Nikolay Vasyov ishte nënkryetar i lartë i Sberbank, institucioni më i madh financiar i vendit.

Analizat fillestare nga mjekët thanë se “vdekja e tij e parakohshme” ishte për shkak të një “sulmi në zemër”, shkruan ‘The Sun’.

Megjithatë, detaje të mëtejshme nuk janë dhënë për rrethanat e vdekjes së tij.

“Me keqardhje të thellë ju informojmë se sot Nikolay Vasyov, nënkryetar i lartë, Drejtues i bllokut të zhvillimit të përvojës së klientit B2C të Sberbank, ndërroi jetë papritmas”, thuhej në një deklaratë.

“Sipas konkluzionit paraprak të mjekëve, vdekja ka ardhur si pasojë e një ataku kardiak.”

The post Vdes në mënyrë misterioze bankieri rus appeared first on Albeu.com.

Në video shihet se dicka e veçantë i ndodh Edi Ramës kur ai sapo doli prej makinës zyrtare italiane të mikpritjes.

Ndërkohë që në sfond shifet Meloni duke pritur Ramën, një grua e cila ndodhet brenda perimetrit të ngushtë të sigurisë iu afrua Ramës dhe duke i folur i jep diçka, të cilën Rama e futi në xhep i zënë pak ngushtë.

Mbetet mister se ç’gjë mori Rama dhe më pas e futi në xhep duke vazhduar të ecë drejt Melonit që e priste pak metra përballë.

Kaq urgjente ka qenë dorëzimi i objektit, saqë as shefi i protokollit të Palazzo Chigi që e priste Ramën disa metra më tutje për ta shoqëruar tek Meloni nuk ka mundur të jetë më afër se personi që e dorëzoi.

Gruaja për koincidencë i ngjan kryesekretares dhe kryekëshilltares së Melonit, Patrizia Scurti, por DITA nuk ka konfirmim zyrtar për identitetin e saj. /Dita

The post Çfarë i dha gruaja e panjohur Ramës para se të takonte Melonin? Misteri që po trazon rrjetin (VIDEO) appeared first on Albeu.com.

“Fragmente granatash dore u gjetën në trupat e të vrarëve në aksident. Duhej bërë një ekzaminim, por nuk u bë”, deklaroi Putin.

Avioni privat Embraer me të cilin Prigozhin po udhëtonte për në Shën Petersburg u rrëzua në veri të Moskës duke vrarë të 10 personat në bord më 23 gusht, duke përfshirë dy figura të tjera kryesore të Ëagner, katër truprojat e Prigozhin dhe një ekuipazh prej tre personash.

The post Putin jep detaje të reja nga vdekja misterioze e Prigozhin appeared first on Albeu.com.

Bëhet fjalë për ‘She’s On Top’, spektakël i cili sapo ka përfunduar dhe Kristi ishte pjesë e jurisë profesioniste që gjykonte vajzat. Megjithatë, në rrjet gjithnjë është përfolur për historitë e tij të dashurisë.

Ditët e fundit ai ka surprizuar jo pak ndjekësit, teksa ka bërë me dije se ka gjetur dashurinë dhe tashmë është pranë fejesës. Kristi ka folur për lidhjen e tij të re, ka treguar se gjërat mes tyre janë serioze, se kanë takuar familjarët e njëri-tjetrit.

“Roberti e ka takuar, motra e ka takuar, unë kam takuar prindërit e saj…”, u shpreh ish-finalisti i “Big Brother”. E teksa dashuria ka trokitur, edhe tek ai mbërrijnë edhe këtë foto. Ish-banori është fotografuar nga paparaci ynë në Bllok, ku shihet duke ecur përkrah një vajze. Ashtu siç edhe mund të shihni, dy të rinjtë herë pas here prekin edhe duart e njëri-tjetrit.

Ashtu si shihet, Kristi ka vendosur edhe një kapele, si për t’u maskuar disi nga sytë e kureshtarëve. Nga ana tjetër, vajza në krah të tij, e cila mendohet se është edhe partnerja e tij, shfaqet me një fustan të thjeshtë dhe thuajse e pagrimuar. Vajza në fjalë nuk është një emër i njohur për mediat. Vetë Kristi ka folur për vajzën që ia ka marrë zemrën, e cila është shqiptare, brune, studion në Angli dhe është shumë ndryshe nga vajzat e tjera ‘tipike shqiptare’.

“U takuam në një ekspozitë dhe më bëri shumë përshtypje se nuk kishte lidhje me vajzat tipike shqiptare. Në fillim bëri sikur nuk më njihte, ishte shumë e thjeshtë dhe më pëlqeu. Filluam folëm për art, bëmë foto që orën e parë. Pastaj u takuam pas një jave dhe folëm prapë për art. Kur themi folëm për art, nënkupton shumë gjëra të bukura, full çdo gjë”, tha ai, duke lënë të kuptohet për intimitet mes dyshes.

