Sipas raportimeve, Mojtaba Khamenei, djali i liderit të ndjerë suprem Ali Khamenei, po bashkëpunon ngushtë me zyrtarët më të lartë iranianë për menaxhimin e konfliktit dhe bisedimeve diplomatike me Uashingtonin.

Ai nuk është shfaqur publikisht që pas sulmit të rëndë në fillim të luftës, ku mbeti i plagosur dhe ku humbën jetën edhe disa prej komandantëve më të lartë ushtarakë iranianë. Mungesa e tij në publik ka shtuar spekulimet për gjendjen shëndetësore dhe ndikimin real në drejtimin e vendit.

Burime të inteligjencës amerikane thonë se autoriteti brenda regjimit iranian mbetet ende i paqartë, por Mojtaba Khamenei besohet se ka ndikim të madh në vendimmarrje, veçanërisht për negociatat me SHBA-në për t’i dhënë fund luftës.

Ndërkohë, administrata e Donald Trump vazhdon të kërkojë një zgjidhje diplomatike të konfliktit, edhe pse tensionet mes dy vendeve mbeten të larta.

Sipas raportit, inteligjenca amerikane vlerëson se Irani ende ruan kapacitete të rëndësishme ushtarake dhe aftësi për të përballuar për muaj të tërë bllokadën amerikane.

Burimet shtojnë se Mojtaba Khamenei shmang përdorimin e pajisjeve elektronike dhe komunikon vetëm përmes takimeve direkte ose korrierëve, çka e bën të vështirë gjurmimin e vendndodhjes së tij nga shërbimet amerikane.

The post Inteligjenca amerikane: Lideri i ri suprem i Iranit po drejton strategjinë e luftës appeared first on Albeu.com.

“Dronët tanë i godasin amerikanët dhe kriminelët sionistë si rrufeja”, thotë ai në Telegram, ndërsa paralajmëron se marina iraniane është gati t’i bëjë armiqtë “të shijojnë hidhërimin e disfatave të reja”.

Në mesazh përdoret një gjuhë e ashpër, ku pretendohet se forcat iraniane kanë ekspozuar “poshtërimin e frontit të kundërshtarëve” në arenën ndërkombëtare.

Ai thekson se kapacitetet ushtarake, përfshirë dronët, janë në gjendje të godasin objektiva me saktësi të lartë, ndërsa paralajmëron se edhe forcat detare janë të përgatitura të shkaktojnë humbje të reja ndaj armiqve.

Në të njëjtën deklaratë, ai i referohet babait të tij, Ali Khamenei, duke e cilësuar si figurë kyçe në forcimin e ushtrisë iraniane dhe transformimin e saj në një aktor të rëndësishëm ushtarak.

Mesazhi përmbyllet me paralajmërimin për forcimin e mëtejshëm të programeve të armatimit.

The post Rishfaqet lideri suprem i Iranit, mesazhi i Mojtaba Khameneit: Dronët tanë i godasin amerikanët si rrufeja appeared first on Albeu.com.

Sipas të njëjtave burime, fytyra e Khameneit, është dëmtuar rëndë në sulmin që goditi kompleksin e udhëheqësit suprem në qendër të Teheran, ndërsa ai ka pësuar plagë serioze në njërën ose të dyja këmbët.

56-vjeçari, megjithatë, po shërohet dhe është në gjendje të plotë mendore, sipas burimeve që kërkuan të mbeten anonimë për shkak të ndjeshmërisë së çështjes.

Ai vazhdon të marrë pjesë në takime me zyrtarë të lartë përmes komunikimeve audio në distancë dhe, sipas dy prej burimeve, ka rol në vendimmarrje për çështje të rëndësishme si lufta dhe negociatat me Uashingtonin.

Këto pyetje mbi gjendjen e tij shëndetësore dhe aftësinë për të drejtuar shtetin lindin në një kohë kur Irani përballet me një nga rreziqet më të mëdha gjeopolitike të dekadave të fundit, ndërsa priten të fillojnë bisedime paqeje me SHBA-në në Islamabad, kryeqytetin e Islamabad në Pakistan.

