moldavia Archives - Albeu.com

Moldavia mbyll përkohësisht hapësirën ajrore për shkak të dronëve

M C — Sat, 29 Nov 2025 15:32:39 +0000

Moldavia, që gjendet në kufi me Ukrainën, mbylli hapësirën e saj ajrore për një orë gjatë natës, pas inkursionit të dronëve të rinj, tha Ministria e Mbrojtjes më 29 nëntor.

Ky shtet i vogël që gjendet në kufi me Ukrainën e shkatërruar nga lufta dhe me Rumaninë, vend anëtar të NATO-s, vazhdimisht është përballur me shkelje të hapësirës ajrore që kur Moska nisi pushtimin e Ukrainës në shkurt të vitit 2022.

Incidenti i fundit vjen pasi Moldavia raportoi më herët këtë javë se një dron ishte rrëzuar në territorin e saj, teksa gjithsej gjashtë dronë që kishin kaluar hapësirën e saj ajrore.

Hapësira ajrore e Moldavisë “u mbyll përkohësisht për rreth një orë e 10 minuta, mes orës 22:43 dhe 23:53, si masë emergjente, pasi dy dronë të paidentifikuar fluturuan ilegalisht mbi territorin kombëtar, duke krijuar një kërcënim të drejtpërdrejtë për sigurinë e aviacionit”, tha Ministria e Mbrojtjes në një komunikatë për media të shtunën.

Ajo shtoi se dronët e tipit Gerbera nuk ishin zbuluar nga radarët e Moldavisë, por inkursioni i tyre ishte “konfirmuar nga autoritetet kufitare ukrainase”.

“Nuk janë identifikuar objekte, copëza apo elemente që paraqesin rrezik për popullsinë dhe të dy dronët janë larguar nga hapësira ajrore kombëtare, duke u futur thellë në territorin ukrainas”, tha Ministria e Brendshme.

Megjithatë, tha ajo, dy avionë që po vinin drejt Kishinievit nga Parisi dhe Barcelona gjatë mbylljes së hapësirës ajrore devijuan fluturimet drejt Rumanisë.

Një tjetër aeroplan që po përgatitej të nisej nga Kishinievi u ndalua përkohësisht.

“Moldavia i dënon fuqishëm këto veprime të paligjshme dhe të rrezikshme, të cilat vunë në rrezik sigurinë e fluturimeve civile dhe jetët njerëzore”, tha Ministria e Mbrojtjes, duke i cilësuar shkeljet si “akte armiqësore të frikësimit dhe destabilizimit”.

Të mërkurën, Moldavia thirri ambasadorin rus në bisedë për shkak të rrëzimit të një droni, ndërsa vendosi dronin e rrëzuar para Ministrisë së Jashtme dhe i dorëzoi atij një notë proteste./REL

The post Moldavia mbyll përkohësisht hapësirën ajrore për shkak të dronëve appeared first on Albeu.com.

Ky shtet tërhiqet nga Eurovision 2025, pas një vendimi të papritur

D Marku — Sat, 25 Jan 2025 08:01:49 +0000

Moldavia ka shpallur se do të tërhiqet nga pjesëmarrja në Eurovision-in e këtij viti, që do të mbahet në Bazel. Lajmi erdhi vetëm pak ditë pas zhvillimit të audicioneve për finalet kombëtare, ku është theksuar se cilësia e performancave dhe këngëve ishte një faktor kyç në këtë vendim.

Drejtori i rrjetit “Moldova 1”, Corneliu Durnescu, shpjegoi se “mungesa e cilësisë ka krijuar një perceptim negativ” për garën dhe se përzgjedhja kombëtare e këtij viti nxori në pah disa sfida të rëndësishme, përfshirë rënien e interesit publik dhe nivelin e përgjithshëm të këngëve.

Durnescu shtoi se ky vendim nuk ishte i lehtë, por se ishte i domosdoshëm në kontekstin aktual të situatës. Ai theksoi se do të ishte e nevojshme një reformë në procesin e përzgjedhjes për të rikthyer besimin dhe cilësinë që publiku dhe ekspertët presin nga një ngjarje kaq e madhe. Megjithatë, transmetuesi shtetëror do të vazhdojë të transmetojë dy netët gjysmëfinale dhe finalen e madhe të Eurovision-it, duke mbajtur lidhjen me ngjarjen, përkundër tërheqjes nga konkurimi.

