Një ndër këto institucione është edhe Ministria e Kulturës, e cila drejtohej nga Elva Margariti.

Në dosje rezulton që fondet publike në favor të OJF-ve kontrollohen faktikisht nga shtetasja Ajola Xoxa, ato nuk janë shpërndarë vetëm nga Bashkia Tiranë, por edhe institucione të tjera publike si Ministria e Kulturës po ashtu dhe Ministria e Turizmit, e cila drejtohet nga Mirela Kumbaro që nga viti 2021.

Kjo vlen për të kuptuar akoma më mirë mekanizmin e kalimit të të hollave nga Institucionet Publike tek OJF-të, prej tyre tek sh.p.k.-të dhe individët, të gjithë të kontrolluar, por edhe të lidhur ngushtë me shtetasen Ajola Xoxa dhe kryetarin e Bashkisë Tiranë Erion Veliaj.

Lidhjet Ministria e Kulturës me OJF e Ajola Xoxës

Konkretisht, me vendimin date 23.12.2024 të prokurorit, “Për Këqyrje/marrjen e dokumenteve”, janë administruar pranë Ministrisë së Ekonomisë, Kulturës dhe Inovacionit akte të cilat lidhen me:

1) Projektin “International Contemporary Dance Festival Tirana 2022”, ku përfshihen kontrata të lidhura, transaksione, pagesa e fatura.

2) Projektin “International Contemporary Dance Festival Tirana 2023”, ku përfshihen kontrata të lidhura, transaksione, pagesa e fatura.

3) Kontrata të lidhura ndërmjet Ministrisë së Ekonomisë, Kulturës dhe Inovacionit dhe shoqërisë “Rametal” sh.p.k., ku përfshihen transaksione, pagesa e fatura.

Nga këqyrja e dokumentacionit të administruar në fashikullin penal, ka rezultuar se me anë të procesverbalit nr. 6446/5 datë 11.02.2022, Drejtoria e Konceptimit dhe Fizibilitetit të Projekteve të Kulturës, ka dokumentuar shqyrtimin e projekteve të paraqitura.

Ndër to, në subjektin me numër 44 në renditje, konstatohet Subjekti “HARABEL – QENDRA E ARTIT BASHKËKOHOR”, për projektin “Digjitalizimi i artit bashkëkohor në Shqipëri”, në shumën 1,000,000 lekë.

Në vijim, më datë 14.06.2022, është nënshkruar Kontrata për Mbështetje Financiare me Fonde Publike, Nr. 3260 Prot, datë 14.06.2022, me palë Ministria e Kulturës, e përfaqësuar nga Arian AVRAZI, Drejtor i Drejtorisë së Konceptimit dhe Fizibilitetit të Projekteve të Kulturës, sipas Urdhrit të Ministrit të Kulturës nr. 93 prot., datë 21.02.2022, dhe Driant ZENELI, në cilësinë e përfaqësuesit të Qendres “HARABEL”.

Në këtë kontratë përcaktohet vlera e financimit në shumën 1.000.000 lekë, në të cilën është përfshirë TVSH, komisionet bankare dhe të gjitha detyrimet fiskale apo detyrime të tjera që njeh legjislacioni shqiptar. Të dhënat e llogarisë bankare të individit përfitues tregojnë që bëhet fjalë për “HARABEL”.

“Nga këqyrja ka rezultuar se për këtë rast është nënshkruar Urdhër-Shpenzimi Nr. 468 datë 17.06.2022 i Ministrisë së Kulturës me të dhëna: Kreditor Përfitues: Qendra Harabel. Objekti i shpenzimit: Projekti: Digjitalizimi i artit bashkëkohor në Shqipëri, 60% sipas kontratës. Shuma në lekë: 600.000. Bashkëlidhur Fatura elektronike nr.6/2022 date 15.06.2022, Me Shitës: Qendra Harabel dhe Blerës: Ministria e Kulturës. Vlera: 600.000,00 lekë. 76. Me datë 15.09.2022 Balkan Youth Link Albania (BYL-A) në bashkëpunim me D18 Paris i drejtohet Ministrisë së Kulturës për zhvillimin e festivalit të kërcimitKRE “International Contemporary Dance Festival in Tirana”.

