Burime për mediat bëjnë me dije se pas kontrollit të ushtruar, në 6 subjekte në Vlorë është evidentuar se mbanin në ambientet e tyre dhe kanë tregtuar për klientët mish pule me salmonelë.

Mësohet se bëhet fjalë për disa markete, por nuk kanë munguar as restorante të cilat për klientët janë hallka e fundit e konsumit të produkteve, apo edhe në “fast food-e” të cilat janë kryesisht afër shkollave.

Burime për mediat bëjnë me dije gjithashtu se; nga qyteti i Vlorës është tërhequr një sasi e konsiderueshme mish pule me salmonelë të evidentuar deri më tani.

Dyshohet se numri i marketeve, restoranteve dhe fast foodeve që kanë tregtuar apo përgatitur sasinë e pulës me Sarmonelë është edhe më i madh.

Sipas burimeve, ka dyshime që pas daljes së lajmit publikisht, shumë subjekte private në Vlorë kanë larguar prej tyre gjithë sasinë e pulës që kanë patur, pavarësisht se ka qënë ose jo me sarmonelë për t`i shpëtuar rrezikut. Kjo gjë ka zbehur “skandalin”, duke ulur numrin e subjekteve të evidentuara.

Mësohet se për 6 subjektet ku janë konstatuar sasi të pulës me salmonelë, janë marrë masa administrative që varjojnë nga gjoba të ulëta, deri në vlera të konsiderueshme.

Kujtojmë se pak ditë më par, rezultoi se një sasie prej mbi 18 ton filetosh pule me salmonelë ishte futur përmes Portit të Durrësit dhe vinte nga Brazili, teksa 13.1 ton kompania “AMG FOOD“, ose e njohur me emrin tregtar si “diMal“ e kishte hedhur në treg dhe është konsumuar nga qytetarët.

Për rastin në fjalë është shpallur në kërkim pronari i komanisë “diMal”, Mondi Goxha, teksa janë vënë nën hetim dhe tre inspektorë të AKU-së.

Deri më tani, ministrja e Bujqësisë, Anila Denaj dhe kreu i AKU-së, Manush Kulolli, nuk kanë mbajtur asnjë përgjegjësi.

The post Pas skandalit AKU kontroll në 6 biznese, konstatohet mish pule me salmonelë në Vlorë appeared first on Albeu.com.

skandali përfshin Portin e Durrësit dhe Autoritetin Kombëtar të Ushqimit, ku një sasia e konsiderueshme e filetos së pulës së ngrirë e ardhur nga Brazili, ka rezultuar me salmonelë, teksa një pjesë e saj është hedhur në treg dhe është konsumuar.

Burime për mediat bëjnë me dije se bëhet fjalë për rreth mbi 18 ton në total, ku 13.1 ton fileto pule është hedhur në treg dhe është konsumuar, ndërsa 5.2 ton është bllokuar nga AKU. Sasia ka hyrë në Shqipëri më 11 Mars.

Ndërkohë, AKU, pas publikimit të skandalit, përmes një komunikate të shkurtër për mediat, pranoi faktet, por ndërkohë nuk tregon se cila është kompania që e ka hedhur në treg fileton me salmonelë, duke mos bërë transparencë për konsumatorin.

AlbEu mëson se kompania, e cila e ka hedhur në treg fileton e pulës me salonelë është “AMG FOOD“, ose e njohur me emrin tregtar si “diMal“. Kompani është në administrim dhe në pronësi 100% të shtetasit Mondi Goxha.

AlbEu kontaktoi kompaninë për një koment, por deri në publikimin e këtij shkrimi nuk morëm një reagim.

Rasti është konstatuar pas procedurave standarde, ku inspektorët e AKU-së në pikën doganore kanë marrë mostrat e mishit të importuar dhe i kanë dërguar për analizim.

Deri në daljen e rezultatit të analizave mishi duhet të qëndronte i bllokuar, por ndërkohë ka ndodhur e kundërta.

Pa pritur rezultatin e analizave, subjekti importues, në këtë rast kompania “AMG FOOD“, ose e njohur me emrin tregtar si “diMal“, ka hedhur të gjithë produktin në treg për shitje.

Përgjigjia e analizave ka dalë me 5 ditë vonesë dhe një pjesë e sasisë është shpërndarë në treg dhe është konsumuar, ku bëhet fjalë për 13.1 ton fileto pule.

Përgjegjësia për këtë skandal shkon direkt tek Ministria e Bujqësisë e drejtuar nga Anila Denaj dhe tek institucioni në varësi të saj, Autoriteti Kombëtar i Ushqimit, i drejtuar nga Manush Kullolli.