Raportimet e këtyre burimeve pranë rrethit të ngushtë të Khameneit janë ndër përshkrimet më të detajuara të dhëna deri tani për gjendjen e tij shëndetësore dhe nuk kanë mundur të verifikohen në mënyrë të pavarur nga Reuters.

Vendndodhja e tij, gjendja shëndetësore dhe aftësia për të qeverisur mbeten kryesisht të panjohura për publikun, pasi nuk janë publikuar foto, video apo mesazhe zanore pas sulmit ajror dhe pas shpalljes së tij si pasardhës i të atit më 8 mars.

Misioni i Iranit në Kombet e Bashkuara nuk iu përgjigj pyetjeve të Reuters mbi natyrën e plagëve të Khameneit apo arsyen pse ai nuk është shfaqur në materiale vizuale apo audio.

Khamenei u plagos më 28 shkurt, ditën e parë të luftës së nisur nga SHBA dhe Izraeli, në një sulm që i mori jetën të atit dhe paraardhësit të tij, ajatollah Ali Khamenei, i cili kishte udhëhequr vendin që nga viti 1989.

Bashkëshortja e Mojtaba Khameneit dhe anëtarë të tjerë të familjes së tij u vranë gjithashtu në sulm.

Nuk ka pasur një deklaratë zyrtare iraniane mbi shkallën e plagëve të tij. Megjithatë, një prezantues në televizionin shtetëror e ka cilësuar atë si “janbaz”, një term që përdoret për personat e plagosur rëndë në luftë, pas ngritjes së tij në postin e udhëheqësit suprem.

Raportimet mbi gjendjen e tij përputhen edhe me deklaratën e 13 marsit të sekretarit amerikan të Mbrojtjes Pete Hegseth, i cili tha se Khamenei ishte “i plagosur dhe ndoshta i deformuar”.

Një burim me njohuri mbi vlerësimet e shërbimeve të inteligjencës amerikane tha për Reuters se besohet që ai ka humbur njërën këmbë.

Agjencia amerikane e inteligjencës CIA refuzoi të komentojë mbi gjendjen shëndetësore të Khameneit, ndërsa zyra e kryeministrit izraelit nuk iu përgjigj pyetjeve të Reuters.

The post “Është shpërfytyruar”, Burime iraniane: Mojtaba Khamenei ka pësuar lëndime të rënda appeared first on Albeu.com.

I pyetur për vendndodhjen e Khameneit mes thashethemeve se udhëheqësi iranian mund të jetë evakuuar në Moskë, ambasadori i Rusisë në Iran, Alexey Dedov, tha: “Siç e ka deklaruar vazhdimisht udhëheqja iraniane, udhëheqësi i ri është në Iran, por për arsye të dukshme, ai po përmbahet nga paraqitjet publike.”

Kremlini më parë kishte refuzuar të komentonte mbi vendndodhjen e liderit të ri të Iranit. Më shumë se tre javë pas emërimit të tij si udhëheqës suprem i Iranit, Ajatollah Mojtaba Khamenei ende nuk është parë ose dëgjuar në publik.

Një burim me njohuri mbi situatën i tha CNN në fillim të këtij muaji se Khamenei u plagos në sulmin që vrau babain e tij dhe komandantët më të lartë ushtarakë të Iranit. Burimi tha se kishte pësuar një thyerje në këmbë, një mavijosje në syrin e majtë dhe gërvishtje të vogla në fytyrë.

Sekretari i Mbrojtjes i SHBA-së, Pete Hegseth, tha më parë se Khamenei “ka të ngjarë të jetë shpërfytyruar” pa dhënë asnjë provë.

The post Mojtaba Khamenei u plagos nga sulmet amerikane, Rusia tregon vendndodhjen e udhëheqësit të ri suprem të Iranit appeared first on Albeu.com.

I pyetur në një intervistë nëse CIA e kishte bërë vlerësimin, Trump u përgjigj: “Ata e thanë këtë, por nuk e di nëse ishin vetëm ata”.