Me datë 31.10.2022, është nënshkruar Kontrata për Mbështetje Financiare me Fonde Publike, Nr.5801/6 Prot, datë 31.10.2022, me palë Ministria e Kulturës, e përfaqësuar nga Arian AVRAZI, Drejtor i Drejtorisë së Konceptimit dhe Fizibilitetit të Projekteve të Kulturës, dhe “Balkan Youth Link Albania” me Ina Goxhaj, përfaqësuese e Qendrës Drejtore Ekzekutive, në cilësinë e drejtuesit të projektit”, thuhet në dosjen hetimore.

Në këtë kontratë shpjegohet vlera e financimit në shumën 3.100.000 lekë, ku përfshihet TVSH, komisionet bankare dhe të gjitha detyrimet fiskale apo detyrime të tjera që njeh legjislacioni shqiptar. Pagesa do realizohet në 2 faza.

KOMUNIKIMET DHE DETAJET

Në faqen 1035 të komunikimeve rezulton se Adela njofton Ketrinën që leket e Ministrisë së Kulturës kanë kaluar te BYL-A dhe i thotë që të mbyllin pagesat të nesërmen.

Dorëzimi i lekëve tek shtetasja Ajola Xoxa nga OJF në fjalë provohen nga komunikimet e ndodhura në faqen 1050.

Shtetasja Adela Kondakçiu thotë: “Keti po për ato puantet nuk të ktheu me përgjigje ajo Alisa. Se une do t’ia dorëzoj cfare më ka mbetur Ajolës nesër”. Në fakt, përgjigjja e Alisës nuk pritet gjatë për pagesën e puanteve.

Në faqen 1063-1064, ndërsa Ketrina i thotë që po interesohet për puantet, Adela i përgjigjet se është vonë dhe shton: “Unë ja dorëzova Ajolës (lekët).” Në faqen 1065 Ketrina e pyet nëse mund t’ia merrte Xhoit (Skënderasi), por Adela i thotë se ajo nuk ka. Adela shton se duhet të flasë me Ajolën nëse është.

Nga këto komunikime rezulton e provuar se si fondet publike, të akorduara në këtë rast nga Ministria e Kulturës, fillimisht kalojnë në dy Organizata Jofitimprurëse nën kontrollin faktik të shtetases Ajola Xoxa.

Më pas, nga këto organizata fondet kalojnë te shtetasja Ajola Xoxa, “Arts Lab” sh.p.k. në pronësi ligjore të dajës së shtetases Ajola Xoxa (Erald Simixhiu), por në pronësi faktike të kësaj të fundit, tek shtetasi Valmir Xoxa, kushëri i afërt i shtetases Ajola Xoxa, dhe shtetasi Ergys Krisiko, njohje e afërt me shtetasen Ajola Xoxa.

Ministria e Turizmit

Kontrolli i plotë i shtetases Ajola Xoxa në çdo drejtim që lidhet me funksionimin e OJF-ve në fjalë, duke nisur që nga momenti i aplikimit për projekte në institucionet shtetërore, rezulton edhe nga komunikimet e faqe 1076.

Ketrina Braho i thotë Adelës: Më erdhi njoftimi nga Ajola të aplikojmë te Ministria e Turizmit. Adela i përgjigjet O zot i madh, duke shtuar se edhe Linda (Kazani) po aplikon. Po këtë herë, Adela i thotë Ketrinës se do merren vetë, pasi ato janë të tmerrshme.

Sipas të dhënave në vendimin e gjykatës rezulton që kompania “Harabel” e Ajola Xoxës është financuar nga Ministria e Kulturës dhe Ministria e Turizmit, dhe kontrollohet tërësisht nga Ajola Xoxa, bën pagesa në favor të “Ava Studio” shpk, në pronësi ligjore të nënës së saj.

KOMUNIKIMET DHE DETAJET PER MINISTRINE E TURIZMIT

Në faqen 1769 të komunikimeve, Adela Kondakçiu njofton Ketrina Brahon se lekët kaluan, si nga Bashkia Tiranë ashtu edhe nga Ministria e Turizmit.

Në faqen 997 Ketrina njoftohen nga Adela se lekët e Ministrisë së Turizmit kishin kaluar, duke shtuar se: të paktën 1 u mbyll. Gjithashtu, i kërkon të bëjë të nesërmen ndryshimet te KRK të letrave me kokë që kishin bërë gabim, në mënyrë që dosja të çohej të premten.

Në faqen 1211 nis një komunikim që lidhet me projektin që po bëjnë me Ministrinë e Turizmit.