Reagimi i AKU-së:

Në kuadër të transparencës dhe informimit të publikut, si dhe në funksion të garantimit të sigurisë ushqimore dhe mbrojtjes së shëndetit të konsumatorëve, Autoriteti Kombëtar i Ushqimit ka ndërmarrë një sërë masash të menjëhershme dhe të strukturuara për të adresuar një situatë të identifikuar para disa ditësh gjatë proceseve të kontrollit të produkteve ushqimore të importuara në Portin e Durrësit.

Referuar analizimit në ISUV në datën 21.03.2025, për prani të Salmonella Typhimurium në një mostër produkt pule (fileto e ngrirë), e importuar nga Brazili, AKU ka ndërhyrë në mënyrë të koordinuar me strukturat përgjegjëse për gjurmimin, verifikimin dhe bllokimin e produktit në fjalë, si dhe për marrjen e masave administrative dhe ligjore ndaj subjektit përgjegjës.

Është inspektuar subjekti importues për ndjekjen e gjurmueshmërisë, i cili është referuar në organet e Prokurorisë së Rrethit Gjyqësor Tiranë, për veprime të mëtejshme proceduriale, për sa i takon elementëve të veprës penale për mosrespektim të kritereve të gjurmueshmërisë dhe dhënie të informacionit të pasaktë.

Autoriteti Kombëtar i Ushqimit siguron publikun se situata është në ndjekje të vazhdueshme dhe se çdo veprim është ndërmarrë në funksion të transparencës, sigurisë dhe mbrojtjes së shëndetit të qytetarëve.

Për çdo zhvillim të mëtejshëm, AKU do të vijojë të informojë në mënyrë të saktë dhe të përgjegjshme. /albeu,com

The post SKANDALI/ Si e hëngrën shqiptarët 13.1 ton mish pule me salmonelë nga kompania AMG Food (Dimal) appeared first on Albeu.com.

Mishi i pulës i prodhuar në laborator është marrë nga kompania amerikane me bazë në Kaliforni “Upside Foods” me qeliza të marra nga kafshë të gjalla në rezervuarë çeliku.

“Në një mjedis me shumë pikëpamje skeptike, ne kemi bërë histori sot, duke qenë kompania e parë që mori miratimin e FDA për mishin e prodhuar,” tha Uma Valeti, drejtore e firmës.

Megjithatë, ka ende disa pengesa që kompania duhet të kapërcejë për të sjellë produktet në rafte.

Edhe qendra ku do të prodhohet mishi duhet të marrë një miratim zyrtar.

Megjithatë, Valeti tha se pika e arritur është “një pikë kthese në historinë e ushqimit”.

Ka biznese fillestare të ushqimit që përpiqen të zhvillojnë produkte të ngjashme. Suksesi i më shumë kompanive nënkupton reduktimin e emetimeve të karbonit dhe mbrojtjen e burimeve të tjera të përdorura në industrinë e blegtorisë, veçanërisht të ujit.

Mishi i prodhuar pritet të zërë një pjesë të konsiderueshme të tregut në të ardhmen. Në dhjetor 2020, Singapori u bë vendi i parë që miratoi shitjen e proteinave të rritura plotësisht në laborator.

Kompania sipërmarrëse “Eat Just”, me seli në San Francisko, ka mundur të shesë mishin e pulës që prodhonte në laborator në Singapor. Dy studime kanë zbuluar se deri në vitin 2030, kostoja e prodhimit të mishit në laborator do të jetë e krahasueshme me prodhimin normal të mishit./albeu.com

The post FDA miraton për herë të parë shitjen e mishit të pulës të prodhuar në laborator appeared first on Albeu.com.

I arrestuari është B. H., 52 vjeç, për veprat penale “Prodhimi dhe shitja e ushqimeve dhe e lëndëve të tjera të rrezikshme për shëndetin”, “Mashtrimi me produktet ushqimore” dhe “Fshehja e të ardhurave”.

Nga kontrolli i ushtruar dhe nga verifikimet e kryera ka rezultuar se shtetasi B. H., banues në Tiranë, përpunonte dhe tregtonte mish, në magazinën e tij, në rrugën “Myslym Keta”, jashtë të gjitha kushteve higjeno-sanitare.

Njoftimi:

Ushtronte aktivitetin e përpunimit dhe të tregtimit të mishit, në një magazinë, duke mos zbatuar kushtet higjeno-sanitare, vihet në pranga 52-vjeçari.

Sekuestrohen rreth 450 kg mish pule.

Specialistët e Seksionit për Hetimin e Krimeve Ekonomike dhe Financiare, në vijim të punës për goditjen e paligjshmërive, pas informacioneve të siguruara se në një magazinë, në rrugën “Myslym Keta”, një shtetas përpunonte dhe tregtonte mish, pa u regjistruar në organet kompetente, menjëherë kanë organizuar punën dhe kanë ushtruar kontroll në ambientet e magazinës.