Kristi pohoi se ka afirmimin e plotë të Robertit për këtë marrëdhënie, ndërsa nuk ngurroi të tregonte se dashuria mund ta çojë edhe në Angli, aty ku edhe ajo studion. Veç të tjerave ka folur rreth lidhjes së tij të re, me vajzën të cilën ende nuk e ka zbuluar për publikun. Kristi ka treguar se shkëmben me të dashurën e tij dhurata të vogla dhe të mirëmenduara dhe ka treguar njërën prej tyre.

“Më ka bërë një dhuratë të vogël, gjëra të vogla…mua më ka dhënë një shampoo xhel të një marke që më pëlqen dhe të një arome që më pëlqen shumë, aromë komplekse dhe kur lahem e mendoj dhe them sa dhuratë e bukur…”, u shpreh ai.

E në fakt përshkrimi që ka bërë Kristi, duket se përkon me vajzën që fotot e paparacit tonë tregojnë. Madje, edhe nga gjestet e vogla mes tyre, duket se mes tyre ka më shumë se miqësi, shkruan Panorama Plus.

The post Kristi Aliaj në prag të fejesës? Kapet “mat” me një vajzë në rrugët e Tiranës appeared first on Albeu.com.

Truri që i përket individëve të kësaj specieje të zhdukur, të njohur si Homo naledi, ishte i madh sa 1/3-ta e atij të njerëzve modernë.

Zbulimet mund të ndryshojnë njohuritë që kemi mbi zhvillimin e species njerëzore, sepse deri tani, kjo lloj sjelljeje ishte lidhur vetëm me homo sapiensët dhe neandertalët. Zbulimet janë detajuar në 3 studime që do të publikohen në revistën “eLife”.

Fosilet që i përkasin Homo naledit u zbuluan fillimisht në një grup shepllash në Afrikën e Jugut, në vitin 2013, ku më parë janë gjetur edhe fosile të specieve të tjera.

Përveç fosileve në këto shpella u gjetën edhe vizatime murale, që vlerësohet të jenë 241 – 335 mijë vjeçare. Vizatime të ngjashme janë bërë nga Homo sapiensët dhe Neandertalët 80 dhe 60 mijë vite më parë.

“Zbuluam se ata kryenin rituale të lashta varrimi, përdornin simbole dhe kryenin aktivitete për këtë ditë. Edhe pse me tru më të vogël se njeriu, këto specie kryenin aktivitete komplekse lidhur me nderimin e të vdekurve”, tha paleoantropologia dhe eksploratorja e “National Geographic”, Dr. Lee Berger. “Kjo tregon që këto praktika, të cilat përdoren edhe sot në botën moderne, mund të mos i kenë shpikur njerëzit”.

Berger shpjegoi se Homo naledi ka disa ngjashmëri me njerëzit, si ecja drejt me dy këmbë dhe ndryshimi i formës së objekteve me duar, por kishte kokë më të vogël, shtat më të shkurtër dhe, pavarësisht se ishte më i dobët, kishte konstrukt më të fortë.

Në këto shpella u gjetën edhe fosile foshnjash të kësaj specieje dhe shkencëtarët mendojnë se vendi përdorej si varrezë. Studiuesit do të vijojnë të punojnë mbi këto zbulime, për të kuptuar deri në sa vite jetonte një individ i kësaj specieje, sa pranë Homo sapiensit ka jetuar dhe nëse do të mund të identifikohet dhe analizohet ndonjë kampion ADN-je.

The post Ishin të shkurtër por të fortë, specia misterioze që ka jetuar në Tokë 100 mijë vite para njerëzve (FOTO) appeared first on Albeu.com.

Poshtë gjende një pyll shumë i bukur. Ai përbëhet jo nga pemët, por nga fijet e leshterikëve gjigantë, një specie algash që mund të rriten më shumë se një godinë 10-katëshe. Të lidhura me fundin e oqeanit, fijet e leshterikëve lëvizin ngadalë sipas rrymave. Tufat e peshqve, fokave dhe gjallesave të tjera ujore, kalojnë nëpër to si zogjtë nëpër kurorën e dendur të njëpylli mbi Tokë.

“Të zhytesh në një pyll të tillë nënujor, është si të futesh në një katedrale. Është thjesht diçka e mahnitshme”-thotë Xharret Birnes, ekolog detar në Universitetin e Masaçusets në Boston. Drita që hyn nga sipërfaqja filtron përmes leshterikëve, si të jenë xhama shumëngjyrëshe, i eksploron këtu pyje të veçantë prej më shumë se 20 vjetësh. Planeti ynë ka një sërë pyjesh të mëdhenj. Për shembull Amazonën apo pyjet borealë të Kanadasë dhe Rusisë.

