Kreu i Shtetit i përgëzoi studentët për misionin fisnik që kanë zgjedhur, atë të shpëtimit të jetëve, duke i ftuar të qëndrojnë në Shqipëri për shkak të nevojës që vendi ynë ka për ta.

“Sot keni përpara një horizont të gjerë mundësish, me shtigje të hapura si brenda vendit, edhe jashtë tij. Por unë ju ftoj me gjithë zemër: zgjidhni Shqipërinë. Vendi ynë ka nevojë për ju. Pranojeni këtë si mision dhe sfidë, si dhe ndërtoni këtu jetën tuaj profesionale, pranë njerëzve tuaj. Ndihmoni të forcojmë së bashku një sistem shëndetësor edhe më të mirë, edhe më modern, duke garantuar një të ardhme më të shëndetshme për qytetarët tanë”, deklaroi Presidenti i Republikës duke ju drejtuar të sapodiplomuarve në mjekësi, të cilët i vlerësoi si e ardhmja e kujdesit shëndetësor në vend.

Të njëjtën thirrje Presidenti Begaj drejtoi edhe ndaj mjekëve profesionistë, të cilëve u shprehu falënderim të veçantë që e kryejnë misionin e tyre me pasion e përkushtim, ndërsa përballen me sfidën e ripërtëritjes së një stafi cilësor mjekësor.

“Të gjithë profesionistëve të mjekësisë dua t’ju them se ju jeni shtylla kryesore e sistemit shëndetësor, që me përkushtim dhe sakrifica mbani gjallë besimin e qytetarëve te mjekësia. Ne mund të ndërtojmë spitale të reja dhe të blejmë aparatura moderne, por pa mjekë të mirë, pa dijen dhe përkushtimin tuaj, sistemi shëndetësor nuk ka jetë. Prandaj, investimi më i madh që mund të bëjmë është te ju, te formimi, te kërkimi shkencor dhe te mbështetja e vazhdueshme e profesionit tuaj fisnik. Ne ju kemi detyrim standardet evropiane të sistemit shëndetësor. Ne kemi detyrim t’ju krijojmë kushtet të qëndroni në Shqipëri, të trajtoheni me dinjitet, duke ju dhënë mundësinë edhe të eksperiencave jashtë vendit, gjithashtu”, deklaroi Kreu i Shtetit.

Me emocionet e një mjeku në profesion, Presidenti Begaj shprehu falenderim që u bë pjesë e kësaj dite të shënuar për Universitetin, për të diplomuarit dhe familjet e tyre, ndërsa përgëzoi në veçanti kolegët e tij pedagogë të këtij universiteti për kontributin e dhënë në mjekësi.

Gjithashtu, Presidenti Begaj, vlerësoi se Universiteti i Mjekësisë së Tiranës, me një traditë dhe cilësi në mësimdhënie e kërkim shkencor, ka përgatitur breza profesionistësh të mjekësisë, të cilët kanë mundur të ruajnë cilësinë e shërbimit shëndetësor në vendin tonë përkundër një sistemi shëndetësor që kërkon reformim të spitaleve dhe që ka nevojë për më shumë mbështetje.

Kreu i Shtetit këshilloi, gjithashtu, mjekët e rinj që të përballen me dinjitet përballë vështirësive dhe sfidave, duke u shprehur se “asgjë nuk është më shpërblyese se të dish që ke ndihmuar dikë të jetojë e të shërohet.

“Ky është çmimi i fisnikërisë së profesionit”, – vlerësoi Presidenti Begaj, i cili i inkurajoi të sapodiplomuarit që të mos reshtin së mësuari për të qenë të denjë në këtë profesion, sidomos sot në epokën e digjitalizimit dhe të inteligjencës artificiale: “Mjeku duhet të mbetet gjithmonë student. Vetëm etja për dije do t’ju mbajë të denjë për misionin tuaj”.

“Ju diplomoheni nga një universitet që njihet dhe jashtë vendit tonë, falë kolegëve tuaj, kolegëve tanë që kanë lënë gjurmë me punën e tyre në Shqipëri apo në vende të tjera. Ndaj, bashkë me diplomën, juve ju përket nderi, dedikimi dhe përkushtimi i mjekut shqiptar të respektuar në vend e të kërkuar kudo në botë. Do t’ju duhet t’i mbroni e t’i çoni përpara këto arritje, që janë sa personale e profesionale, aq edhe të të gjithë profesionistëve të mjekësisë”, – u shpreh Presidenti i Republikës.

The post Diplomimi i studentëve të Mjekësisë, Presidenti Begaj: Zgjidhni Shqipërinë! Vendi ynë ka nevojë për ju appeared first on Albeu.com.

Gjithashtu, Rama tha se qeveria nuk do të financojë falas studimet e tyre që më pas të ikin në Gjermani.

Në të kundërt nëse nuk u pëlqen, kreu i shtetit tha se duhet të paguajnë tarifën dhe më pas mund të ikin ku të duan.

Fjala e Ramës:

“E paimagjinueshme që studentë të mjekësisë të refuzojnë, madje të bëjnë dhe protesta që t’ia kthejnë këtij vendi dhe këtij populli këtë investim shumë të madh. Qeveria financon studimin e mjekëve për të shërbyer për shëndetin publik të Shqipërisë, jo për t’i shërbyer Gjermanisë. Nëse dikush nuk dëshiron ta marrë në konsideratë detyrimin, human, profesional, patriotik, që për disa vite të shërbejnë në Shqipëri dhe t’ia kthejë investimin këtij populli, duhet të paguajë tarifën e plotë dhe pastaj të shkojë ku të dojë. Tarifa e plotë nuk është ajo e vërteta përsëri“, u shpreh Rama.

The post Rama: E paimagjinueshme që studentët e Mjekësisë bëjnë protesta, të paguajnë tarifën pasaj të ikin ku të duan appeared first on Albeu.com.

“Përshtypja kryesore për të është Kupa e Amerikës 1999, të cilën e fituam. Ai dhe Rivaldo më pas shënuan 5 gola, dhe Ronaldo u bë lojtari më i mirë në turne. Ai është fenomenal, ishte kënaqësi të luaja me të. Por të luash kundër tij në stërvitje ishte një torturë e vërtetë. Është mirë që ai nuk u stërvit gjithmonë me forcë të plotë. E ndjeva këtë kur e takova në fushë në Champions League. Unë luajta për Borussia dhe ai luajti për Real Madridin. Pastaj ne humbëm dhe ai shënoi”, shkruan albeu.com.

A është ky lojtari më i fortë me të cilin keni luajtur?

“Patjetër që po, ai është një magjistar, ka bërë gjëra të jashtëzakonshme në fushë. Është për të ardhur keq që Ronaldo nuk e zbuloi potencialin e tij as gjysmën. Mendoj se me nivelin aktual të mjekësisë, ai do të merrte Topin e Artë njëri pas tjetrit”.

A ka një lojtar si Ronaldo në botë tani?

“Lojtarët e mëdhenj janë unikë. Nuk ka lojtarë të ngjashëm jo vetëm me Ronaldon, por edhe me Pelen, Ronaldinhon, Zicon dhe mjeshtra të tjerë të mëdhenj. G.D. /albeu.com/

The post “Me nivelin aktual të mjekësisë, ai do të merrte Topin e Artë njëri pas tjetrit” appeared first on Albeu.com.