Instituti i Shëndetit Publik ka publikuar sërish rekomandimet për mbrojtjen nga temperaturat e larta, pas njoftimit të Administratës Hidrometeorologjike për vlera të larta maksimale ditore, të pritshme nga nesër sot deri më 7 gusht.

ISHP këshillon qytetarët të shmangin qëndrimin e drejtpërdrejtë në diell dhe aktivitetet jashtë ambienteve gjatë intervalit 11:00-17:00. Gjatë kësaj kohe rekomandohet qëndrimi në ambiente të mbyllura dhe me ajër të kondicionuar, ndërsa ata që ndodhen jashtë duhet të bëjnë pushime të shpeshta në hije. Veshja duhet të jetë e lehtë, së bashku me përdorimin e syzeve mbrojtëse dhe një kapeleje me ngjyrë të çelët.

Rekomandohet gjithashtu konsumimi i mjaftueshëm i ujit dhe i pijeve minerale të buta, pa pritur shfaqjen e etjes. Qytetarët duhet të shmangin alkoolin, pijet me kafeinë dhe pijet shumë të ftohta, ndërsa ushqimi duhet të merret në mënyrë të moderuar, duke mos konsumuar produkte të yndyrshme, me shumë kalori ose me përmbajtje të lartë sheqeri.

Kujdes të veçantë duhet të tregojnë grupet vulnerabël, si personat mbi 60 vjeç, gratë shtatzëna, fëmijët, personat socialisht të cenueshëm, punonjësit që ushtrojnë aktivitet në natyrë dhe individët me sëmundje kronike. Në këtë kategori përfshihen personat me sëmundje kardiovaskulare, neurologjike, të mushkërive dhe veshkave, diabet, sëmundje mendore, obezitet, si dhe ata që marrin terapi që shton urinimin. Ata duhet t’i zbatojnë me disiplinë këshillat, të marrin rregullisht terapinë dhe, për çdo ndryshim të gjendjes shëndetësore, të kontaktojnë mjekun e kujdesit parësor.

Instituti këshillon mbajtjen mbyllur të dritareve dhe perdeve gjatë ditës, ndërsa hapjen e tyre gjatë natës, kur temperaturat janë më të ulëta. Në rastin e automjeteve të parkuara, dritaret duhet të hapen për ajrosje dhe askush nuk duhet të lihet brenda tyre. Për freskim mund të bëhet një dush me ujë të vakët, ndërsa kompresat e ftohta ose futja e këmbëve në ujë të ftohtë mund të përdoren për ulje të mëtejshme të temperaturës së trupit.

Personat që ndiejnë marramendje, dobësi, shqetësim, etje ose dhimbje koke të forta duhet të kërkojnë ndihmë, të zhvendosen sa më shpejt në një ambient më të freskët dhe të matin temperaturën e trupit. Ata duhet të pinë ujë ose pije minerale jo të gazuara. Në rast dhimbjesh muskulore, veçanërisht në këmbë, krahë dhe stomak, rekomandohet pushimi në një vend të freskët dhe konsumimi i lëngjeve me elektrolite.

Nëse gjendja shëndetësore e një personi përkeqësohet, duhet telefonuar në numrin 194 ose 112. Deri në mbërritjen e ndihmës së urgjencës, personi duhet të dërgohet në një vend të freskët dhe të shtrihet horizontalisht, me këmbët e ngritura mbi 20 cm. Rrobat duhet t’i hiqen, ndërsa ftohja e jashtme mund të bëhet me kompresa të ftohta në qafë, sqetulla dhe ijë. Lëkura duhet të ftohet vazhdimisht dhe të spërkatet me ujë, pa i dhënë personit terapi. Nëse është pa ndjenja, duhet vendosur në pozicion anësor.

ISHP thekson se konsultimi me mjekun është i domosdoshëm në rast shenjash ose simptomash të pazakonta, si dhe kur ato zgjasin për një kohë më të gjatë, duke u bërë thirrje qytetarëve të respektojnë këshillat për kujdesin dhe mbrojtjen gjatë valës së të nxehtit.

Sipas DPHM-së, një masë e ngrohtë ajri që vjen nga jugu do të sjellë mot me diell dhe shumë të nxehtë gjatë fundjavës së zgjatur dhe deri në përfundim të javës së ardhshme. Në disa zona do të ketë vranësira të ulëta deri në mesatare.