The post Ky shtet tërhiqet nga Eurovision 2025, pas një vendimi të papritur appeared first on Albeu.com.

BE hap negociatat me Ukrainën dhe Moldavinë javën e ardhshme

D Marku — Fri, 21 Jun 2024 13:32:12 +0000

Vendet e Bashkimit Evropian kanë miratuar zyrtarisht nisjen e negociatave të anëtarësimit me Ukrainën dhe Moldavinë javën e ardhshme, një tjetër hap në rrugëtimin e gjatë të dy vendeve për t’u bashkuar me bllokun 27-vendesh.

Belgjika, e cila aktualisht mban presidencën e Bashkimit Evropian, tha se vendet anëtare kanë rënë dakord për një kornizë negociuese, raportoi AP.

Misteri i UFO-ve mund të jetë rezultat i një ‘civilizimi të fshehtë’ të avancuar që jeton mes nesh. Ja ku mund të jenë bazat e tyre sekrete

“Kjo hap rrugën për nisjen e negociatave të martën, më 25 qershor, në Luksemburg”, tha presidenca belge.

Pas një vlerësimi pozitiv nga dega ekzekutive e BE-së, krerët e BE-së kishin rënë dakord tashmë vitin e kaluar që negociatat e pranimit duhet të fillojnë me të dy vendet.

Procesi midis fillimit të negociatave me Ukrainën dhe fqinjin e saj Moldavinë dhe anëtarësimit të tyre në BE mund të zgjasë shumë vite.

The post BE hap negociatat me Ukrainën dhe Moldavinë javën e ardhshme appeared first on Albeu.com.

Moldavia, shteti i parë që nënshkruan pakt të sigurisë dhe mbrojtjes me BE-në

Gj Z — Tue, 21 May 2024 20:10:55 +0000

Shteti i vogël në Evropën Lindore, Moldavia, ka nënshkruar një marrëveshje partneriteti në fushën e sigurisë dhe mbrojtjes me Bashkimin Evropian.

Moldavia u bë shteti i parë që nënshkruan një pakt të tillë, tha shefi i diplomacisë së Bashkimit Evropian, Josep Borrell.

“Ky partneritet do të forcojë qëndrueshmërinë e këtij shteti.

Pakti do të mundësojë një qasje të përbashkët për sfidat e sigurisë dhe do ta bëjë përfshirjen tonë më efektive dhe do të mundësojë eksplorimin e fushave të tjera të bashkëpunimit”, tha Borrell.

Moldavia, që udhëhiqet nga presidentja properëndimore, Maia Sandu, ka shprehur dëshirën që të anëtarësohet në BE dhe në aleancën ushtarake perëndimore të NATO-s.

Ky shtet po ashtu ka dënuar fuqishëm pushtimin rus të Ukrainës.

Rajoni Transdniestër në Moldavi, një rrip toke që banohet kryesisht nga rusishfolësit dhe gjendet në breg të lumit Dniestër, shpalli pavarësinë më 1990. Që atëherë, Moska ka stacionuar trupa në këtë rajon./REL

The post Moldavia, shteti i parë që nënshkruan pakt të sigurisë dhe mbrojtjes me BE-në appeared first on Albeu.com.

Euro 2024/ Shqipëria barazim pa gola përballë Ishujve Faroe në pjesën e parë, Çekia e mbyll në avantazh! Çfarë ndodh me renditjen

Tau Lanti — Mon, 20 Nov 2023 20:39:00 +0000

Është mbyllur në barazim pa gola pjesa e parë mes Shqipërisë dhe Ishujve Faroe në “Air Albania”.

Një sfidë e dominuar nga Shqipëria, por pa shumë raste të pastra.

Duhet përmendur goditja e fortë me të djathtën në fund të pjesës së parë nga ana e Nedim Bajramit, e cila u bllokua nga porieri kundërshtar.

Ndërkohë ndeshaj tjetër në gupin E ajo mes Çekisë dhe Moldavisë është mbyllur me rezultatin 1-0 në favor të vendasve.

Pas këtyre rezultateve Çekia dhe Shqipëra janë me 15 pikë, por që janë kuqezinjtë që mbajnë vendin e parë, pasi kanë triumfuar në përballje direkte, por kanë edhe golavarazh më të mirë.