Adela pyet se kur mbaron projekti, por Ketrina i thotë që as ka nisur akoma. Në lidhje me këtë projekt, Ketrina shprehet se duhet të përcaktojnë me Ajolën kush do të jenë personat dhe kompanitë të cilat do të marrin pagesat që në atë moment.

Në këtë faqe përmbahet edhe një screenshot i një mesazhi të shkëmbyer mes Ketrina Brahos dhe një personi të regjistruar në telefon si ‘Enkeleda Ministria e Turizmit’.

Ketrina i bën një pyetje në lidhje me raportimet nga pagesat e personave që janë në buxhet. Ketrina vijon duke i thënë nëse mund të jenë personat të stafit dhe i deklarojnë si pjesë rroge.

Personi i cili duket se punon në Ministrinë e Turizmit i përgjigjet: do pyes dhe do të them. Më pas, i njëjti person i thotë: Po, mund të jenë por duhet të sillni një bordero të firmosur dhe vulosur.

Në lidhje me zërat, Adela i thotë Ketrinës se do jenë për kurator dhe menaxher produksioni. Pra, është e qartë se dhe vendosja e zërave por edhe personat që supozohet do kryejnë shërbimet, të cilët vendosen nga pjesa e stafit të “Harabel”, janë fiktive.

Si “lidhet” Mirela Kumbaro me drejtorin ekzekutiv të Harabel të Ajola Xoxës, Driant Zenelin
Në vitin 2018, në kohën që Mirela Kumbaro drejtonte ministrinë e Kulturës, shprehte bindjen për përfaqësimin e Shqipërisë në Bienalen e Artit 2019 me projektin e Driant Zenelit, që ishte drejtues i një prej komapnive të Ajola Xoxës.

“E bindur për përfaqsimin dinjitoz të Shqipërisë në Bienalen e Artit 2019, me projektin e Driant Zenelit

Si komisioner i pavijonit shqiptar, ia besuam projektin e artit, që do të përfaqsojë Shqipërinë në ngjarjen më të madhe botërore të Artit, artistit Driant ZENELI, me projektin me titull

“Maybethe cosmos is not so extraordinary” – “Ndoshta kozmosi nuk është aq i jashtëzakonshëm”.

Titulli merr shkas nga romani fantastiko-shkencor i autorit shqiptar Arion Hysenbegas, “Drejt Epsilonit të Eridanit”, i botuar në vitin 1983 (ribotuar i plotë në vitin 2018).

Drianti, i cili drejtoi me shumë sukses vitin e kaluar në Tiranë Bienalen e Mesdheut të Krijuesve të Rinj, ndërton skuadër me kuratoren Alicia KNOCK, kuratore në Qendrën e Artit Bashkekohor në Paris “Georges Pompidou”, në Departamentin e Artit Bashkëkohor, në Paris, të krijuar dhe drejtuar nga Christine MACEL.

Pas pesë edicioneve shumë të suksesshme,

në vijim të pavijoneve të realizuara nga artistë si Edi Hila e Adrian Paci, Armando Lulaj, Leonard Qylafi, por edhe nga arkitekte si Simon Battisti, apo skuadra energjike e arkitekteve te paviojnit #TiranaZeroSpace qe vijon te jete i hapur,

Shqipëria është e angazhuar të ndajë me publikun e kritikën ndërkombëtare pjesën e vet më të mirë: Artin dhe Kulturën.

Suksese me gjithë zemër Driantit në këtë sfidë të re të përbashkët në La Biennale di Venezia”, shkruante Mirela Kumbaro.

Pra duket qartë lidhja e ministres Kumbaro me njerëzit që punonin në kompanitë e Ajola Xoxës, në këtë rast Driant Zeneli, i cili rezulton të jetë drejtori i Harabel./Oranews

The post SKEMA/ Si kalonin paratë nga Ministria e Kulturës dhe Mirela Kumbaro, tek Ajola Xoxa appeared first on Albeu.com.

Kumbaro e prezantoi këtë si një investim 15 milionë eurosh, që ishte sipas saj “vazhdim i strategjisë për turizmin i qeverisë shqiptare për të shtuar investitorët e fuqishëm, por edhe brandet më të fuqishme të turizmit botëror”.

Kompania që përfitoi heqjen e taksave përmes statusit special ishte e lidhur me Redi Mollën – ish drejtori i arrestuar i Ujësjellësit të Tiranës, i cili akuzohet nga SPAK për veprat penale të korrupsionit dhe fshehjes së pasurisë.

