Monstra Archives - Albeu.com

Dy tragjedi që dallojnë dy botë!

Tau Lanti — Wed, 01 Mar 2023 19:43:26 +0000

Nga Agim Baçi

Greqia u trondit sot nga humbja e mbi 40 jetëve nga përplasja e dy trenave. Natyrisht bëhet fjalë për një gabim njerëzor. E megjithatë, të gjithë e dëgjuam Ministrin e Transporteve, Kostas Karamanlis, se tha se kishte përgjegjësi politike ndaj nuk mund të qëndronte më në atë post, edhe pse nuk rezulton të ketë ndonjë lidhje mes tij dhe mashinistëve, apo mes tij dhe përgjegjësve të stacioneve ku kanë kaluar dy trenat…

Në Shqipëri një kriminel i sapoliruar, Dan Hutra, që kish vrarë gruan në vitin 2007, dënuar 15 vite (!!!), i liruar dy javë më parë, vret tri gra, plagos dy të tjera. Një krim i paralajmëruar, një dështim i pastër i sistemit të parandalimit të krimit, i sistemit të ruajtjes së jetëve të rrezikuara, apo sistemi i korrektimit social të të dënuarit. Por përgjegjësi morale, e sidomos politike, nuk mban askush.

Ministri i Brendshëm asnjë fjalë. Asnjë ndjesë…

Qartësisht këto dy tragjedi na sjellin dy botë, dy modele- ai grek, ku vendimi i ministrit Karamanlis, që merr përgjegjësinë morale dhe politike, edhe pse për një gabim njerëzor- dhe tjetri, qëndrimi i ministrit Çuçi, e i gjithë zinxhirit përgjegjës, që edhe pse ka dështuar sistemi, edhe pse kemi të bëjmë me një krim të paralajmëruar, një krim që duhej të ishte shmangur që me burgosjen përjetë të një vrasësi dhe dhunuesi, sërish nuk kemi asnjë përgjegjësi morale, e aq më pak, të mendojmë dorëheqjen.

Këto janë dy botë krejtësisht që i dallon morali. Si ministri Karamanlis gjenden në disa vende të botës, ku respektohet kodi moral i qeverisjes, përgjegjshmëria përpara qytetarëve. Ndërsa si Çuçi kemi fatkeqësisht dhjetra raste ku politika, qeveritarët, nuk mbajnë asnjë përgjegjësi. Ky është antishteti, tallja e hapur me qytetarët, ku vetëm jeta dhe siguria e tyre nuk përfillet.

The post Dy tragjedi që dallojnë dy botë! appeared first on Albeu.com.

Përdhunim, vjedhje dhe vrasje, kush e nxorri nga burgu monstrën Dan Hutra? ILD nis verifikimin ndaj magjistratëve

Tau Lanti — Wed, 01 Mar 2023 19:39:14 +0000

Inspektorati i Lartë i Drejtësisë, ka nisur hetimin për të verifikuar nëse ka përgjegjësi disiplinore nga ana e magjistratëve për lirimin nga burgu të Dan Hutrës, monstrës i cili sot vrau 3 gra dhe plagosi tre të tjera.

“Inspektori i lartë i Drejtësisë po ndjek me vëmendje komunikimet në media mbi ngjarjen tejet të rëndë të ndodhur sot në Tiranë, ku tre grave iu mor jeta dhe tre të tjera u plagosën, nga një individ i dënuar më parë për vrasje.

Sic ka vepruar edhe në raste të tjera të ngjashme me ndjeshmëri të lartë publike, Inspektori i Lartë i Drejtësisë bën të ditur, se ka urdhëruar nisjen e verifikimit të rastit për të identifikuar, nëse ka, përgjegjësi disiplinore nga ana e magjistratëve”, thuhet në njoftimin e ILD.

Kujtojmë që dan hutra ditën e sotme vrau kunatën dhe nusen e vëllait të ish-bashkëjetueses si dhe plagosi këtë të fundit dhe nënë e tij.

Ndërkohë ai vrau edhe Etleva Kurtin si dhe plagosi me thkë të dashurën e tij si dhe i grabiti paratë.

Ai u arrestua mbrëmjen e sotme pranë sharrës në Tiranë. Dan Hutra kishte vetëm dy javë që ishte liruar nga burgu, pasi ishte arrestuar në qershor të vitit të shkuar për dhunë në familje, pasi kishte rrahur bashkëjetuesen e tij Elena Hysaj.

