Mitsubishi po rikthen Pajero-n me një gjeneratë tërësisht të re, e cila bashkon dimensionet e mëdha, pajisjet luksoze dhe aftësitë e avancuara për lëvizje jashtë rruge.

Modeli i ri mbështetet në një shasi me kornizë të veçantë (ladder-frame), të përbashkët me pickup-in Triton. Sipas Mitsubishi-t, struktura është përforcuar ndjeshëm përmes përdorimit më të gjerë të çelikut me rezistencë të lartë.

Me gjatësi 4.92 metra, gjerësi 1.925 metra, lartësi 1.91 metra dhe bazë rrotash prej 2.87 metrash, Pajero ofron përmasa të konsiderueshme. Hapësira prej 230 milimetrash nga toka dhe këndet e projektuar për terrene të vështira e pozicionojnë atë si një 4×4 të mirëfilltë.

Pamja e jashtme ruan disa elemente të frymëzuara nga gjeneratat e kaluara, por në tërësi ka pak ngjashmëri vizuale me to. Dizajni ndjek linjat moderne të modeleve Destinator dhe Xforce, duke shtuar parafango më të theksuar, një grilë më të madhe dhe mbrojtje të forta për pjesën e poshtme.

Hapat anësorë, baltoret me përmasa të mëdha dhe pezullimi me lëvizje të gjatë e bëjnë të qartë se Pajero është menduar për përdorim real jashtë asfaltit, transmeton Telegrafi.

Në kabinë, Mitsubishi ka rritur ndjeshëm nivelin e luksit. SUV-i ka tre rreshta dhe shtatë vende, ndërsa sediljet e rreshtit të dytë mund të zhvendosen 15 centimetra ose të palosen. Kjo krijon më shumë hapësirë për bagazhet dhe lehtëson aksesin drejt rreshtit të tretë.

Niveli më i lartë i pajisjeve përfshin veshje lëkure në pjesën më të madhe të kabinës, dy ekrane 14.3-inç, sistem audio Yamaha me 12 altoparlantë, klimë automatike me tri zona, sedilje me ngrohje për rreshtin e dytë dhe xhama të dyfishtë për reduktimin e zhurmës.

Një tjetër element i rikthyer është Multi Meter, i cili tani shfaqet në mënyrë dixhitale në ekranin qendror. Ky sistem paraqet këndet e pjerrësisë dhe rrotullimit, lartësinë, drejtimin e busullës si dhe shpërndarjen e çift-rrotullimit ndërmjet anës së majtë dhe asaj të djathtë.

Përpara përdoret pezullim double-wishbone, ndërsa në pjesën e pasme është vendosur një bosht rigid me pesë lidhje. Ky konfigurim synon të sigurojë sjellje të qëndrueshme në autostradë dhe performancë të lartë në terrene të vështira.

Pajero pajiset me sistemin Super-All Wheel Control (S-AWC), i cili bashkërendon 4WD, Active Yaw Control, kontrollin e stabilitetit dhe tërheqjes, si dhe ABS-in.

Falë ndërhyrjes së vazhdueshme të këtyre teknologjive, fuqia dhe frenimi shpërndahen në rrotat individuale sipas nevojës. Kjo ndihmon që automjeti të mbetet më i qëndrueshëm dhe më i parashikueshëm në rrugë të rrëshqitshme ose në sipërfaqe të vështira.

Shifrat e aftësive jashtë rruge përfshijnë kënd afrimi prej 30.4 gradësh, kënd thyerjeje 22.6 gradësh dhe kënd largimi 25.8 gradësh, krahas 23 centimetrave hapësirë nga toka.

Mitsubishi ka ruajtur gjithashtu shpërndarjen e peshës në raportin 52:48 dhe ka zgjedhur një pezullim me lëvizje të gjatë. Kjo ndihmon që rrotat të qëndrojnë në kontakt me terrenin edhe kur sipërfaqja është shumë e pabarabartë.

Rikthimi i Pajero-s mund të shënojë vetëm hapin e parë të një plani më të gjerë. Mitsubishi synon ta zhvillojë këtë emër në një familje modelesh, ku të paktën dy SUV më të vegjël dhe të aftë për terren pritet të vijnë më pas.

Kjo qasje i ngjan strategjive të Toyota-s me Land Cruiser, Land Rover me Defender dhe Mercedes-Benz me familjen G-Class.

Si rrjedhojë, Pajero nuk rikthehet vetëm si një automjet i ri. Mitsubishi po përpiqet ta ndërtojë emrin legjendar si një markë të fuqishme në segmentin e SUV-ve aventureske. /Telegrafi/

The post Mitsubishi Pajero rikthehet si një SUV më i madh, luksoz dhe i ndërtuar për terrene të vështira appeared first on Albeu.com.

Humbja e terrenit nga Mitsubishi në tregun e Amerikës së Veriut është e dukshme. Shitjet e kompanisë kanë rënë nga niveli rekord prej 345,111 automjetesh në vitin 2002, në vetëm 94,754 automjete vitin e kaluar.

Pavarësisht kësaj situate, prodhuesi japonez ka hartuar një strategji për rimëkëmbje. Partneriteti me Nissan do ta ndihmojë markën të përditësojë modelet aktuale dhe të sjellë automjete të reja në gamën e saj.