“Mediterranean Investment Group” u themelua në shtator të vitit 2020 dhe njëri prej aksionerëve me 24% ishte Selim Molla, babai i ndjerë i Redi Mollës, i cili ia trashëgoi aksionet në birit në shkurt 2024.

Në kohën kur kompania me aksioner babanë e tij mori statusin e veçantë të “Investitorit në strukturë akomoduese me 5 yje, status special”, Molla ishte administrator i Tirana DC, një ndërmarrje me aksionere 100 për qind Bashkinë e Tiranës, të cilën e drejtoi deri në vitin 2023.  Më herët ai ka qenë për 5 vjet drejtues i Ujësjell Kanalizime Tiranë nga viti 2016 deri në vitin 2020.

Molla u arrestua të enjten nga SPAK me akuzën e korrupsion me tenderat e Bashkisë së Tiranës dhe ndërmarrjeve nën zotërimin e saj. SPAK e akuzon Mollën sëbashku me zyrtarë të tjerë të bashkisë se favorizuan kompaninë 5D Konstruksion në tendera punësh publike. Kompania është regjistruar në pronësinë e Nestor Muhametllarit, por prokuroria pretendon se ka de fakto zotërues Mollën dhe drejtorin tjetër të Bashkisë së Tiranës, Mariglen Qato.

Kompania 5D Konstruksion u themelua në vitin 2016 me emrin “Igor Elektrik” dhe e ndryshoi më pas emrin në vitin 2019 në V.A.S. Konstruksion dhe në vitin 2021 në 5D Konstruksion.

Të dhënat e bilanceve të kompanisë të depozituara në Qendrën Kombëtare të Biznesit, tregojnë se të ardhurat e saj ishin në masën 2.2 miliardë lekë [rreth 20 milionë euro] për periudhën nga viti 2016 kur u themelua deri në vitin 2022. Nga të dhënat e prokurimeve publike, kompania ka fituar 29 kontrata me vlerë të përgjithshme prej 1.8 miliardë lekësh.

Sipas SPAK hetimet për Mollën dhe personat e tjerë të akuzuar në këtë dosje kanë filluar kryesisht në prill të vitit 2023, ndërsa më pas atyre u është bashkëlidhur edhe një kallëzim penal nga kandidati i opozitës për kryetar i Bashkisë së Tiranës në zgjedhjet vendore të vitit të kaluar, Belind Këlliçi. Sipas SPAK, Qato dhe Molla e kishin fshehur pronësinë mbi kompaninë 5D Konstruksion përmes ortakëve fiktivë në aktet e regjistrimit. Molla i ka mohuar akuzat në një qëndrim publik duke pretenduar se nuk kishte lidhje me kompaninë dhe se akuzat ishin sulm politik.

Qeveria e kryeministrit Edi Rama është akuzuar shpeshherë se ka favorizuar njerëzit e vet dhe një grup oligarkësh në dhënien e statusit special për ndërtim hotelesh në turizëm apo statusin e investitorit strategjik.

E pyetur nëse kishte favorizuar në dhënien e statusit special kompaninë e lidhur me Mollën, kryeministria nuk ktheu përgjigje deri në publikimin e këtij shkrimi, ndërsa administratori i kompanisë “Mediterranean Investment Group”, Dritan Kadiu tha përmes telefonit se kompania kishte disa aksionerë, por nuk preferoi të komentonte mbi rastin e Mollës pasi “nuk ishte i qartë për rrethanat”./BIRN

The post Drejtori i arrestuar i Bashkisë, Redi Molla mori status special për hotel me 5 yje në Durrës appeared first on Albeu.com.

Ministrja e turizmit dhe Mjedisit, Mirela Kumbaro pas përfundimit të mbledhjes së qeverisë, komunikoi për gazetarët vendimet e marra.

Ndër të tjera ajo u pyet edhe për vendimin e GJKKO-së, por tha se nuk ka komente për veprimet e instancave të drejtësisë.

“Sikurse sa herë si anëtarë të qeverisë jemi pyetur për veprimet e instancave të drejtësisë, ne nuk kemi bërë komente”, tha Kumbaro.

E pyetur nga gazetarët nëse është shkelur Kushtetuta për rastin e Berishës, ministrja Mirela Kumbaro në emër të qeverisë tha se nuk do japin koment, por do respektojnë ndarjen e pushteteve. Ajo theksoi se mazhoranca ka iniciuar ngritjen e SPAK dhe GJKKO dhe kanë luftuar që të punojnë të pavarura, prandaj s’do të flasin as për rastin e Berishës.

