Ahmetaj në një intervistëpër Syri Tv, është shprehur se Mërtirin e njeh dhe e ka mik, ndërsa tha se historia mes tyre është është e vërtetësisë sesi ndahet miqësia nga interesi publik.

Ndër të tjera ai tha se nuk ka emrin në hotele për arsye familjare, ndaj pagesat janë bërë nga biznesmeni.

Nga ana tjetër, për Zoton tha se nuk e njeh personalisht, por vetëm në distancë.

“Po e kam njohur Mirel Mërtirin dhe dua të sqaroj se kur unë e kam njohur në prezencë nga afër e kishte filluar punën, madje le të verifikohet kur e ka filluar punën në Fier. Ka pas filluar punë se u hap që paskam pasur një sms me Baftjar Zeqon. Nuk kam pirë kafe me Zeqon për të ndihmuar kënd.

Nuk kam ndërmjetësuar me askënd. Besoj se ata ish-kryebashkiakë që janë përmendur aty mund të jenë pyetur dhe kanë përgjigjet e tyre. Doni të dini si e ka fituar Fierin, pyesni Bafjarin. Kurrë nuk ka përfshirë tendera publikë nga institucionet që kam drejtuar unë. Arsyet kanë qenë familjare të miat pse nuk janë vënë emrin e mi në hotele. Unë i kam paguar Mirel Mërtirit…

Klodian Zoton e kam njohur në distancë, Mirelin po, e kam pasur shok. Historia mes meje dhe tij është e vërtetësisë sesi ndahet miqësia nga interesi publik. Nuk gjykoj dot kënd nëse i ka bërë gjërat mirë ose keq. Të qenit mik, shok, nuk do të thotë se meqë ai punon aty, ti mbake përgjegjësi se cfarë ndodh me ato punë publike dhe atë njeri”, tha Ahmetaj.

The post Ahmetaj flet për njohjen me Mirel Mërtirin dhe Klodian Zoton: Arsyet pse s’e kam vënë emrin në hotele kanë qenë familjare appeared first on Albeu.com.

Sipas Xamës dikush që investohet te një shoqëri i di të dhënat financiare deri në qindarka.

Gazetarja shkruan se kur paratë xhirohen, por shumica dalin jashtë dhe shkojnë te pronarët realë, është vështirë t’i memorizosh.

Ja statusi i Ola Xames:

Me sa dëgjova deri tani nga intervista, m’u krijua bindja se Mirel Mertiri është ‘presta nome’ te kontratat e inceneratorëve, sepse nuk kishte fiksuar mirë shifrat e parave që ishin arkëtuar nga kompanitë.

Dikush që investohet te një shoqëri, i di të dhenat financiare deri në qindarka.

Kur paratë xhirohen, por shumica dalin jashtë dhe shkojnë te pronarët realë, është vështirë t’i memorizosh.

Këta te kontrata e Tiranës paskan shpalosur një art të ri për mënyrën e shpërndarjes së kuotave dhe të drëjtave të pronësisë, që nuk është parë ndonjëherë të ndonjë skeme mashtrimi.

Kemi pronarë ‘presta nome’ disa italianë që përdoren të mos dalë emri i Zotos e Mërtirit, pasi ata rezultojnë në dy kontrata të tjera inceneratorësh.

Mërtiri dhe Zoto përfitojnë të paktën 40 milion euro që i nxjerrin jashtë firmës, dhe i çojnë te disa individë që deri me sot janë mister, por duhet të jenë zyrtarë të rëndësishëm.

Pra, kemi tre shkallë pronarësh që paguhen: italianët për letrat, Zoto-Mërtiri për punët e pista dhe letrat, zyrtarët për vendimet dhe firmosjen!

The post Ola Xama: Mërtiri dhe Zoto çojnë të paktën 40 milion euro te zyrtarë të rëndësishëm appeared first on Albeu.com.

‘Ti shqetësohesh për përgjigjen time dhe nuk shqetësohesh që janë marrë 130 milionë euro. Më lër ta them. Impianti i përpunimit dhe trajtimit të mbetjeve në Tiranë, ashtu si në Elbasan dhe në Fier janë struktura komplekse, ku përfshin impiantin e trajtimit të ujërave, impiantin e depozitimit të mbetjeve, impiantin e trajtimit të mbetjeve me ëest-energy. Këto janë struktura kontraktuale’, u shpreh Mërtiri.

Pjesë nga intervista:

Peka: A mund të na tregoni një foto se ku është ky impiant? Ky është thelbi i emisionit, 130 milionë euro dhe impianti nuk ekziston. Ka deklaruar administratori juaj se janë investuar 30 milionë euro deri tani dhe më flisni për impiant. Nuk e dua fizikisht as në 3D, ku është impianti?

