Sot Misset shqiptare në një intervistë për emisionin “Abc-ja e mëngjesit” treguan se fotoja ishte e rastësishme dhe se Valentina ishte kërcënuar për të lënë garën.

“Fotoja është bërë rastësisht, kemi qenë me Miss Malin e Zi dhe me Serbinë. Na kanë ftuar me bërë një foto dhe në momentin që e ka nxjerrë Frontina në Instagram u bë e madhe. Raporti jonë mes neve ka qenë shumë i mirë, kemi qenë nëpër darka mes të tjerash por kemi pasur një raport shumë të mirë”, tha Besa.

Më tej, ato shtuan se Valentina iu ishte kërkuar një foto me simbolin e Serbisë për të shuar reagimet. “Ka qenë pa dëshirën tonë, ka qenë arsyeja që e kemi bërë me simbolin e tyre. Ka ardhur në dhomën tonë duke qarë. Na ka lutur shumë me e bërë foton. E kemi bërë për hatër të menaxherit të saj për t’u qetësuar pak gjendja dhe për të mos e larguar prej garës“, tregoi Besa.

The post “Na erdhi në dhomë duke qarë”, Miss-et shqiptare sqarojnë foton e bujshme me “Miss Serbia” (VIDEO) appeared first on Albeu.com.

Miss Shqipëria, Miss Mali i Zi, Miss Kosova dhe Miss Serbia kanë shkrepur një foto të gjitha së bashku duke formuar shqiponjën dykrenare me duar. Por gjesti i Miss Intercontinental Serbia, Valentina Petrovic i ka habitur të gjithë duke shkaktuar shumë zhurmë nëpër media dhe duke iu kundërvenë e gjithë Serbia.

Përmes një postimi në Instagram Valentina shprehet e penduar për këtë veprim që ka bërë, ku i kërkon falje të gjithëve dhe ka njoftuar se do e lejë këtë garë, për shkak të presionit të jashtëzakonshëm në të cilin ndodhet.

“Dua të bëj një njoftim publik për foton që po qarkullon në rrjetet sociale! Në një eufori të vrullshme për festën më ftuan të bëja një foto, qëndrova pranë vajzave me shpejtësi të madhe dhe vajzat m’i vunë duart në eufori. Nuk kisha qëllime të këqija, ishte një moment pakujdesi dhe spontaniteti budalla.

Unë dua t’i kërkoj falje të gjithë kombit tim, popullit të Kosovës dhe Metohisë, shoqërisë sime, familjes sime që janë konfuzë për shkak të fotografisë së bërë dhe pamaturisë sime dhe rënies në grackën e qëllimeve të këqija të dikujt tjetër. Unë e dua dhe inkurajoj vendin tim dhe vlerat e tij. Shteti ynë është simboli i vetëm që mbaj në zemër. Unë thjesht nuk mendoja kur ndodhi ky akt.

Më vjen shumë, shumë keq, ndaj, përveç një ndjese të thellë, mora vendimin t’u kërkoja leje organizatorëve për t’u larguar nga konkursi dhe kështu të çlirohem nga presioni aktual që po mbaj. Më vjen shumë keq për këtë, por thjesht ndodhi në mënyrë të pamatur. Më duken të vështira të gjitha mesazhet dhe kritikat, por keni të drejtë. Më falni, shpresoj të më kuptoni”, ka shkruar Valentina.

The post E masakruan me komente pas fotos me shqiponjën, miss Serbia merr vendimin ekstrem (FOTO LAJM) appeared first on Albeu.com.