Sipas mediave ruse, drejtuesit e klubit nga kryeqyteti e konsiderojnë Dakun si një nga alternativat kryesore për të përforcuar repartin ofensiv gjatë merkatos së verës.

Lokomotivi po përgatitet për ndryshime në skuadër dhe emri i sulmuesit kuqezi, shihet si një zëvendësim ideal në rast të largimit të Dmitry Vorobyov.

Megjithatë, një transferim i mundshëm mbetet i lidhur me zhvillimet që pritet të ndodhin në merkato. Burime pranë lojtarit bëjnë me dije për Panorama Sport se deri në këtë moment nuk ka asnjë ofertë konkrete në drejtim të Rubin Kazan apo vetë Dakut, pavarësisht interesimit që po qarkullon në mediat ruse.

Në të njëjtën linjë është shprehur edhe babai i futbollistit, Fehmi Daku, i cili ka mohuar ekzistencën e ndonjë oferte zyrtare.

Ai ka theksuar se sulmuesi ndihet i vlerësuar dhe shumë i kënaqur te Rubin Kazan, klub ku ka arritur të shfaqë potencialin e tij maksimal.

Për momentin, gjithçka mbetet në nivel interesimi, ndërsa Daku vijon të jetë i fokusuar te Rubin.

Gjithsesi, performancat e tij të fundit kanë bërë që emri i tij të monitorohet nga disa klube të rëndësishme të kampionatit rus, çka lë të hapur mundësinë që situata të marrë zhvillime të reja në javët e ardhshme./PANORAMASPORT

The post Shtohen zërat për transferimin e Dakut, ja si është situata me futbollistin e Kombëtares appeared first on Albeu.com.

Bëhet fjalë për Armando Brojën, Mirlind Dakun dhe së fundmi Rei Manajn. Sivapori njoftoi se Manaj ka një dëmtim muskulor në pjesën e sipërme të kofshës së majtë.

Situata është mjaft shqetësuese, duke qenë se të tre ftoheshin nga trajneri Silvinjo për ndeshjet e vitit 2025. Broja ndërkohë është drejt rikuperimit, por mungon informacioni shtesë për Manajn dhe Dakun.

The post Alarm para Polonisë! Situatë e pazakontë te Kombëtarja, dëmtohet edhe qendërsulmuesi i tretë për Silvinjon appeared first on Albeu.com.

Por, trajneri i Kombëtares, Silvinjo, mund të detyrohet të bëjë ndryshime të rëndësishme në repartin e sulmit për ndeshjet e që do të vendosin fatin e pjesëmarrjes në Botëror në fund të këtij muaji.

Kur kanë mbetur pak më shumë se dy javë nga fillimi i grumbullimit të kuqezinjve, situata e sulmuesve kryesorë duket mjaft shqetësuese.

Dy nga emrat më të rëndësishëm të ofensivës, Armando Broja dhe Mirlind Daku, po përballen me probleme fizike që mund t’i mbajnë jashtë ndeshjeve vendimtare, ku natyrisht do të ishin humbje e madhe për ne.

BROJA- Sulmuesi i Kombëtares, Armando Broja, vazhdon të jetë jashtë fushave për shkak të një dëmtimi dhe ende nuk është rikthyer në stërvitje me ekipin e tij. Kjo situatë ka ngritur pikëpyetje të mëdha mbi mundësinë e aktivizimit të tij në ndeshjet e rëndësishme që Shqipëria do të zhvillojë në fund të muajit. Broja ka qenë një nga armët kryesore të sulmit kuqezi në vitet e fundit dhe me Silvinjon ka qenë ndër më të preferuarit. Mungesa e tij do të ishte një goditje e fortë për planet e trajnerit, i cili e konsideron atë një element shumë të rëndësishëm për skuadrën tonë. Stafi teknik po ndjek nga afër gjendjen e sulmuesit dhe mbetet për t’u parë nëse ai do të arrijë të rikuperohet në kohë për ndeshjet e “Play Off” apo jo, megjithëse duket thuajse e pamundur sepse nga Anglia raportohet se Broja ende nuk është rikthyer në stërvitje me skuadrën. Në rast se Broja nuk do të jetë gati, trajneri do të duhet të kërkojë alternativa të tjera për repartin ofensiv.