“Respektojmë ndarjen e pushtetit, e respektojmë më shume se kushdo tjetër se kjo qeveri ka qenë ajo që e ka themeluar, ka luftuar që ky sistem, GJKKO dhe SPAK të ngrihen të funksionojnë në kushtet më të mira të mundshme. S’ben përjashtim asnjë veprim, janë veprime procedurale, s’kemi komentuar dhe nuk bëj asnjë përjashtim për rastin në fjalë”, tha Kumbaro pas përfundimit të mbledhjes së qeverisë./Albeu.com 

The post Qeveria nuk komenton vendimin e GJKKO për Berishën: Luftuam që drejtësia të ishte e pavarur appeared first on Albeu.com.

Por jo të gjithë mendojnë njësoj. Aktori Elvis Pupa ngre një shqetësim, i cili ndodh shpesh edhe gjatë sezonit turistik, ikja e energjisë elektrike.

Përmes një videoje në Intsagram, ai shprehet se ka sjellë disa turistë nga Australia dhe ia ka sugjeruar vendin tonë për pushime, por teksa përgatiten për të shkuar në jug, në kryeqytett mungon energjia elektrike dhe kjo nuk i lejon as të bëjnë dush.

 

View this post on Instagram

 

A post shared by Albeu.com (@albeucom)

Ai i ben thirrje ministers së Kulturës, Mirela Kumbaro që të zgjidhin problemin, sepse “nuk mund t’i gënjëjë” për shumë gjatë turistët australianë lidhur me mungesën e energjisë./Albeu.com.

The post “Do nisem për në Maldivet e Evropës, por s’kam drita”, Vis Pupa thirrje Kumbaros: S’bëj dot dush, si t’i gënjej turistët që solla appeared first on Albeu.com.

Tashmë, Plazhi i Manastirit, pra ajo “pikëz e vogël” është shndërruar në një masiv vilash prej betoni, të cilat kanë bllokuar tërësisht aksesin e pushuesve në një prej gjireve më të bukura të Rivierës Shqiptare.

Në këto momente, Plazhin e Manastirit, në periferinë perëndimore të Sarandës, mund ta shijosh vetëm duke kaluar në rrugë detare, pasi kantieri i ndërtimit e ka bllokuar tërësisht aksesin nga toka.

Pasi “investimi strategjik” të përfundojë, aksesi në atë plazh do të jetë vetëm i atyre fatlumëve, të cilët do të blejnë vila me një çmim më së paku 4 mijë euro metrin katrorë, siç u shprehën punonjësit e kantierit, në mungesë të dijenisë se po flisnin me gazetarë të “Boldnews.al”. Megjithatë, shifra nuk është e konfirmuar.

Askush tjetër nuk do të lejohet të shijojë brigjet që kanë qenë të hapura ndër shekuj për banorët e zonës, por edhe për turistët që u shtuan pas viteve ’90. Pjesë e parkut të Butrintit, ajo do të jetë një “zonë private”, pasi kështu vendosi ta shpallë Komiteti i Investimeve Strategjike (KIS), nën drejtimin e kryeministrit Edi Rama.

Shkatërrohet parku për beton

Në 2 Dhjetor 2021, komiteti KIS miratoi statusin e investitorit strategjik për projektin “Manastiri Resort”, me subjekt aplikues “Albstar” shpk, në pronësi të biznesmenit Sadik Ismailaj.

Subjekti aplikues propozon zhvillimin e një investimi i cili synon ndërtimin e një resorti, që do të ketë në përbërje hotel dhe struktura akomoduese me rreth 33 njësi të ndara me kapacitet total që variojnë nga 83-100 shtretër, restorant, bar, pishinë e jashtme etj.

Projekti zë një sipërfaqe zhvillimi prej 53,467 m², pronë private, në Ksamil, Bashkia Sarandë.

Vlera e investimit të projektit të investimit “Manastir Resort – Resort Turistik 2, 3 dhe 4 kate me parkime nëntokë” parashikohet të jetë 28.000.000 (njëzet e tetë milion) Euro.

Vendimi për ndërtimin e Resortit në territorin e Parkut Kombëtar të Butrintit ishte i njëkohshëm me vendimin e qeverisë për të dorëzuar menaxhimin e tij në duart e një fondacioni privat, si edhe i parapriu një tjetër vendimi qeveritar që zvogëloi hartën e Parkut.

