Interi ka regjistruar një start pozitiv në sezonin 2026/27 të Serie A, duke mposhtur Monzën me rezultatin 4-1 në ndeshjen e javës së parë të kampionatit italian.

Skuadra zikaltër kaloi përpara që në minutën e gjashtë. Hakan Calhanoglu pranoi topin e dhuruar nga Andy Diouf dhe, pas një kontrolli të saktë, goditi fuqishëm nga jashtë zonës për të kaluar Interin në avantazh.

Monza nuk vonoi të përgjigjej dhe në minutën e 29-të vendosi baraspeshën. Mathis Mout gjeti Gustavo Varelan brenda zonës, ndërsa ky i fundit e mposhti portierin kundërshtar dhe shënoi për 1-1.

Me këtë rezultat u mbyll edhe pjesa e parë, por pas pushimit Interi mori menjëherë kontrollin e takimit.

Në minutën e tetë, Semuel Pizzignacco gaboi në goditjen e topit dhe ia dhuroi atë Piotr Zielinskit. Mesfushori polak përfitoi nga rasti dhe, me një goditje nga distanca, riktheu Interin në epërsi për 2-1.

Vetëm gjashtë minuta më pas, “Nerazzurrët” shënuan sërish. Andy Diouf asistoi për Francesco Pio Espositon, i cili e përfundoi aksionin me një goditje të bukur me thembër, duke e çuar rezultatin në 3-1.

Interi vijoi të ushtronte presion dhe në minutën e 63-të realizoi edhe golin e katërt. Yann Bisseck mori topin në hyrje të zonës dhe goditi fort, ndërsa devijimi e dërgoi topin në rrjetën e Pizzignaccos për 4-1.

Monza u përpoq të rikthehej në ndeshje dhe në minutën e 76-të pati një rast të mirë, kur Samuele Birindelli synoi këndin e poshtëm. Megjithatë, Josep Martinez reagoi në kohë dhe ndali goditjen.

The post Interi e nis sezonin 2026/27 me fitore të thellë ndaj Monzës appeared first on Albeu.com.

Kristjan Asllani mund t’i japë fund shumë shpejt aventurës së tij tek Interi. Disa javë më parë u bë e ditur se trajneri Chivu nuk e ka përfshirë mesfushorin në planet për sezonin e ardhshëm 2026/27.

Një mundësi e re për 24-vjeçarin nga Elbasani është transferimi te Monza, ish-skuadra e Berlusconit. “Transferfeed” raporton se klubi lombard synon të rikthehet në merkato për shkak të dëmtimit të kapitenit Matteo Pessina, ndërsa Asllani konsiderohet një alternativë për zëvendësimin e tij.

Interi e çmon kartonin e futbollistit shqiptar në rreth 12-15 milionë euro, ndaj mbetet ende e paqartë nëse ky operacion do të realizohet me sukses.

Më herët, për Asllanin ishte raportuar interesim edhe nga Liga saudite. Në atë rast u diskutua mundësia e një shkëmbimi me sulmuesin e Al Ittihad, Diaby, por bisedimet nuk avancuan pasi klubi arab e refuzoi marrëveshjen.

The post Monza shfaqet si destinacion i mundshëm për Kristjan Asllanin pas dëmtimit të kapitenit Matteo Pessina appeared first on Albeu.com.

Presidenti i CFR Cluj, Ioan Varga, ka sqaruar pozicionin e klubit për Meriton Korenicën, duke theksuar se sulmuesi nuk do të largohet, përveç rastit kur në tavolinë vendosen 2 milionë euro.

Disa ditë më parë, Telegrafi raportoi se Korenica mund të bëjë një hap drejt një kampionati tjetër, pasi është në bisedime me Monzan, skuadër që garon në Serie A.

Në lidhje me këtë zhvillim ka folur edhe Varga, i cili nënvizoi se ylli kosovar mund të largohet vetëm nëse përmbushen kushtet e përcaktuara.

“Ne nuk morëm asnjë ofertë, askush nuk na ka kontaktuar. Dhe, në fund të fundit, Korenica nuk largohet aq lehtë. Ai nuk është në shitje, përveç nëse ofrohet çmimi i duhur, pra 2 milionë euro”.

