Kjo tregon se për Mitajn do të ketë një sfidë të re brenda skuadrës. Deri tani, bashkë me mbrojtësin shqiptar, si në të majtë qëndron edhe Hasan Kadesh.

Ky i fundit përfiton nga numri i lojtarëve të huaj që lejohen, për t’u aktivizuar shpesh si titullar.

Vetë Mitaj mund të largohet nga kampionët e Arabisë Saudite. Merkato e verës pritet të sjellë lëvizje, pasi këtë sezon Mitaj humbi vendin e titullarit tek Al Itihad.

Për ta afruar në skuadër, për mbrojtësin e Shqipërisë janë investuar 5 milionë euro. Në rast largimi, shifra e transferimit mund të jetë me shumë gjasa e ngjashme.

The post Mitaj drejt largimit nga kampionët e Arabisë? Sfidë e re për mbrojtësin kuqezi appeared first on Albeu.com.

Mitaj ndoqi Al-Ghamdin, sa u përket dy pyetjeve të para. E radhës, nëse ka luajtur me Barcelonën, ishte çfarë e dërgoi mbrojtësin shqiptar te Ronaldinjo.

Pyetjet e Mitajt:

A luan në “Top 5” ligat?

A është tërhequr nga futbolli i luajtur?

A luan për Barcelonën?

A është Ronaldinjo?

Sfida ku Mitaj gjen Ronaldinjon: (VIDEO)

The post VIDEO/ Mitaj lë pa fjalë shokun e skuadrës, sfida ku mbrojtësi i Shqipërisë gjen… Ronaldinjon appeared first on Albeu.com.

Ndeshja mes dy formacioneve ishte mjaft e luftuar pasi për të ekuilibruar edhe më shumë këtë sfidë ndikoi edhe mungesa e minutës së fundët e Karim Benzema.

Për të ekipin e Loron Blank spikati paraqitja e Mario Mitajt, i cili qëndroi për 90’ në fushë. Kjo ishte fitorja e shtatë radhazi për Al-Ittihad.

Në fund të takimit Mitaj reagoi në rrjetet sociale ku falenderoi tifozët për mbështetjen.

“Qyteti është i yni. Ishte një mbrëmje e madhe ashtu si suporti që na dhanë tifozët”, shkruante Mitaj.

The post Al-Ittihad i Mitaj fiton derbin pa Benzemanë, reagon shqiptari: Qyteti është i yni! appeared first on Albeu.com.

21-vjeçari pas prezantimit ka nisur menjëherë stërvitjen me pjesën tjetër të ekipit. Mitaj do të jetë shokë skuadre me Karim Benzema dhe N’Golo Kante.

Kujtojmë se mbrojtësi shqiptar u transferua në formë huazimi nga Lokomotiva e Moskës për 1.5 milionë euro, me skuadrën arabe që ka në fund të drejtën e blerjes së kartonit për 5 milionë.

“Jam i lumtur që jam pjesë e këtij klubi. Forca tigra”, ka komentuar vetë Mitaj në fotografinë e postuar në rrjetet sociale ku ka pozuar pranë shefit të klubit saudit.

The post Mitaj prezantohet në Arabi: I lumtur që jam pjesë e Al-Ittihad, forca “tigra”! appeared first on Albeu.com.

Në këto kualifikuese ishte zbulimi i tij, teksa Sylvinho besoi fort në atësitë e mëngjarashit. Krahu i majtë i mbrojtjes është kthyer në pronë e tij dhe pavarësisht moshës së re ia ka dalë të bëjë më së miri atë që i takon.

Kualifikimi me kombëtaren shqiptare në Euro 2024 sigurisht do ta mbajë mend gjatë. Emocionet e këtij momenti janë të paharrueshme.

Në rrjetet sociale mbrojtësi ka bërë një postim, ndërsa thekson se e ka bekuar Zoti që është shqiptarë.

“Çfarë emocioni të kualifikohesh në Evropianin 2024. Shumë krenar për këtë skuadër dhe më krenar që me ka bekuar Zoti të jem Shqiptar”, ka shkruar Mitaj.

The post Mario Mitaj pas kualifikimit: Më ka bekuar Zoti që jam shqiptar appeared first on Albeu.com.

Ky i fundit arriti të shkëlqyejë në përballjen ndaj Çekisë, të vlefshme për kualifikueset e Euro 2024, si dhe ndaj miqësores me Bullgarinë, duke bërë kështu që dhe trajneri i tij te skuadra ruse t’i besojë Mitajt minuta të plota si titullar në fushë e këtë gjë e për pikërisht në derbin ndaj Dinamos së Moskës.

Talenti 20-vjeçar, përveç faktit se luajti jo në pozicionin e tij natyral, por në atë të “shkatërruesit” arriti sërish të shkëlqente, duke kapur kështu notën 7.3, pas 90 minutash lojës e në fund u zgjodh si lojtari më i mirë i ndeshjes.