Temperaturat e ditës do të kalojnë 32 gradë në të gjithë vendin, ndërsa në disa vende pritet të kapërcejnë 40 gradë. Vlerat e larta termike do të jenë të pranishme edhe gjatë mbrëmjes dhe natës.

The post Temperaturat deri në 40 gradë në Maqedoni, ISHP rikthen këshillat për mbrojtjen e shëndetit appeared first on Albeu.com.

Në Maqedoninë e Veriut, dita e sotme parashikohet të jetë kryesisht me diell, e shoqëruar me vranësira të pakta deri mesatare. Nga veriu do të fryjë erë me intensitet mesatar deri të fortë, e cila në disa momente do të arrijë shpejtësi deri në 60 kilometra në orë.

Vlerat minimale të temperaturave do të lëvizin nga 13 deri në 22 gradë, ndërsa ato maksimale do të jenë nga 26 deri në 34 gradë Celsius.

Në Shkup, moti do të jetë me diell dhe me vranësira të lehta deri në mesatare. Edhe atje pritet erë mesatare deri e fortë nga drejtimi verior. Temperatura minimale do të zbresë në 19 gradë, ndërsa maksimalja do të ngjitet në 32 gradë.

Edhe nesër moti do të mbetet i qëndrueshëm, me diell dhe me vranësira të lehta deri në mesatare. Do të ketë erë mesatare deri në të fortë nga veriu, ndërsa herë pas here priten edhe përforcime të saj me shpejtësi prej 60 kilometrash në orë.

Të hënën, si edhe në ditët që pasojnë, do të mbizotërojë mot me diell, megjithatë në orët e pasdites do të krijohen kushte për jostabilitet lokal, të shoqëruara me shira të rrëmbyeshëm dhe bubullima.

The post Si parashikohet moti sot në Maqedoninë e Veriut appeared first on Albeu.com.

Vlerat minimale në orët e mëngjesit do të jenë nga 12 gradë në Berovë deri në 19 gradë në Gjevgjeli. Gjatë ditës, temperaturat më të larta do të variojnë nga 28 gradë në Mavrovë deri në 38 gradë në Shkup.

Në kryeqytet do të jetë mot me diell dhe i nxehtë, i shoqëruar me vranësira të pakta deri mesatare. Era do të fryjë e dobët deri mesatare nga veriu, ndërsa temperatura do të sillet prej 19 deri në 38 gradë Celsius.

Edhe në ditët në vijim parashikohet mot i qëndrueshëm, por me temperatura të larta. Të dielën pritet mot me diell, me vranësira të pakta deri mesatare në disa zona dhe me erë të dobët deri mesatare nga drejtimi lindor.

The post Parashikimi i motit për sot në Maqedoninë e Veriut appeared first on Albeu.com.

Në orët e pasdites, në zonat më të skajshme veriperëndimore, parashihen kushte për reshje të dobëta lokale shiu, bubullima dhe paraqitje të rrallë të breshërit.

Era do të jetë e dobët deri mesatare, ndërsa në pjesët perëndimore herë pas here do të përforcohet nga veriu. Temperatura maksimale do të lëvizë prej 29 deri në 37 gradë.

Në Shkup pritet mot me diell dhe i ngrohtë, me vranësira të pakta deri mesatare. Do të fryjë erë e dobët deri mesatare nga drejtime të ndryshueshme.

Në kryeqytet, temperatura më e lartë e ditës do të arrijë deri në 36 gradë.

The post Parashikimi i motit për sot në Maqedoninë e Veriut appeared first on Albeu.com.

Vlerat minimale të temperaturave do të lëvizin nga 8 deri në 18 gradë, ndërsa ato maksimale do të jenë nga 30 deri në 35 gradë.

Në Shkup do të mbajë mot me diell dhe i ngrohtë, me vranësira të lehta deri mesatare. Do të ketë erë të lehtë deri mesatare nga veriu, ndërsa temperatura minimale do të zbresë në 15 dhe maksimalja do të arrijë në 35 gradë.

Që nga fillimi i javës së punës, në orët e pasdites priten kushte për formimin e vranësirave të paqëndrueshme, të shoqëruara me reshje të rrëmbyeshme shiu, bubullima dhe erëra të forta.

Era do të vazhdojë të fryjë e lehtë deri mesatare, kryesisht nga drejtimi verior.

The post Parashikimi i motit për sot në Maqedoninë e Veriut appeared first on Albeu.com.

Erë mesatare deri e fuqishme nga veriu, me shpejtësi deri në 40 km/orë, pritet të fryjë sidomos në zonat lindore. Temperaturat minimale do të lëvizin prej 9 deri në 18 gradë, ndërsa ato maksimale prej 23 deri në 34 gradë.

