Reshje të dendura bore janë regjistruar tashmë në veriperëndim të Teksasit dhe në Oklahoma, ku rreth 24 mijë familje kanë mbetur pa energji elektrike për shkak të kushteve të rënda atmosferike.

Në Çikago, temperatura ka zbritur në –27 gradë Celsius, duke shtuar shqetësimet për sigurinë e banorëve.

Në të paktën 12 shtete është shpallur gjendje e jashtëzakonshme nga guvernatorët, mes tyre Arkansas, Xhorxhia, Teksasi, Karolina e Veriut dhe Karolina e Jugut.

Në disa zona është vënë në gatishmëri edhe Garda Kombëtare, për të ndërhyrë aty ku është e nevojshme.

The post Moti ekstrem mbërthen SHBA-në/ Temperaturat zbresin deri në -46°C, 40 shtete në gjendje të jashtëzakonshme appeared first on Albeu.com.

“Presim mbi 41 gradë në Elbasan, Berat e Gjirokastër. Nesër mund të jetë dita më e nxehtë e muajit korrik, do të kemi plot ditë të nxehta. Korriku do të jetë i gjithi me ditë të nxehta dhe shumë të nxehta. Nesër 42 gradë Shkodra, Kopliku, Fushë Kruja, Tirana, Elbasani, Berati. Po ashtu Gjirokastra, Tepelena pritet të shënojnë temperatura 42 gradë. Nesër do të jetë dita më e nxehtë. Nesër rritja më e ndjeshm do të jetë në zonat malore, Hasi, Kukësi, Peshkopia, Burreli shumë pranë 40 gradëve” – tha Tanja Porja Ndëkaq nesër pritet që qeveria të deklarojë masat për mbrojtjen nga temperatura të larta. Burime për A2 bëjnë të ditur se pritet shkurtim i orarit të punës për administratën publike nga 9.30-15.30 dhe të premte 9.30-13:00..

Sipas saj vala e nxehtësisë konsiderohet globalisht si vrasës i heshtur dhe apelon që edhe në vendin tonë të merren masa sikurse në Kosovë.

“Vala e nxehtësisë nuk konsiderohet mot ekstrem, por globalisht konsiderohet vrasës i heshtur se vret qindra mijëra jetë njerëzore në vit. Patjetër që duhet të merren masa, përshëndes Kosovën” – tha Porja.

Meteorologia këshillon qytetarët që të mos dalin apo të lëvizin në orët e pikut të nxehtësisë nga ora 10-17.

The post E mërkura do të jetë dita më e nxehtë e Korrikut, ja sa pritet të shkojnë temperaturat appeared first on Albeu.com.

Në fillim të vitit 2023, Kalifornia përjetoi një dimër jashtëzakonisht të lagësht, me dëborë, duke shkaktuar rrëshqitje dheu që i bëri disa shtëpi të paqëndrueshme dhe të pasigurta në faqet e shkëmbinjve, ndërsa në hemisferën jugore temperaturat përvëluese ndezën zjarre në Kili.

Ndërsa vera po sillej në hemisferën veriore, pjesë të mëdha të Evropës dhe Shteteve të Bashkuara u zhytën nën valët e të nxehtit të madh që kontribuuan në përhapjen e shumë zjarreve. Sezoni më i ashpër ndonjëherë i zjarreve në Kanada dërgoi tymin që ngrihej në zona të mbuluara të SHBA-së në mjegull, ndërsa Greqia pësoi vitin e saj klimatik më të vështirë në historinë e regjistruar, pasi flakët u pasuan në shtator nga shkatërrimi i stuhisë Daniel.

Në shtator, tetor dhe nëntor stuhitë shkaktuan gjithashtu përmbytje në Meksikë, Hong Kong dhe në Evropën Perëndimore, ndërsa përmbytjet mbytën mijëra njerëz në Libi. Nga ana tjetër, thatësira rekord shënuan rënie drastike të nivelit të ujit të liqeneve dhe lumenjve, duke përfshirë edhe pyjet tropikale të Amazonës.

