Shirat e rrëmbyeshëm dhe stuhitë shkaktuan rrëshqitje dheu dhe përmbytje, duke detyruar banorët të evakuohen.

Një kamping me 250 turistë u evakuua në Luginën Brembana në rajonin verior të Lombardisë, për shkak të përmbytjeve të menjëhershme të enjten.

Ndërkohë, rajoni qendror i Toskanës u godit nga rrufetë për dy orësh dhe rreth 6,000 banorë u përballën me ndërprerje të energjisë elektrike të shkaktuara nga stuhitë.

The post FOTO+VIDEO/ Moti i keq “godet” veriun e Italisë, rrëshqitje dherash dhe përmbytje masive appeared first on Albeu.com.

Biljana Eftimova, zëvendësdrejtoreshë e Spitalit Klinik të Shtipit, bëri të ditur sot se përllogaritjet paraprake për dëmet e shkaktuara nga moti i keq që përfshiu Shtipin më 21 korrik kapin vlerën e disa milionë denarëve. Megjithatë, institucioni është ende në pritje të raportit zyrtar të kompanisë së sigurimeve.

Sipas Eftimovës, krahas konstatimit të siguruesit nevojitet edhe një ekspertizë plotësuese, pasi pas evidentimit fillestar janë zbuluar dëmtime të tjera që kërkojnë ndërhyrje.

Goditjen më të madhe e kanë pësuar çatia dhe kati i tretë, ku ndodhen reparti dhe salla e ortopedisë, njësia e trajtimit intensiv dhe qendra e komës. Eftimova theksoi se këto ambiente kanë mbetur pa çati, ndërsa shuma përfundimtare e dëmit nuk dihet ende, ndonëse pritet të arrijë në miliona denarë.

Spitalin e Shtipit e vizitoi sot edhe ministri i Shëndetësisë, Sasho Klekovski. Ai deklaroi se zhvillimet po ndiqen nga afër dhe se në buxhetin e institucionit ishin planifikuar tashmë fonde për rikonstruksion.

Klekovski njoftoi se Ministria do ta monitorojë të gjithë procesin dhe, pasi të përcaktohet vlera e dëmeve, do të sigurojë fondet e nevojshme. Synimi është që ndërhyrjet të mbyllen brenda afatit dhe ortopedia të rikthehet sa më parë në funksion.

The post Dëmi nga moti i keq në Spitalin e Shtipit vlerësohet në disa milionë denarë appeared first on Albeu.com.

Në bazë të parashikimeve, duke filluar nga mesdita e datës 24.07.2026 deri në paraditen e datës 25.07.2026, mjetet e vogla lundruese dhe mjetet e peshkimit që synojnë të operojnë jashtë Gjirit të Vlorës dhe Gjirit të Sarandës, në det të hapur dhe përgjatë vijës bregdetare Dhërmi–Himarë–Sarandë, të shmangin daljet në det, për shkak të kushteve të pafavorshme hidrometeorologjike gjatë këtij harku kohor.

Drejtuesit e këtyre mjeteve lundruese duhet të tregojnë kujdes të shtuar, të marrin në konsideratë përkeqësimin e kushteve të motit dhe të shmangin çdo dalje në det që mund të rrezikojë sigurinë e tyre dhe të personave në bord.

Po ashtu, nisur nga parashikimet për përkeqësimin e kushteve atmosferike gjatë ditës së nesërme, Policia e Shtetit apelon për kujdes të shtuar nga qytetarët dhe të gjithë drejtuesit e automjeteve dhe motomjeteve, duke respektuar rregullat e qarkullimit rrugor, kufijtë e shpejtësisë, distancën e sigurisë dhe duke shmangur manovrat e rrezikshme.

Këmbësorët këshillohen të tregojnë vëmendje dhe kujdes të shtuar gjatë lëvizjes, veçanërisht në kushtet e reshjeve apo lagështirës në rrugë.

Policia e Shtetit apelon për të gjithë përdoruesit e mjeteve të vogla lundruese, mjeteve të peshkimit dhe të gjithë përdoruesit e rrugës që të tregojnë kujdes maksimal, jo vetëm gjatë këtij harku kohor, por në vijimësi, me qëllim rritjen e parametrave të sigurisë së jetës.

The post Nesër dhe pasnesër priten reshje e stuhi, Policia thirrje për mjetet lundruese: Mos dilni në det! Kujdes duhet dhe nga shoferët e këmbësorët appeared first on Albeu.com.

Sipas të dhënave paraprake, dyshohet se ai ka humbur jetën si pasojë e mbytjes. Gjatë kërkimeve, Policia ka gjetur edhe mjetin lundrues të 61-vjeçarit, i cili ishte fundosur.

Dyshohet se ngjarja ka ndodhur mbrëmjen e djeshme, në kohën kur zona u përfshi nga stuhia e fortë dhe moti i keq.

Grupi hetimor po verifikon mbytjen aksidentale si pasojë e kushteve të rënduara atmosferike, ndërsa po hetohet dhe pista e vetëmbytjes.

Sipas burimeve, 61-vjeçari ishte i divorcuar, ndërsa fëmijët e tij jetojnë në Greqi. Në Shqipëri ai nuk rezulton të ketë familjarë të tjerë, përveç një motre. Policia vijon hetimet për të zbardhur plotësisht rrethanat e kësaj ngjarjeje.

The post Shënohet viktima e dytë nga stuhia në jug/ Peshkatari gjendet i mbytur në afërsi të ishujve të Ksamilit appeared first on Albeu.com.

