Mirlind Daku u përball me një situatë të rëndë vetëm pak ditë pasi vendosi ta vijonte karrierën te Spartak Moska.

Futbollisti i Kombëtares së Shqipërisë ndoqi nga stadiumi ndeshjen e Kupës së Rusisë ndërmjet klubit të tij të ri dhe Orenburgut, ndërsa ngjarjet në tribuna tërhoqën vëmendje po aq sa ato në fushë.

Një pjesë e madhe e mbështetësve të Spartak Moskës shpalosën pankarta dhe lëshuan brohoritje me përmbajtje politike e fyese kundër Kosovës dhe shqiptarëve.

Në pamjet e publikuara nga mediumi rus Bombardir dëgjohen qartë thirrjet “Kosova – Serbia”. Në tribunë u shfaq gjithashtu një flamur gjigant ku shkruhej “Kosova është Serbi”.

Sipas raportimit të mediumit rus Inkazan, gjatë takimit pati edhe brohoritje me frazën “Rusët dhe serbët janë vëllezër përgjithmonë”, krahas thirrjeve fyese ndaj shqiptarëve.

Spartaku vlerësohet si një prej klubeve më të mëdha ruse dhe Daku pritet të sigurojë një kontratë shumë të majme financiarisht. Megjithatë, episodi i parë që e përfshiu në mjedisin e ri riktheu vëmendjen te qëndrimi që një pjesë e tifozëve të klubit mban ndaj Kosovës.

The post Tifozët e Spartak Moskës provokojnë Mirlind Dakun me thirrjet “Kosova është Serbi appeared first on Albeu.com.

Spartaku i Moskës është pranë zyrtarizimit të transferimit të Mirlind Dakut, pasi klubi ka vendosur të aktivizojë klauzolën prej 11 milionë eurosh në favor të Rubin Kazanit. Sulmuesi shqiptar i ka përfunduar me sukses testet mjekësore dhe pritet të nënshkruajë një kontratë trevjeçare me skuadrën e re.

Kalimi i tij te klubi kryeqytetas rus është shoqëruar me debate që në nisje. Grupi i tifozëve “Veriu i Çmendur” e kundërshtoi publikisht afrimin e futbollistit, duke përdorur edhe shprehje ekstreme si: “Jashtë, fundërrina shqiptare. Nuk pranojmë futbollistë shqiptarë në ekipin tonë”.

Pavarësisht reagimeve të tifozëve, drejtuesit e Spartakut nuk kanë ndërmend të ndryshojnë plan. Me Dakun në repartin ofensiv, ata synojnë të gjejnë futbollistin që mund t’u garantojë gola gjatë sezonit të ri. Dy golat e realizuar në dy javët e para të kampionatit shihet si dëshmi e zgjedhjes së tyre.

Një shkrim i publikuar nga media ruse i kushton vëmendje të veçantë këtij transferimi dhe përpiqet të shpjegojë përse 27-vjeçari mund të jetë elementi që i nevojitet ekipit.

Artikulli ndalet te rruga e vështirë e jetës dhe karrierës së Dakut, duke theksuar se përvojat e tij e kanë formuar si një person me karakter të fortë. Sipas medias ruse, personaliteti i sulmuesit është shumë më kompleks nga sa mund të krijohet përshtypja gjatë një ndeshjeje në stadium.

“Mirlindi është rritur në rrugë. Jeta e tij nuk ka qenë aspak e lehtë. Lufta, vështirësitë ekonomike dhe sfidat e përditshme e kanë formuar karakterin e tij. Kur ishte vetëm 9 vjeç, përjetoi vrasjen e një të afërmi dhe, për një periudhë, rrezikoi të përfshihej në një mjedis të gabuar, ku droga, alkooli dhe krimi ishin pjesë e realitetit.

Edhe rrugëtimi i tij në futboll nuk ishte i lehtë. Te Osijek nuk arriti të gjente hapësira për të luajtur, ndaj u huazua te Mura, ku shpërtheu duke shënuar mbi 20 gola. Pikërisht aty tërhoqi vëmendjen e trajnerit të Rubin Kazanit, Rashid Rahimov, i cili udhëtoi për ta parë nga afër.