Mitsubishi synon që deri në fund të vitit 2027 të zgjerojë ofertën në SHBA nga katër në gjashtë automjete. Ky plan u përgjigjet kërkesave të shitësve, të cilët kanë kërkuar më shumë modele për portofolin e markës.

Gjatë periudhës deri në fund të vitit të ardhshëm, gama e Mitsubishi pritet të përfshijë Outlander Sport, Eclipse Cross, Eclipse Sportback EV, Outlander, Outlander Plug-in Hybrid, si edhe një version të fuqishëm të Outlander, emri i veçantë i të cilit do të bëhet i ditur në muajt e ardhshëm.

Pas vitit 2027 priten edhe modelet më tërheqëse të këtij plani. Lista përfshin Mitsubishi Eclipse Sportback EV, Mitsubishi Outlander të rifreskuar, Off-Road Outlander, një Mitsubishi të bazuar në Nissan Kicks, një kamionçinë të re Mitsubishi, një SUV të ri dhe Jo Montero.

The post Mitsubishi përgatit rikthimin në treg me shtatë modele të reja appeared first on Albeu.com.

Prodhuesi japonez Mitsubishi Motors ka hyrë në një bashkëpunim me firmën teknologjike Highlanders për të krijuar robotë humanoidë të pajisur me inteligjencë artificiale, të destinuar për impiantet e saj të prodhimit të makinave.

Qëllimi i kësaj nisme është adresimi i mungesës së fuqisë punëtore në Japoni dhe avancimi i proceseve të fabrikimit. Në fazën fillestare, robotët do të marrin përsipër punë si lëvizja e pjesëve dhe montimi i motorëve, duke bashkëvepruar drejtpërdrejt me stafin njerëzor.

Sipas planeve, prodhimi i këtyre robotëve do të fillojë në vitin 2027 në uzinën e Mitsubishi-t në Kyoto, me një objektiv prodhimi prej afërsisht 1.000 njësish çdo muaj.

Kompania ka kryer tashmë një investim në Highlanders dhe nuk e hedh poshtë mundësinë e financimeve shtesë në vijim, megjithëse shifrat konkrete të marrëveshjes mbeten konfidenciale.

Në rast se robotët dëshmojnë efektivitet në linjat e prodhimit, Mitsubishi synon t’i komercializojë edhe për ndërmarrje të tjera industriale.

Drejtori ekzekutiv i Mitsubishi Motors, Takao Kato, theksoi se partneriteti synon të formësojë një paradigmë të re industriale ku njeriu dhe makina punojnë në harmoni. Ai saktësoi se qëllimi i teknologjisë nuk është zëvendësimi i punonjësve, por përmirësimi i efikasitetit dhe rendimentit në fabrikat e grupit.

The post Mitsubishi nis prodhimin e robotëve humanoidë për linjat e montimit të automjeteve appeared first on Albeu.com.

Një mjet tip “Mitsubishi” ka dalë nga rruga dhe për pasojë është dëmtuar pasagjeri (babai i drejtuesit të mjetit), shtetasi A. B., 62 vjeç, banues në Tiranë, i cili është transportuar për në spitalin Rajonal Gjirokastër.

Ka nisur puna për zbardhjen e shkaqeve të aksidentit.

Njoftimi i policisë:

Këlcyrë/Informacion paraprak.

Në datën 10.10.2021, rreth orës 15:00, në Sallën Operative ka ardhur një telefonatë se në aksin rrugor Këlcyrë-Ballaban, në afërsi  të  fshatit Bedyqas, automjeti tip “Mitsubishi”, me drejtues shtetasin A. B., 37 vjeç, banues në Tiranë, ka dal nga rruga.

Për pasojë është dëmtuar pasagjeri (babai i drejtuesit të mjetit), shtetasi A. B., 62 vjeç, banues në Tiranë, i cili është transportuar për në spitalin Rajonal Gjirokastër.

Në vendngjarje kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit./albeu.com

The post “Mitsubishi” del nga rruga, lëndohet babai i drejtuesit të mjetit appeared first on Albeu.com.

Kompania përmes një deklarate tha se problemet në furnizimin me çipa gjysmëpërçues u shkaktuan për shkak të vështirësive të biznesit në mes të pandemisë dhe për shkak të rritjes së kërkesës për çipa gjysmëpërçues, të cilat përdoren gjithashtu në prodhimin e telefonave mobilë, konzollave të video-lojërave, pajisjet për rrjetin 5G dhe pajisje të tjera, shkruan Anadolu Agency (AA).

Mitsubishi do të zvogëlojë prodhimin me 16.000 automjete në tri fabrika në Japoni dhe Tajlandë në maj.

Agjencia japoneze e lajmeve Kyodo raporton se Mitsubishi gjithashtu uli prodhimin për automjetet në mars dhe me 7.500 automjete në prill.

Po ashtu edhe prodhuesi japonez i makinave Subaru shkurtoi prodhimin me 25.000 automjete këtë muaj, gjithashtu për shkak të problemit të furnizimit me çipa.

The post Japoni, Mitsibishi ul prodhimin për shkak të problemit të furnizimit me çipa appeared first on Albeu.com.