mjekun Archives - Albeu.com

Merrte lekë për të bërë eko, Gjykata liron mjekun Gëzim Taullaj (VIDEO)

V K — Mon, 03 Nov 2025 14:38:30 +0000

Gjykata e Fierit, ka liruar nga paraburgimi mjekun imazherist të Spitalit Rajonal, Gëzim Taullaj. Pas një seance të gjatë, ku vetë i dyshuari mungoi për aryse shëndetësore dhe u përfaqësua nga avokati mbrojtës, Xhevair Morina, gjyqtari i gatshëm vendosi ta linte në “arres shtëpie” 66-vjeçarin.

Pasi dëgjoi të dyja palët, prokurorinë dhe avokatin, u vendos zbutja e masës dhe për shkak të rrethanave të krijuara.

Masa e sigurisë u dha nga gjyqtare Aurora Tusha dhe prokuror ishte Leonard Suçi.

Mbi mjekun rëndojnë veprat penale “shpërdorim i detyrës”, dhe “korrupsion pasiv i personave që ushtrojnë funksione publike”.

Taullaj ra në prangat e policisë teksa është kapur në flagrancë duke i marrë një shumë parash një pacienti, që do të kryente ekon abdominale.

Aksioni erdhi pas një hetimi 4-mujor në bashkëpunim me Prokurorinë, dhe u arrestua në përfundim të operacionit policor të koduar “Imazheria”.

Gjithashtu ai akuzohet se shpërdoronte detyrën pasi gjatë orarit zyrtar të punës, ku vizitonte pacientë në dy klinika private në Fier.

Si provë materiale gjatë kontrollit në banesë iu gjetën dhe sekuestruan si provë materiale, shuma e lekëve që i mori qytetarit, në kundërshtim me ligjin, 1.857. 000 lekë të reja, 39.155 euro, 2.370 paund dhe 75 dollarë.

The post Merrte lekë për të bërë eko, Gjykata liron mjekun Gëzim Taullaj (VIDEO) appeared first on Albeu.com.

Vrasja e Liridona Ademajt/ Naim Murseli përplaset me mjekun psikiatër të raportit që e la në burg

V K — Mon, 22 Sep 2025 13:25:36 +0000

Këtë të hënë, ka vijuar në Prishtinë procesi gjyqësor për autorin kryesor të vrasjes makabër të bashkëshortes së Liridona Ademajt, ngjarje kjo që tronditi jo vetëm Kosovën, por mbarë opinionin publik shqiptar.

Në seancën e sotme, i thirrur për të dëshmuiar ishte ish-kreu i spitalit Psikiastrik, Shpend Haxhibeqiri, i cili dhe hartoi raportin e gjendjes mendore të Murselit, në të cilin thuhej se Naimi nuk vuan nga asnjë sëmundje mendore, gjë që çoi në rrëzimin e pretendimeve të avokatëve të të akuzuarit se aktin e tij ndaj Liridonës, e kishte ndërmarrë në gjendje të rënduar psiqike.

Pikërisht ky raport, u bë shkak i përplasjes në sallën e gjyqit mes vrasësit gjakftohtë dhe mjekut.

Murseli iu drejtua Haxhibeqirit se nga rrodhi ekspertiza e tij mjeko-ligjore. Ai iu drejtua specialistit me pyetjet: “Si rrodhi ekspertiza mjeko-ligjore nga instituti juaj? Si rrjedh një dokument kaq sensitiv me komente ndërkombëtare? A rrodhi nga ndonjë punonjës, apo nga gjykata”?

Por Haxhibeqiri deklaroi shumë shkurtimisht se: “Dokumenti nuk kishte dalë nga institucioni ligjvënës”.

Edhe gjykatësja Fatime Dërmaku, reagoi ndaj shqetësimit të Murselit, duke e siguruar se ekspertiza nuk ka dalë nga gjykata.

The post Vrasja e Liridona Ademajt/ Naim Murseli përplaset me mjekun psikiatër të raportit që e la në burg appeared first on Albeu.com.