The post Euro 2024/ Shqipëria barazim pa gola përballë Ishujve Faroe në pjesën e parë, Çekia e mbyll në avantazh! Çfarë ndodh me renditjen appeared first on Albeu.com.

Plas te Çekia, trajneri përjashton 3 titullarë para ndeshjes me Moldavinë

Tau Lanti — Sun, 19 Nov 2023 15:03:28 +0000

Duket se situata është tejet e tensionuar në Republikën Çeke para duelit vendimtar me Moldavinë. Vetëm një ditë para sfidës që do të vendosë kualifikimin me dy skuadrave, trajneri i çekëve ka vendosur që të dërgojë tre lojtarë në shtëpi dhe bëhet fjalë për Jakub Barbec, Vladimir Soufal dhe Jan Kushta.

Të tre ata kanë thyer rregullat e vendosura nga trajneri, duke frekuentuar një klub nate të shtunën e 18 nëntorit. Kjo gjë e ka tërbuar teknikun dhe pjesën tjetër të stafit, me Çekinë që duhet t’ia dalë pa tre titullarë në këtë duel.

Çekia ndodhet në vendin e dytë në Grupin E me 12 pikë, 2 më pak se Shqipëria e vendit të parë dhe i duhet të paktën një barazim për t’u kualifikuar në fazën finale të Europianit.

The post Plas te Çekia, trajneri përjashton 3 titullarë para ndeshjes me Moldavinë appeared first on Albeu.com.

E pabesueshme, Shqipëria ndëshkohet në fund, barazohet ndeshja

Tau Lanti — Fri, 17 Nov 2023 18:46:25 +0000

E pabesueshme, Shqipëria ndëshkohet në fund, barazohet ndeshja

The post E pabesueshme, Shqipëria ndëshkohet në fund, barazohet ndeshja appeared first on Albeu.com.

Euro 2024, Asani para sfidës me Moldavinë: Nuk ka rëndësi kush shënon, por fitorja

Tau Lanti — Thu, 16 Nov 2023 21:40:37 +0000

E gjithë vëmendja është e spostuar në Moldavi, aty ku Moldavia pret Shqipërinë të premten në orën 18.00, në takimin kualifikues të Euro 2024. Para takimit, sulmuesi i kuqezinjve, Jasir Asani ka dhënë një intervistë për Supersport, ku u shpreh se ekipi është përgatitur për fitore.

“Duhet të fokusohemi tek ndeshja e nesërme pasi do të jetë e vështirë pasi Moldavia nuk ka humbur në shtëpi. Do të bëjmë punën siç duhet. Kemi dy ndeshje, por nesër do të jetë ndeshja kryesore për ne. Të fitojmë dhe të kthehemi të gjithë të lumtur bashkë”,

-E majta jote i ka marrosur të gjithë. Të gjithë ëndërrojnë që ti me të majtën tënde të vendosësh nesër kualifikimin…

“Jemi përgatitur mirë gjatë gjithë javës. Ekipi është i motivuar në maksimum. Nuk ka rëndësi kush shënon, sulmuesit apo mbrojtësit, por të marrim 3 pikët dhe të kthehemi në Tiranë.”

-A ka ngarkesë emocionale ekipi duke menduar tek pika e kualifikimit?

“Çdo ndeshje ka rëndësinë e vet, por nesër do të jetë tepër e fortë. Jemi përgatitur për këtë ndeshje shumë mirë. Jemi të gjithë të motivuar. Nuk kemi ardhur për 1 pikë, por për 3 të tilla. T’ja u tregojmë të gjithë, të marrim fitoren të kthehemi në Tiranë të lumtur dhe të jemi më të qetë.”

-Stadiumi ku do të luani nesër, paksa i vogël?

“Kam luajtur në stadiume të tilla, fusha duket e mirë. Por nesër do të hymë për të marrë maksimumin. Moldavia është një ekip shumë i mirë. Kemi ardhur vetëm për 3 pikët.”

-Fushë e vogël dhe mund të shënoni nga larg?

“Nuk ka rëndësi kush shënon golin, por të marrim 3 pikët.”

-E kishe menduar që në një kohë kaq të shkurtër do të ishte në një Europian?

