Sipas ASK-së, burimi kryesor i këtyre të hyrave mbeten taksat e energjisë (akciza). Gjatë vitit 2025, të hyrat nga kjo kategori janë rritur me 12 për qind krahasuar me një vit më herët.

Në të njëjtën kohë, rritjen më të lartë e kanë shënuar të ardhurat nga taksat e ndotjes, me 35.3 për qind, ndërsa të hyrat nga taksat e transportit janë rritur për 9.6 për qind.

Nga struktura e përgjithshme e të ardhurave rezulton se taksat e energjisë kanë sjellë 365.3 milionë euro, ose 86.5 për qind të totalit. Pas tyre renditen taksat e transportit me 54 milionë euro, apo 12.8 për qind, ndërsa taksat e ndotjes kanë arritur në 3.15 milionë euro, që përbëjnë 0.7 për qind të të ardhurave të përgjithshme nga taksat mjedisore.

ASK ka njoftuar po ashtu se pjesa e të ardhurave nga taksat mjedisore në Bruto Produktin Vendor (BPV) gjatë vitit 2025 ishte 3.83 për qind.

The post Të hyrat nga taksat mjedisore në 2025 kapën 422.4 milionë euro, ASK jep të dhënat appeared first on Albeu.com.