moti ne spanje Archives - Albeu.com

Breshër i pazakontë në Spanjë, humb jetën një fëmijë 20 muajsh

E S — Wed, 31 Aug 2022 10:43:33 +0000

Një foshnjë 20 muajshe ka humbur jetën në Spanjë pasi u godit në kokë nga breshëri i cili ka pushtuar rajonin e Girona.

Gjithçka ndodhi mëngjesin e së martës kur foshnja që ndodhej jashtë u godit në kokë nga breshëri i madh. Ai u dërgua menjëherë në spital por fatkeqësisht humbi betejën mëngjesin e sotëm.

Breshëri prej 10 centimetrash shkaktoi dhe lëndime të tjera dhe sipas meteorologëve spanjollë është breshëri më i madh që ka rënë në rajon në 20 vjet.

Departamenti i zjarrfikësve mori dhjetëra thirrje për më shumë se 28 persona të plagosur, ndërsa shumë rrugë dukeshin si një peizazh i bombarduar. Një valë moti i keq ka përfshirë Spanjën ditët e fundit.

The post Breshër i pazakontë në Spanjë, humb jetën një fëmijë 20 muajsh appeared first on Albeu.com.

“Përvëlohet” Spanja, temperaturat arrijnë në 43 gradë

E S — Sun, 12 Jun 2022 16:27:21 +0000

Shërbimi i motit i Spanjës thotë se një masë e ajrit të nxehtë nga Afrika e Veriut solli të dielën valën e parë të madhe të të nxehtit të në këtë shtet, me temperatura që priten të arrijnë deri në 43 gradë Celsius.

Agjencia e motit “Aemet” tha se zonat më të nxehta do të jenë në Spanjën qendrore dhe jugperëndimore.

Vala e të nxehtit pritet të zgjasë të paktën deri të mërkurën, tha agjencia.

Moti 43 gradë ishte parashikuar për qytetet jugore të Seviljes, Kordobës dhe Badajozit.

Meteorologët thanë se temperatura në Madrid mund të arrijë 38 gradë celsius, shumë mbi mesataren për fillim të qershorit.

Temperatura më e lartë e parashikuar në Barcelonë bregdetare ishte 32 gradë celsius. /REL/

The post “Përvëlohet” Spanja, temperaturat arrijnë në 43 gradë appeared first on Albeu.com.