“Steve Witkoff do të jetë atje, ndoshta me Jared (Kushner). Nuk jam i sigurt nëse Jared do të jetë atje, por ai është i përfshirë në proces, është një djalë i zgjuar dhe ata do të takohen me Presidentin Putin, besoj, javën e ardhshme në Moskë”, u tha republikani gazetarëve në Air Force One.

Ai gjithashtu, dukej se la mënjanë afatin e nesërm që e pa të dhënë Ukrainës për të pranuar një plan amerikan me 28 pika, duke thënë se “afati për mua është kur të mbarojë lufta”.

Ai  vlerësoi se po bëhet përparim në bisedimet me Ukrainën dhe Rusinë, duke siguruar se Moska ka rënë dakord të bëjë lëshime, pa qenë më specifik.

The post Donald Trump: Steve Witkoff do të takohet me Putinin në Moskë javën e ardhshme appeared first on Albeu.com.

Sipas raportimeve ndërkombëtare, ndalimi i papritur i udhëtimit ka ardhur si pasojë e ndalimit të hyrjes në hapësirat ajrore të disa vendeve si dhe për shkak të kërcënimeve të paidentifikuara për sigurinë, përfshirë rreziqet nga sistemet e mbrojtjes ajrore përgjatë itinerarit.

Më herët, Letonia dhe Lituania kishin ndaluar në mënyrë eksplicite fluturimin e Vuçiç në hapësirat e tyre ajrore, ndërsa Bashkimi Evropian kishte paralajmëruar se pjesëmarrja e tij në kremtimet në Moskë mund të ndikonte negativisht në bisedimet e Serbisë për anëtarësim në BE.

Në një veprim të ngjashëm, Polonia dhe Lituania kishin bllokuar edhe fluturimin e Kryeministrit sllovak Robert Fico drejt Moskës, ndërsa Estonia kishte vendosur një ndalim të përgjithshëm për fluturimet drejt Rusisë për këtë ngjarje përkujtimore.

Këto veprime të koordinuara nga shtetet baltike dhe Polonia, të njohura për mbështetjen e tyre ndaj Ukrainës, po konsiderohen si përpjekje për të penguar kremtimet e 80-vjetorit të fitores së Bashkimit Sovjetik ndaj Gjermanisë Naziste. Në të njëjtën kohë, forcat ukrainase po intensifikojnë sulmet ndaj Moskës, në përpjekje për të ndërprerë mbërritjen e liderëve të huaj në ceremoni.

The post Vuçiç ndalohet nga BE të shkojë në Moskë, avioni i presidentit serb ulet me emergjencë në Azerbajxhan appeared first on Albeu.com.

Sipas raportimeve, devijimi ishte për shkak të mohimit të aksesit në hapësirën ajrore dhe “kërcënimeve të sigurisë” të paspecifikuara, duke përfshirë rrezikun e mundshëm që paraqesin sistemet e mbrojtjes ajrore përgjatë rrugës.

Më parë, Letonia dhe Lituania e kishin ndaluar në mënyrë të qartë avionin e Vuçiçit të hynte në hapësirën e tyre ajrore, ndërsa Bashkimi Evropian paralajmëroi se pjesëmarrja e tij në festimet e Ditës së Fitores më 9 maj mund të ndërlikonte bisedimet e pranimit të Serbisë në BE.

Në një veprim të ngjashëm, Polonia dhe Lituania bllokuan gjithashtu kryeministrin sllovak Robert Fico të fluturonte për në Moskë, dhe Estonia lëshoi ​​një ndalim të përgjithshëm për çdo fluturim drejt Rusisë për përkujtimin.

Këto veprime të koordinuara nga shtetet baltike dhe Polonia, të lidhura ngushtë me regjimin e Kievit, duket se synojnë sabotimin e 80-vjetorit të fitores sovjetike mbi Gjermaninë naziste. Ndërkohë, forcat ukrainase po intensifikojnë sulmet ndaj Moskës në një përpjekje për të penguar mbërritjen e udhëheqësve të huaj.

The post Udhëtimi i presidentit serb drejt Moskës në “rrezik”, mediat serbe: Avioni i Vuçiç detyrohet të bëjë ulje emergjente appeared first on Albeu.com.

Vuçiç planifikonte të udhëtonte për në Moskë, edhe pse Rusia që nga viti 2022 po synon pushtimin e Ukrainës dhe për këtë arsye është nën sanksione perëndimore.

Sipas medias serbe autoritetet lituaneze këtë vendim e kanë cilësuar “me ndjeshmëri politike për shkak të qëllimit të fluturimit”.

