mo salah Archives - Albeu.com

Topi i Champions-it 25 vjet histori! Versioni i 2026-ës prezantohet nga Zidane, Messi e Yamal

admin — Mon, 12 Jan 2026 12:00:12 +0000

Rikthim në të kaluarën për të celebruar 25 vitet e topit më të famshëm në botë. Sfera e ëndrrave të Champions League, në fusha nga 2001-shi, do të hapë një kapitull të ri, me ridizenjimin modern të origjinalit Adidas FINALE 1.

Rikthim në të kaluarën me grafikën dhe ngjyrat që njihen tashmë prej një çerek shekulli, por edhe me një efekt modern, me sfumatura të zeza dhe vjollcë, që ndryshojnë.

Topi do të përdoret gjatë dy javëve të fundit të fazës së kampionatit 2025/26 të Champions League, që starton të martën e 20 janarit.

Yjet e futbollit janë gjithmonë në fokus. Në spotin zyrtar të Adidas marrin pjesë disa nga lojtarët që kanë lënë shenjë në rrugëtimin e kupës me veshë të mëdhenj gjatë 25 viteve të fundit: Zinedine Zidane, Lionel Messi, Toni Kroos, Mo Salah, Ousmane Dembele dhe Lamine Yamal.

The post Topi i Champions-it 25 vjet histori! Versioni i 2026-ës prezantohet nga Zidane, Messi e Yamal appeared first on Albeu.com.

Liverpool, Salah sulmuesi i katërt më i mirë: Jam i lumtur

admin — Sun, 22 Dec 2024 22:15:51 +0000

Janë 18 gola dhe 15 asistime në të gjitha garat, Mohamed Salah po luan një pjesë të parë të sezonit fjalë për fjalë të bujshme. Egjiptiani, pasi mungoi në ndeshjen e Carabao Cup, iu rikthye menjëherë shënimit dhe realizoi dopietë ndaj Tottenhamit, në fitoren 6-3.

Pas ndeshjes ai foli për Sky Sports UK për të komentuar rezultatin e ndeshjes: “Ne ishim mjaft të mirë përpara, por në mbrojtje duhet të përmirësohemi si ekip. Të pranosh tre gola është mjaft e vështirë… por është një rezultat i mirë, le të shpresojmë të vazhdojmë kështu”.

Sfida kundër Tottenham: “Ne e prisnim këtë (ndeshje kaotike). Mënyra se si ata luajnë, e hapin lojën, argëtohen, janë fizikisht të fortë. Kështu që mendërisht ne duhet të ishim gjithmonë të fokusuar”.

Golashënuesi i katërt më i mirë në historinë e Liverpool-it: “Është fantastike të arrish këtë moment historik në një klub kaq të madh, por gjëja më e rëndësishme është që ne e fituam ndeshjen. Kudo që ta përfundoj karrierën time, jam i lumtur me këtë”.

The post Liverpool, Salah sulmuesi i katërt më i mirë: Jam i lumtur appeared first on Albeu.com.

Një “faraon” pritet t’i bashkohet dyshes Vinicius Jr-Benzema, “galaktikët” fillojnë të ëndërrojnë

admin — Sat, 25 Jun 2022 06:21:37 +0000

Liverpool po mendon ta lërë Mo Salah të ndjekë hapat e Sadio Mane këtë verë.

Drejtuesit e Liverpool do të realizonin një shitje shokuese nëse marrin një ofertë rreth 60 milionë paund. Gjigantët e La Ligës, Real Madrid janë ndër klubet që monitorojnë situatën delikate të Salah.

Mane u transferua te Bayern Munich për 35 milionë paund këtë javë pasi Liverpool fitoi para nga ylli senegalez, i cili kishte vetëm një vit të mbetur nga kontrata e tij. I njëjti skenar ka filluar të zhvillohet me faraonin egjiptian të Reds, i cili mund të largohet falas verën e ardhshme.

