Miroslav Klose, legjenda e sulmit të Gjermanisë, ka treguar se Lionel Messi e telefonoi në një moment që ai e përshkroi si tejet emocional, pasi ylli argjentinas ia kaloi rekordit të tij historik për numrin e golave në Kupën e Botës.

Ky rrëfim vjen në prag të përballjes së shumëpritur çerekfinale të Kupës së Botës mes Argjentinës dhe Zvicrës, që luhet mëngjesin e së dielës, më 12 korrik.

Kontaktin mes dy emrave të mëdhenj të futbollit e bëri të mundur trajneri aktual i Argjentinës, Lionel Scaloni. Ai ka qenë shok skuadre me Klosen te Lazio në periudhën 2011-2013.

“Trajneri i Argjentinës, Lionel Scaloni, ishte shoku im i skuadrës te Lazio, midis viteve 2011 dhe 2013. Ne ende mbajmë kontakt të rregullt. Ai organizoi një telefonatë midis meje dhe Messit. Ishte shumë prekëse”, ka deklaruar fillimisht Klose.

Më tej, ish-sulmuesi gjerman shtoi: “Sigurisht, jemi takuar disa herë në fushë, gjë që ishte gjithmonë e këndshme dhe me respekt. Por ajo telefonatë ishte hera e parë që folëm pas kaq shumë kohësh pa luajtur. Ai më tha se do të më dërgonte një fanellë të firmosur”.

Klose vazhdon të mbetet në shifrën e 16 golave në Kampionate Botërore, ndërsa Messi, falë tetë golave të realizuar në këtë Kupë të Botës, ka shkuar deri tani në 21 gola.

The post Miroslav Klose rrëfen telefonatën emocionuese nga Lionel Messi pas thyerjes së rekordit në Kupën e Botës appeared first on Albeu.com.

Edicioni i vitit 2026, që organizohet nga SHBA-ja, Kanadaja dhe Meksika, është tashmë Botërori më i madh i zhvilluar ndonjëherë. Për herë të parë në këtë kompeticion po marrin pjesë 48 kombëtare, çka përfaqëson një rritje prej 50 për qind në krahasim me formatin me 32 skuadra, i cili ishte në fuqi që nga viti 1998.

Numri më i madh i ndeshjeve, minutave dhe rasteve për gol pritet të ndikojë që në javët e ardhshme të regjistrohen edhe rekorde të tjera në turneun më të madh të futbollit në botë.

Një nga arritjet më të mëdha të këtij Botërori mban firmën e Lionel Messit. Me pesë golat e realizuar në dy ndeshjet e para me Argjentinën, ai ka kaluar legjendën gjermane Miroslav Klose dhe është bërë golashënuesi më i mirë në historinë e Kupës së Botës.

Messi ka tani 18 gola në Botëror, ndërsa Klose dhe Kylian Mbappe mbajnë vendin e dytë me nga 16 gola secili. Sulmuesi francez ka shënuar katër herë në dy ndeshjet e para dhe mbetet sfiduesi kryesor i rekordit të argjentinasit.

Pas tyre, në renditjen e golashënuesve më të mirë vijnë Ronaldo Nazario me 15 gola, Gerd Muller me 14, si dhe Just Fontaine e Pele me nga 12 gola.

Messi kryeson edhe në një tjetër statistikë madhore të Kupës së Botës. Përveçse është golashënuesi më i mirë, ai është edhe lojtari me më shumë minuta të luajtura në historinë e këtij kompeticioni.

Ylli i Argjentinës ka arritur në 2.485 minuta në 28 paraqitje, duke lënë pas Paolo Maldinin, i cili ka 2.217 minuta. Në pozitën e tretë qëndron Lothar Matthaus me 2.045 minuta, ndërsa në Top 10 përfshihen edhe emra si Uwe Seeler, Manuel Neuer, Javier Mascherano, Cristiano Ronaldo, Diego Maradona, Philipp Lahm dhe Hugo Lloris.

Në nivel kombëtaresh, Gjermania dhe Brazili po zhvillojnë një garë të ngushtë për vendin e parë sa i përket numrit total të golave në historinë e Kupës së Botës. Gjermania e theu rekordin e Brazilit pas fitores 7-1 ndaj Curaçaos, duke kaluar përkohësisht në krye.

