Temperaturat  e larta do të jenë prezente në 3 ditët e para të javës, ndërsa prej së enjtes nuk do të mungojnë reshjet dhe stuhitë e erës.

Tetori në të gjitha ditët e tij nuk ka shënuar asnjë ditë në vlera normale. Mund të them që ka qenë një Shtator sipas studiuesve, ende në studim, Shtatori më i nxehtë në histori në rang global.

Lajda Porja: Edhe në Shqipëri, 36-37 gradë nuk kishte ndodhur në histori të shënonte Shtatori, mund të them edhe Tetori në kushte krejt anormale. Ishte parashikuar që më herët që do ishte në temperatura anormale.

Për shkak të prezencës së lagështirës, temperaturat do të ndihen më të larta nga sa janë në të vërtetë. Ky efekt, shpjegon meteorologia ndryshon në ditët e ftohta sepse lagështira bën që të duket sikur temperaturat janë më të ulëta.

Kjo javë do jetë dinamike, parashikohet që 3 ditët e para, e hënë, e martë, e mërkurë të jetë kryesisht me diell. Është lagështira prezente dhe lagështira bën që termomenti edhe pse termomentri shënon 25 ne e ndiejmë si 29.

Temperatura që e ndiejmë ne, kjo edhe për shkak se lagështira bën bllokimin e qarkullimit të ajrit, bën që ne të ndiejmë të nxehtin dhe luan një rol krejt të kundërt në dimër, kur kemi prezencën e lagështirës e ndiejmë më të ftohtë. Tirana është ndër qytetet që ka lagështirë, edhe për shkak të pozicionit gjeografik.

Deri të mërkurën temperatura deri 25-26 gradë, mot i kthjellët. Dita e enjte, e premte dhe e shtunë risjell reshjet sepse është kjo masa ajrore, nëse ju rikujtoj të shtunën ishte një mot mbytës për shkak se ishim në një masë ajrore të freskët veriperëndimore, erdhi një masë kryesisht nga jugu, pati përplasje dhe më shumë kishte stuhi ere dhe më pak rrebeshe, rrebeshe kalimtare megjthatë në shumë zona ka sjellë probleme. E enjtja, e premtja dhe e shtuna me reshje, kryesisht e enjtja dhe e premtja stuhi, rrebeshe, stuhi të forta ere. Stuhitë shkojnë rreth 60 në tokë dhe 70-80 në det të hapur duke sjellë disi probleme në trafikun detar.

Meteorologia pranon se tashmë stinët kanë nisur të marrin nga njëra-tjetra dhe tashmë ndryshimet klimatike do të kenë ndikimet e tyre në to. Ajo konfirmon se edhe Tetori do të mbyllet në vlera të larta atmosferike.

Lajda Porja: Duhet të bëhemi gati, ndryshimet klimatike i kemi prezente. Do të kemi një dimër relativisht të cunguar, nga 3 muaj dimër të cunguar në 3 apo 4 javë. Nuk është se do mungojnë ditët e ftohta, do jenë prezent por do jenë shumë të pakta.

Pas dy muajve të parë të nxehtë të vjeshtës, Nëntori do të shënojë ndryshime të temperaturave dhe do të jetë më i freskët.

The post Temperaturat më të larta në histori/ Si nis muaji nëntor? Meteorologia: Kur pritet ndryshimi i motit appeared first on Albeu.com.

“10 ditëshi i parë është mbyllur me temperatura të larta, madje 31 dhe 32 gradë janë 8 gradë më të larta, nga çfarë duhet të jenë temperatura shumë të larta, sidomos nëse flasim për vlerat, maksimal. Mesdita është tipikë si një mesditë qershori. Pra temperaturat 31 dhe 32 janë tipike qershori edhe pse jemi ne tetor”,- Ladja Porja, meterologe.

Vera që lamë pas, ishte ndër më të nxehtat, jo vetëm për Shqipërinë. Meterologët thonë se tashmë kushtet atmosferike, kanë ndryshuar, duke qenë më në favor të temperaturave të larta. Xhupat do të vijnë duke u paksuar në dollapët e qytetarëve.

“Sa i përket dimrit, deri në fund të vitit 2023, përfshirë dhe nëntorin dhe dhjetorin, ky vit do të mbyllet si një i nxehtë dhe më pas na pret serish që të kemi edhe ne vitin 2024 temperatura të larta. pra edhe dimri do të ketë më shumë ditë me diell dhe me temperatura mbi mesataren dhe më pak, ditë tipike të dimrit. Nga një dimër tre muaj do jetë i cunguar në vetëm 3-4 javë”,-tha Ladja Porja, meterologe për euronews.

As reshjet nuk kanë qenë në favor, pasi i gjithë sezoni i verës, por dhe shtatori dhe muaji tetor, kanë qenë muaj të thatë, duke ndikuar në mos plotësimin e kuotave mujore.

“Kemi mbyllur një shtator thuajse të thatë, tetori po ashtu të paktën deri në datën 16, pa reshje. presim pas datës 16 të kemi 3-4 ditë reshje dhe të shpresojmë që të kemi plotësim të kuotave mujore, që janë rreth 220 mml, ndërkohë nuk kemi patur fare reshje gjatë tetorit”,-tha Ladja Porja, meterologe.

Sipas ekspertëve rritja e temperaturave rrit ndjeshëm probabilitetin e ngjarjeve ekstreme, të cilat çdo vit po bëhen dhe më intensive.

The post E pazakontë/ “Vera nuk ikën as në Tetor”, meteorologia: Këtë vit mos blini xhupa, si mbyllet 2023-shi appeared first on Albeu.com.