“Përndryshe, nuk ka asgjë për të biseduar. Ai është një nga lojtarët më të mirë në Rumani”, ka deklaruar ai për “Gazeta Sporturilor”.

Korenica është te Cluji që nga viti 2024 dhe aktualisht ka edhe një vit të mbetur në kontratë.

The post Cluji vendos kusht të prerë për Meriton Korenicën: transferimi vetëm për 2 milionë euro appeared first on Albeu.com.

Meriton Korenica, një nga emrat e spikatur të Kombëtares së Kosovës, është pranë një lëvizjeje të rëndësishme në karrierë, me mundësinë për t’u transferuar në Serie A, një prej kampionateve më të forta në botë.

Burime të Telegrafit bëjnë të ditur se Monza, skuadra italiane që drejtohet nga trajneri kroat Ivan Juric, ka shfaqur interes të madh për futbollistin kosovar, ndërsa kontaktet mes palëve tashmë kanë filluar.

Klubi italian e konsideron Korenicën një afrim me peshë për fazën sulmuese të ekipit.

Sidoqoftë, rruga drejt këtij transferimi nuk pritet të jetë e thjeshtë, pasi konkurrenca për të është e konsiderueshme.

Për 28-vjeçarin interes të fortë kanë treguar edhe dy emra të mëdhenj të futbollit rumun, FCSB dhe Rapid Bukureshti, që po e ndjekin nga afër zhvillimin e situatës.

Ndërkohë, lojtari nga Rahoveci po tërheq vëmendje edhe nga klube të kampionateve aziatike, por synimi i tij kryesor mbetet Europa, ndërsa Serie A shihet si opsioni më i mundshëm.

Në sezonin e kaluar me Clujin, Korenica pati një paraqitje shumë të mirë, duke u aktivizuar në 50 ndeshje në të gjitha garat, me bilanc prej 12 golash dhe 9 asistimesh, teksa ishte një nga futbollistët kyç të skuadrës.

The post Ekskluzive: Monza fut në orbitën e Serie A Meriton Korenicën appeared first on Albeu.com.

“AC Monza njofton se ka liruar Alessandro Nesta nga roli i tij si trajner i ekipit të parë – thuhet në njoftimin për shtyp të klubit – Klubi falënderon trajnerin për atë që ka bërë deri më tani dhe i uron atij më të mirën për të ardhmen”.

Ajo që rëndoi në zgjedhjen, e dhimbshme për drejtorin ekzekutiv të Monzës, Adriano Galliani, i cili ka mbrojtur gjithmonë trajnerin, ishte rekordi në këtë pjesë të parë të sezonit: vetëm 10 pikë të fituara në 17 ndeshjet e luajtura deri më tani dhe vetëm një fitore në kampionat. Shumë pak për një klub që vitin e kaluar e përfundoi kampionatin në vendin e dymbëdhjetë me 45 pikë.

Salvatore Bocchetti do të jetë trajneri i ri i Monzës, pasi ka ndërprerë kontratën që e lidhte ende me Veronën. Trajneri do të nënshkruajë kontratë deri në vitin 2027.

The post Zyrtare: Humbja ndaj Juventusit kushton, Monza shkarkon Nestën appeared first on Albeu.com.

Pas kësaj disfate Pioli e pranon që skuadra e tij bëri shumë gabime dhe që ndeshja në fund përfundoi 4-2. Ndër të tjera theksoi se dalja me karton të kuq i Jovic i vështirësoi akoma më shumë gjërat.

“Bëmë gabime që e prishën ndeshjen. Kur pëson katër gola, është e gabuar të thuash se gjysma jonë e parë ishte e mirë, por kjo është e vërtetë.

Natyrisht, largimi i një lojtari e bëri atë edhe më të vështirë, atëherë pasi arritëm në 2-2, ne duhet të ishim më të mprehtë dhe më të qetë për t’u mbrojtur më mirë. Në atë moment, ekipi u ndje i sigurt dhe donte të vazhdonte për të fituar. Kishte shumë gabime sonte”, ka theksuar Pioli.

The post Pioli e pranon: “Ndaj Monzës bëmë shumë gabime, edhe kartoni i kuq na penalizoi” appeared first on Albeu.com.