Megjithatë, Brazili reagoi menjëherë dhe pas raundit të dytë të fazës së grupeve riktheu ekuilibrin. Aktualisht, të dyja kombëtaret ndajnë kreun me nga 239 gola të shënuar në historinë e turneut.

Menjëherë pas tyre vjen Argjentina me 157 gola. Në listën e skuadrave që kanë kaluar shifrën e 100 golave bëjnë pjesë edhe Franca me 142, Italia me 128, Spanja me 112, Anglia me 104 dhe Holanda me 103.

Sa u përket trofeve, në 96 vjet histori të Kupës së Botës, vetëm tetë shtete kanë mundur ta fitojnë këtë turne. Brazili qëndron i vetëm në krye me pesë tituj botërorë, të fituar në vitet 1958, 1962, 1970, 1994 dhe 2002.

Pas Brazilit renditen Gjermania dhe Italia me nga katër trofe secila, ndërsa Argjentina e ka fituar tri herë. Franca dhe Uruguai kanë nga dy tituj, kurse Anglia dhe Spanja kanë triumfuar nga një herë.

The post Rekordet historike të Kupës së Botës dhe emrat që kryesojnë statistikat appeared first on Albeu.com.

Tashmë 43-vjeçar, Klose la punën si pjesëtar i stafit teknik të Bayernit të Mynihut për t’u marrë me shëndetin e tij, ndërsa tani zbulon se plani i ardhshëm është të nisë karrierën si trajner i parë.

“Tromboza është një kujtim i largët dhe gëzoj sërish shëndet të plotë. Mjekët kanë dhënë miratimin për t’iu rikthyer normalitetit dhe tani dua të nis punën me kohë të plotë si trajner i parë. Nuk kam preferenca në klube apo liga, por thjesht të nis punë sa më shpejt”, u shpreh Klose.

The post “Tromboza vetëm një kujtim”, Klose: Dua të nis karrierën si trajner i parë appeared first on Albeu.com.

Ish sulmuesi punoi si ndihmës i Hansi Flick, duke u praktikuar për të ndërmarrë projektin e tij të ri por vetëm disa ditë më vonë, atij iu desh të flakte të gjitha aspiratat e tij për një problem shëndetësor.

Kjo është ajo që ka zbuluar Kicker në një intervistë ku ai ka treguar se është diagnostikuar me një trombozë të dyfishtë në njërën nga këmbët e tij dhe ka kaluar një kohë periudhë shumë të vështirë.

“Më është dashur të ndaloj gjithçka, filloi gati tre javë më parë, papritmas kisha dhimbje të forta në këmbë, të cilat nuk mund t’i identifikoja. Pastaj, pak para se të hyja në karantinën e hotelit me Bayernin, shkova në një takim mjekët për një ekzaminim, sepse dhimbja në këmbë ishte duke u përkeqësuar. Në fillim mendova se ishte diçka nervore por diagnoza ishte pak tronditëse për mua. Ata zbuluan dy tromboza në këmbën time. Më dhanë ilaçe dhe menjëherë mora çorape speciale që tani duhet t’i mbaj gjatë gjithë ditës. Mjekët më bënë të qartë se kjo situatë duhet të vazhdojë disa kohë dhe vetëm duhet të pushoj”.

Ish sulmuesi i Bayernit dhe Lazios tha se e ka të vështirë të qëndrojë gjatë kështu pasi nuk mund as të vrapoj, as të notojë e as të luaj me top.

Klose do të duhet të presë një muaj për të kaluar një test mjekësor në të cilin do t’i thuhet se në çfarë situate është dhe nëse mund të kryejë aktivitete.

Ajo që është e qartë është se kohët e tij të ndihmës/trajner kanë ka mbaruar dhe duhet të presë ende për të qenë trajner kryesor ku ofertat në Gjermani nuk i mungonin.

The post Sa i pafat, zbulohet arsye që e pengon karrierën e Miroslav Klose si trajner appeared first on Albeu.com.