Në Shkup, gjatë ditës do të mbajë mot pjesërisht i vranët dhe i ngrohtë, me periudha me diell.

Era në kryeqytet do të jetë e dobët deri mesatare, nga drejtim i ndryshueshëm. Temperatura minimale do të jetë 15 gradë, ndërsa maksimalja do të arrijë deri në 31 gradë.

The post Parashikimi i motit për sot në Maqedoninë e Veriut appeared first on Albeu.com.

Temperaturat që në mengjesin e sotëm kanë qenë mjaft të larta. Në zonat malore termometri i mëngjesit të sotëm ka shënuar jo më poshtë sesa 9 gradë celcius, ndërsa në zona të ulëta dhe ato bregedatere gjatë mëngjesit të sotëm termometri është luhatur në orët e para të ditës, pra rreth orës 5-6 e mëngjesit është luhatur në vlerat më të ulëta që janë shënuar në këto zona.

Nga 13 deri në 18 gradë celcius vijon ngrohja e motit gjatë orëve të ditës duke kulmuar në mesdite rreth orës 2, me vlera 25 apo 26 grade celcius në zonat malore ndërkohë që në zonat e ulëta dhe bregdetare, termometri i ditës së sotme do të shënojë rreth 27 gradë celcius në zonat bregdetare pra dicka më freskët, ndërsa në zonat e ulëta presim 30 apo 31 grade celcius në disa prej qyteteve ku mund të permendim Shkodrën, Tiranën, Elbasanin, Beratin, Gjirokastrën.

Edhe nesër dhe në vijim presim që të ruhet e njejta tablo termike sikundër e njëjta tablo sinoptike duke bërë që mengjeset, pjesa më e madhe e ditës në fakt do të jetë e kthjellët, vranësirat do të shfaqen pas mesditës pra pas arritjes së kulmit të vlerave termike. Kemi një zhvillim të vranësirave kryesisht në zonat malore ku nuk do të mungojnë rreshjet e pakëta në zonat e izoluara dhe rreshje krejt afatshkurtra. Pasi edhe pasditja pjesa më e madhe e pasdites por e mbrëmjet do të jenë të kthjellëta.

Termometri nesër pritet të shënoje një tjetër rritje, presim nga 30-32 gradë celcius, po ashtu e mërkura dhe dita e enjte do të sjellin një freskim krejt të përkohshem, i cili nuk do të zgjas më shumë se 24 orë. E premtja, e shtuna dhe e diela do të kulmojnë edhe temperaturat mbi 30 gradë. Jo vetëm kjo javë por presim që kjo fushe termike të vijojë për shumë ditë në territorin Shqiptar dhe një pjesë të mirë të ballkanit.

Deri në fund të Majit presim të jetë pak a shumë e njëjta tablo ku kemi gjatë mesdites fuqizim të vranësirave në zonat malore, rrebeshe afatshkurtra dhe më pas kthjellim të motit në të gjithë Shqiperinë.

Ajo çfarë vlen të theksohet është temperaturat. Fusha termike do të qendroje e tillë. Temperatura mjaft të larta gjatë orevë të mesdites, temperatura kto tipike për Majin pasi vlera te tilla, presim në fakt deri nga data 30-31 Maj qe do të kemi temperatura mbi 35 gradë celcius. Kto janë temperatura mjaft të larta edhe nëse shënojnë gjatë korrikut dhe gushtit qe është edhe piku i të nxehtit në klimën Shqiptare.

Ne i presim këto temperatura 35 që në javën e fundit te muajit Maj. Sipas meteorologes Tanja Porja duhet te pregatiteni për javë të nxehta./albeu.com

The post Temperaturat “kapërcejnë” mbi 35 gradë, si do të jetë pjesa e dytë e muajit Maj sipas meteorologes appeared first on Albeu.com.

Kjo gjendje sinoptike pritet të ndryshojë me afrimin e fundit të këtij muaji dhe sidomos në fillim të muajit Prill.

Në Iberi dhe Mesdheun perëndimor pritet të ketë masa të fuqishme ajrore ciklonike të cilat pritet të nisen në drejtim të rajonit tonë duke u fuqizuar edhe më shumë në territorin e Italisë, Detit Adriatik dhe Gadishullit Ballkanik. Si pasojë pritet të kemi destabilizim të fuqishëm të motit.