“Nuk e mendoja, por gjithmonë e kam pritur ftesën e Kombëtares shqiptare. Vjen kur nuk e pret. Kam bërë një sezon shumë të mirë në Hungari dhe më pas erdhi ftesa e Kombëtares. Jam më i lumturi në botë, pasi jam duke veshur fanellën më të rëndësishme në karrierë. Të luash për Kombëtaren shqiptare është një rëndësi shumë e madhe, një fanellë shumë e veçantë. Emocione ke dhe në stërvitje dhe në ndeshje. Por unë jam i lumtur dhe do bëjmë maksimumin të gjithë çunat që të shkojmë në Europian. Nesër vetëm për 3 pikët.”

The post Euro 2024, Asani para sfidës me Moldavinë: Nuk ka rëndësi kush shënon, por fitorja appeared first on Albeu.com.

Gjimshiti: Me Moldavinë luajmë vetëm për fitore

Tau Lanti — Thu, 16 Nov 2023 15:40:57 +0000

Përveç trajnerit Sylvinho, në konferencë para sfidës Moldavi-Shqipëri u shfaq edhe mbrojtësi i Kombëtares, Berat Gjimshiti.

Gjimshiti u shpreh se ekipi duhet të japë maksimumin, për të marrë kështu suksesin që do dërgonte kuqezinjtë në Euro 2024. Edhe pse mjafton një pikë, Gjimshiti tha se synimi është 3 pikët.

“Besoj që brenda ekipit jemi të njëjtë, presioni rritet. Por presioni transformohet në gjë të mirë në fushë dhe në nje ndeshje ku jep gjithçka të ndihmon. Lojtarët e ri duhet të ndihmohen nga ne me eksperiencë. Edhe trajneri bën punën e tij. Jemi shumë afër, por duhet të bëjmë edhe pak për të bërë ëndrrën realitet.”

Vetëm ne i kemi mundur Moldavët, a do të përsëritet?

Do të jetë shumë e vështirë, si ndeshjet e tjera. Do e përballojmë si gjithmonë. Nuk e harrojmë që në Air Albania kishim pak raste deri në atë supergolin e Asanit. Jemi përgatitur shumë mirë për të përballuar fushën dhe të shkojmë në të njëjtin drejtim.

Nesër llogari, apo fitore?

I gjithë ekipi nuk hyn për barazim, edhe nëse është ekip i dobët, nuk futet askush në fushë për barazim. Në natyrë e kemi të marrim 3 pikët në çdo lojë. Nëse nuk do të kishim këtë mentalitet do të kishim mundësi për të gabuar më shumë” – tha ai.

The post Gjimshiti: Me Moldavinë luajmë vetëm për fitore appeared first on Albeu.com.

Me mision kualifikimin në “Euro2024”, kuqezinjtë “pushtojnë” Moldavinë (VIDEO)

Xh — Thu, 16 Nov 2023 12:53:00 +0000

Kombëtarja shqiptare udhëtoi këtë të enjte drejt Chisinau-t, në kuadër të ndeshjes së parë ‘finale’ të muajit nëntor ndaj Moldavisë, që do të luhet më 17 nëntor në stadiumin ‘Zimbru’.

Skuadra është nisur paradite nga aeroporti i Tiranës për të mbërritur në drekë në kryeqytetin moldav e duke u akomoduar menjëherë në hotel. Departamenti i Komunikimit në FSHF bën me dije se i gjithë grupi gëzon formë shumë të mirë dhe nuk ka probleme fizike për asnjë nga lojtarët.

Kombëtarja do të zhvillojë seancën zyrtare stërvitore në ora 17:00 (CET) në stadiumin e ndeshjes, ndërkohë që po sot trajneri Sylvinho do të jetë në konferencën zyrtare për shtyp në stadiumin e ndeshjes në ora 16:15 (CET).

Shqipëria do të luajë nesër në mbrëmje me Moldavinë sfidën e vlefshme për kualifikueset e Kampionatit Europian ‘Gjermani 2024’. Sfida është planifikuar të nisë në ora 18:00 dhe do të luhet në stadiumin ‘Zimbru’.

The post Me mision kualifikimin në “Euro2024”, kuqezinjtë “pushtojnë” Moldavinë (VIDEO) appeared first on Albeu.com.