“Përgjigjja e thjeshtë është: jo, Greqia nuk do të marrë pjesë në asnjë operacion rreth teatrit të operacioneve që janë aktualisht në zhvillim. Dhe dyshoj nëse në këtë moment ekziston një gatishmëri e madhe evropiane për një mision të tillë”, u shpreh Kyriakos Mitsotakis.

Mitsotakis ka sqaruar se Athina mbështet operacionin evropian për mbrojtjen e lundrimit në Detin e Kuq, por nuk do të përfshihet në veprime në Gjirin Persik pa një mandat të qartë të Bashkimit Evropian. Ai theksoi gjithashtu se prioriteti është stabiliteti dhe shmangia e përshkallëzimit.

Duke iu referuar drejtpërdrejt Ngushticës së Hormuzit ,një nga rrugët më të rëndësishme të transportit të naftës në botë, Mitsotakis paralajmëroi për pasoja globale nëse situata përkeqësohet. E megjithatë I pyetur në se presidenti amerikan do ti kërkonte drejtpërdrejt ndihmë ai ka thënë :

“Nuk do të përfshihemi në veprime në rajon e më gjerë për sa kohë vazhdojnë operacionet ushtarake. Kemi qenë absolutisht të qartë që në fillim: po forcojmë qëndrimin tonë mbrojtës. Natyrisht, na intereson shumë liria e lundrimit. Mes nesh ka, siç e dini, pronarë të shquar grekë të anijeve që janë shumë të shqetësuar për atë që po ndodh në këtë rajon”, tha ai.

Rreziku në këtë ngushticë prek drejtpërdrejt edhe transportin detar grek siç ka theksuar edhe ministria e Transportit detar të Greqisë. Janë 168 anije të interesave greke, 34 prej tyre me flamurin grek që ndodhen aktualisht në Gjirin Persik, Ngushticën e Hormuzit dhe Gjirin e Omanit. Në rajon shërbejnë gjithashtu qindra marinarë grekë dhe situata e tyre monitorohet çdo ditë.

Që nga fillimi i luftës, janë goditur në zonë disa anije tregtare, mes tyre edhe ato të interesave greke, duke rritur ndjeshëm rrezikun për një nga korridoret më strategjike energjetike dhe tregtare të planetit.

The post Greqia del në krah të vendeve të tjera europiane, Mitsotakis: Nuk do të marrim pjesë në operacione ushtarake në Hormuz appeared first on Albeu.com.

Në një intervistë për stacionin televiziv Alpha mëngjesin e sotëm, kryeministri grek Kyriakos Mitsotakis i është referuar mes të tjerash edhe deklaratave të homologut shqiptar në lidhje me origjinën e grekeve.

Mitsotakis i ka cilësuar deklaratat e Ramës si “të papërshtatshme” dhe një “deklaratë të gjykuar gabimisht”, duke theksuar se ato nuk kontribuojnë në klimën e bashkëpunimit mes dy vendeve. Mitsotakis nënvizoi se kishte vënë re edhe një përpjekje të mëvonshme të Ramës për korrigjim, por pa i dhënë rëndësi të veçantë.

“E njoh z. Rama prej shumë vitesh, ai ka një mënyrë të veçantë të shprehuri dhe shpesh herë i shpëtojnë gjëra që nuk do të duhej t’i thoshte. Këtë herë tha një fjalë të rëndë dhe e kuptoi gabimin e tij. Unë po mbaj parasysh korrigjimin që bëri, ishte një deklaratë e papërshtatshme dhe më mirë ta lëmë pas”, tha ai.

The post Kryeministri grek për deklaratat e Ramës, Mitsotakis: I shpëtojnë shpesh gjëra që nuk do të duhej t’i thoshte appeared first on Albeu.com.

Në fjalën e tij, kryeministri grek tha se mungesa e Kryepeshkopit do të jetë e pazëvendësueshme, jo vetëm këtu në vendin e tij, por edhe në të gjitha vendet e tjera.

Mitsotakis: Guximi dhe shpresa ishin dy busulla orientuese që e drejtonin Kryepeshkopin në këtë rrugëtim. Në këtë madhështie ne përulemi. Kryepeshkopi i Tiranës, i Durrësit dhe i gjithë vendit ishte një intelektual i besimit, por edhe një shërbyes i thjeshtë për njeriun që kishte në krah. Ka qenë një shembull i ndriçuar i angazhimit të tij. Mungesa e tij do të jetë e pazëvendësueshme, jo vetëm këtu në vendin e tij, por në të gjitha vendet e tjera.

The post Homazhet për Janullatos, Mitsotakis: Mungesa e Kryepeshkopit do të jetë e pazëvendësueshme appeared first on Albeu.com.

Mitsotakis ka ardhur bashkë me delegacionin e tij që përbëhet nga 5 ministra. Kryeministri pasi ka bërë nderimet për Kryepeshkopin Anastas, është afruar pranë kryeministrit Rama dhe kyeopozitarit Berisha.

