Vlerësimi erdhi pasi shahisti u pezullua nga Federata Ndërkombëtare e Shahut, për shkak të mbështetjes së hapur që dha për agresionin rus në Ukrainë.

Medalja e cila i është dorëzuar Karjakit, “Për Merita ndaj Atdheut”, është një medalje e nivelit të lartë pasi i atribuohet atyre personave të cilët kanë dhënë kontribute të jashtëzakonshme në fushat e tyre.

Karjakin, i cili sfidoi Magnus Carlsen për titullin botëror në vitin 2016, është një mbështetës i Putinit dhe mbrojti në mediat sociale vendimin e Rusisë për të dërguar trupa në Ukrainë.

Kjo bëri që Federata Ndërkombëtare e Shahut (FIDE) ta pezullonte atë për gjashtë muaj për shkeljen e kodit të saj të etikës në mars.

Në reagimin e tij për vendimin e FIDE-s, shahisti rus tha se ishte një vendim i turpshëm.

The post Mbështeti luftën në Ukrainë, Putin vlerëson me medalje mjeshtrin rus të shahut appeared first on Albeu.com.