Mërtiri: Pse shqetësohesh zoti Peka? Ti shqetësohesh për përgjigjen time dhe nuk shqetësohesh që janë marrë 130 milionë euro. Më lër ta them. Impianti i përpunimit dhe trajtimit të mbetjeve në Tiranë, ashtu si në Elbasan dhe në Fier janë struktura komplekse, ku përfshin impiantin e trajtimit të ujërave, impiantin e depozitimit të mbetjeve, impiantin e trajtimit të mbetjeve me ëest-energy. Këto janë struktura kontraktuale.

Peka: Ku është inceneratori i Tiranës, pse nuk është bërë?
Mërtiri: Në dijeninë time, prap po ju them se nuk mund të ndërtohet një strukturë njësoj sikur blen një makinë, ka një proces, ka një kontratë dhe disa faza që duhen zbatuar dhe ju po të kishit durimin ti lexonit këto faza këto kontrata këto marrëveshje, periudhën kur ka ndodhur pandemia, periudhën kur është dhënë leja e ndërtimit, momentin që është dhënë leja e ndërtimit atëherë do e kuptonit që kjo përgjigje është pa vend.

The post “Ku është inceneratori i Tiranës?”/ Mirel Mërtiri tregon si janë përdorur 130 milionë euro appeared first on Albeu.com.

I pyetur direkt se ku kanë shkuar paratë e inceneratorëve, Mërtiri tha se janë investuar më shumë sa kontrata.

Impianti i përpunimit të mbetjeve në Elbasan, nga shoqëria janë investuar 22.6 milionë euro. Këto i gjen nga ekspertë vlerësues të SPAK.

Kalojmë te impianti i përpunimit të mbetjeve në Fier. Ka një raport vlerësimi tekniko-ekonomik, i kërkuar gjatë gjykimit të çështjes, ku thuhet: në impiantin e përpunimit të mbetjeve në Fier, vlera sipas kontratës në euro 32 milionë euro. Vlera sipas realizimit në euro, 35 milionë euro. Më tepër investime të kryera sesa lekë të marra,’ tha Mërtiri.

I pyetur për inceneratorin e Tiranës, Mërtiri tha: ‘Ne po flasim për çështje që janë në hetim. SPAK më akuzon jo si pronar, por si pronar de facto të inceneratorit të Tiranës. A e dini ju se në legjislacionin shqiptar, çfarë është fjala pronar de facto?’

I pyetur se kush e ka firmosur kontratën e tij si përfaqësues i kompanisë Geogenix, ai refuzoi të përgjigjej me emra konkretë.

‘Nuk do përmendim emra sonte, por më duket se ju po e kërkoni sot me ngulm. Unë nuk dal dot nga vetja,’ tha Mërtiri.

The post Ku kanë shkuar paratë e inceneratorëve? Mërtiri u devijon pyetjeve: Kam investuar më shumë se ç’duhet appeared first on Albeu.com.

Që në fillim të emisionit, moderatori Çim Peka e pyeti nëse është ai pronari i inceneratorëve.

‘Unë dua t’ju bëj një pyetje: si është e mundur që në legjislacionin shqiptar, fjala pronar de facto nuk ekziston?

A mund të më përcaktoni ju se çfarë do të thotë pronar de facto? Që të jesh pronar de facto, duhet të ketë edhe një përshkrim ligjor.

Fjala pronar është e mirëcaktuar në legjislacion. Unë sot dhe familja ime, dhe gjithë rrethi im shoqëror, akuzohet për akte dhe veprime të pakryera ndonjëherë nga ne.

Nëse do i marrim të gjithë impiantet me radhë, mund t’u kthej përgjigje për secilin prej tyre.

E nisim me Elbasanin. Pozicioni im është shumë i qartë dhe i thjeshtë, familja ime është pronare e përkohshme e impiantit të përpunimit të mbetjeve në Elbasan.

Shoqëria Albtek është në shoqëri, e cila duhej të ekzistonte në administrim të familjes sime vetëm për 7 vjet. Është e përcaktuar qartësisht në kontratë.

Në përfundim të vitit të 7, shoqëria dhe kontrata i kalonte në menaxhim shtetit shqiptar, përkatësisht Ministrisë së Energjetikës dhe në vijim, Bashkisë së Elbasanit.

E para nuk është një tender, e dyta nuk është një kompani në pronësi. E treta, shoqëritë që kanë marrë pjesë në ndërtimin e këtij impianti janë me eksperiencë disavjeçare në shtetin italian.

Albtek është një kompani në pronësi të familjes sime vetëm përkohësisht. Unë flas sipas kushteve që ka kontrata të përcaktuara,’ tha Mërtiri.

Më pas ishte Belind Këlliçi, që e pyeti direkt Mërtirin nëse e njeh Engjëll Agaçin, Sekretarin e Përgjithshëm të kryeministrisë.