Kjo e fundit ka lëshuar alarmin në nivelin më të lartë të tij (niveli 3), për një pjesë të rajonit, duke paralajmëruar se stuhi të rrezikshme do të zhvillohen nga e marta deri në orët e para të së mërkurës.

Parashikohet se zonat më të rrezikuara janë jugu i Kroacisë, jugu i Bosnjë-Hercegovonës, Kosova dhe Mali i Zi. Ndërsa sa i përket Shqipërisë ajo përfshihet në zonën e Nivelit 1 të rrezikut, ku priten fenomene të ngjashme, por me shtrirje të kufizuar. Meteorologët paralajmërojnë se situata mund të shndërrohet në një shpërthim të madh stuhish të fuqishme që do të përhapet nga Italia drejt Evropës Juglindore.

Pritet që këto stuhi të sjellin, breshër shumë të madh, erëra me intesitet shkatërrues dhe raste të izoluara të tornadove. Për Ballkanin Perëndimor, përfshirë Kroacinë, Bosnjën, Malin e Zi, Serbinë jugore dhe Shqipërinë, vlerësohet se kushtet atmosferike favorizojnë zhvillimin e stuhive shumë të forta.

Ekziston mundësia që sisteme të fuqishme stuhish të formura mbi Itali të kalojnë adriatikun dhe të godasin rajonin. Përpos Ballkanit alarmi është shpallur edhe në një pjesë të Italisë, Rumanisë dhe Bullgarisë.

The post Breshër, shi dhe erëra shkatërruese, ngrihet alarmi për stuhi ekstreme në Ballkan appeared first on Albeu.com.

Mësohet se stuhia ka preku zonën e Tropojës, ku në njësinë administrative Lekbibaj reshjet intensive kanë shkaktuar rrëshqitje dherash dhe materialesh inerte.

Po ashtu edhe në disa segmente rrugore janë depozituar masive dheu e gurësh, duke vështirësuar qarkullimin e automjeteve.

Ndërsa pas përmirësimit të kushteve të motit, pritet që autoritetet të ndërhyjnë për pastrimin e rrugëve dhe rikthimin e normalitetit në zonat e prekura.

The post Moti i keq shkakton probleme në Qarkun e Kukësit, vështirësohet qarkullimi i mjeteve në disa zona appeared first on Albeu.com.

Inerte të konsiderueshme kanë rënë nga mali duke bllokuar qarkullimin e mjeteve që kanë rreth një orë që presin hapjen.

Mjetet e kompanisë nënkontraktore po bëjnë pastrimin e rrugës me qëllimin normalizimin e situatës.

The post Shirat e dendur ‘mbërthejnë’ vendin tonë/ Moti i keq bllokon qarkullimin, në aksin rrugor Maliq-Gramsh appeared first on Albeu.com.

Situata më problematike u shënua në zonën e Plepave, ku pemët e rrëzuara bllokuan një pjesë të rrugës dytësore pranë rrethrrotullimit.

Pas ndërhyrjes së shërbimeve emergjente, rruga u pastrua dhe qarkullimi iu kthye normalitetit. Autoritetet bëjnë thirrje për kujdes të shtuar gjatë lëvizjes.

The post Moti i keq në Durrës/ Krijohen probleme në qarkullim në zonën e Plepave appeared first on Albeu.com.

Situata më problematike është regjistruar në lagjen “Besëlidhja”, ku për shkak të intensitetit të lartë të reshjeve dhe mbingarkesës së sistemit të kanalizimeve, uji ka dalë në sipërfaqe dhe është grumbulluar në zonën e bllokut të banimit “11 Janari”.

Situata lidhet edhe me një ndërhyrje nëntokësore që po zhvillohet në kuadër të projektit për rehabilitimin dhe zgjerimin e rrjetit të kanalizimeve të ujërave të bardha dhe të zeza në qytet. Ky investim synon përmirësimin e infrastrukturës dhe ofrimin e një zgjidhjeje afatgjatë për përmbytjet.

Pas përfundimit të reshjeve të shiut, situata është përmirësuar dhe niveli i ujit është tërhequr.

The post Mjaftuan vetëm disa orë shi, përmbytet qyteti i Lezhës, banorët veshin çizmet appeared first on Albeu.com.

Gjatë natës dhe në orët e para të mëngjesit, reshjet e dëborës janë regjistruar në aksin Kukës–Shishtavec, ku kompania kontraktore ka ndërhyrë menjëherë me mjete borëpastruese dhe punëtorë për të mbajtur të kalueshëm segmentin rrugor.

Ndërhyrjet janë përqendruar veçanërisht në pjesën nga Ura e Shtrezës deri në doganën e Shishtavecit, ku ka edhe prani të dëborës dhe mjegullës së dendur.

Sipas të dhënave nga terreni, intensiteti i reshjeve të dëborës në lartësitë mbi 700 metra mbi nivelin e detit është në rënie.

I gjithë qarku i Kukësit është përfshirë nga mot i paqëndrueshëm, i shoqëruar me reshje shiu në zonat e ulëta dhe reshje dëbore në zonat e larta malore. Kushtet atmosferike janë shoqëruar edhe me erëra të forta.

The post Stuhi dhe reshje dëbore, moti i keq godet Kukësin/ Zbardhet malësia, si paraqitet situata në “Rrugën e Kombit” (VIDEO) appeared first on Albeu.com.