Ndërkaq, vlen të theksohet se pas ndeshjeve të tij të shkëlqyera me fanellën kuqezi, tifozët e Lokomotivës së Moskës kritikuan ashpër trajnerin në rrjetet sociale, pikërisht për aktivizimin me pikatore të mbrojtësit 20-vjeçar.

The post Jo vetëm me Kombëtaren, Mitaj shpallet “lojtari i ndeshjes” në Rusi appeared first on Albeu.com.

Mitaj e nisi aventurën në këto kualifikuese nga stoli, në ndeshjen e parë të humbur 1-0 ndaj Polonisë. Mirëpo, ai e mori shpejt vendin në formacionin titullar dhe që nga ndeshja me Moldavinë, e dyta në grup, ai nuk e ka lëshuar vendin në krahun e majtë.

20-vjeçari ka luajtur pesë ndeshje radhazi dhe të pesta nga 90 minuta të plota. Madje ai ishte titullar edhe në miqësoren e të martës ku Shqipëria fitoi 2-0 ndaj Bullgarisë

Vlerësimi dhe besimi që Sylvinho ka për Mitajn është mëse i drejtë. Mbrojtësi tashmë është vlerësuar si një nga yjet e mëdhenj të rinj nën 21 vjeç të fushatës kualifikuese për Euro 2024.

“Global Watch Football” raporton se Mitaj, nga lojtarët e rinj që kanë luajtur më shumë se 250 minuta në kualifikuese, renditet në vendin e katërt (e ndan me Edouardo Camavinga) me një vlerësim prej 7.23 të vendosur nga “WhoSocred”.

Me Mitajn në lojë, Shqipëria ka arritur të mbajë tre herë portën të paprekur, dhe ka arritur katër fitore dhe një barazim, duke kryesuar grupin e saj kualifikues dhe është vetëm një hap larg kualifikimit në “Gjermani 2024”.

Në krye të listës së lojtarëve të rinj më të vlerësuar është ylli i Manchester United dhe Danimarkës, Rasmus Hojlund me notën 7.45. Ai ka realizuar 7 gola dhe 1 asistim në tetë ndeshje. Danezi ka qenë dy herë lojtari i ndeshjes dhe një herë i përzgjedhur në formacionin e javës nga UEFA.

Në vendin e dytë renditet Conor Bradley i Irlandës së Veriut. Mesfushoi i Liverpool vlerësohet me notën 7.33. Edhe pse ka luajtur vetëm tre ndeshje, të trija si titullar, ai ka pasur një vlerësim të lartë pas performancave të mira. Gjithashtu ka qenë një herë lojtari i ndeshjes.

Sulmuesi i Leipzig, Benjamin Sesko pozicionohet në vendin e tretë me notën 7.40. Ylli i ri i Sllovenisë ka luajtur shtatë ndeshje me kombëtaren e tij, të gjitha si titullar. Ai ka realizuar 4 gola dhe 2 asistime. Slloveni ka qenë një herë lojtari i ndeshjes, si dhe një herë i përzgjedhur në formacionin e javës nga UEFA.

Superylli i Real Madrid, Eduardo Camavinga vjen në pozitën e katërt me notën 7.23, po aq sa Mitaj. Mesfushori ka luajtur pesë ndeshje me Francën, tre prej të cilave si titullar. Tashmë nuk përbëjnë më lajm performancat e jashtëzakonshme të tij. Ai ka qenë i përzgjedhur një herë në formacionin e javës nga UEFA dhe një herë lojtari i ndeshjes.

The post Mario Mitaj “çmend” Europën, një nga 5 të rinjtë më të mirë të Euro 2024 appeared first on Albeu.com.

Kush është sekreti që erdhët dhe u shfaqët menjëherë titullar i padiskutueshëm?

Unë duhet të falënderoj shumë trajnerin Sylvinho, që më ka dhënë besim shumë të madh dhe dua ta kem faqen e bardhë para tij, për t’ia shpërblyer në maksimum. Dua t’ia shpërblej kombëtares gjithë besimin te unë ndër vite, edhe te skuadra e moshave.

Pak para golit të Laçit, trajneri ju këshilloi dhe juve gjetët një pasim mjaft të bukur…

Ai gjatë gjithë lojës mundohet të më këshillojë dhe ma bën lojën edhe më të lehtë, ndaj e falënderoj shumë.

U patë të hynit shpesh në qendër për të pasuar. Ishte iniciativë e juaja?

Ishte edhe iniciativë e imja, pasi më pëlqen shumë të afrohem dhe të shërbej për sulmuesit.

Si shpjegohet që luani kaq pak te Lokomotiva e Moskës?

Nuk e di. Duhet pyetur trajneri atje.

A është ky momenti për të ndërruar kampionat?

Ndoshta mund të jetë momenti i duhur.

The post Më i miri në fushë, Mitaj: Dua t’i shpërblej besimin kombëtares appeared first on Albeu.com.