“Nëse flasim për 15 ditëshin e parë kemi një mot i cili do të jetë mjaft i favorshëm. Do të kemi interval me kthjellime duke përfshirë këtu edhe këtë fundjavë ku do të kemi diell në zonat bregdetare, në qytetet e zonave të ulëta, por po ashtu edhe në zonat malore për ata që do të shfrytëzojnë turizmin malorë.”

Sipas sinoptikanëve temperaturat do të arrijnë vlera deri në 36 gradë Celcius.

“Do të kemi rritje të temperaturave të ajrit. Vlerat minimale në qytetet e zonave malore do të ngjiten në rreth 13, 14 gradë Celcius. Në ultësirën përëndimore do ti kemi nga 20 deri në 23 gradë Celcius, temperaturat në orët e para të mëngjesit, por jo vetëm temperaturat minimale, por edhe ata maksimale do të kenë një rritje të ndjeshme të tyre duke bërë që të regjistrohen në territor edhe në 36 gradë Celcius.

Përsa i përket Shtatorit janë temperaturat deri në 6 gradë më të larta sesa duhet të regjistrohen pasi maksimumet në rang territori në vendin tonë duhet të jenë rreth vlerës 29 gradë Celcius.”

Edhe në fundjavë shpejtësia e erës do të jetë problematike veçanërisht gjatë pasditeve theksojnë sinoptikanët.

The post Deri kur do të bëhet plazh këtë vit? Sinoptikani tregon si pritet muaji shtator appeared first on Albeu.com.

Sinoptikanja Lajda Porja tha për Klan News, se parashikohet që dita e dielë të nisë me kthjellime, të cilat pasdite do të ja lënë vendin reshjeve të shiut dhe vranësirave.

Lajda Porja: Nëse flasim për fundjavën, e shtuna do të jetë disi më e favorshme duke qenë se e shtuna do të jetë kryesisht me mot të kthjellët, me vranësira të lehta, do të ketë reshje në ekstremin Veri-Lindje dhe shumë pak zona në qarkun e Korçës, edhe në këto zona, reshjet do të jenë të pakta. Parashikohet se temperaturat e ajrit do të ngjiten në 31 gradë, në zona të izoluara edhe 32 gradë. Përsa i përket ditës së dielë, megjithëse do të nisë me mot të kthjellët, me vranësira të lehta, e diela në pjesën e dytë të ditës, do të risjellë edhe reshjet në territor. Edhe ditën e dielë, parashikohet që reshjet më të shumta do të jenë në zonat malore, duke bërë që të ketë edhe rrebeshe. Zonat e ulëta, përfshirë edhe Tiranën, do të kenë momente me pika shiu, po ashtu edhe vija bregdetare, ku sërish dita e dielë, disi më e favorshme është edhe bregdeti i Jonit, ku aty reshjet do të jenë shumë të pakëta, ose disa momente me pika shiu.

Sinoptikanja Lajda Porja thotë se deri më 15 Qershor do të na shoqërojnë ditët me mot të paqëndrueshëm, megjithatë pritet që temperaturat e ajrit të rriten duke bërë që t’i ndjejmë temperaturat tipike të verës.

Lajda Porja: Ne kemi thënë që kjo situatë e paqëndrueshme moti do të na shoqërojë deri nga mesi i Qershorit, duke bërë që ne të mos kemi një ditë nga mëngjesi e deri në mbrëmje 24 orë vetëm me diell, por prezenca e reshjeve dhe vranësirave do të jetë, edhe pse e pakët. Javës tjetër parashikohet që të mbetemi në këto kushte. Java tjetër do të sjellë rritje të temperaturave në mëngjes dhe mesditë, duke bërë që ne t’i ndjejmë tamam ato temperaturat tipike të verës. Përsa i përket reshjeve, do të jenë prezente të paktën deri në datën 15 Qershor.

The post E shtuna apo e diela? Meteorologia tregon cila ditë është më e favorshme për plazh këtë fundjavë appeared first on Albeu.com.