Yuri Ushakov, ndihmësi i udhëheqësit rus, tha sot se presidenti rus Vladimir Putin do të zhvillojë bisedime dypalëshe me presidentin serb Aleksandar Vuçiç më 9 maj.

The post Vuçiçit i ndalohet fluturimi drejt Moskës, media serbe: Lituania dhe Letonia mbyllin hapësirën ajrore appeared first on Albeu.com.

Në një fjalim drejtuar publikut, Presidenti serb deklaroi se do të jetë në kryeqytetin rus me një njësi të Ushtrisë së Serbisë, e cila do të marrë pjesë në ceremoni.

“Po vjen një periudhë e një aktiviteti të jashtëzakonshëm diplomatik, si dhe presione të mëdha për shkak të ngjarjeve në Moskë dhe paradës së fitores më 9 maj, gjegjësisht 80 vjet nga fitorja mbi fashizmin, në të cilën shpallëm pjesëmarrjen e një njësie të ushtrisë serbe”, tha Vuçiç.

“Me shumë mundësi do të udhëtoj edhe në Shtetet e Bashkuara të Amerikës, do të kem një takim me të gjithë zyrtarët europianë, do të kemi një samit politik europian, do ta kemi këtë samit në Sevilje, do të kemi një samit në Tiranë, do të kemi një samit në Romë, e gjithë kjo në dy muajt e ardhshëm, shumë, kështu që do të shohim se si do të duket gjithçka”, tha presidenti serb.

“Sido që të jetë, më duket se qielli do të më bjerë mbi kokë nga presioni për të shkuar në Moskë, dhe edhe pse nuk mashtrova askënd ose nuk gënjeva, para tetë muajsh e njoftova takimin për në Moskë, d.m.th., e bëra publike, sepse nuk kisha qenë atje për tre vjet, dy vjet e gjysmë para kësaj, tani dukshëm më shumë se tre vjet që jam zyrtarisht me presidentin e Federatës Ruse, 1 Nëntor, ndryshe nga shumë liderë evropianë”, njoftoi ai.

Shefja e diplomacisë së Bashkimit Evropian, Kaja Kallas, i ka paralajmëruar liderët e Ballkanit të mos marrin pjesë në paradën e “Ditës së Fitores” të Vladimir Putinit në Moskë muajin e ardhshëm.

“E kemi bërë shumë të qartë që nuk duam që asnjë vend kandidat [i BE-së] të marrë pjesë në këto ngjarje më 9 maj në Moskë”, tha Kallas, duke iu referuar kryesisht gjashtë vendeve të Ballkanit Perëndimor që shpresojnë t’i bashkohen bllokut.

Po ashtu, një ditë më parë zyrtarët evropianë e paralajmëruan Vuçiç se vizita e tij në Rusi do të ishte një shkelje e kritereve të anëtarësimit të bllokut dhe do të prishte ambiciet e vendit të tij për në Bashkimin Evropian.

Pavarësisht thirrjeve nga Brukseli, Serbia vazhdon të mos pranojë të vendosë sanksione ndaj Rusisë, më shumë se tri vjet pas fillimit të pushtimit të plotë të Ukrainës.

The post Vuçiç sfidon BE, paraprinë takimin në Moskë: Më duket se qielli do të më bjerë mbi kokë nga presioni, por unë kurrë nuk kam gënjyer appeared first on Albeu.com.

Agjencia ruse e lajmeve Tass raportoi se arrestimi u bë pasditen e së hënës, në parkun Zaryadiye të kryeqytetit rus.

Nuk dihen detajet e personit të arrestuar, i cili sipas mediave ruse punon si anëtar i ekuipazhit të një kompanie ajrore italiane.

Sipas mediave, ai ka deklaruar se “do të bënte vetëm foto panoramike” dhe se “nuk e dinte se kishte një ndalim përkatës”.

The post Ngriti një dron për të bërë “foto panoramike”, arrestohet italiani në Moskë appeared first on Albeu.com.

“Kanye West është në Moskë, ky është një lajm i mrekullueshëm, ai është në zemër të kryeqytetit”, raportoi agjencia TASS në postimet e mediave sociale.

West thuhet se shkoi në Moskë për të festuar ditëlindjen e mikut të tij, stilistit rus Gosha Rubchinsky.

Kanye West, i cili më parë shprehu admirimin e tij për presidentin rus Vladimir Putin, bëri gjithashtu deklarata të diskutueshme për Adolf Hitlerin dhe disa marka të modës ndaluan së punuari me reperin për shkak të deklaratave të tij antisemitike.

Muzikantët perëndimorë e kanë shmangur kryesisht Rusinë që nga fillimi i ofensivës së shkurtit 2022 kundër Ukrainës, e cila solli sanksione kundër Moskës.