Ai u lirua dy javë më parë, por ajo që mbetet e dyshimtë është se kush e nxorri nga burgu, pasi Gjykata e Apelit i kishte refuzuar kërkesën për ndryshim mase.

Dan Hutra ishte një person i dënuar më parë për vrasje dhe përdhunim. Në vitin 2003 ai mori peng nënën e kunatës dhe përdhunoi këtë të fundit, dhe u dënua me 3 vite burg.

Në vitin 2007-të vrau gruan e tij, por edhe pse u dënua me 24 vite burg nuk i bëri, nuk dihet ende se cila ishte arsyeja e liimit të tij. Në vitin 2021 u dënua për grabitje.

Në vitin 2022 u dënua për dhunë në familje. ndërsa sot arriti dhe rvau 3 gra dhe plagosi tre të tjera.

/AlbEu.com/

The post Përdhunim, vjedhje dhe vrasje, kush e nxorri nga burgu monstrën Dan Hutra? ILD nis verifikimin ndaj magjistratëve appeared first on Albeu.com.

Përse mostra e gjakut merret nga gishti i katërt

E S — Tue, 06 Sep 2022 21:04:17 +0000

E keni bërë ndonjëherë këtë pyetje përse gjithmonë na “therin” mu këtë gisht?

Kur japim gjakun nga gishti për të bërë analiza, pothuajse gjithmonë na therin në gishtin e katërt.

Nëse ndonjëherë keni pyetur përse ndodh kështu, përgjigjja është kjo: Gishti i madh dhe gishti i vogël janë shumë më mirë të lidhur me nyjën e shuplakës sesa gishtat e tjerë.

Kjo do të thotë që, teorikisht, infeksioni i gishtit të madh dhe i gishtit të vogël mund të përhapet më shpejt “sipër” dhe do të përfshijë dorën.

Për këtë shkak gjaku përgjithësisht merret nga cilido gisht, pos nga gishti i madh dhe gishti i vogël.

Mirëpo, në mollëzën e gishtit të katërt kryesisht ka diç më pak receptorë për dhembje, andaj “therja” është më pak e pakëndshme.

Pos kësaj, këtë gisht e përdorim më rrallë se gishtat e tjerë, andaj edhe lëkura në të është më e hollë.

Dhe pikërisht për këtë shkak edhe vraga e vogël në këtë gisht shërohet më shpejt sesa në gishtat e tjerë.

The post Përse mostra e gjakut merret nga gishti i katërt appeared first on Albeu.com.

Rasti “Monstra”, policët që gjuajtën me gurë kaluan vetëm me vërejtje, protestuesit në burg

admin — Tue, 23 Mar 2021 20:03:48 +0000

Kështu policët në protestën për rastin “Monstra” provokonin protestuesit duke gjuajtur me gurë, ndonëse detyra e tyre është që të ruajnë rendin dhe qetësinë publike. E për këtë sjellje ata kanë marrë vërejtje për sjelljen e tyre joprofesionale.

“Policët të cilët shihen në video se hedhin gurë ndaj protestuesve u është shqiptuar masë për paralajmërim”, thonë nga MPB-ja.

As Prokuroria Themelore Publike nuk ka hapur lëndë kundër policëve të cilët gjuajtën me gurë. Prej atje thonë se sjelljen e policisë e menaxhon MPB.

“Sjelljen profesionale të anëtarëve të Ministrisë së Punëve të Brendshme e vlerëson nSektori për Kontroll të Brendëshme dhe Standarde Profesionale në Ministrinë e Brendshme”, theksojnë nga Prokuroria Themelore Publike.

Po e njëjta prokurori në mënyrë ekspres i akuzoi me nga 1 vit burg tre protestues, Shaban Veselin, Behar Dalipin dhe Besart Kalisin. Ata e gjuajtën me gurë kordonin policor pasi i ndaloi të marshojnë deri tek Qeveria.

Protesta për “Monstrën” u mbajt më 26 shkurt, pas aktvendimit me të cilin 3 të akuzuar u dënuan me burg të përjetshëm, një me 15 vjet dhe një me 10 vjet burg.

The post Rasti “Monstra”, policët që gjuajtën me gurë kaluan vetëm me vërejtje, protestuesit në burg appeared first on Albeu.com.