Përveç informacionit të treguar në paketim, sigurisht që është e rëndësishme t’i kushtoni vëmendje pamjes së mishit. Asnjëherë mos blini mish të ambalazhuar që është në ujë të përgjakur, sepse kjo është një shenjë se mund të jetë i vjetër.
Gjithashtu duhet ta analizoni ngjyrën e tij. Mishi i viçit duhet të jetë i çelët, por jo i bardhë, thuajse i njëjtë me mishin e shpendëve. Mishi i lopës duhet të jetë mesatarisht i kuq, por jo shumë i errët.

Nëse mishi është i zbehtë, gri, kafe ose jeshil, është i prishur. Pjesët yndyrore duhet të jenë të bardha, jo të verdha.

Nëse nuk mund ta nuhatni mishin sepse është i paketuar, prekeni lehtë. Pasi ta shtypni, duhet të kthehet shpejt në gjendjen e mëparshme, d.m.th. të mos lërë shenjë. Nëse vëreni mukozë në sipërfaqe, do të thotë se ka baktere në të. Në mënyrë që mishi të ngrihet mirë dhe të parandalohet përhapja e mikroorganizmave të dëmshëm, ngrirësi duhet të funksionojë vazhdimisht në -18 gradë Celsius.

The post Testi për mishin që duhet të bëni në shtëpi, për të kuptuar nëse është i freskët appeared first on Albeu.com.