Morgan Rogers është zyrtarisht futbollist i Chelseat, pasi klubi londinez pagoi 117 milionë funte për ta transferuar nga Aston Villa. Kjo shumë e bën atë lojtarin britanik më të shtrenjtë në histori.

Mesfushori 24-vjeçar ka nënshkruar një marrëveshje gjashtëvjeçare dhe bëhet përforcimi më i madh i Chelseat në epokën e trajnerit të ri, Xabi Alonso.

Kalimi në Londër vjen pasi Rogers luajti gjashtë ndeshje për Anglinë në Kupën e Botës 2026. Paraqitjet mbresëlënëse me Aston Villan i kishin siguruar atij ftesën në kombëtare nga Thomas Tuchel.

Gjatë aventurës me Aston Villan, Rogers regjistroi 125 paraqitje, në të cilat shënoi 31 gola dhe dha 29 asistime. Karriera e tij njohu një zhvillim të ndjeshëm pas eksperiencave të mëparshme te Middlesbrough, Lincoln City, Bournemouth dhe Blackpool.

I formuar në akademinë e Manchester Cityt, Rogers do të takohet sërish te Chelsea me ish-bashkëlojtarët e tij, Cole Palmer dhe Liam Delap.

Me vlerën prej 117 milionë funtesh, ky operacion ka thyer rekordin e mëparshëm të merkatos verore, të vendosur nga transferimi i Elliot Anderson te Manchester City për 116 milionë funte. Në këtë mënyrë, Morgan Rogers bëhet afrimi më i kushtueshëm i një futbollisti britanik në histori.

The post Zyrtare: Morgan Rogers transferohet te Chelsea për shifër rekord appeared first on Albeu.com.

Chelsea ka tronditur merkaton duke arritur akordin për transferimin e Morgan Rogers nga Aston Villa, për shumën 117 milionë funte. Marrëveshja ka surprizuar Arsenalin, që shihej si kandidati kryesor për yllin anglez.

Klubi nga “Emirates” pritej të paraqiste ofertën zyrtare pasi futbollisti të përfundonte angazhimet e tij në Kupën e Botës. Në kampin londinez besohej se bisedimet për kushtet personale nuk do të paraqisnin vështirësi, pasi Rogers ishte i hapur për një lëvizje drejt Arsenalit.

Por Chelsea ndërhyri përpara rivalëve. Blutë i zhvilluan në diskrecion negociatat me Aston Villan dhe vendosën në tavolinë 117 milionë funte, propozim që u pranua menjëherë nga klubi, pavarësisht se nuk planifikonte ta shiste lojtarin.

Drejtuesit e Arsenalit nuk e kishin llogaritur gatishmërinë e Chelseat për të investuar një shifër kaq të lartë në këtë moment të merkatos. Interesimi i Chelseat për Rogers kishte nisur që në fund të sezonit të kaluar.

Një rol vendimtar në finalizimin e këtij operacioni ka pasur drejtori i rekrutimit dhe talenteve, Joe Shields. Rogers u bind gjithashtu nga projekti i ri sportiv i klubit dhe nga mënyra se si iu prezantua vizioni i trajnerit Xabi Alonso, duke zgjedhur Stamford Bridgen.

Arsenali pritet tani të kthejë vëmendjen te opsione të tjera. Klubi ka arritur marrëveshje për Christos Tzolis, ndërsa mund të shtojë përpjekjet për sulmuesin e Paris Saint-Germainit, Bradley Barcola.

Nëse nuk do të dalin pengesa, Morgan Rogers do të nënshkruajë kontratë gjashtëvjeçare me Chelsean dhe kontrollet mjekësore pritet t’i kryejë të hënën.

The post Chelsea i rrëmben Arsenalit Morgan Rogers me ofertën 117 milionë funte appeared first on Albeu.com.