Pas takimit me Dakun, ai u kthye i bindur për potencialin e sulmuesit. Më vonë, Rahimov do të shprehej me një figurë: “Edhe po ta fusje në një kafaz me kafshë, ai do të bëhej njëri prej tyre”, duke iu referuar karakterit të fortë dhe aftësisë së Dakut për t’u përshtatur në çdo situatë.

Vështirësitë nuk u zhdukën pas transferimit te Rubin Kazan. Daku u shndërrua në një nga sulmuesit më të mirë të skuadrës dhe siguroi një vend në Kombëtaren shqiptare për Europianin e vitit 2024. Gjatë turneut, ai u përfshi në një incident që shkaktoi polemika për shkak të thirrjeve të bëra pas ndeshjes, të cilat vazhdojnë të kujtohen edhe sot.

Megjithatë, njerëzit që e njohin nga afër japin një tablo tjetër. Mbrojtësi serb Uros Vujacic ishte një nga shokët e tij më të afërt te Rubin Kazani. Pas kthimit nga Europiani, Daku u kërkoi falje atij dhe futbollistëve të tjerë serbë të ekipit, të cilët e pranuan kërkimfaljen. Në Kazan, shqiptari shihej si një prej liderëve të grupit dhe si një figurë që ndihmonte në ruajtjen e unitetit të skuadrës.

Edhe pse për një pjesë të opinionit publik mbetet një personazh i debatueshëm, autori i shkrimit mendon se pikërisht ky temperament mund ta bëjë të vlefshëm për trajnerin Juan Carlos Carcedo.

Sipas analizës, Spartaku ka futbollistë cilësorë, të disiplinuar dhe të përkushtuar, por i mungon një lojtar me personalitet sfidues. Bëhet fjalë për një futbollist që nuk stepet në përballje dhe që është në gjendje të ndryshojë ritmin emocional të një ndeshjeje.

Mirlind Daku përshkruhet si profili i tillë. Ai lufton për çdo top, nuk i shmang kontaktet fizike, di të provokojë kundërshtarin kur situata e kërkon dhe luan me instinktin e futbollit të rrugës. Sipas medias ruse, pikërisht mënyra e tij e lojës, e ndikuar nga origjina dhe përvojat e jetës, e bën Dakun një futbollist të veçantë.

The post Mediat ruse dalin në mbrojtje të Mirlind Dakut: Ja pse Spartaku i Moskës beson te sulmuesi shqiptar appeared first on Albeu.com.

Mirlind Daku është një hap larg kalimit te Spartaku i Moskës. Sipas raportimeve të mediave ruse, sulmuesi i Kombëtares së Shqipërisë i ka përfunduar me sukses testet mjekësore.

“Metaratings” raporton se zyrtarizimi i 28-vjeçarit si futbollisti më i ri i Spartakut pritet të ndodhë së shpejti. Daku ka vendosur të veshë fanellën me numrin 19.

Që prej verës së vitit 2023, sulmuesi shqiptar ka luajtur për Rubin Kazanin, duke u kthyer në një prej futbollistëve kryesorë të skuadrës. Në këtë periudhë, ai ka regjistruar 93 paraqitje, 38 gola dhe 13 asistime.

Te Spartaku, Daku pritet të jetë gjithashtu ndër lojtarët me pagën më të lartë në kampionat. Ai do të përfitojë 3.3 milionë euro pagë, ndërsa bonusi i nënshkrimit parashikohet të jetë 1.5 milionë euro.

Në rast se marrëveshja bëhet zyrtare, transferimi do të përbëjë një nga hapat më të rëndësishëm të karrierës së Dakut. Ai do të mbetet pjesë e elitës së futbollit rus, por do ta vazhdojë rrugëtimin me një prej klubeve më të mëdha dhe më të suksesshme të vendit.