Shkencëtarët thonë se këto lloj ngjarjesh si pasojë e motit ekstrem do të bëhen më të rëndomta dhe më të rënda me ngrohjen e Tokës.

Ky vit ishte veçanërisht i vështirë si pasojë e ndryshimeve klimatike të shkaktuara nga njeriu dhe në kombinim me shfaqjen e fenomenit natyror të klimës, El Ninjo, që ngrohu ujërat e Oqeanit Paqësor.

Në nëntor, shkencëtarët thanë se viti 2023 pritet të përfundojë si viti më i ngrohtë i regjistruar dhe në dhjetor diplomatët për çështje të klimës u takuan në Dubai në COP28 për të ulur emetimet dhe për të frenuar ngrohjen globale.

The post 2023, viti i gjendjeve më ekstreme të motit appeared first on Albeu.com.

Studiuesit, të udhëhequr nga profesori Stefan Ageval i Universitetit të Oslos, i cili bëri njoftimin në konferencën ndërkombëtare të Shoqatës Evropiane të Kardiologjisë në Barcelonë (Kongresi ESC 2022), analizuan të dhënat nga pesë studime të kryera në vende të ndryshme (Itali, Gjermani , Britania, Norvegjia, Suedia) dhe përfshinte gjithsej 2.28 milionë të rritur me një moshë mesatare prej 50 deri në 72 vjeç (në varësi të çdo sondazhi). Studimi u fokusua në lidhjen midis temperaturës, sëmundjeve kardiovaskulare dhe rrezikut të vdekjes.

U zbulua se moti shumë i ftohtë shoqërohet me një rrezik të shtuar të vdekjes nga sëmundjet ishemike dhe kardiovaskulare në përgjithësi. Ulja e temperaturës me 10 gradë Celsius (nga 5 në -5) rrit me 19% rrezikun e vdekjes nga sëmundjet kardiovaskulare dhe 22% në veçanti nga sëmundjet ishemike te njerëzit me probleme para-ekzistuese. Një rënie e temperaturës prej 11 gradë (nga 2 në -9) rrit rrezikun e një diagnoze të re të sëmundjes ishemike me 4%.

Ageval deklaroi se “marrëdhëniet midis temperaturave të ftohta dhe vdekjeve janë më të forta te meshkujt dhe te njerëzit që jetojnë në lagje të ulëta socio-ekonomike. “Lidhjet midis të ftohtit dhe sëmundjes së re ishemike janë më të forta tek gratë dhe njerëzit mbi 65 vjeç.”

Nga ana tjetër, një rritje e temperaturës nga 15 në 24 gradë u zbulua se lidhet me një rritje prej 25% të rrezikut të vdekjes nga sëmundjet kardiovaskulare dhe një rritje prej 30% nga goditjet në tru tek njerëzit me probleme para-ekzistuese të zemrës./albeu.com

The post Kushtet ekstreme të motit prekin shëndetin tonë, çfarë thotë studimi i fundit appeared first on Albeu.com.

Ajo që ishte cilësuar si “shfaqja më e madhe në Evropë e fishekzjarrëve” e paraparë të mbahej mbrëmje e 20 gushtit për të festuar Ditën e Shën Stefanit u shty nga Qeveria, disa orë pasi Shërbimi Kombëtar i Meteorologjisë lëshoi një paralajmërim për mot ekstrem.

Atë natë, moti megjithatë ishte stabil, që çoi në shkarkimin e drejtueses së shërbimit të motit, Kornelia Radics, dhe zëvendësit të saj, Gyula Horvath.

Shkarkimet, që u bën të ditura nga ministri i Teknologjisë dhe Industrisë, Laszlo Palkovics, u përcollën me kritika ndaj shërbimit meteorologjik nga mediat hungareze të lidhura me Qeverinë.

Festimet për Ditën e Shën Stefanit duhej “të përshkruante një kronikë të përmbledhur të 1.000 vjetësh nga lindja e Hungarisë së krishterë deri në ditët e sotme, duke u përqendruar në mësimet e vlerave kombëtare”, thuhet në faqen e internetit që ka planifikuar këtë shfaqje me fishekzjarrë.