Mediat shkruajnë se Trump e ka quajtur më parë Khamenei një zgjedhje të lehtë dhe një zgjedhje të papranueshme për të udhëhequr Iranin, një pikëpamje kjo që nënvizon qëndrimin e tij shpërfillës ndaj klerikut.

Raportet në New York Post në fillim të këtij muaji pretenduan se inteligjenca amerikane besonte se Khamenei kishte qenë në një marrëdhënie afatgjatë me një mësues mashkull të fëmijërisë. Trump gjithashtu e përdori intervistën për të kritikuar mbështetësit perëndimorë të Palestinës, duke vënë në shënjestër aktivistët feministë dhe LGBTQ+.

“Më duhet të buzëqeshja me vete kur shoh njerëz që përpiqen të mbrojnë regjimin palestinez për gratë. Kur shikoj “Gays for Palestine”, ata vrasin homoseksualët. Dhe unë po them, kush janë Homoseksualët për Palestinën?” tha Trump.

The post Gënjeshtër apo e vërtetë? Trump për Mojtaba Khamenei: Udhëheqësi i ri i Iranit është homoseksual appeared first on Albeu.com.

Sipas zyrtarëve izraelitë, Trupat e Gardës Revolucionare dhe disa klerikë, kanë forcuar kontrollin e tyre mbi Iranin.

Ndërkohë media amerikane e lajmeve Axios, raportoi të shtunën (21 mars) se Agjencia Qendrore e Inteligjencës e SHBA-së, Mossadi izraelit dhe agjenci të tjera të inteligjencës po punojnë për të gjetur Khamenein, i cili është zhdukur që kur u shpall udhëheqësi i ri suprem pas vrasjes së babait të tij.

The post I zhdukur që kur u shpall udhëheqës i ri suprem i Iranit, Washington Post: Mojtaba Khamenei është i plagosur dhe i izoluar, nuk reagon appeared first on Albeu.com.

“Me trishtim të thellë, mora lajmin e dhimbshëm për martirizimin e Dr. Ali Larijani, sekretar i Këshillit Suprem të Sigurisë Kombëtare dhe përfaqësues i udhëheqësit në këtë këshill, së bashku me djalin e tij të shquar dhe disa nga bashkëpunëtorët e tij. Vrasësit e tij do të paguajnë për gjakun e tij shumë shpejt”, tha ai, ndër të tjera.

Moxhtaba Khamenei, që nga dita e vdekjes së babait të tij, në ditën e parë të sulmit të përbashkët SHBA-Izrael nuk është shfaqur në ekran, ndërsa ka shumë skenarë dhe spekulime rreth jetës së tij, si dhe nëse ai është gjallë apo jo.

The post Vrasja e shefit të Sigurisë së Iranit, reagon lideri Suprem Mojtaba Khamenei: Gjaku i derdhur vetëm sa po e forcon sistemin islamik appeared first on Albeu.com.

Pretendimi u përshkrua nga dy zyrtarë të komunitetit të inteligjencës amerikane dhe një person i tretë me njohuri për zhvillimet në Shtëpinë e Bardhë. Në fakt, presidenti amerikan nuk mund ta fshihte habinë e tij dhe qeshi me zë të lartë kur u informua për informacionin, sipas burimeve të cituara nga New York Post.

Të tre burimet pretendojnë se informacioni, megjithëse tingëllon i pamundur, konsiderohet i besueshëm nga agjencitë amerikane të inteligjencës dhe jo dezinformata që synon të lëndojë 56-vjeçarin Khamenei, i cili u zgjodh për të pasuar babain e tij si udhëheqës më 8 mars.

Thashethemet për marrëdhënien e tij

Dy nga burimet thanë se informacioni tregoi se Khamenei, ndërsa shërbente si kujdestar i babait të tij të moshuar, kishte një marrëdhënie seksuale afatgjatë me mësuesin e tij të fëmijërisë. Burimi i tretë tha se, sipas informacioneve të inteligjencës, marrëdhënia përfshinte një person që kishte punuar më parë për familjen Khamenei.