Sfida kryesore për Dakun pritet të jetë raporti me tifozët e Spartakut. Disa prej tyre e kanë kundërshtuar publikisht transferimin dhe kanë shpalosur edhe një baner skandaloz me mbishkrimin: “Fundërrina shqiptare jashtë!”.

The post Mirlind Daku kalon kontrollet mjekësore te Spartaku i Moskës, pritet vetëm firma appeared first on Albeu.com.

Ndonëse ende nuk ka një njoftim zyrtar, mundësia që Mirlind Daku të transferohet te Spartak Moska ka nxitur reagime të shumta në Rusi.

“Crazy North”, grupimi i tifozëve të Spartakut, ka dalë kundër transferimit të sulmuesit shqiptar nga Rubin Kazani. Më herët, ky grup publikoi edhe një deklaratë që përmbante fyerje ndaj shqiptarëve dhe kosovarëve.

Qëndrimin e tifozëve e ka kundërshtuar ish-futbollisti i Spartakut, Andrei Tikhonov. Ai ka kërkuar që politika të mos përzihet me futbollin dhe që klubi t’u kushtojë vëmendje nevojave sportive të skuadrës.

Sipas Tikhonovit, Spartakut i duhet aktualisht një sulmues, ndaj transferimi i Dakut do të përbënte një përforcim të rëndësishëm.

Në një kanal në YouTube, Tikhonov deklaroi se Spartaku ka nevojë për një sulmues dhe se Daku do të paguhet nga klubi. Ai e cilësoi bashkimin me një skuadër që luan mirë si një bekim për futbollistin, duke nënvizuar se bëhet fjalë për futboll.

Daku është afër kalimit te një nga klubet më të mëdha ruse. Sipas raportimeve të mediave në Rusi, Spartak Moska dhe sulmuesi kanë gjetur gjuhën e përbashkët për kushtet personale, ndërsa zyrtarizimi pritet të ndodhë së shpejti.

Futbollisti 28-vjeçar pritet të largohet nga Rubin Kazani pas një etape të suksesshme. Ai ka realizuar 38 gola në 93 paraqitje, shifra që e kanë renditur mes sulmuesve më produktivë të kampionatit rus.

Edhe pse një pjesë e tifozëve e kundërshton afrimin e tij, Daku konsiderohet tashmë një objektiv konkret i Spartakut. Klubi pritet të vendosë nëse do ta çojë përpara transferimin.

The post Andrei Tikhonov mbron Mirlind Dakun pas kundërshtimeve të tifozëve të Spartak Moskës appeared first on Albeu.com.

Oferta e majme financiare duket se ka luajtur rol vendimtar në zgjedhjen e Mirlind Dakut për ta vijuar karrierën në kampionatin rus.

Futbollisti kosovar është shumë pranë largimit nga Rubin Kazani për t’iu bashkuar Spartak Moskës, transferim nga i cili pritet të sigurojë të ardhura të konsiderueshme në vitet e ardhshme.

Sports.ru, duke iu referuar raportimeve të mediave ruse, shkruan se Daku do të fitojë afërsisht 3.75 milionë euro për sezon. Paga e tij fikse do të jetë 2.5 milionë euro, kurse 1.25 milionë euro të tjera do t’i jepen çdo vit si shpërblim për besnikërinë ndaj klubit.

Vetëm për hedhjen e firmës në kontratën me Spartakun, sulmuesi 27-vjeçar do të marrë gjithashtu një bonus prej 1.5 milionë eurosh.

Palët pritet të nënshkruajnë një marrëveshje trevjeçare, e cila do të përmbajë mundësinë e zgjatjes edhe për një sezon. Në rast se kontrata përmbushet deri në përfundim, përfitimet e Dakut mund të arrijnë në 16.5 milionë euro, duke e kthyer këtë lëvizje në një nga marrëveshjet më fitimprurëse të karrierës së tij.

Për ta realizuar transferimin, Spartak Moska pritet të paguajë klauzolën e lirimit prej 11 milionë eurosh që sulmuesi ka në marrëveshjen e tij me Rubin Kazanin.