DAKU- Situata duket edhe më problematike për sulmuesin tjetër të rëndësishëm të Kombëtares, Mirlind Daku, i cili ka pësuar një dëmtim në tendinë dhe rrezikon të mbetet për një kohë të gjatë jashtë fushSITUATA ave të lojës. Lajmi është konfirmuar edhe nga trajneri i ri i Rubin Kazan, Frank Artiga, i cili gjatë prezantimit të tij para mediave foli për situatën e sulmuesit shqiptar. Ai theksoi se skuadra nuk do të rrezikojë me aktivizimin e Dakut pa qenë plotësisht i rikuperuar. Sipas Artigës, një dëmtim në tendinë është shumë delikat dhe nëse përsëritet, pasojat mund të jenë serioze, duke e lënë lojtarin jashtë për një periudhë edhe më të gjatë. Për këtë arsye, stafi mjekësor i klubit po monitoron vazhdimisht gjendjen e Dakut dhe rikthimi i tij në fushë do të ndodhë vetëm kur ai të jetë 100% gati. Trajneri spanjoll pranoi gjithashtu rëndësinë e madhe që ka sulmuesi për ekipin e tij. Ai theksoi se skuadra është ndërtuar rreth cilësive të Dakut dhe se është shumë e vështirë të gjendet një lojtar tjetër që të ofrojë të njëjtat karakteristika në lojë. “Kur erdha këtu, mezi prisja të punoja me Dakun, por tani ai është i dëmtuar dhe kjo është një humbje e madhe. Skuadra është ndërtuar rreth tij dhe është shumë e vështirë të gjesh diku tjetër cilësitë që ai ka”, u shpreh Artiga. Megjithëse ekzistojnë disa data të përafërta për rikthimin e tij, ende nuk ka një afat të saktë. Kjo e bën edhe më të paqartë nëse Daku do të mund të jetë në dispozicion të Kombëtares për ndeshjet e rëndësishme që e presin Shqipërinë në fund të muajit.

ALTERNATIVAT- Dëmtimi i Brojës dhe Dakut mund t’i hapë një rrugë të re sulmuesve shqiptarë që janë në formë apo edhe lojtarëve të tjerë që po shënojnë rregullisht me skuadrat e tyre. Kështu, Anis Mehmeti dhe Ernest Muçi mund të jenë dy afrimet e Shqipërisë për takimet e marsit, nëse Broja dhe Daku nuk arrijnë t’ia dalin. Një tjetër alternativë, mund të jetë edhe afrimi i vëllezërve Shpendi të cilët në kampionatin italian po shënojnë rregullisht me skuadrat e tyre respketive në Serinë B. Ndeshja e parë e Shqipërisë do të luhet në datën 26 mars dhe vetëm pak ditë para ndeshjes do të zyrtarizohet lista me lojtarët e grumbulluar, teksa koha nuk premton shumë.

The post “Play off” i Botërorit po afrohet, sulmi “lë në baltë” Kombëtaren appeared first on Albeu.com.

Ajo ishte e ftuar në Prive by Liberta Spahiu, ku foli hapur për zhvillimet më të fundit në jetën e saj personale dhe vendosi t’u përgjigjet zërave që kanë qarkulluar në media.

Gjatë intervistës me Liberta Spahiu, Vesa ndau detaje për lidhjen e saj me Mirlind Dakun dhe rrugëtimin e tyre si çift.

Ajo tregoi edhe për ndryshimet që i ka sjellë jeta e re si nënë, duke zbuluar se prej dy muajsh ka përjetuar për herë të parë mëmësinë, një përvojë që e përshkruan si thellësisht transformuese.

Interesi i madh i publikut u përqendrua te thashethemet për një ndarje të mundshme mes tyre.

Vesa i hodhi poshtë kategorikisht këto pretendime, duke sqaruar se marrëdhënia e tyre ka vazhduar normalisht dhe se nuk ka pasur krizë në çift.

Sipas saj, diskutimet për ndarje nisën nga një veprim i shpejtë në rrjetet sociale, i cili u interpretua gabimisht dhe u ekzagjerua.

Ish-banorja e Big Brother VIP Kosova 2 theksoi se gjithçka ishte një moment i shkurtër dhe pa asnjë domethënie reale për marrëdhënien e tyre.

The post Lajmet për ndarje nga Mirlind Daku, Vesa Vllasaliu tregon se çka ndodhi appeared first on Albeu.com.

Miresa është emri që kanë zgjedhur për të voglën e tyre, të cilin vetë Mirlind Daku e ka bërë publik shoqëruar me foton e ëmbël të vogëlushës.

“Elhamdulilah, falëmnderimi i takon vetëm krijuesit për këtë ndjenjë. Miresa ime uroj që të kesh shëndet dhe shumë fat në jetë”, shkruan Daku në postimin e tij.

The post Bekim në familjen e Mirlind Dakut, sulmuesi bëhet baba për herë të parë: Falënderimi i takon krijuesit për këtë ndjenjë appeared first on Albeu.com.

Edhe pse për më shumë se një vit e mbajtën të fshehtë romancën mes tyre, ishte vetë Vesa ajo e cila konfirmoi lidhjen në përvjetorin e tyre, duke publikuar një foto të luleve që Daku i kishte dhuruar dhe disa foto duke u puthur.

Tashmë çifti nuk ka nguruar të ndaj foto krah njëri-tjetrit dhe sidomos Vesa, e cila në rrjetet sociale ka deklaruar se është nuse Gjilani.

Së fundmi, në një sesion pyetje-përgjigje në rrjetet sociale, një ndjekës e ka pyetur modelen: “A do të bëhesh nuse në Tetovë?”, por përgjigjja e Vesës ka qenë e qartë dhe e drejtpërdrejtë: “Jam nuse në Gjilan”.

Por surprizat nuk përfunduan këtu! Mbrëmjen e sotme, modelja tregoi mbështetjen e saj për Mirlindin teksa Kombëtarja shqiptare luan kundër Andorrës.

