Organizata e Veteranëve të Luftës së UÇK-së (OVL-UÇK) ka kundërshtuar nderimin e njësive ushtarake serbe, duke vlerësuar se një veprim i tillë e institucionalizon mohimin e krimeve të luftës dhe mbron pandëshkueshmërinë.

OVL-UÇK-ja deklaron se nderimi i këtyre njësive nuk mund të paraqitet si përkujtim, për sa kohë që Serbia vazhdon t’i mbajë të mbyllura arkivat shtetërore dhe t’i fshehë dëshmitë për krimet e kryera gjatë luftës në Kosovë.

“Një veprim i tillë përbën institucionalizim të mohimit dhe mbrojtje të pandëshkueshmërisë”, thuhet në reagimin e organizatës.

Sipas OVL-UÇK-së, medaljet, dekoratat shtetërore dhe rishkrimi i rrëfimeve nuk mund ta mbulojnë të vërtetën lidhur me krimet e luftës.

Organizata kërkon që Beogradi të hapë arkivat ushtarake dhe policore, ndërsa e konsideron detyrim të domosdoshëm edhe zbardhjen e fatit të personave të zhdukur me dhunë gjatë luftës.

OVL-UÇK-ja nënvizon se Kosova nuk do të bëjë kompromis në përpjekjet e saj për të kërkuar të vërtetën dhe përgjegjësi për krimet e luftës.

The post OVL-UÇK: Nderimi i forcave serbe institucionalizon mohimin e krimeve appeared first on Albeu.com.

Kylian Mbappe pas fitores së djeshme 1-0 ndaj Marseille, ka folur për mediat duke u shprehur se ai nuk dëshiron të largohet nga PSG në asnjë sezon të merkatos, duke i mohuar kategorikisht thashethemet.

“Unë nuk jam i përfshirë në këto thashetheme, as nga afër e as nga larg”, shtoi francezi në lidhje me thashethemet që qarkullojnë prej disa ditësh se ai do të donte të largohej nga Parisi për në Madrid.

Madje ditët e fundit thuhej se Liverpool do të ishte i gatshëm të ofronte një shkëmbim kokë më kokë Mbappe-Salah./ h.ll/albeu.com

The post Mbappe shuan zërat e lamtumirës: Unë nuk largohem nga Parisi appeared first on Albeu.com.

E gjithë kjo kishte të bënte me një deklaratë të babait të sulmuesit, i cili kishte thënë se djali i tij do të tërhiqej nga futbolli i luajtur.

Për këtë temë në konferencën për shtyp, përpara ndeshjes mes Inter Miami dhe News England Revolution në MLS, Higuain sqaroi se e gjithë kjo është një keqkuptim që ka ndodhur dhe nuk e ka menduar kurrë largimin nga futbolli.

Mendoj se babai im e ka keqkuptuar. Unë kurrë nuk i thashë se do të tërhiqem. Ai e keqkuptoi, kjo është ajo që ndodhi. Por nuk ka të bëjë me realitetin. Jam i fokusuar në ekipin tim dhe do të respektoj kontratën. Ajo që mund të thotë babai apo persona të tjerë nuk ka lidhje me mua. Kur te vije koha, unë do të jem i pari që do ta komunikoj tërheqjen”, u shpreh ish-sulmuesi i Juventusit, Milanit, Napolit dhe Realit të Madridit. /h.ll/albeu.com

The post U përfol se do të linte futbollin, Higuain: Babai më ka keqkuptuar, nuk tërhiqem appeared first on Albeu.com.