Kur dy ose më shumë popuj shkojnë mirë, këta kanë të njëjtët heronj. Por kur dy ose më shumë popuj shkojnë keq heroi i njërit komb është kriminel i vendi tjetër. Prandaj ne kemi situata kriminelësh që nderohen në vendet fqinje por që kanë bërë masakra mbi shqiptarët. Dhe inferioriteti ynë si shtet shfaqet edhe në rastin e varrezave greke në Përmet që po mbushen me eshtra shqiptarësh, ose edhe në rastin e një terroristi që trajtohet si hero.

Kam një pyetje për qytetarët lokalë, vendorë, por edhe për ministrat, edhe për kryetarin e Akademisë së Shkencave, apo për ata parlamentarët që bëjnë si nacionalistë kur luan kombëtarja, apo burrat e shtetit që bëjnë si nacionalistë në OKB, nëse një shqiptar në Greqi do të bënte luftë me policinë, a do të lejonin grekë që shqiptarët të ngrinin një bust aty? Jo! Na e kurseni këtë tifozerinë, shalle dhe qëndrime nëpër podiume apo stadiume, sepse ju nuk keni kurajo as të përballeni me rastet kur kombi ynë shkelet me këmbë. /Abcnews.al/

The post Monolog nga Florjan Binaj: Politikanët të kursejnë nacionalizmat në stadiume, nuk kanë kurajo të përballen as kur kombi ynë shkelet me këmbë appeared first on Albeu.com.

Ja ku i dëgjuam dëshmitë e familjarëve, i pamë qëndrimet e pronarëve, banorëve dhe punonjësve. Mësuam reagimin e shtetit, përjetuam edhe shpërthimin në rrjetet sociale, por asgjë nga sa po thuhet nuk i zhbën, zbut, apo zvogëlon ato pak sekonda në atë video. Ajo video tregoi se ky është humaniteti ynë, në nivelin zero.

Tregoi që kjo e jona është një shoqëri që nëse të sheh vurnerabël të keqtrajton, madje dhe qesh, tallet me dhunën. Ajo video tregoi se infermieret e dala në shkollat tona sillen si hiena. Ajo video tregoi që në institucionet e kujdesit nuk ka asnjë kriter që të vlerësojë sjelljen e punonjësve të shërbimit. Ajo video tregoi se licencë mund të marrë kushdo. Ajo videoi tregoi që dhuna nuk është thjeshtë çmenduri e një individi, ëhstë element i sistemit. Ndërkohë që reagimi video tregoi edhe më shumë njerëz që bërtasin, që nuk duhet të çojmë prindërit në shtëpi kujdesi, njerëzit që e përkthyen si problem gjinor. Njerëzit që dhunën e videos e përcollën me britma në dhunë ekstreme ndaj protagonistëve. Edhe këtë radhë na largoi nga e vërteta. E vërteta është që zgjidhja nuk mund të jetë mos dërgimi i të moshuarve në shtëpi kujdesi, por transformimi i këtyre në vende mirëqenieje. Zgjidhja nuk është dhuna ndaj infermierëve, por niveli i shkollimit dhe kriteret e punësimit. Zgjidhje nuk janë kamerat por mënyra se si jepen dhe kontrollohen këto licenca. Të moshuarit janë ata që e kanë ndërtuar këtë vend dikur me punën e tyre, janë njerëz që kanë dashuri për të dhënë, janë pasqyra e të nesërmes tonë. Ne shpesh e harrojmë që të moshuarit nuk rrihen vetëm në azil, por rrihen edhe me pensionet e pakta dhe me shurdhëri në derën e çdo institucioni të shteti. /Abcnews.al/

The post Monolog nga Arilena Ara: Çfarë na mësoi videoja e dhunës ndaj të moshuarës në Pejë? appeared first on Albeu.com.

Rrini të qetë se Arilena është aty pas skene, për momentin.

Se ka shumë mundësi që një ditë shumë nga këta njerëz që janë mbas skene siç janë kameramanët, montazhierët, teknikët e pultit, qoftë edhe kalimtari më i thjeshtë të mos jenë më, do keni ikur, jo në një botë tjetër por në një shtet tjetër.

Një pyetje, çfarë mund të bëjë një vajzë e thjeshtë në një vend që nuk të ofron asgjë, në një vend ku punën ta ofron partia dhe jo shkolla, ku ligji ëhstë plastelinë në duart e të fortëve dhe ku askush nuk qesh, vetëm shajnë.

Po një djalë i ri çfarë mund të bëjë në këtë vend? Ku për të pasur shtëpinë e vet ai duhet të punojë 360 vjet, për të larë interesat se pastaj fillon kredia më mbrapa, ku nuk ka rëndësi se kush je, por sa ke, dhe ku edhe për një shazllon që ti ta marrësh, ti duhet ta mbrosh me gjak. Sepse sipas kryeministrit shqiptarët ikin se në Britani ka mungesa. E vërteta është se shqiptarët ikin se Shqipëria ka mungesa./abcnews.al/

The post Monolog nga Florjan Binaj: Shqiptarët ikin se Shqipëria ka mungesa (VIDEO) appeared first on Albeu.com.