The post Reperi amerikan, Kanye West viziton Moskën appeared first on Albeu.com.

“Nuk ka terren pjellor për bisedimet e paqes aktualisht midis Rusisë dhe Ukrainës për shkak të refuzimit zyrtar të Kievit për të negociuar me Moskën”, tha sot zëdhënësi i Kremlinit Dmitry Peskov.

Presidenti ukrainas Volodymyr Zelensky nënshkroi një dekret në vitin 2022 ku deklaroi zyrtarisht “të pamundur” çdo perspektivë për bisedimet e Kievit me presidentin rus Vladimir Putin, duke lënë në këtë mënyrë të hapur mundësinë e bisedimeve me “një president tjetër të Rusisë”.

The post Zëdhënësi i Kremlinit: Nuk ka terren pjellor për bisedimet e paqes midis Rusisë dhe Ukrainës appeared first on Albeu.com.

Zëdhënësi i Kremlinit Dmitry Peskov i mohoi zërat, duke thënë se ai nuk dinte asgjë.

Në sulmin më vdekjeprurës në tokën ruse në 20 vjet, persona të armatosur hapën zjarr me armë automatike mbi të pranoshmit në sallën e koncerteve në qyteti Crocus më 22 mars, duke vrarë 144 njerëz. Sulmi u mor përsipër nga Shteti Islamik.

“Teherani informoi Moskën për mundësinë e një sulmi të madh terrorist brenda Rusisë,. Informacioni doli në pah gjatë marrjes në pyetje të të arrestuarve”, tha një burim.

Ministria e Inteligjencës e Iranit tha në janar se kishte arrestuar 35 persona në lidhje me një shpërthim të dyfishtë me bombë më 3 janar, në qytetin juglindor të Kermanit që vrau afro 100 njerëz.

Më 19 janar, ministria njoftoi se kishte arrestuar një komandant të krahut të Shtetit Islamik në Afganistan, ISIS-Khorasan (ISIS-K).

Shteti Islamik mori përgjegjësinë për shpërthimet në Iran, më vdekjeprurësit që nga Revolucioni Islamik i vitit 1979.

Burimet e inteligjencës amerikane thanë se ISIS-K ishte përgjegjës për sulmet e 3 janarit në Iran dhe sulmin e 22 marsit në Moskë.

ISIS përgatitej për “operacion të madh në Rusi”

Një burim i dytë, i cili gjithashtu foli në kushte anonimiteti për shkak të natyrës së ndjeshme të çështjes, tha se në informacionin që Teherani i dha Moskës për një sulm të afërt nuk kishte detaje për kohën dhe objektivin e saktë.

“(Anëtarët e ISIS-K) morën urdhra për të përgatitur një operacion të madh në Rusi… Një nga terroristët (i kapur në Iran) tha se anëtarët e organizatës kishin udhëtuar tashmë në Rusi,” tha burimi i dytë.

Burimi i tretë, një zyrtar i lartë i sigurisë, tha: “Duke pasur parasysh se Irani ka qenë viktimë e sulmeve terroriste për disa vite, autoritetet iraniane përmbushën detyrimin e tyre për të paralajmëruar Moskën bazuar në informacionin që morën nga këta terroristë të kapur”.

Ministria e Jashtme e Iranit nuk iu përgjigj një kërkese për koment mbi raportin, ndërsa Shtëpia e Bardhë nuk komentoi.

The post Sulmi në Moskë, Reuters: Teherani kishte paralajmëruar Rusinë për mundësinë e një “operacioni terrorist” të madh appeared first on Albeu.com.

Lilit Israelian me flokë të gjatë dhe të zinj që i binin mbi fustanin me lule, ishte armene. Bashkëshorti i saj, Vugar Huseynov, me flokë të zinj të prerë shkurt, ishte azerbajxhanas.

Të dy ata ishin ndër viktimat e sulmit të 22 marsit. Për shumë njerëz në Kaukaz, bashkë me ta u vra edhe një dashuri e rrallë.

“Të jesh armene dhe azer, të përballesh me të gjitha ato kundërshtime, të dashurohesh dhe të martohesh, është një gjë aq e rrallë. Dhe, pastaj, vijnë tre a katër terroristë dhe ua marrin jetën si të mos ishte asgjë. Zot, jepu atyre cepin më të bukur të parajsës”, shkroi një person në platformën X

Huseynov dhe Israelian punonin në Aeroportin Ndërkombëtar Vnukovo të Moskës.