Daku bënte pjesë ndër lojtarët me pagën më të lartë edhe te Rubini, por kalimi në radhët e Spartakut do t’i sjellë përfitime financiare edhe më të mëdha.

Sidoqoftë, afrimi i sulmuesit kosovar ka shkaktuar pakënaqësi te një grup tifozësh të Spartak Moskës, të cilët e kanë kundërshtuar publikisht transferimin e tij.

The post Milionat e Spartakut, faktori kryesor që e bindi Dakun të qëndrojë në Rusi appeared first on Albeu.com.

Kalimi i mundshëm i Mirlind Dakut te Spartak Moska ka ngjallur reagime të ashpra nga një pjesë e tifozerisë së klubit, ende pa u zyrtarizuar marrëveshja.

Grupi ultras “Crazy North” ka shprehur kundërshtimin ndaj afrimit të sulmuesit të Rubin Kazanit. Përmes një fotografie me pankartë dhe një deklarate të publikuar në kanalin e tyre në Telegram, tifozët kanë përdorur gjuhë fyese ndaj shqiptarëve dhe kosovarëve.

“Shprehim kundërshtimin tonë të plotë ndaj transferimit të mundshëm të Mirlind Dakut në klubin tonë. Ne mbështesim popullin vëlla serb dhe qëndrimi ynë ndaj ustashëve, si dhe veçanërisht ndaj shqiptarëve dhe kosovarëve, mbetet i pandryshuar”, thuhet në mesazhin e grupit.

Pankarta e shfaqur prej tyre përmbante mbishkrimin: “Fundërrina shqiptare jashtë!”.

Megjithatë, mediat ruse raportojnë se Spartak Moska ka gjetur dakordësinë me Dakun për kushtet personale. Sipas këtyre raportimeve, transferimi i sulmuesit 28-vjeçar pritet të mbyllet në një kohë të afërt.

Pas një periudhe të suksesshme te Rubin Kazani, Daku pritet të largohet nga klubi. Gjatë qëndrimit të tij atje, ai luajti 93 ndeshje dhe shënoi 38 gola, duke u renditur ndër sulmuesit më të spikatur të kampionatit rus./

The post Tifozët e Spartakut kundërshtojnë transferimin e Dakut, shfaqet pankartë fyese ndaj shqiptarëve appeared first on Albeu.com.

Rubin Kazani ka përgatitur një përcjellje të veçantë për Mirlind Dakun, përmes një videoje rreth 20 minuta të gjatë. Në të janë përmbledhur çastet më të spikatura të sulmuesit kosovar para, gjatë dhe pas paraqitjes së tij të fundit me fanellën e klubit.

Materiali i publikuar përfshin golin e Dakut, festën me bashkëlojtarët, përqafimet dhe lotët e tij pas përfundimit të ndeshjes. Në video është përfshirë gjithashtu fjalimi emocional që ai u drejtoi futbollistëve dhe stafit teknik në dhomat e zhveshjes.

Përballja me Akronin shënoi ndeshjen e fundit të 27-vjeçarit si lojtar i Rubin Kazanit. Daku kontribuoi me një gol në triumfin e skuadrës, duke regjistruar kështu realizimin e dytë gjatë dy javëve të para të kampionatit rus.

Në përfundim të takimit, lojtarët e Rubin Kazanit e morën sulmuesin mbi supe, ndërsa ai u përlot. Momente të ngarkuara emocionalisht pati edhe më pas në dhomat e zhveshjes, ku Daku shprehu mirënjohjen për mbështetjen që kishte marrë gjatë tri sezoneve në klub.

Daku tha se ishte shumë falënderues për tri sezonet e kaluara së bashku. Ai theksoi se kishte ardhur nga një ligë më modeste krahasuar me kampionatin rus dhe falënderoi futbollistët rusë, të cilët i bëjnë lojtarët e huaj të ndihen si në shtëpi. Sulmuesi pranoi se e kishte të vështirë të gjente fjalët dhe se po përjetonte një moment të rëndë, por shtoi se kjo është pjesë e jetës dhe se marrëdhëniet e krijuara duhen ruajtur gjithmonë.