Ditën e sotme është zyrtarizuar te skuadra e re, teksa është në huazim deri në fund të sezonit. Milan ka në pronësi kartonin e lojtarit. Edhe në prezantimin e tij, Maldini e ka mendjen te kuqezinjtë, teksa theksoi se do të japë maksimumin te bardhekuqtë për t’u rikthyer në formë te Milan.

“Tashmë ndihem si në shtëpinë time. Dua të kthehem në Milano, por gjithashtu ta përfundoj mirë sezonin këtu në Monza dhe të ndihmoj ekip sa më shumë që të jetë e mundur.

Jam i lumtur që jam këtu. Fola dje me zotin Palladino. por ende nuk kemi folur për pozicionin tim në skuadër. Me babin e ndjemë se ishte zgjedhja e duhur. Me Interin do të jetë një ndeshje e veçantë për mua duke qenë se do të jetë një lloj derbi”, ka theksuar Maldini.

BENVENUTO DANIEL MALDINI ?⚪️?#ACMonza #WelcomeMaldini pic.twitter.com/jkQIkl1fyt

— AC Monza (@ACMonza) January 10, 2024

The post Maldini firmos me Monzën, por nuk i ndahet “shpirti” nga Milan: Do jap maksimumin që të rikthehem sërish appeared first on Albeu.com.

Kuqezinjtë kanë triumfuar para adhuruesve të vet në San Siro në një ndeshje të dominuar nga minuta e parë deri në të fundit.

Vetëm pas pesë minutash lojë mesfushori holandez Tiijani Reijnders realizoi pas një solo aksioni të bukur për 1-0.

Dominimi i Milanit vazhdoi derisa në minutën e 41-të Simic realizoi për 2-0 pas një asistimi nga Rafael Leao.

Rossonerët vazhduan me dominim edhe në fraksionin e dytë të ndeshjes.

Ishte minuta e 76-të kur Noah Okafor realizoi për rezultatin përfundimtar 3-0 pas asistimit nga Olivier Giroud.

Me këto tre pikë Milani vazhdon të mbetet në pozitën e tretë me 32 pikë, gjashtë më pak se Interi që ka një ndeshje më pak të zhvilluar. /Telegrafi/

The post Milani rikthehet te fitorja në Serie A, mposht me lehtësi Monzën appeared first on Albeu.com.

Ish-kryeministri dhe kreu i partisë “Forza Italia”, e ka bërë këtë deklaratë të kritikuar në fakt nga mediat italiane, në darkën e Krishtëlindjeve të djeshme të organizuar për skuadrën e Monzës.

Me mikrofon në dorë, Silvio Berlusconi tha se ishte i kenaqur që kishte zgjedhur një trajner të ri në shtator.

“Nga ana ime shtova një motivim shtesë sepse u thashë lojtarëve se përpara kemi Juventusin, Milanin etj. Nëse mposhtni një nga këto skuadra të mëdha, do t’ju sjell në dhomën e zhveshjes një autobus plot me femra”, tha ai.

“Gazzetta dello Sport” e kritikon si “deklaratë të keqe”. “La Republica” vë në dukje se kjo neveri nuk u postua në llogarinë e rrjeteve sociale të Berlusconit./ h.ll/albeu.com

Hoy, Silvio Berlusconi ha prometido a sus futbolistas del Monza "un autobús lleno de prostitutas” si ganan a un equipo grande en la Liga italiana. Este tipo es el dueño de Mediaset en España y tiene a sueldo a todo tipo de periodistas en Telecinco y Cuatro. pic.twitter.com/rSPMzHgutj

— Fonsi Loaiza (@FonsiLoaiza) December 14, 2022

The post Berlusconi shfrenon fantazinë, u premton lojtarëve një autobus plot femra (VIDEO) appeared first on Albeu.com.

Operacioni i tij ka përfunduar me sukses, ku do të qëndrojë në shtrat për monitorim rreth 2-3 ditë. Pablo Mari nuk do të jetë në fushën e blertë për të paktën 2 muaj./ h.ll/albeu.com

The post U sulmua me thikë në supermarket: Përfundon operacioni i lojtarit të Serie A, mësohet gjendja e tij appeared first on Albeu.com.