Festimet, sipas organizatorëve, kishin për qëllim të vinin në pah momentet më të rëndësishme të historisë hungareze dhe “vlerat e rëndësishme kombëtare që po ashtu mund të ofrojnë mësim moral për jetën e përditshme”.

Kryeministri populist i krahut të djathtë, Viktor Orban, ka kërkuar që të promovojë Hungarinë si bastion të mbrojtjes të të ashtuquajturave vlera të krishtera dhe traditave kombëtare. Në këtë kuadër, më 2015, Qeveria e tij ngriti një mur në kufirin jugor për të parandaluar kalimin e qindra-mijëra refugjatëve, që po iknin nga konflikti në Lindjen e Mesme.

Por, Qeveria e Orbanit po ashtu është akuzuar nga Bashkimi Evropian, ku Hungaria është anëtare, për korrupsion, nepotizëm dhe tendenca anti-demokratike.

Pothuajse 100.000 persona kanë nënshkruar një peticion për të kërkuar anulimin e lëshimit të fishekzjarrëve në kohën kur shteti po përballet me krizë ekonomike, por edhe për shkak të luftës në Ukrainën fqinje.

“Në një shtet ku vlera e valutës kombëtare bie çdo ditë dhe çmimet rriten vazhdimisht, nuk ka vend për spektakle të tilla luksoze”, thuhet në peticion.

Shërbimi i meteorologjisë, ndërkaq më 23 gusht ka kërkuar që drejtuesit e shkarkuar të rikthehen në punë, duke argumentuar se Qeveria “injoroi pasigurinë shkencore, të pranuar shkencërisht, lidhur me parashikimet meteorologjike”.

Më 2006, pesë persona u vranë dhe mbi 300 u plagosën në Ditën e Shën Stefanit për shkak të motit të keq. Atëbotë, erërat arritën deri në 100 kilometra në orë në Budapest, teksa 1.5 milion persona ishin mbledhur për të parë nga afër festimet. REL

The post Parashikuan mot ekstrem dhe krijuan përplasje politike, Hungaria shkarkon dy meteorologë appeared first on Albeu.com.

Pas valës vdekjeprurëse të nxehtësisë në SHBA dhe Kanada, ku temperaturat u rritën mbi 49.6 gradë Celsius dy javë më parë, përmbytja në Europën Qendrore ka ngritur frikën se përçarja e klimës e shkaktuar nga njerëzit po e bën motin ekstrem edhe më keq se sa parashikohej, informon albeu.com.

Të dhënat e reshjeve sollën pasoja shkatërruese ku më shumë se 80 njerëz kanë humbur jetën dhe mijëra janë zhdukur. Gjithashtu shtëpitë janë përmbytur dhe furnizimi me energji është ndërprerë.

Shkencëtarët e klimës kanë parashikuar prej kohësh që emetimet njerëzore do të shkaktonin më shumë përmbytje, valë të nxehtësisë, thatësira, stuhi dhe forma të tjera të motit ekstrem, por kulmet e fundit kanë tejkaluar shumë pritshmëri./albeu.com

The post Përmbytjet në Gjermani, shkencëtarët e klimës: Jemi shokuar, moti ekstrem ka kaluar pritshmëritë tona! appeared first on Albeu.com.

Qeveria federale e Kanadasë tha se do të dërgonte avionë ushtarakë për të ndihmuar shërbimet e urgjencës në Kolumbinë Britanike për të luftuar dhe kontrolluar zjarret.

Më parë këtë javë, njerëzit duhej të largoheshin nga fshati Litton në province, prasi temperaturat arritën në 49.6 gradë Celsius dhe në fshat ra zjarr.

Ekspertët thonë se ndryshimi i klimës pritet të rrisë frekuencën e ngjarjeve ekstreme të motit, të tilla si valët e nxehtësisë./albeu.com

The post Pas të nxehtit, rrufeja shkakton 130 vatra zjarri në Kanada appeared first on Albeu.com.