Ajo publikoi një foto të një bebeje në “Instastory” dhe shkroi: “Forca Daja Mirlind”, duke treguar dashurinë dhe mbështetjen e saj për sulmuesin.

Kujtojmë se Vesa është parë shpesh duke e përkrahur Dakun në ndeshje të ndryshme, përfshirë edhe në stadiumin “Air Albania”, gjatë përballjeve të tij.

The post Vesa Vasalliu dhe Mirlind Daku nuk fshihen më/ Modelja uron sulmuesin e Kombëtares për përballjen me Andorrën appeared first on Albeu.com.

Prej kohësh në rrjete sociale qarkullonin aludime për romancën mes tyre, por asnjëri prej tyre nuk e kishte konfirmuar publikisht. Megjithatë, duket se Vesa ka vendosur të mos e fshehë më dashurinë.

Në një foto të publikuar në InstaStory, Vesa shihet teksa i uron ditëlindjen një vajze të vogël, por ajo që mori vëmendjen e ndjekësve ishte prania e Mirlind Dakut në foto, ku ai shihet duke mbajtur në krahë vogëlushen.

Ky postim është interpretuar si konfirmimi zyrtar i lidhjes së tyre, pasi është hera e parë që Vesa e ndan një imazh ku Daku shfaqet hapur në profilin e saj.

The post FOTO/ Zyrtarizohet lidhja e Vesës dhe Mirlind Dakut appeared first on Albeu.com.

Për “Panorama Sport”, ka folur sulmuesi i kuqezinjve, Mirlind Daku, i cili u shpreh se Shqipëria sheh veç nga ndeshja e radhës, duke e cilësuar njëkohësisht fitoren në Serbi si më të rëndësishmen në karrierë.

Pesë fitore, dy barazime në shtatë ndeshjet e fundit. Si e sheh ecurinë e Kombëtares në këtë periudhë?

“Mendoj se vetë rezultatet tregojnë qartë punën që po bëjmë. Kemi kaluar një periudhë të mirë, me përkushtim dhe sakrifica, dhe kjo po reflektohet në fushë. Shpresoj që të vazhdojmë në të njëjtin ritëm edhe në dy ndeshjet e fundit, që ta mbyllim këtë cikël sa më bukur dhe t’i bëjmë të gjithë shqiptarët krenarë”.

Si e përjetove personalisht fitoren kundër Serbisë?

“Për mua është fitorja më e madhe në karrierën time. Duke marrë parasysh gjithçka, rrethanat, historinë e gjithçka tjetër, e konsideroj si fitoren më të bukur dhe të veçantë”.

Kosova ecën në një rrugë të ngjashme me Shqipërinë. Mendon se është gati për në play-off?

“Po, mendoj se Kosova e meriton plotësisht të jetë në garë për play-off. Uroj me gjithë zemër që ta realizojë këtë ëndërr, sepse do të ishte një arritje historike. Do të ishte fantastike që si Shqipëria ashtu edhe Kosova të ishin në një Kampionat Botëror”.

The post Mirlind Daku: Fitorja ndaj Serbisë, më e madhja në karrierë, fantastike që Shqipëria dhe Kosova të jenë në Botëror appeared first on Albeu.com.

Në fund 27-vjeçari përfundoi duke rinovuar për Rubin Kazanin deri në vitin 2029.

Zgjedhja ka rezultuar e duhura për sulmuesin e Kombëtares. Gjithsej ka shënuar 9 gola duke luajtur 16 ndeshje, teksa së fundmi gaboi nga penalltia të cilën e fitoi vetë.

Për Dakun janë kthyer sërish zërat e verës, që tregonin për interesimin e Fiorentinës. Klubi i njohur i Seria A nuk është i vetëm pas Dakut, pasi Spartaku i Moskës po ashtu do e priste krahëhapur.

Tashmë asgjë nuk është e lehtë. Për shkak të rinovimit të kontratës me Rubin Kazanin, shuma për të kryer transferimin duhet të jetë e konsiderueshme.

The post Rikthehen zërat, sulmuesin e Kombëtares e do klubi i njohur në Seria A appeared first on Albeu.com.

Ka qenë vetë Vesa ajo e cila ka ndarë me ndjekësit disa momente të veçanta me partnerin e saj, teksa puthen.

Po ashtu, ajo ka publikuar në “Instastory” edhe foton e një buqete me trëndafila të kuq, që mesa duket ia ka dhuruar Daku për përvjetorin e lidhjes.

“Gëzuar përvjetorin”, lexohet në foton e publikuar.

Edhe pse lidhjen ata e kanw mbajtur të fshehtë nga vëmendja publike, për muaj me radhë është folur për romancën mes tyre.

Në media janë raportuar raste kur Vesa është parë duke e përkrahur Dakun në ndeshje të ndryshme, përfshirë edhe në stadiumin “Air Albania”, gjatë përballje ndaj Letonisë.

The post Vesa Vllasaliu dhe Mirlind Daku nuk fshihen më! Në përvjetorin e lidhjes, influencerja publikon foto duke u puthur me sulmuesin e Kombëtares appeared first on Albeu.com.