The post Lamtumirë Kryepeshkopi Anastas, kryeministri grek Mitsotakis në Katedralen “Ngjallja e Krishtit” krah Ramës dhe Berishës appeared first on Albeu.com.

“Ne prisnim një vit shumë të vështirë për sa i përket klimës, ishte më i vështiri në 40 vitet e fundit sipas të dhënave nga të gjithë shkencëtarët, përfshirë ato nga monitoruesi kombëtar i klimës”, tha kryeministri Kyriakos Mitsotakis në parlament.

Ai vuri në dukje temperaturat vazhdimisht më të larta se mesatarja, thatësirën , erërat e forta, duke shtuar se Greqia duhet të përballet me pasojat e ndryshimeve klimatike. Deri më tani, numri i zjarreve ka arritur në 9,101, nga 7,163 vitin e kaluar, 44,000 hektarë tokë është djegur, tha kryeministri gjatë një debati parlamentar për këtë çështje.

Zjarret në pyje filluan më herët se normalisht këtë vit. Zjarre masive u regjistruan që në mars, në veri të vendit. Greqia përjetoi verën me të nxehtë, njoftuan autoritetet në shtator, me valë të të nxehtit në qershor dhe temperatura rekord gjatë verës. Qershori dhe korriku ishin muajt më të ngrohtë që nga fillimi i regjistrimeve në vitin 1960. Më shumë se 20 njerëz vdiqën nga zjarret në pyje në Greqi vitin e kaluar.

The post Mitsotakis: Greqia është përballur me kushtet më të këqija të motit në 40 vjet appeared first on Albeu.com.

Mitsotakis ka shprehur rezerva lidhur me thirrjet për zgjerimin e këtij modeli në të gjithë Evropën, duke vënë në dyshim nëse një politikë e tillë do të ishte e zbatueshme në nivel evropian. Vetëm pak ditë më parë, Presidentja e Komisionit Evropian, Ursula von der Leyen, i kishte kërkuar liderëve të BE-së, përpara mbledhjes së Këshillit Evropian më 17-18 tetor, të konsideronin krijimin e qendrave të ngjashme për emigrantët si ato të dakorduara mes Italisë dhe Shqipërisë.

Mitsotakis, duke folur për “Financial Times”, theksoi se kjo marrëveshje është dypalëshe dhe duhet parë nëse ajo do të funksionojë siç është parashikuar. Ai ngriti pyetjen se çfarë do të ndodhte me emigrantët nëse një politikë e tillë do të shtrihej në nivel evropian.

Kryeministri grek theksoi gjithashtu nevojën për të balancuar frenimin e emigracionit të paligjshëm me rritjen e mundësive për emigracion të rregullt, duke përmendur nevojën për punëtorë të kualifikuar dhe të pakualifikuar në ekonominë evropiane.

“Nëse doni të ndërtoni një gardh të madh, ju duhet gjithashtu një derë e madhe. Kush do të na vjelë ullinjtë? Ne jemi një kontinent që po zvogëlohet dhe të gjithë e kuptojmë se për të ruajtur produktivitetin tonë, do të kemi nevojë për punë, të pakualifikuar ose të kualifikuar”, tha kryeministri,” tha ai, duke vënë në dukje se Europa po përballet me një rënie demografike që kërkon zgjidhje për të mbajtur produktivitetin.

Mitsotakis gjithashtu apeloi për forcimin e përpjekjeve të BE-së për deportimin e atyre që u refuzohet azili, duke përmendur se vetëm 20% e këtyre rasteve përfundojnë me deportim.

Si një nga vendet që ndodhet në vijën e parë të krizës së emigracionit, Greqia ka qenë shpesh nën kritika për mënyrën e trajtimit të refugjatëve, por Mitsotakis theksoi se Greqia ka shpëtuar mijëra jetë në det, ndërsa përpiqet të kufizojë hyrjen e emigrantëve të paligjshëm.

The post Mitsotakis kundër paktit Rama-Meloni: Kush do të na vjelë ullinjtë? appeared first on Albeu.com.

Gjatë qëndrimit të tij në Athinë, Beleri po zhvillon një takim me kryeministrin e Greqisë, Kyriakos Mitsotakis.
Fredi Beleri u zgjodh eurodeputet i kandiduar nga partia e Mitsotakis, “Demokracia e Re” në zgjedhjet europiane të 9 qershorit.
Pas dënimit nga Apeli me 2 vite burg për korrupsion zgjedhor, Komisioni Qendror i Zgjedhjeve i hoqi Belerit mandatin e të zgjedhurit si kryetar bashkie në Himarë dhe më pas presidenti i Republikës shpalli zgjedhjet e pjesshme për kreun e kësaj bashkie më 4 gusht të këtij viti.