Mediat ruse raportojnë se transferimi i tij te Spartak Moska vlerësohet tashmë si një marrëveshje e përfunduar. Klubi nga kryeqyteti rus pritet të shpenzojë rreth 11 milionë euro për kartonin e sulmuesit.

Mirlind Daku u transferua te Rubin Kazani në vitin 2023. Gjatë qëndrimit të tij atje, ai u kthye në figurën kryesore të skuadrës dhe shënoi 37 gola në kampionatin rus.

Frank Artiga, trajneri i Rubin Kazanit, e vlerësoi lart reprezentuesin e Shqipërisë, si për cilësitë në fushë, ashtu edhe për rolin e tij brenda grupit.

Artiga deklaroi se nuk e dinte me saktësi se çfarë do të ndodhte të nesërmen ose gjatë javës, ndonëse sinjalet, sipas tij, ishin mjaft të qarta. Ai e përshkroi Dakun jo vetëm si një futbollist të madh, por edhe si një person shumë të dashur në zhveshtore. Trajneri shtoi se sulmuesi i jepte skuadrës shpirtin e nevojshëm dhe e kishte ngritur Rubinin në një nivel tjetër, duke i uruar fat pavarësisht zhvillimeve të ardhshme.

Për transferimin e Dakut te Rubin Kazani foli edhe Rashid Rakhimov. Ish-trajneri i klubit tregoi se kishte marrë personalisht përgjegjësinë dhe kishte këmbëngulur që sulmuesi të blihej.

Rakhimov kujtoi se në atë kohë disa persona e konsideronin Dakun të padobishëm dhe thoshin se askush nuk kishte nevojë për të. Rubin Kazani e bleu përfundimisht për 1.2 milionë euro, pasi ai diskutoi me presidentin e klubit, Marat Safiullin, dhe arriti ta bindte. Ish-trajneri kishte premtuar se futbollisti mund të shitej më pas për 4-5 milionë euro, ndërsa shprehu mirënjohjen ndaj presidentit për ndihmën dhe vendimin e marrë.

Sipas Rakhimovit, Daku i ka mundësitë për të luajtur me sukses edhe te Spartaku, por mënyra se si do të trajtohet do të jetë vendimtare. Ai nënvizoi se sulmuesi nuk është futbollist për bankën rezervë, pasi duhet ta nisë lojën nga minuta e parë dhe të kapë ritmin. Rakhimov shtoi se një lojtar me aftësitë e Dakut me topin dhe me karakteristikat e tij fizike do të përbënte vlerë për çdo skuadër.

The post Lamtumirë mes lotësh për Mirlind Dakun, sulmuesi falënderon Rubin Kazanin pas tri sezonesh appeared first on Albeu.com.

Mirlind Daku udhëhoqi Rubin Kazanin drejt fitores 2-1 përballë Akron Tolyattit në javën e dytë të Ligës Premier të Rusisë, duke realizuar golin vendimtar, por skenat pas përfundimit të takimit morën vëmendjen kryesore.

Menjëherë pas vërshëllimës së fundit, sulmuesi shqiptar u përqafua nga bashkëlojtarët. Ata e morën në krahë dhe e hodhën disa herë në ajër, duke krijuar një moment të mbushur me emocione.

Daku u shfaq me lot në sy dhe nuk mundi ta fshihte emocionin. Besohet se kjo përshëndetje lidhet me mundësinë që ai të largohet nga Rubin Kazani.

Raportimet e fundit bëjnë të ditur se Spartaku i Moskës ka vënë në zbatim klauzolën për blerjen e futbollistit shqiptar, çka e ka afruar edhe më shumë realizimin e transferimit.

Pas përfundimit të ndeshjes, trajneri i Rubin Kazanit, Javi Artiga, u pyet nëse Daku sapo kishte zhvilluar paraqitjen e tij të fundit me fanellën e klubit.

“Nuk e di, do ta shohim. Unë jam trajneri dhe të gjitha lajmet na kanë gjetur këtu në Samara”, u përgjigj ai.

