Nëna e shqiptarit të zhdukur nga tragjedia në Greqi: Më ndihmoni, muajin tjetër do festonte ditëlindjen

Xh — Fri, 03 Mar 2023 18:30:04 +0000

Nëna e shqiptarit Denis Ruçi, i cili vijon të jetë i zhdukur në Greqi, ka bërë apel në media për gjetjen e tij.

Mirela Ruçi tha se djali i saj kishte rezervuar një biletë në vagonin e 5-të në ulësen 22.

Ajo tha se për herë të fundit kishte folur me të në orën 22:50.

Me një zë që i dridhej ajo tregoi: “Më tha mami, jam ulur. Do të vonohemi. Nuk më tha se ku është ulur dhe nëse ka shkuar në mensë. Më pas ai ka folur me një shoqe në messenger në orën 23:08. Fëmija im është 22 vjeç. Pas një muaji ai do të kishte ditëlindjen.”

Ajo tha se djali i saj nuk është as në listën e të lënduarve dhe as në listën e të vdekurve, ndërsa nuk e di nëse ka qenë në vendin e tij në momentin e përplasjes ose nëse ishte ngritur për të shkuar në vagonin e 2-të që ishte mensa, raportojnë mediat greke.

Madje, ajo u bëri thirrje të rinjve që ishin në tren dhe mbijetuan, që t’i jepnin të paktën një informacion nëse e kishin parë fëmijën e saj. Ajo tha se ka dhënë ADN-në në spital dhe po pret të njoftohet për identifikimin.

Ngjarja e rëndë ndodhi tre ditë më parë pranë Larisës në Greqi. Treni me 350 udhëtarë që ishte nisur nga Athina për në Selanik është përplasur me një tjetër që po transportonte mallra duke shkaktuar një bilanc tragjik me të paktën 57 të vdekur dhe 85 të plagosur./albeu.com/

The post Nëna e shqiptarit të zhdukur nga tragjedia në Greqi: Më ndihmoni, muajin tjetër do festonte ditëlindjen appeared first on Albeu.com.

mirela ruci Archives - Albeu.com

Nëna e shqiptarit të zhdukur nga tragjedia në Greqi: Më ndihmoni, muajin tjetër do festonte ditëlindjen