Salah ka qenë në bllokim me klubin për gati një vit për shkak të kërkesës së tij për pagë prej 400,000 paund në javë për të nënshkruar një marrëveshje të re. Liverpool do të donte që golashënuesi më i mirë i sezonit të kaluar me 31 gola të qëndronte, por ata nuk do të thyejnë strukturën e tyre të pagave për ta mbajtur atë në Anfield.

Reali po vëzhgon zhvillimet dhe do të jetë në gjendje të ofrojë një marrëveshje të madhe, pavarësisht zënkave mes Salah dhe yjeve të Realit pas dy grindjeve në finalet e Champions League gjatë pesë sezoneve të fundit.

Trajneri i Bernabeut, Carlo Ancelotti besonte se sulmuesi francez, Kylian Mbappe, po bashkohej përpara se sulmuesi të zgjidhte një marrëveshje të re me Paris Saint-Germain.

Reali mendoi se do të duhej të prisnin edhe një vit për të marrë Salah, por qëndrimi i Liverpool-it është ngurtësuar pasi pagoi atë që mund të arrinte një rekord klubi prej 85.3 milion paund për Darwin Nunez./ h.ll/albeu.com

The post Një “faraon” pritet t’i bashkohet dyshes Vinicius Jr-Benzema, “galaktikët” fillojnë të ëndërrojnë appeared first on Albeu.com.

Nga Anglia bëjnë të ditur klubin e së ardhmes për Salah

admin — Tue, 07 Jun 2022 13:15:41 +0000

Mohamed Salah në një të ardhme jo shumë të largët do të veshë fanellën e Barcelonës. Për këtë gjë është i sigurt “The Mirror”, i cili flet për pritjen në shtëpinë Blaugrana për të nënshkruar me sulmuesin që do të lirohet nga Liverpool në një transferim me parametra zero në verën e vitit 2023.

Salah nuk mund t’i rezistojë thirrjes së Barcelonës dhe ish-lojtari i Romës, pasi të luajë dhe një sezon për ekipin anglez, do të fluturojë drejt Spanjës për një aventurë të re./ h.ll/albeu.com

The post Nga Anglia bëjnë të ditur klubin e së ardhmes për Salah appeared first on Albeu.com.

Ironia e fatit, Salah dëmtohet në FA Cup dhe rrezikon finalen e Champions (VIDEO)

admin — Sat, 14 May 2022 17:01:43 +0000

Mohamed Salah ishte i pafat ditën e sotme, pasi pësoi një dëmtim që e detyroi të linte dhe fushën e lojës.

Në minutën e 33-të të finales së FA Cup që Liverpool dhe Chelsea po zhvillojnë mes tyre, sulmuesi egjiptian la fushën i dëmtuar duke shqetësuar të gjithë stafin e “The Reds”.

Trajneri Jurgen Klopp e zëvendësoi atë me Jota, teksa duhet te mësohet edhe shkalla e dëmtimit, për të parë nëse sulmuesi do të luajë finalen e Champions League apo jo./ h.ll/albeu.com

Mo Salah comes off for Liverpool with an apparent injury ? pic.twitter.com/FbxOGlg0BS

— ESPN FC (@ESPNFC) May 14, 2022

The post Ironia e fatit, Salah dëmtohet në FA Cup dhe rrezikon finalen e Champions (VIDEO) appeared first on Albeu.com.

Salah pas fitores: Dua Real Madrid në finale, kërkojmë “hakmarrjen”

admin — Wed, 04 May 2022 05:30:15 +0000

Mohamed Salah, pasi arriti në finalen e Champions League me Liverpoolin, foli për kundërshtarin e tij të preferuar mes Real Madrid dhe Manchester City. “Do të doja në finale Real Madridin, ata tashmë na kanë mundur në finale dhe unë do të doja të përballesha sërish me ta. Kërkojmë hakmarrjen dhe të fitojmë Champions League”, [...]