The post Beleri në Athinë, zhvillon takim me kryeministrin grek Mitsotakis appeared first on Albeu.com.

Pas përfundimit të samitit, kryeministri grek ka ndarë një album fotosh nga tre ditët e tij në Uashington, mes tyre edhe foton familjare të liderëve e cila është e fundit. Ose më saktë një pjesë të saj.

Mitsotakis ka postuar në rrjetet e tij sociale vetëm një pjesë të fotos familjare, ku në pjesën që mungon ishte edhe kryeministri Edi Rama. Më këtë të fundit marrëdhëniet e liderit grek janë ftohur prej disa kohësh për shkak të ish-kryebashkiakut të zgjedhur të Himarës, Fredi Belerit. Madje Greqia është shprehur tensionet nga kjo çështje mund të ndikojnë edhe në integrimin e Shqipërisë në Bashkimin Europian.

Ndërkohë rasti i fotos së postuar nga Mitsotakis, është cilësuar skandal nga akademiku italian, Ernesto Ferrari.

🚨Scandalous!👇 The Greek🇬🇷 Prime Minister @PrimeministerGR publishes a modified photo of the #NATOSummit, erasing the Albanian Prime Minister @ediramaal. #Albania #Greece #NATOforUkraine #NATO75 #natosummit2024 #NATO2024 #Nato #ελλαδα #αλβανία https://t.co/j6aBjz4HV4 pic.twitter.com/mFStZOZWv1

— Ernesto Ferrari (@ErnestoFerrari9) July 12, 2024

View this post on Instagram

A post shared by Kyriakos Mitsotakis (@kyriakos_)

The post Mitsotakis poston foton zyrtare të liderëve të NATO-s, heq pjesën ku ishte kryeministri Rama (FOTO) appeared first on Albeu.com.

Greqia dhe fqinji i saj arritën marrëveshje për emrin e shtetit, dhe Shkupi u pajtua që të ndryshojë emrin e shtetit nga Maqedoni në Maqedoni e Veriut dhe Athina hoqi dorë nga vetoja për anëtarësimin e fqinjit të saj në NATO.

Presidentja e re maqedonase, Gordana Silanovska-Davkova, gjatë inaugurimit të saj në maj, iu referua shtetit të saj si Maqedoni e jo Maqedoni e Veriut.

Duke marrë pjesë në samitin për 75-vjetorin e themelimit të NATO-s, Kyriakos tha se “kam shqetësime serioze” lidhur me përdorimin e emrit nga Qeveria e re maqedonase e udhëhequr nga VMRO DPMNE.

“Kjo është një çështje që unë do ta ngre”, tha Mitsotakis në Këshillin për Marrëdhënie me Jashtë, duke thënë se çështja e emrit “thjesht, nuk është një çështje e negociueshme”.

The post Në samitin e NATO-s, Mitsotakis flet për shkeljen e Marrëveshjes së Prespës appeared first on Albeu.com.

Mitsotakis u shpreh se nëse Shkupi insiston të ndjekë të njëjtën rrugë me “shkeljen e Marrëveshjes së Prespës”, rruga e tyre evropiane do të anulohet.

Ai iu referua refuzimit nga presidentja e RMV Davkova dhe kryeministri Mickoski për t’iu drejtuar vendit të tyre si “Maqedoni e Veriut”, duke zgjedhur t’i drejtohen thjesht si “Maqedoni”.

“Unë mora iniciativën dhe i informova kolegët e mi në Këshillin Evropian për zhvillimet në Maqedoninë e Veriut, për faktin se si presidentja ashtu edhe kryeministri i emëruar në thelb dhe drejtpërdrejt po shkelin Marrëveshjen e Prespës, duke injoruar erga omnes në praktikë dhe duke zgjedhur të përdorin një emër të ndryshëm nga emri i përcaktuar me kushtetutë i vendit për përdorim të brendshëm, i cili është tërësisht në kundërshtim me frymën e Marrëveshjes së Prespës”, ​​u shpreh fillimisht Mitsotakis.

“I informova ata për këtë zhvillim fatkeq dhe gjithashtu ua bëra absolutisht të qartë se nëse Shkupi vazhdon në këtë rrugë, ata në thelb do ta bëjnë jashtëzakonisht të vështirë – nëse jo në praktikë të anulojnë – çdo proces të konvergjencës së menjëhershme me familjen evropiane. Kështu që unë mendoj se të gjithë duhet të kuptojnë pasojat e veprimeve të tyre dhe të dinë se pajtueshmëria me acquis evropiane përfshin padyshim respektimin besnik të marrëveshjeve ndërkombëtare që janë nënshkruar nga të dyja palët”, shtoi kryeministri grek.

The post Mitsotakis paralajmëron Maqedoninë e Veriut: Po shkelet Marrëveshja e Prespës do… appeared first on Albeu.com.