Disa nga personat e përfshirë në konflikt kanë marrë peng një person tjetër të përfshirë në konflikt.

Policia mesditën e sotme ka identifikuar dhe arrestuar në flagrancë shtetasit Danjel Berati 20 vjeç, Fabjan Goguaj 19 vjeç, Beqir Qytyku 22 vjeç dhe Ergys Goguja 20 vjeç që morën peng 17-vjeçarin.

Njoftim policie

I hoqën lirinë një shtetasi, duke e mbajtur për disa minuta në automjet, Policia identifikon dhe vë në pranga 4 autorët.

Mbrëmjen e djeshme, rreth orës 22:20, salla operative e DVP Elbasan ka marrë njoftim për një konflikt mes disa adoleshentëve, në afërsi të pallatit të sportit. Sipas njoftimit disa nga personat e përfshirë në konflikt kishin marrë në automjet, pa dëshirën e tij, një person tjetër të përshirë në konflikt.

Menjëherë pas marrjes së njoftimit, shërbimet e Policisë kanë shkuar në vendngjarje dhe falë veprimeve të shpejta hetimore dhe profesionale kanë bërë të mundur zbardhjen e rrethanave të ngjarjes dhe identifikimin e personave të përshirë në konflikt.

Në përfundim të veprimeve, u arrestuan në flagrancë shtetasit:

D. B., 20 vjeç, F. G., 19 vjeç, B. Q. 22 vjeç dhe E. G., 20 vjeç, banues në Elbasan.

Këta shtetas, pas një konflikti fizik për motive të dobëta, në bashkëpunim me njëri-tjetrin, kanë mbajtur me forcë në automjet, për disa minuta, një 17-vjeçar të përfshirë në konflikt.

Materialet hetimore i kaluan Prokurorisë pranë Gjykatës së Rrethit Gjyqësor Elbasan, për veprën penale “Heqja e paligjshme e lirisë”, e kryer në bashkëpunim./albeu.com

The post Morën peng të riun në Elbasan, policia vë në pranga 4 autorët (EMRAT appeared first on Albeu.com.