t’u ringritur. Për të bërë një gjë të tillë sadopak ka menduar ish-trajneri legjendat, Sir Alex Ferguson i cili ka vendosur t’i vizitojë në stërvitje. Skocezi ka komunikuar [...]

“Ashtu siç u bëra dhe unë”, Eriksen motivo vogëlushen që vuan nga problemet në zemër

A M — Wed, 11 Aug 2021 07:42:27 +0000

Futbollisti i njohur, Christian Eriksen, i ka dërguar një videomesazh mjaft emocionues dhe inkurajuas një vajze 9-vjeçare angleze, e cila për pak ditë do i nënshtrohet një operacioni në zemër.

Ashtu si ndodhi dhe me danezin, vogëlushja e quajtur Evie, do të duhet të vendosë në zemër një defibrilator, për të normalizuar rrahjet.

“Përshëndetje Evie, unë jam e Chris. Faleminderit për letrën e bukur, e lexova me një frymë. Shpresoj që të ndihesh mirë e qetë, jam shumë i sigurt që do e kalosh me sukses të gjithën këtë. Nuk është kurrë kënaqësi të jesh në spital, por jam i sigurt që mjekët e dinë ç’po bëjnë dhe do të ndihmojnë.

Jam i sigurt që do i kthehesh shpejt jetës normale, ashtu siç bëra dhe unë. Jam i sigurt, që do të jetë njësoj edhe për ty. Të uroj shërim sa më të shpejtë, me shpresën që të takohemi në të ardhmen”, tha Chris.

Kujtojmë se Eriksen, pësoi arrest kardiak në ndeshjen e Euro 2020 në mes të fushës.

Këtë lloj operacioni e ka kryer dhe vetë ai, që fatmirësisht rezultoi me sukses. Pas ndërhyrjes, Eriksen ju dërgoi një mesazh gjithë njerëzve që e kanë mbështetur ato kohë.

‘Faleminderit për përshëndetjet e shumta, ka qenë e jashtëzakonshme që t’i shikoj dhe t’i ndjej. Operacioni shkoi shumë mirë dhe jam mirë nën këto rrethana. Ishte vërtetë e mrekullueshëm që të takoja sërish shokët e mi pas ndeshjes fantastike që luajtën ditën e djeshme. Nuk ka nevojë të them se do të brohorasë sërish për ta ditën e hënë në ndeshjen kundër Rusisë”.

The post “Ashtu siç u bëra dhe unë”, Eriksen motivo vogëlushen që vuan nga problemet në zemër appeared first on Albeu.com.

5 mënyra për t’u motivuar gjatë një dite të lodhshme pune

A M — Sat, 05 Jun 2021 10:11:08 +0000

Edhe në ato raste kur ne bëjmë një punë të cilën e adhurojmë, ka ditë që ndihemi shumë të lodhur dhe pa asnjë grimcë motivimi. Lajmi i mirë në këtë drejtim është se ekzistojnë shumë mënyra, të cilat ndikojnë që ne të mos e humbim motivimin tonë edhe gjatë ditëve më të ngarkuara. Ja se cilat janë disa prej tyre:

Dita e mirë shihet që në mëngjes

“Dita e mirë shihet që në agim”, është një shprehje shumë e njohur popullore, e cila gjen vërtetësi edhe në rastin tonë. Fillojeni ditën më një mëngjes të mirë, i cili ndikon në mbajtjen e mendjes dhe trupit në formë gjatë vazhdimit të ditës suaj. Nëse ngriheni herët në mëngjes, merruni me aktivitet fizik, bëni vrap dhe nëse nuk keni mundësi atëherë bëni disa ushtrime të thjeshta.

Dëgjoni disa prej këngëve tuaja të preferuara

Ky është një fakt i vërtetuar: Muzika ndikon në gjendjen tonë emocionale, prandaj niseni ditën duke dëgjuar disa prej këngëve tuaja më të preferuara dhe do ta shikoni që do të ndiheni menjëherë më mirë. Një proces të tillë vazhdojeni edhe gjatë orarit të punës suaj (nëse gjithmonë vendi juaj i punës jua lejon).

Jepni vetes kohë për t’u marrë me diçka të cilën e pëlqeni vërtet

Jepini vetes kohë për t’u marrë me diçka që e pëlqeni vërtet dhe e cila ju bën të ndiheni mirë. Pini kafen tuaj të mëngjesit duke lexuar një artikull që ju duket interest, ose merruni me një aktivitet i cili ju relakson. Mundohuni që të vendosni një ekuilibër sa më të mirë ndërmjet jetës suaj profesionale dhe asaj personale.

Organizojeni ditën e punës duke u bazuar tek çështjet prioritare

Nëse i dini projektet që keni për të bërë gjatë një dite punë, atëhere kjo gjë do t’ju vijë shumë në ndihmë për t’i organizuar ato sipas prioriteteve. Nëse përfundoni një prej detyrave më të vështira që në fillim të ditës së punës, do të ndiheni sikur i keni hequr vetes një peshë të madhe nga shpatullat dhe do ta keni më të lehtë për të vazhdur me detyrat e tjera që ju presin.

Qëndroni aktiv dhe të hidratuar

Një prej gjërave më të rëndëishme që ju duhet të bëni gjatë një dite pune është që të mos qendroni të ulur gjatë 8-orarëshit të punës përpara kompjuterit dhe të mos lëvizni fare. Nëse keni për të bërë disa telefonata, ne ju këshillojmë që t’i bëni ato duke shëtitur në ambientet rreth e qark punës suaj. Mos e delegoni çdo punë nëpërmjet e-maileve. Shkoni dhe takojini vetë kolegët tuaj. Dhe mos harroni të pini ujë. Në tavolinën tuaj të punës, nuk duhet të mungojë asnjëherë një shishe me ujë.

The post 5 mënyra për t’u motivuar gjatë një dite të lodhshme pune appeared first on Albeu.com.