Sipas IPK-së, veprimet e para hetimore të zhvilluara nga ky institucion kanë nxjerrë dyshime se mbrëmë, dy policë, gjatë kryerjes së detyrës zyrtare në objektin e Stacionit Policor Jugu, janë përfshirë në një mosmarrëveshje me njëri-tjetrin dhe dyshohen për veprën penale “Sulm”.

Për këtë rast, IPK i ka propozuar Policisë së Kosovës pezullimin e dy zyrtarëve policorë që po hetohen si të dyshuar.

“Secili veprim i zyrtarëve policorë që mund të cenojë integritetin policor ose mund të ndikojë negativisht në profesionalizmin e Policisë së Kosovës do të trajtohet me seriozitet të plotë nga Inspektorati Policor i Kosovës”, thuhet në reagimin e IPK-së.

“Hetuesit e IPK-së janë në koordinim të vazhdueshëm me Prokurorinë Themelore në Prishtinë kurse rasti do të trajtohet në procedurë të rregullt”, përfundon IPK.

The post IPK reagon pas përplasjes mes dy policëve, kërkohet pezullimi i tyre appeared first on Albeu.com.