Nga kontrolli i ushtruar dhe nga verifikimet e kryera ka rezultuar se shtetasi B. H., banues në Tiranë, përpunonte dhe tregtonte mish, në magazinën e tij, në rrugën “Myslym Keta”, jashtë të gjitha kushteve higjeno-sanitare.

Në vijim të veprimeve u bë arrestimi në flagrancë i shtetasit B. H., 52 vjeç, për veprat penale “Prodhimi dhe shitja e ushqimeve dhe e lëndëve të tjera të rrezikshme për shëndetin”, “Mashtrimi me produktet ushqimore” dhe “Fshehja e të ardhurave”.

Në cilësinë e provës materiale u sekuestruan rreth 450 kg mish pule.

Materialet i kaluan Prokurorisë, për veprime të mëtejshme procedurale.

The post Përpunonte dhe tregtonte mishin në kushte skandaloze, arrestohet 52-vjeçari në Tiranë, sekuestrohen 450 kg mish pule appeared first on Albeu.com.

Por edhe ushqimi që hani para se të flini mund t’ju ndihmojë ose t’ju dëmtojë kur është puna te gjumi. Ushqimet me shumë yndyrë, proteina dhe vlera ushqyese mund t’ju mbajnë aktivë duke mos ju lejuar të flini.

Ja tre ushqimet që nuk duhet t’i konsumoni kurrë para gjumit:

Mish pule

Mishi i pulës  është plot me proteina, prandaj nuk duhet ngrënë nëse është para gjumit. Pasi mund të ngadalësojë tretjen deri në 50%!

Çokollata e zezë

Çokollata përmban kafeinë, e cila nuk është diçka që dëshironi të hani pak para se të flini, ose më saktë është sikur të pini një kafe. Kafeina në çokollatë veprojnë për të stimuluar sistemin nervor. Kjo mund të shkaktojë një rritje të rrahjeve të zemrës duke e bërë të vështirë gjumin.

Ushqime me erëza

Shumica e njerëzve kanë një marrëdhënie të mirë me ushqimet që kanë erëza dhe  aroma të veçanta. Nëse ju pëlqejnë erëzat, hajini ato herët. Ushqimi me aromë, pa marrë parasysh sa i shijshëm  mund të jetë, do ju lërë pa gjumë.

The post Këto 3 ushqime nuk duhet t’i hani kurrë para gjumit appeared first on Albeu.com.

Nëse ndonjëherë keni pyetur a është më mirë të përdorni erëza të thata apo të freskëta, duhet ta dini që erëzat e freskëta do t’i japin shije më të plotë dhe më të mirë sesa të thatat. Mirëpo, edhe të thatat mund të bëjnë dallim të madh, prandaj rekomandohet që më mirë është t’i përdorni të thatat se sa të mos përdorni asnjë erëz.

Shikoni këtë udhëzues të vogël nëpërmjet të cilët mund të mësoni se cilat ushqime të zakonshme shkojnë më mirë dhe cilat më së shpeshti janë të përdorura:

MISHI I PULËS

Bimët e thata dhe erëzat: trumza, rozmarina, koriandra, rigoni, sherbela, speca djegës pluhur.
Bimë të freskëta: trumza, rozmarina, majdanozi, rigoni, sherbela.
Të tjerat: limoni, hudhra, salca e sojës, vera e bardhë, xhenxhefili.

MISHI I PESHKUT

Bimët e thata dhe erëzat: koriandër, speca djegës.
Bimë të freskëta: estragoni, stërpia, rigoni, aliumi, moraça, majdanozi.
Të tjerat: limoni, mustarda, xhenxhefili, salca e sojës.

MISHI I VIÇIT

Bimët e thata dhe erëzat: rozmarina, trumza.
Bimë të freskëta: rozmarina, trumza.
Të tjerat: vera e kuqe, hudhra.

MISHI I QENGJIT

Bimët e thata dhe erëzat: kanella, harisa.
Bimë të freskëta: rozmarina, trumza, majdanozi, menta.
Të tjerat: hudhra.

MISHI I DERRIT

Bimët e thata dhe erëzat: sherbela, rozmarina, trumza.
Bimë të freskëta: sherbela, rozmarina, trumza.
Të tjerat: mustarda, hudhra.

PERIMET E PJEKURA APO TË ZIERA

Bimët e thata dhe erëzat:: trumza, rigoni, rozmarina, sherbela, speca djegës.
Bimë të freskëta: trumza, rozmarina, rigoni, sherbela, moraça.
Të tjerat: limon, vaji i ullirit, gjalpi.

PATATET:

Bimët e thata dhe erëzat: rozmarina, trumza.
Bimë të freskëta: rozmarina, majdanozi, trumza.
Të tjerat: vaji i ullirit, gjalpi./albeu.com

The post Udhëzues i vogël për erëza: Çfarë shkon më mirë me mish pule, çfarë me mish peshku appeared first on Albeu.com.