Trabzonspor ka lënë pas vështirësitë e fillimit të sezonit në Superligën turke dhe eliminimin e papritur nga Europa League, duke dhënë një paraqitje bindëse në kampionat.

Ekipi turk triumfoi 5–0 ndaj Ankara Genclerbirligi në ndeshjen e vlefshme për javën e 4-t të Superligës së Turqisë, ndërsa një nga emrat që spikati ishte edhe sulmuesi i Kombëtares shqiptare, Ernest Muçi.

Muçi shënoi në minutën e 59-të, pas një aksioni të ndërtuar në bashkëpunim me Mohamed Salah. Paraqitja e tij mori vëmendje të veçantë edhe nga Trabzonspor, i cili publikoi një postim dedikuar sulmuesit shqiptar, duke e shoqëruar atë me emoji yjesh.

Vlerësimi nuk mungoi as nga Salah. Në një tjetër publikim, transferimi i bujshëm shfaqet duke përqafuar Muçin në një prej fotografive, një moment që tregon respektin e fituar nga shqiptari ndaj yllit botëror.

The post Ernest Muçi shkëlqen me Trabzonspor, Salah dhe klubi turk vlerësojnë paraqitjen e shqiptarit appeared first on Albeu.com.

Ernest Muçi po luan një rol të rëndësishëm për Trabzonspor, që po përballet në transfertë me Amedspor në javën e 3-të të Superligës turke. Pjesa e parë e takimit është mbyllur në barazim 1-1.

Golin e vetëm të Trabzonsporit deri në këtë moment e ka përgatitur sulmuesi i Kombëtares shqiptare. Muçi dha një asist perfekt për Mohamed Salah, i cili më pas e dërgoi topin në rrjetë.

Ky ishte asistimi i dytë i Ernest Muçit për ish-yllin e Liverpoolit. Dyshja duket se po përshtatet shumë mirë dhe po rezulton një kombinim i suksesshëm për Trabzonsporin në startin e sezonit.

Asisti i Ernest Muçit

The post VIDEO/ Ernest Muçi shkëlqen sërish në Turqi, shqiptari asiston Mohamed Salah appeared first on Albeu.com.

Trabzonspori po triumfon 2-1 ndaj Basaksehirit në përballjen e javës së dytë të Superligës turke.

Ernest Muçi ka qenë një nga protagonistët e avantazhit të skuadrës nga Trabzoni. Sulmuesi i Shqipërisë bashkëpunoi në mënyrë të shkëlqyer me Mohamed Salah, duke i shërbyer këtij të fundit për golin e dytë personal në këtë ndeshje. Salah e pati të lehtë ta dërgonte topin në rrjetë.

Për pogradecarin, kjo paraqitje shënon një rikthim pozitiv pas dëmtimit që e la për dy javë jashtë fushave. Forma e tij duket se vijon të jetë në të njëjtin nivel.

Asist i Ernest Muçit, gol i Mohamed Salah.

The post VIDEO/ Ernest Muçi rikthehet me asist pas dëmtimit, sulmuesi i Shqipërisë ndihmon Mohamed Salah të shënojë sërish appeared first on Albeu.com.

Trabzonspor synon të paraqitet me një repart sulmues tërësisht të rinovuar në sezonin e ardhshëm të Superligës turke. Transferimi me parametra zero i Mohamed Salah konfirmon ambicien e klubit për t’u rikthyer fuqishëm në garë dhe për të luftuar për titullin kampion në Turqi.

Egjiptiani pritet të nënshkruajë kontratën gjatë ditës së sotme, përpara se marrëveshja të bëhet zyrtare. Ndërkohë, drejtuesit e klubit nga Trabzoni kanë pritshmëri të mëdha edhe për Ernest Muçin, sulmuesin shqiptar të transferuar nga Besiktas për 8.5 milionë euro.

Futbollisti nga Pogradeci ka vendosur ta mirëpresë Salah duke i bërë një “dhuratë” të veçantë. Muçi, i cili mban në fanellë numrin 10, ka pranuar kërkesën e egjiptianit dhe do t’ia lërë këtë numër shokut të tij të ri të skuadrës.

The post Ernest Muçi bën gjestin bujar te Trabzonspor, i lëshon Salah numrin 10 appeared first on Albeu.com.