Jashtë Parkut mbeti “kjo pikëz e vogël”, siç e konsideroi Ministrja e Kulturës, Mirela Kumbaro, zonën ku do të ndërtohej grupi i vilave, gjatë një seance parlamentare në Korrik 2022.

Këto vendime në seri të qeverisë nxitën reagimin e fortë të opozitës. Dy prej deputetëve të saj, Agron Shehaj dhe Ina Zhupa, që ngritën zërin më shumë për këtë çështje, e konsideruan si “aferë 28 milionë euro” për të prishur Parkun e Butrintit dhe për t’ia dhënë klientëve qeveritarë e njerëzve pranë saj.

Këtu, deputetët e opozitës i referoheshin kompanisë “Albstar”, e cila rezulton se ka fituar miliona euro nga tendera publikë të qeverisë (rreth 50 mln euro vetëm në periudhën 2019-2023, sipas “spending.data.al”, shën.red) , si edhe kompanisë “Andi” shpk të Andi Gjiknurit, një familjar i deputetit dhe ish-ministrit socialist, Damian Gjiknuri.

Zvogëlimi i Parkut

Në 26 Janar të vitit 2022, Këshilli i Ministave miratoi vendimin për të zvogëluar me rreth 800 hektarë Parkun e Butrintit. Në këtë hapësirë të shkëputur nga Parku përfshihet edhe territori ku u vendos të ndërtohej investimi strategjik “Manastiri Resort”.

Për zbatimin e këtij projekti, u krijua shoqëria “Manastiri Resort”, i përbërë nga bashkimi i “Finman” shpk, një kompani në pronësi të Sadik e Idajet Ismailaj dhe “Andi” shpk, në pronësi të Andi Gjiknurit.

Shoqëria “Manastiri Resort” u krijua me një marrëveshje që mban datën 16 nëntor 2021, pra vetëm dy javë para se Komiteti i Investimeve Strategjike të miratonte statusin e “investitorit strategjik” për këtë projekt.

Rreth një vit pas këtij bashkimi, kompania e Gjiknurit vendosë të largohet nga investimi, duke i shitur aksionet e saj tek “Finman”. Vlera e këtij transaksioni nuk është publikuar në kontratat e depozituara pranë Qendrës Kombëtare të Biznesit (QKB).

Ndërtimet e resorteve turistike apo zhvillimet ndërtimore masive në zonat bregdetare ishin paralajmëruar nga 25 organizata mjedisore dhe 4 profesorë të shkencave të natyrës që kur u rishikua harta e zonave të mbrojtura për disa parqe në janar të vitit 2022.

Përmes një reagimi të përbashkët organizatat më të mëdha mjedisore në vend dhe profesorët e shkencave të natyrës pohuan se “me rishikimin e kufijve të zonave të mbrojtura ‘fshihen’ zhvillime të paqëndrueshme, si urbanizim, aeroporte, sipërfaqe habitatesh të mbuluara nga parqe industriale”.

Sipas tyre, “Hapja e rrugës për këto projekte do të dëmtojë në mënyrë të pakthyeshme këto zona”.

E, megjithatë, përtej shqetësimit të ambjentalistëve, projekti për betonizimin e Plazhit të Manastirit po vazhdon pa ndalur./boldnews

The post Plazhi i Manastirit, “pika e voçkël e Kumbaros” u shndërrua në masiv betoni e vilash appeared first on Albeu.com.

“Mbledhja e qeverisë sot doli me një vendim të rëndësishëm. Miratuam amendimet në ligjin për vlerësimin e zhurmave në mjedis. Është një punë një vjeçare por dhe si rezultat si sezonit të kaluar ku bizneset, operatorët dhe turistët kishin shqetësime për nivelin e zhurmës akustike, që ishte në nivele të larta për shkak të muzikës.

I dhamë zgjidhje një problemi të akumuluar prej vitesh, duke miratuar amendimin e ligjit për zhurmat dhe duke filluar nga ky sezon, do të kemi një kontroll më të rreptë të ligjit, do të kemi fasha orare më të kontrolluara (12 am-12 pm) dhe një kopetencë të zgjeruar të policisë së shtetit, me mjete të certifikuar për të kontrolluar ndotjen akustike. Me hyrjen në fuqi të këtij ligji, qeverisja vendore ka për detyrë të përcaktojnë hartën me zhurma”, tha Kumbaro.

