Ministria e Mjedisit dhe Planifikimit Hapësinor (MMPH) ka vendosur t’ua ndërpresë marrëdhënien e punës 20 zyrtarëve nga komuniteti serb, pasi, sipas ministrisë, ata nuk i kanë përmbushur obligimet e tyre në punë.

Vendimi u bë publik nga ministrja e MMPH-së, Fitore Pacolli. Ajo tha se masat janë marrë për shkak të mungesave të vazhdueshme të zyrtarëve në vendet e tyre të punës dhe duke u bazuar në rekomandimet e Zyrës Kombëtare të Auditimit.

Sipas Pacollit, qëllimi i këtij vendimi është garantimi i zbatimit të ligjit dhe vendosja e kritereve të barabarta për çdo punonjës të administratës publike.

Postim i plotë:

Janë shkëputur kontratat e punës për 20 zyrtarë të MMPH-së.

Sot është marrë vendim për ndërprerjen e kontratave të punës së 20 zyrtarëve të MMPH-së nga komuniteti serb, të cilët njihen edhe si pjesë e ish-“Mbrojtjes Civile”. Ky veprim është ndërmarrë për shkak të mungesave të tyre të vazhdueshme në punë, si edhe në pajtim me rekomandimet e Zyrës Kombëtare të Auditimit.

Të dhënat zyrtare tregojnë se këta zyrtarë, të punësuar në Ministrinë e Mjedisit dhe Planifikimit Hapësinor që nga 5 janari 2016, nuk i kanë kryer obligimet që burojnë nga marrëdhënia e punës. Kjo përfshin mungesat e përsëritura nga vendi i punës dhe moszbatimin e detyrave të punës.

Do të sigurojmë ligjshmëri të plotë dhe standarde të njëjta për secilin punonjës në administratën publike. Askush nuk mund të ruajë statusin e të punësuarit pa i përmbushur detyrimet që i takojnë. Në zbatimin e ligjit do të jemi të pakompromis, pa marrë parasysh përkatësinë apo pozitën, pasi shërbimi publik duhet t’u përgjigjet qytetarëve me përgjegjësi dhe me respektim të plotë të detyrës zyrtare.

The post MMPH ndërpret kontratat e 20 zyrtarëve serbë, Pacolli shpjegon vendimin appeared first on Albeu.com.

Sipas njoftimit, ky konsiderohet një hap i rëndësishëm në drejtim të zhdukjes së deponive ilegale dhe ndërtimit të një sistemi më të rregullt, më të sigurt dhe më të ligjshëm për menaxhimin e mbeturinave.

Mbeturinat nga qytetarët do të pranohen në deponitë sanitare të Mirashit, Landovicës, Velekincës dhe Dumnicës.

MMPH ka njoftuar gjithashtu se pranimi do të bëhet çdo të shtunë, nga ora 08:00 deri në 16:00, me një tarifë prej 10.31 euro për ton, ndërsa pagesa do të mund të kryhet vetëm me kartelë bankare.

Në njoftim theksohet se në deponi do të lejohen vetëm mbeturinat e parrezikshme, në përputhje me legjislacionin në fuqi, ndërsa nuk do të pranohen mbeturina të rrezikshme, toksike, spitalore, shpërthyese apo të ndaluara me ligj.

Po ashtu, ministria ka bërë të ditur se qytetarët tashmë kanë një mundësi të ligjshme për deponimin e mbeturinave, ndaj çdo hedhje e tyre në natyrë apo në vende të papërshtatshme do të trajtohet me tolerancë zero dhe do të ndëshkohet sipas ligjit. Në njoftim shtohet se mbrojtja e mjedisit është përgjegjësi e secilit prej nesh.

The post MMPH njofton se qytetarët do të mund t’i dërgojnë mbeturinat në deponitë sanitare appeared first on Albeu.com.