Mësohet se FATF ka marrë në konsideratë ecurinë e mirë të vendit në drejtim të legjislacionit, efekteve parandaluese të tij në drejtim të pastrimit të parave si edhe veprimtarinë e institucioneve të vendit për efektivitetin e zbatueshmërisë së ligjit.

FATF bën me dije se pas marrjes së dritës jeshile për heqjen e vendit nga lista gri për pastrimin e parave, në Shqipëri pritet që gjatë muajit gusht të organizohet një vizitë e përfaqësuesve të FATF, një procedurë e cila është kryesisht rutinë në raste të tilla.

Pas kësaj vizite, në kalendar parashikohet që vendimi final të merret gjatë mbledhjes së FATF në muajin shtator të këtij viti ku edhe do të shpallet më pas, ndërsa do të ndryshohet edhe vendi i renditjes së Shqipërisë.

Ky është një proces i rëndësishëm për vendin për shkak të ndikimeve pozitive që ka në drejtim të rritjes së investimeve të huaja në vend, uljen e kostove të transaksioneve bankare jashtë vendit, si edhe përmirësimin e imazhit të Shqipërisë në arenën ndërkombëtare.

Vlen të theksohet fakti se nga çfarë është raportuar deri më tani në raportet e FATF, në listën gri është futur Kroacia, i cilësuar një vend që ka bërë hapa pas në drejtim të luftës kundër pastrimit të parave.

Në raportin e fundit, Moneyval theksonte se Shqipëria ka përmirësuar ndjeshëm masat në luftën kundër pastrimit të parave dhe financimin e terrorizmit. /albeu.com

The post Lufta ndaj pastrimit të parave, hapet drita jeshile për nxjerrjen e Shqipërisë nga lista gri, futet Kroacia appeared first on Albeu.com.

“MONEYVAL mori në konsideratë dhjetë vlerësime të raundit të 5-të monitorimit gjatë gjithë vitit 2021.

Raporti monitorues i radhës për Shqipërinë doli në përfundimin se ky vend nuk ka përmirësuar në mënyrë të konsiderueshme masat për të luftuar pastrimin e parave dhe financimimin e terrorizmit në përputhje me rekomandimet e FATF. Ndër çështjet e tjera, raporti ekzaminoi standardet e reja ndërkombëtare të aplikuara për asetet virtuale, duke përfshirë, kriptovalutat dhe ofruesit e këtyre aseteve. MONEYVAL vendosi që Shqipëria të mbetet monitorim të zgjeruar dhe të raportojë më tej mbi progresin e mëtejshëm për të forcuar zbatimin e masave mbi pastrimin e parave dhe luftës ndaj terrorizmit në baza vjetore” thuhet në raportin e datës 4 maj 2022.

Referuar njoftimit për shtyp që shoqëron këtë raport thuhet se MONEYVAL parashikon të përfundojë raundin e pestë të vlerësimeve në vitin 2024. “Deri në fund të 2021, 18 nga 22 juridiksionet e vlerësuara nga MONEYVAL në raundin e 5-të të vlerësimeve të ndërsjella iu nënshtruan procedurës së ndjekjes së zgjeruar për nivelin e pamjaftueshëm të përputhshmërisë me standardet LPP/ CFT: Shqipëria, Andorra, Kroacia, Qiproja, Republika Çeke, Gjeorgjia, Gjibraltari, Hungaria, Letonia, Lituania, Malta, Polonia, Republika e Moldavisë, Serbia, Sllovakia, Sllovenia, Varësia e Kurorës së Mbretërisë së Bashkuar të Ishullit të Manit dhe Ukrainë” nënvizon njoftimi.

Shqipëria dhe historia e saj në listën “gri”

Në vitin 2011, Shqipëria u fut nga Moneyval, mekanizimi i Komisionit Europian, që bën vlerësimin e Shqipërisë për masat kundër pastrimit të parave dhe financimit të terrorizmit, në listën gri të vendeve me rrezik të lartë të pastrimit të parave (raporti i klasifikon vendet me potencial të lartë të pastrimit të parave në listë të zezë dhe gri). Më pas, në 2015-n, Shqipëria do të dilte nga lista gri, një vlerësim ky që në atë kohë ishte mjaft pozitiv. Vendi kishte pesë vjet kohë që të adresonte problemet për të dalë përfundimisht nga zona e rrezikut.

Por, në raportin e 2018-s, Shqipëria hyri në listën e vendeve që do t’i nënshtroheshin një ndjekjeje apo monitorimi të zgjeruar nga ana e Moneyval për shkak të dobësive që u konstatuan në raportin e fundit të lidhur me masat ndaj parandalimit të pastrimit të parave dhe luftës kundër terrorizmit.

Nuk vonoi shumë dhe në 21 shkurt 2020, vendi ynë i përfshi sërish në këtë listë për shkak të “dobësive strategjike”, që u gjetën në regjimet e parandalimit të pastrimit të parave ndërkohë që vijon të mbetet në monitorim të zgjeruar lidhur me përmbushjen e detyrimeve për të plotësuar kuadrin ligjor dhe masat e nevojshme në përputhje me standardet e kërkuara./Monitor

The post Raporti vjetor, Moneyval: Shqipëria nuk përmirësoi masat e parandalimit të pastrimit të parave appeared first on Albeu.com.