Fillimisht pritet të kemi aktivizimin e erërave jugore dhe jugperëndimore dhe kjo do të jetë hyrje ose fillim i kontaktit të parë të masave ciklonike dhe shembjen ose dobësimin e anticiklonit të fuqishëm mbi rajonint tonë. Riga lokale shiu pritet të fillojnë që nga nesër dhe atë kryesisht në disa vise të Shqipërisë, ndërsa në viset tjera mbetet ende mot i thatë. Me kalimin e ditëve në Shqipëri pritet të ketë intensifikim gradual të reshjeve të shiut, përderisa në Kosovë ende reshjet do të jetë krejtësisht simbolike dhe të izoluara.

Reshje pak më intensive në Kosovë priten në ditën e fundit të këtij muaji dhe gjatë ditëve në vijim në fillim të muajit Prill. Këto reshje do të jenë jashtëzakonisht të mirëseardhura për shkak të thatësisë ekstreme që ka përfshirë shumë vende në rajonin tonë. Reshjet e shiut pritet të përfshijnë pothuajse tërë Ballkanin duke filluar nga Sllovenia, Kroacia, Bosnja, Mali të Zi dhe Shqipëria.

Vende-vende priten reshje mjaft intensive dhe të fuqishme dhe nuk përjashtohet mundësia e vërshimeve. Me kalimin e ditëve masat ciklonike do të përforcohen edhe në Kosovë duke krijuar kushte për reshje të herëpashershme.

Fillimisht pritet të jemi në sektorin e ngrohtë të masave ajrore dhe priten vetëm reshje shiu. Me largimin e cikloneve drejt lindjës dhe verilindjes së Kontinentit mund të hapet rruga për depërtimin e masave të ftohta ajrore që mund të kushtëzojnë edhe reshje bore. Reshje bore priten në viset malore, por nuk përjashtohet mundësia që reshje kalimtare bore të ketë edhe në disa ultësira të Kosovës dhe kjo nuk na duhet tani.

Gjendja sinoptike pritet të jetë jashtëzakonisht dinamike gjatë dekadës së parë të Prillit dhe nga sot është jashtëzakonisht e vështirë për ta përcaktuar saktë sasinë dhe llojin e reshjeve si dhe sasinë e ajrit të ftohtë polar që eventualisht mund të arrijë deri te ne. Ne do të jemi duke e përcjellur ecurinë e situatës sinoptike dhe për çdo eventualitet do tju lajmërojmë me kohë në postimet tona gjatë ditëve të ardshme./MeteoBallkan

The post Destabilizim i fuqishëm i motit, nga ciklonet tek reshjet e dëborës: Kur pritet që moti të marrë kthesën appeared first on Albeu.com.

Thatësia e pazakontë në verilindje dhe prodhimi i energjisë ka çuar drejt kuotave minimale liqenin e Fierzës. Niveli i ujit është aktualisht 257m, 17 metër larg thatësirës totale.

Kuota maksimale është 296 m. Sipas KESH, prurjet në Kaskadën e Fierzës janë më pak se 80 m3/s, ndërsa punohet me tri turbina, nga 4 që ka hidrocentrali i Fierzës.

Por shpresat për një ndryshim të shpejtë të situatës duke optimiste. Sipas parashikimeve të motit, pritet që në fund të muajit dhe në fillimit të Prillit vendi ynë të përfshihet nga reshje të dendura shiu. Në veri do të ketë reshje intensive dhe rrebeshe shiu. Konkretisht reshjet e shiut pritet të fillojnë më datë 30 maj dhe do të vijojnë përgjatë ditëve të para të Prillit.. Këto reshje pritet të ndihmojë situatën ku gjendet aktualisht vendi ynë me krizën energjitike.

Duke qenë se Shqipëri një pjesë të energjisë e prodhon me anë të hidrocentraleve kjo pritet të përmirësojë situatën pasi vendi gjendet në krizë energjitike. Ministrja e Infrastrukturës dhe Energjetikes, Belinda Balluku ka bërë me dije se pavarësisht situatës së vështirë energjetike në vend për shkak të thatësirës por dhe situatës gjeopolitike, nuk do të mungojë energjia elektrike dhe nuk do të ketë as rritje të çmimit.

Sipas ministers kushte më të mira do të ishin nëse do të kishte reshje shiu.

“Kushte të mira ne konsiderojmë kur të kemi shira në kaskadën e Drinit.”

The post Kriza energjitike / Si pritet të jenë reshjet gjatë ditëve në vijim ? appeared first on Albeu.com.