Artiga vlerësoi jo vetëm cilësitë sportive të sulmuesit, por edhe karakterin e tij: “Përveçse është një futbollist i shkëlqyer, Mirlindi është edhe një njeri i jashtëzakonshëm që gjithmonë jep gjithçka për skuadrën. Ju kujtohet sezoni kur Rubini u rikthye nga Liga e Parë dhe, falë në masë të madhe Dakut, arriti një tjetër nivel”.

“Në çdo rast, i urojmë Mirlindit shumë fat dhe e falënderojmë për gjithçka”, deklaroi trajneri për “Match TV”.

Te Spartaku i Moskës, ish-ylli i Gjilanit pritet të sigurojë të ardhura milionëshe. Daku do të firmosë një marrëveshje disavjeçare me pagë 3.3 milionë euro në sezon, duke u renditur mes tre futbollistëve më të paguar të kampionatit rus.

Ndryshe nga klubet e tjera evropiane që kishin shfaqur interes, Spartaku zotëronte mundësitë financiare për të paguar klauzolën e lirimit, e cila kap vlerën e 11 milionë eurove.

The post Daku përlotet në lamtumirën e mundshme me Rubin Kazanin, e pret kontrata milionëshe te Spartaku appeared first on Albeu.com.

Mirlind Daku e nisi me gol sezonin e ri në Premier League-n ruse. Sulmuesi i Kombëtares shënoi në minutën e 12-të, por Rubin Kazan u mposht 1-3 në shtëpi nga Krasnodar.

Paraqitja e tij duket se ka forcuar interesimin e Spartakut të Moskës. Sipas raportimeve të mediave ruse, klubi nga kryeqyteti është i gatshëm t’i paguajë Rubin Kazanit 11 milionë euro për kartonin e 28-vjeçarit.

Daku konsiderohet objektivi kryesor i skuadrës moskovite, e cila pritet t’i propozojë sulmuesit shqiptar një kontratë shumë fitimprurëse dhe 3-vjeçare, që do ta mbante në klub deri në vitin 2029.

Tashmë mbetet për t’u parë se si do të zhvillohen negociatat mes palëve. Ditët në vijim pritet të sjellin më shumë qartësi për të ardhmen e sulmuesit të Kombëtares.

The post Mirlind Daku shkëlqen në startin e sezonit, Spartaku i Moskës gati të ofrojë 11 milionë euro appeared first on Albeu.com.

Pas një paraqitjeje të spikatur në kampionatin elitar rus, sulmuesi i përfaqësueses shqiptare, Mirlind Daku, mbetet në qendër të zërave të merkatos.

I lindur në Gjilan, 26-vjeçari shënoi 10 gola në 24 takime gjatë edicionit të kaluar me Rubin Kazanin, një paraqitje që ka ngjallur interes nga disa ekipe.

Shtypi rus raporton se një prej klubeve që po monitoron situatën e tij është gjiganti i kryeqytetit, Spartak Moska.

Gjithsesi, një perspektivë tjetër ka ofruar ish-mbrojtësi i kombëtares ruse, Vladislav Radimov. Ai ka shprehur rezerva nëse sulmuesi kuqezi përkon me atë çka i duhet skuadrës më të titulluar ruse.

Në një prononcim për median RB Sport, Radimov theksoi se formacioni moskovit ka nevojë për një tip tjetër qendërsulmuesi. Sipas tij, Daku nuk është lojtari që mund të sjellë ndryshimin e pritshëm në lojën e Spartakut.

Pavarësisht këtyre vërejtjeve, ecuria e Dakut në Rusi ka lënë gjurmë. Aktualisht, vlera e tij në merkato llogaritet në rreth 9 milionë euro dhe ai ka një marrëveshje të vlefshme me Rubin Kazanin deri në verën e vitit 2029.

The post Radimov kritikon profilin e Dakut: Sulmuesi shqiptar nuk përshtatet me lojën e Spartakut appeared first on Albeu.com.