mirenjohje Archives - Albeu.com

Ilir Alimehmeti: Mirënjohje për të gjithë njerëzit që kanë votuar, shpresoj që PD të ketë rritje në vota, kemi pritshmëri në Tiranë

V K — Mon, 12 May 2025 11:14:51 +0000

Në një lidhje të drejtpërdrejtë në News24, kandidati i Partisë Demokratike, në listën e hapur të koalicionit “Shqipëria Madhështore” në Tiranë, Ilir Alimehmeti, ka reaguar pas rezultatit në të cilin doli fitues me më shumë vota në Vorë dhe në njësinë 10 në zgjedhjet e 11 majit.

Ai shprehu mirënjohje për qytetarët që e kishin votuar, duke shprehur se fushata ishte bazuar tek takimi me ata.

“Ka qenë fushatë në kontakt me njerëzit. Mirënjohje për të gjithë njerëzit që kanë votuar. Duke folur me njerëzit i kupton edhe problematikat e tyre”, tha ai.

Alimehmeti u ndal gjithashtu, edhe tek rezultati paraprak në të cilin Partia Demokratike ndodhet në disavantazh, kundrejt Partisë Socialiste.

Sipas tij, ai shpreson se Partia Demokratike, do të ketë rritje në vota dhe mos të ketë parregullsi.

Më tej, ai shtoi se aktualisht janë të fokusuar tek procesi i numërimit.

“Shpresoj që PD të ketë rritje në vota dhe mos të ketë parregullsi. Partia Demokratike ka pritshmëri në Tiranë. Në këtë moment jemi të fokusur në procesin e numerimit”, përfundoi Alimehmeti.

The post Ilir Alimehmeti: Mirënjohje për të gjithë njerëzit që kanë votuar, shpresoj që PD të ketë rritje në vota, kemi pritshmëri në Tiranë appeared first on Albeu.com.

Medalja e parë e artë për Shqipërinë në mundje, Meta: Na krenon të gjithëve, mirënjohje kampionit tonë Akbvarov

E S — Sat, 17 Sep 2022 18:02:12 +0000

Shqipëria ka siguruar medaljen e parë të artë në sportin e mundjes. Zalimkhan Akbvarov, mundësi me nënshtetësi shqiptare u shpall kampion në Kompionatin Botëror të Mundjes së Beograd.

Pas këtij suksesi ka reaguar edhe kryetari i Partisë së Lirisë, Ilir Meta i cili është shprehur i lumtur për këtë sukses të madh.

Postimi i Metës:

Shqipëria kampione e botës në sportin e mundjes.

I lumtur për këtë fitore të madhe, që na krenon të gjithëve. Mirënjohje kampionit tonë Zelimkhan Akbvarov për këtë sukses të jashtëzakonshëm! Gjithashtu një falenderim të përzemërt për Sahit Prizrenin për premtimin e mbajtur!

The post Medalja e parë e artë për Shqipërinë në mundje, Meta: Na krenon të gjithëve, mirënjohje kampionit tonë Akbvarov appeared first on Albeu.com.

“Mi keni zëvëndsuar brengat me krenari”, vajza e Adriana Matoshit shpreh mirënjohje publike

A M — Sat, 04 Dec 2021 10:11:02 +0000

Kaona, vajza e Adriana Matoshit ka reaguar sërish pasi operacioni u krye me sukses. Ajo ka shprehur falenderimet për të gjithë ata që kanë qëndruar pranë dhe janë lutur për nënën e saj në këto momente të vështira. Kaona shprehet se gjatë këtyre ditëve ka parë se sa e fuqishme ishte nëna e saj por gjithashtu edhe dashurinë e respektin që treguan njerëzit.

“Nuk e di a muj me i’a u shpreh me ket’ shkrim dashnine edhe respektin per juve qashtu qysh ju m’keni bo me ndje mu me fjalt e dashnin’ e juj t’sinqert kto dit’t e fundit. Dashni t’cilen nuk kisha mujt me e marre n’krahe t’tjeter kujt pos Adrianes. Nuk po i them “nane” , se nese tan jeten e kom pa si prindin ma te perkrym, 3 ditet e fundit ma keni mundsu me pa si ni njeri me vlera t’jashtezakonshme me cdo lutje e kujdes qe keni dhuru.

I kam lexu e i kam ndje secilat fjale qe keni shkru, edhe m’i keni zevendsu brengat me krenarine qe jom rrite prej ni njerit qe ka pase kaq shume ndikim te tjeret. Sot nuk e pash veq fuqine e mamit, po e pash edhe fuqine e dashnise, pasunine e ni njerit qe dhuron kurgjo tjeter pos mbeshtetjes, respektit, pozitivitetit, fjaleve te mira e cdo virtyti tjeter me vlere.

Ju jam mirenjohese tane jeten, une edhe krejt familja jem. Nuk e di cka kish shkru mami, po e di qe kete sfide t’jetes e ka pase shume ma t’lehte fale juve. Ju duam.”, shkruan Kaona.

The post “Mi keni zëvëndsuar brengat me krenari”, vajza e Adriana Matoshit shpreh mirënjohje publike appeared first on Albeu.com.

Ndihma e BE për zjarret, Meta: Mirënjohje, përherë na gjenden pranë në momente kritike

E B — Wed, 04 Aug 2021 11:38:06 +0000

Pas ndihmës së Mekanizmit të Mbrojtjes Civile nga Bashkimi Europian, për shuarjen e zjarreve në vend, ka reaguar Meta përmes një postimi në Facebook. Meta shpreh mirënjohje për solidaritetin dhe ndihmën e përhershme në momente kritike. “I shumëpritur aktivizimi i Mekanizmit të Mbrojtjes Civile nga Bashkimi Europian për Shqipërinë, në kushtet e një situate tepër [...]