The post Ndotja akustike, Kumbaro: Do të ketë fasha orare për muzikën gjatë sezonit turistik appeared first on Albeu.com.

Në njërin prej paneleve të kësaj konvente në hartën pas panelistëve Kosova shfaqet si pjesë e Serbisë, ndërsa në territorin e Republikës së Kosovës shkruhet “Serbia”.

Vlen të theksohet se në panel ishte edhe Ministria e Infrastrukturës Belinda Balluku si edhe disa biznesmenë të njohur që kanë investuar në fushën e Turizmit në Shqipëri.

Ky sabotim ndaj Republikës së Kosovës ndodh në një moment kyç të historisë së Kosovës teksa krerët e UÇK-së janë duke u gjykuar në Hagë. /albeu.com

The post “Kosova pjesë e Serbisë”, skandali me hartën: Kumbaro dhe Balluku mendojnë ndryshe nga shteti shqiptar? appeared first on Albeu.com.

“Në radhë të parë një specie e vëçantë që bën pjesë edhe në speciet e rrezikuara të zonave të mnbrojtura që është tulipani shqiptar i zbuluar në 2023 nga shkencëtarët e biodiversitetit dhe biologjisë, shpallet sot, në një lëndinë të caktuar kur rritet tipikisht në bashkinë e Kukësit, për shkak të kushteve klimatike dhe habitatit ujor, monument natyre, që është shkalla më e lartë e mbrotjes. Lajmi i dytë ka të bëjë sërish me zonat e mbrojtura, është se sot kemi vendimin përfundimtar, Lumin e Vjosës, lumin e fundit të egër në Europë, park kombëtar, kategoria e dytë e mbrojtjes, por jo vetëm kaq, e kemi shtrirë mbrojtjen në mbi 12727 hektarë, që është gjithë sipërfaqja urjore, bregore dhe tokësore e Vjosës”, tha Kumbaro./albeu.com

The post Kumbaro: “Tulipani i Shqipërisë” shpallet monument natyre appeared first on Albeu.com.

Ai tha se shqetësimi në Divjakë lidhet me një autorizim të lëshuar nën presion nga ARRSH për kryerjen e punimeve në aksin rrugor që lidh qytetin e Divjakës me plazhin.

“Taksat nuk mblidhen me kupon. Divjaka nuk ka mjellma. Është liqen tjetër ai që shquhet për mjellma. E kam shumë të vështirë por më duhet ta formuloj këtë pyetje. Pse gënjeni. Shqetësimi që ka lindur në Divjakë nuk lidhjen me VKM të firmosur nga Erion Braçe.

Lidhet me këtë autorizim të lëshuar nën presion nga ARRSH që autorizon kryerjen e punimeve në aksion rrugor Divjakë-Plazhi Divjakë si një financim që lejon shoqërinë të kryejë këto punime. Problemi është ky autorizim që sjell në vëmendje një tjetër vendim të Këshillit të Ministrave që përcakton inventarin e rrugëve kombëtare në të cilin përcaktohen si akse kombëtare rrugore, rrugën Kthesa e Çermës-Divjakë, dhe Divjakë-Plazhi i Divjakës”, deklaroi ai

The post “Divjaka nuk ka mjellma”, Braçe reagon pas deklaratës së Kumbaros në Kuvend: Taksat nuk mblidhen me kupon appeared first on Albeu.com.

E gjithë kjo lidhet me pagesën elektronike që parashikohet të vendoset në Parkun e Karavastasë.

Kumbaro i ka lënë foltore deputetes së PD disa lekë të shkoqura duke e ironizuar, e kjo e fundit është shprehur duke thënë se kjo që bëri ministrja është e neveritshme.

Ministrja Mirela Kumbaro: Mirë pra, e mbarsët malin dhe prodhuat disa qindarka, 10, 20 e 15 se aq është tarifa, edhe për të ngrënë, u bëj ftesë sot për ta vizituar, gëzuar dhe ju pres kur ta hapim. Ua kam lënë këtu lekët e vogla.

Ilda Dhori: Kjo është e neveritshme, sesi një ministre tallet, lë lekët këtu./albeu.com

The post Trau në Karavasta/ Kumbaro “tallet” me deputeten e PD-së duke i lënë lekë të vogla, Dhori: E neveritshme appeared first on Albeu.com.