Këto ekosisteme të famshme, përmbajnë jo vetëm një diversitet të jashtëzakonshëm kafshështë egra, por ruajnë sasi të mëdha karboni, që në të kundërt mund të ngrohnin akoma mëshumë planetin tonë. Nuk është e tepruar të thuhet se ekzistenca jonë varet prej tyre. Por po aq të rëndësishëm janë edhe pyjet e deteve.

Të ndodhura në ujërat e ftohta të afro 1/4 e brigjeve të botës, pyjet e leshterikëve janë baza mbështetëse e shumë ekosistemeve detare. Ato mbështesin peshkimin bregdetar, duke ndihmuar në ruajtjen e industrisë së ushqimeve të detit. Po ashtu thithin sasi të mëdha të ndotjes dhe ndihmojnë në kapjen e gazeve që ngrohin planetin.

Një studim i fundit, i vlerësoi këto përfitime në masën 500 miliardë dollarë në vit në mbarë botën. Por me gjithë vlerën e tyre të madhe, shkencëtarët dinë çuditërisht pak për pyjet e leshterikëve. Të paplota janë edhe të dhënat se si reagojnë ato ndaj ndryshimeve klimatike dhe kërcënimeve të tjera, si përhapja e specieve jo-vendase.

Gjithsesi ajo që dinë biologët, sugjeron se shumë prej këtyre pyjeve janë në telashe. Njëstudim i botuar së fundmi nga Kombet e Bashkuara, tregon se pyjet e leshterikëve kanë rënë në nivel global, dhe ndryshimi i klimës do ta përkeqësojë situatën. Pyjet e leshterikëve kanë shumë të përbashkëta me homologët e tyre në tokë.

Ato formojnë struktura tredimensionale, që u ofrojnë shtëpi shumë specieve. Ato kanëkurorën e gjetheve, trungun e butë dhe rrënjët. Por kanë edhe disa dallime kryesore. Për shembull, leshterikët nuk janë një bimë, por një lloj alge, një grup organizmash ujorë në një ambient krejtësisht të ndryshëm.

Po ashtu ato rriten shumë më shpejt sesa pemët – deri në gjysmë metri në ditë – në varësi të specieve. Disa lloje leshterikësh, si leshterikët gjigantë që janë të zakonshëm në brigjet e San Diegos, arrijnë në sipërfaqe për të formuar një kurorë. Këto pyje janë shumë të përhapura, duke mbuluar një sipërfaqe të oqeanit deri 5 herë më të madhe se ajo e të gjithë shkëmbinjve koralorë.

Ato mbështesin një diversitet mahnitës. Kështu, pjesa e tyre e ngjashme me rrënjët ofron strehë për peshqit e vegjël. Një studim zbuloi se një kërcell i vetëm leshteriku në Norvegji mbështeti afërsisht 80.000 organizma në 70 lloje të ndryshme. Mbi 1000 lloje bimësh dhe kafshësh gjenden në disa pyje leshterikësh në Kaliforni.

Kjo është veçanërisht e rëndësishme për njerëzit që konsumojnë rregullisht ushqim deti. Njëstudim ka zbuluar se 1 hektar pylli i tillë kontribuon mesatarisht me rreth 30.000 dollarë në vit për industrinë e peshkimit. Por përfitimet nuk ndalen këtu.

Ndërsa rriten, pyjet e leshterikëve, ashtu si ato në tokë, thithin shumë ndotje, duke përfshirë rrjedhjen e plehrave nga toka bujqësore dhe karbonin (shumica e të cilit hyn në oqean nga atmosfera). Kësisoj, ato po ndihmojnë në kompensimin e një pjese të madhe të emetimeve tona ndotëse që ndikojnë në ngrohjen globale.

Një studim i botuar në “Natyre”, vlerësoi se këto habitate sekuestrojnë të paktën 4.9 megaton karbon nga atmosfera çdo vit. Madje leshterikët largojnë më shumë karbon se sa ekosistemet e tjera. Por a janë në rrezik këto pyje? Përgjigja e thjeshtë është po.

Analiza më e fundit globale, e bazuar në të dhënat e vitit 2012, zbuloi se pyjet globale të leshterikëve po bien mesatarisht me një normë prej rreth 1.8 për qind në vit. Një nga arsyet kryesore është ndryshimi i klimës, që po i bën oqeanet më të ngrohta.

Ujërat e ngrohta kanë tendencën të bartin më pak lëndë ushqyese, gjë që e bën më të vështirë rritjen e pyjeve të tillë. Një arsye tjetër ka të bëjë me peshkimin e tepruar dhe pakësimin e grabitqarëve detarë. Kur rrjetat e peshkimit kapin grabitqarët si iriqi, këta shumohen dhe kositin pyjet e leshterikëve. Lajmi i mirë është se nëse zhduken disa nga këto kërcënime, pyjet e leshterikëve mund të rikthehen me shpejtësi siç ishin më parë.

The post Pyjet më misterioze në planet ndodhen nën ujë appeared first on Albeu.com.