Kompania e shërbimeve të aviacionit, UTG, tha se Huseynov ishte punonjës aktual, ndërsa Israelian kishte punuar më herët. Familja e saj u tha mediave ruse se çifti kishte një fëmijë një a një vjeç e gjysmë.

Për historinë e çiftit u raportua pak, por mund të thuhet me siguri se ai duhet të jetë përballur me rezistencë të fortë nga komunitetet përkatëse.

Në një anketë të vitit 2009, 92 për qind e armenëve thanë se do të kundërshtonin martesën e një gruaje armene me një burrë azerbajxhanas.

Shifra përkatëse në mesin e azerbajxhanasve për armenët ishte 99 për qind.

Në kohët sovjetike, martesat mes armenëve dhe azerëve ishin më të zakonshme në vendet me popullsi të mëdha të përziera, si kryeqyteti i Azerbajxhanit, Baku, ku armenët etnikë përbënin midis 10 dhe 20 për qind të banorëve.

Martesat e përziera ishin “ikonë e kozmopolitizmit të Bakusë”, shkroi Laurence Broers, bashkëpunëtor në Programin e Rusisë dhe Euroazisë në Institutin Chatham House, me seli në Londër.

Por, kur shpërtheu konflikti për territorin e Nagorno Karabakut dhe kur Bashkimi Sovjetik u shpërbë, kjo epokë e bashkëjetesës në Armeni dhe Azerbajxhan mori fund.

Pothuajse të gjithë armenët etnikë u larguan nga Azerbajxhani ose u dëbuan dhe anasjelltas. Ata pak që mbetën, ishin zakonisht njerëz me martesa të përziera ose fëmijë të tyre, që, në shumë raste, e mbanin të fshehtë këtë aspekt të jetës së tyre. Në vendet ku armenët dhe azerët vazhduan të jetonin si fqinj, sikurse Gjeorgjia apo Rusia, martesat e përziera ndodhin ende, por janë jashtëzakonisht të rralla.

Rusia nuk mban të dhëna për martesat në bazë të përkatësisë etnike, çfarë e bën të pamundur të dihet se cili është numri i çifteve armene-azerbajxhanase.

“Unë jam gjysmë armen dhe gjysmë azerbajxhanas dhe jam krenar për këtë. Ky është lajm aq drithërues”, shkroi një përdorues i rrjetit Reddit, pas vrasjes së çiftit.

“Kanë mbetur shumë pak çifte të tilla. Çfarë bote mizore! Pushofshin në paqe dhe fëmija i tyre u rrittë duke e ditur se dashuria e mamasë dhe e babait të tij, sfidoi kufijtë kulturorë për ta sjellë atë në jetë. Shpresoj që fëmija i tyre të rritet i shëndetshëm, i fortë dhe krenar për rrënjët e tij”, shkroi ai.

Përveç historisë së tij të rrallë familjare, Huseynov u veçua edhe për trimërinë e tij gjatë sulmit. Videot nga dëshmitarët okularë e kapën atë duke u përpjekur t’i përdorte tavolinat e përmbysura për të mbrojtur gruan e tij dhe viktimat e tjera, si dhe për t’i frenuar sulmuesit.

“Kolegët e përshkruajnë Vugarin si të shkathtë dhe të sjellshëm”, shkroi kanali rus në Telegram, Mash, i cili ishte i pari që raportoi për identitetin e Huseynovit dhe Israelianit.

Pas përhapjes së lajmit për fatin tragjik të çiftit dhe të së paku 137 njerëzve të tjerë që u vranë, mes reagimeve të pikëllimit kishte edhe komente të vrazhda që pasqyronin rivalitetin e rrënjosur, si pasojë e luftërave të përsëritura dhe dhunës etnike që nga vitet 1990.

“U martua me një armene dhe e zuri karma”, shkroi një komentues në një faqe të Azerbajxhanit në Telegram.

“Si ia dhanë vajzën turkut? A janë edhe ata azerbajxhanas?”, shkroi një tjetër komentues në një faqe armene, duke iu drejtuar kështu për shkak të lidhjeve të ngushta gjuhësore dhe historike mes azerbajxhanasve dhe turqve.

Por, komentet e tilla morën shpejt kundërpërgjigje.

“Le të bëjë kujtimi i tyre paqe mes Armenisë dhe Azerbajxhanit. Jo më luftëra në shekullin 21. Pushofshin në paqe motra ime armene dhe bashkëshorti i saj azerbajxhanas”, shkroi një tjetër. “Mos lejoni që bota politike të na shkatërrojë”.

The post Dashuria që sfidoi kufijtë kulturorë, historia e rrallë e çiftit që u shua në sulmin në Moskë appeared first on Albeu.com.