Raportet e mëparshme

Disa aspekte të jetës personale të Mojtaba Khamenei janë përmendur në të kaluarën. Një diplomat amerikan deklaroi se ai ishte trajtuar në Mbretërinë e Bashkuar për probleme të aftësisë së kufizuar.

Sipas dokumentit, ai u martua relativisht vonë, rreth moshës 30 vjeç, dhe kishte nevojë për vizita të përsëritura në spitalet e Londrës përpara se gruaja e tij të mbetej shtatzënë.
Gruaja e tij Zahra dhe djali i tij adoleshent Mohammad Bayer thuhet se u vranë në sulmin ajror që vrau edhe babanë e tij. Ai gjithashtu ka një djalë dhe një vajzë.

The post Tashetheme apo e vërtetë? New York Post: Mojtaba Khamenei mund të jetë homoseksual, ja pse babai i tij nuk e donte atë si pasardhës appeared first on Albeu.com.

Araghchi tha gjithashtu se; Irani është i hapur ndaj çdo nisme rajonale që mund të çojë drejt një përfundimi të drejtë të luftës.

Ai theksoi se Ngushtica e Homuzit mbetet e hapur për të gjitha vendet, me përjashtim të anijeve amerikane dhe aleatëve të saj.

Megjithatë, sipas ministrit iranian, aktualisht nuk ekziston asnjë iniciativë konkrete në tryezë për t’i dhënë fund konfliktit.

“Deri tani nuk ka ndonjë iniciativë të veçantë në tryezë për përfundimin e luftës”, u shpreh ai.

Lideri suprem Mojtaba Khamenei, nuk është shfaqur publikisht që prej emërimit të tij më 8 mars.

Fjalimi i tij i parë publik u transmetua nga mediat shtetërore më 12 mars, por u lexua nga një prezantues dhe jo nga vetë ai, gjë që ka shtuar spekulimet mbi gjendjen e tij.

The post Ministri i Jashtëm iranian: Mojtaba Khamenei është shëndoshë e mirë, ka kontroll të plotë të situatës appeared first on Albeu.com.

Në një intervistë për NBC News, Trump tha se nuk ka prova që konfirmojnë nëse Khamenei është ende gjallë.

“Unë nuk e di nëse ai është gjallë. Deri tani askush nuk ka mundur ta shfaqë atë”, u shpreh Trump.

“Po dëgjoj se ai nuk është gjallë dhe, nëse është, duhet të bëjë diçka shumë të zgjuar për vendin e tij, të dorëzohet. Disa mendojnë se është gjallë, por shumë i plagosur”.

Komentet e presidentit amerikan vijnë një ditë pasi sekretari amerikan i Luftës, Pete Hegseth, deklaroi se lideri suprem iranian ka të ngjarë të jetë “i shpërfytyruar” pasi u plagos gjatë sulmeve të përbashkëta të SHBA-së dhe Izraelit.

Në të njëjtën intervistë, Trump tha se beson që disa vende të tjera do të angazhohen për të garantuar sigurinë në Ngushticën e Hormuzit, një nga korridoret më të rëndësishme detare për eksportet globale të naftës, të cilën Irani aktualisht po e bllokon.

“Nuk dua të përmend se cilat vende mund të ndihmojnë, por mund ta merrni me mend. Madje mund të jenë edhe vende që do t’ju surprizojnë”, tha ai.

Më herët, në një postim në rrjetin social Truth Social, Trump shkroi se “shumë vende” do të dërgojnë anije luftarake për të mbajtur të hapur këtë rrugë strategjike detare.

Ai përmendi mes të tjerash Mbretërinë e Bashkuar, Kinën, Francën, Japoninë dhe Korenë e Jugut, duke shtuar se shpreson që edhe vende të tjera t’i bashkohen këtij operacioni.

The post Presidenti Trump: Nuk dihet nëse lideri suprem i Iranit është ende gjallë, por nëse është duhet të dorëzohet appeared first on Albeu.com.