Përsa i përket temperaturave të ajrit, mëngjesi i sotëm ka sjellë rënie të lehtë me 1 gradë celcius të temperaturave minimale duke bërë që të regjistrojnë vlera 14 gradë celcius në zonat malore.

Ndërsa maksimumet sjellin rritje me 1 gradë celcius duke bërë që ato të regjistrojnë vlerën 37 gradë celcius në qarkun e Elbasanit dhe Beratit.

Ditët vijuese do të sjellin rritje graduale të temperaturave të ajrit duke bërë që maksimumet të ngjiten në vlerën edhe 41 gradë celcius në Elbasan dhe Berat, bnë me dije meteorologu Hakil Osmani.

Përsa i përket parametrit të erës, herë pas here ajri do të fitojë shpejtësi gjatë orëve të mesditës duke bërë që të jetë me një shpejtësi 45km/orë duke sjellë problematika të përkohshme./albeu.com/

The post Rriten temperaturat dhe rikthehen reshjet në vend, si do të jetë moti këtë javë appeared first on Albeu.com.

Kështu ka deklaruar sinoptikania Lajda Porja, në një lidhje për “News24”, ku tha se këto pesë ditë pritet të kenë temperatura të larta në 37 gradë celsius, ndërsa shtoi se me temperatura mbi normalen do të nisë edhe muaji shtator.

“Në asnjë ditë të gushtit nuk kemi pasur vlera normale, por më të larta. Ka pasur një rënie të lehtë të temperaturave, ku prezenca e erës ka bërë që të ndjehet pak më freskët.

Kjo fundjavë do të jetë me mot të kthjellët në pjesën më të madhe të vendit. Temperaturat pritet të rriten, duke filluar që nga kjo fundjavë. Pritet që e diela të sjellë një rritje të ndjeshme të temperaturave.

Nëse do ta ndanim këtë 10-ditorëshin e fundit të gushtit, i bie që 5 ditët e para do të jenë me temperatura të larta që do të shkojnë deri në 37 gradë apo dhe më lartë, ndërsa 5 ditët e fundit të gushtit do të sjellin temperatura më normale, krahasuar me gjithë temperaturat e kësaj vere, që theu dhe rekordin me temperaturat më të nxehta. Ky do të mbyllet si vit i nxehtë, 2021 ka gjasa të jetë viti më i nxehtë në histori”, tha Porja.

Po shtatori si do të nisë?

Ditët e fundit të gushtit do na rikujtojnë vlerat 32-33 gradë, për të marrë frymë. Pritet që edhe java e parë e shtatorit të jetë në këto vlera, 32-33. Këto janë vlera më të freskëta për neve, por në fakt krahasuar me vitet e tjera dhe me vlerat që duhet të ketë shtatori, janë temperatura më të larta se vlerat normale.

Do të kemi një vjeshtë të vonuar, me vlera mbi normalen. Deri ditën e mërkurë të kësaj jave, temperatura shumë të larta do të ketë në territor. Vlerat më të larta do të jenë në Elbasan, Berat.

Pritet që e mërkura, e enjtja dhe e premtja të sjellin reshje në territor, kryesisht në zonat veriore, ku ka dhe vatra zjarri. Shirat do të jenë në formë rrebeshe, edhe në zonat qendrore, duke përjashtuar vetëm zonat e bregdetit./BW

The post Vapa nuk ikën me gushtin! Parashikimi i motit për shtatorin nuk do t’ju pëlqejë appeared first on Albeu.com.

Meteorologu i njohur Hakil Osmani ka bërë parashikimin e motit për fundjavën, ku ka treguar se do ketë dominim të kthjellimeve në zonat bregdetare dhe zonën qendrore.

Ndërsa përsa i përket vlerave termike, temperaturat do pësojnë një rënie shumë të lehtë dhe do arrijnë deri në 38 gradë celsius.

“Mbetemi në mbizotërimin e kthjellimeve në pjesën më të madhe të territorit shqiptar gjatë ditës së sotme, por po ashtu edhe gjatë fundjavës duke sjellë dominim të kthjellimeve në zonat bregdetare kryesisht dhe pjesërisht zonën qendrore, ndërsa në zonat malore herë pas here pritet të kemi kalime vranësirash por që nuk pritet të gjenerojnë reshje.

Përsa i përket vlerave termike, një rënie të tyre gjatë ditës së sotme, por edhe fundjavës, duke bërë që maksimumet në territorin shqiptar të shkojnë jo më shumë se 38 gradë celsius ditën e diel në zonat e ulta, ndërsa në vendet bregdetare pritet që maksimumet të luhaten në vlerat 36-37 gradë celsius.

Lajm i mirë vjen përsa i përket parametrit të erës pasi gjatë ditës së sotme, por po ashtu dhe gjatë fundjavës, pritet që ajo të dobësohet ndjeshëm”, është shprehur Hakili.

Meteorologu ka treguar se pas datës 17 do ketë një rënie të lehtë të temperaturave deri në 2-3 gradë celsius, por edhe 10 ditshi i fundit i Gushtit do ketë temperatura relativisht të larta.

“Presim një freskim të motit pas datës 17, ku temperaturat e ajrit të kenë një rënie me 2-3 gradë celsius, por 10 ditshi i fundit i këtij muaji sërish do mbetet me temperatura të larta në vendin tonë, por po ashtu pritet të jemi nën mbizotërimin e kthjellimeve në zonat bregdetare dhe të ulta. Ndërsa në ato malore do të kemi prezencë të shpeshtë të vranësirave, nuk përjashtohet mundësia e ndonjë rrebeshi të shkurtër shiu”, ka përfunduar ai.

The post Keni rezervuar pushimet në dy javëshin e dytë të gushtit? Njihuni me surprizat që ka rezervuar moti appeared first on Albeu.com.

Përgjatë gjithë gjysmës së parë të muajit gusht vendi ynë do të mbizotërohet nga kthjellimet, në zonat malore do të ketë kalime të herëpashershme vranësirash, por nuk do të jenë problematike.

“Në 15 ditëshin e parë të muajit gusht pritet të kemi temperatura të larta. Temperaturat e larta do të shoqërohen me mbizotërimin e kthjellimeve, kryesisht në zonat e ulëta bregdetare, ndërsa në zonat malore do të ketë kalime të herë pas hershme vranësirash, por nuk do të jenë problematike.

Pritet që në 15 ditëshin e dytë të kemi një normalizim, për sa i përket vlerave termike, duke u afruar kështu afër temperaturave tipike për sa i përket muajit gusht. Pritet që temperatura maksimale në 15 ditëshin e dytë të zbresë në vlerat 34 Gradë Celcius. Pjesa e dytë e gushtit pritet të jetë nj gusht më normal, për sa i përket vlerave termike.” /oranews

The post Ditë të nxehta na presin! Zbuloni kur freskohet moti në Shqipëri appeared first on Albeu.com.