‘Të jetosh në Shqipëri, patjetër që do kesh marrëdhënie me politikanë shqiptare sepse është jeta specifike, sepse jemi njerëz, jemi qenie njerëzore.

Zoti Këlliçi, ju po i filloni bisedën me emra të përveçëm, gjë që të cilën unë nuk kam për ta bërë sonte.

Nuk flas me emra të përveçëm për një arsye. Nuk është korrekte kur ka hetime të caktuara, të devijuara, nga SPAK kundër familjarëve të mi, nuk mund të ndodhë.

Po ju jap përgjigje tani për zotin Agaçi, as nuk e njoh, as nuk e kam takuar dhe as nuk e di se çfarë bën në jetën e tij,’ tha Mërtiri.

The post ‘A e njihni Engjëll Agaçin?’/ Mirel Mërtiri: Njoh politikanë, por sot nuk do flas me emra të përveçëm appeared first on Albeu.com.

Ai ka zbuluar një bisedë në “WhatsApp” që sipas tij përfshin Klodian Zoton dhe Mirl Mërtirin.

Sipas tij biznesmenët e shumëkërkuar për aferën e inceneratorëve, Zoto dhe Mërtiri komunikojnë në një grup në WhatsApp për ndërtimin e një çerdheje në kryeqytet.

Sipas Berishës, Mërtiri dërgon lajmin për ndërtimin e çerdhes dhe pyet “po kjo çfarë ishte”, me Zoton që përgjigjet “ku di unë, i ke thënë gjë ti atij?”.

Mërtiri shkruan më poshtë “jo asnjëherë, prandaj më bëri çudi”, ndërsa Zoto përgjigjet duke thënë “s’e di, mbase ka folur me lalin”, duke nënkuptuar se ky i fundit mund të jetë kryebashkiaku Veliaj.

The post “Mbase ka folur me lalin për…”, Berisha: Si komunikonte Zoto dhe Mërtiri për çerdhen që u ndërtua appeared first on Albeu.com.

Sipas tij, qeveria është duke i bërë atij gati pasaportën, në mënyrë që të lartgohet me një pjesë të mirë të marave në Zimbabve.

“Sekreti që mban qeveria Mirel Mërtiri që ndodhet në Vjenë dhe ka kërkuar azil politik ka kaluar gjykimin në gjykatën e shkallës së parë në Vjenë. Gjykata ka refuzuar azilin politik. Qeveria po i përgatit pasaportën atij në mënyrë që ai t’ia mbathë atje ku janë një pjesë e mirë e parave në Zimbabve. Janë informacione të sigurta”, tha Berisha.

The post Berisha: Gjykata e Vjenës i refuzoi kërkesën për azil Mirel Mërtirit, qeveria po i bën pasaportën për në Zimbabve appeared first on Albeu.com.

Pas kërkimit të arrestit të ish-zv.kryeministrit Arben Ahmetaj, i cili tashmë ndodhet jashtë vendit, duke se SPAK ka vendosur të godasë edhe grupin tjetër, të deklaruar si kundërshtarë të Ahmetajt dhe nxitës të akuzave ndaj tij.

Me deklaratën se Mirel Mërtiri dhe Klodian Zoto janë pronarët “de facto” të inceneratorëve, SPAK u jep fund edhe hamendësimeve se “ nuk dihet se kush janë pronarët” e inceneratorit të Tiranës.

Në fakt, aktualisht në vendin e caktuar tani nuk ka asnjë incenerator, ka vetëm një mal me plehra, por duke qenë se kontrata është deri në vitin 2026, kompania ka pretenduar se është ende në kohë për të ndërtuar inceneratorin.

Tashmë, me sekuestrimin nga SPAK, gjithçka ndryshon në raport me këtë koncension, por pikëpyetja më e madhe tani është: A do të vijojë Bashkia e Tiranës pagesat ndaj kompanive të inceneratorëve?

Njoftimi i SPAK

Prokuroria e Posaçme kundër Korrupsionit dhe Krimit të Organizuar Tiranë po heton në kuadër të procedimit penal nr.255 të vitit 2020, për veprat penale të “Mashtrimi me pasoja të rënda”, në bashkëpunim, “Shpërdorimi i detyrës”, “Korrupsioni pasiv i funksionarëve të lartë shtetërorë ose i të zgjedhurve vendorë”, parashikuara nga nenet 143/3 dhe 25, 248, 260 të Kodit Penal, “Pastrimi i produkteve të veprës penale apo i veprimtarisë kriminale”, e kryer në bashkëpunim, parashikuara nga nenet 287/ gërma “a” dhe “b” të Kodit Penal, e kryer në rrethanën cilësuese “në bashkëpunim”, sipas nenit 287 paragari 2 i Kodit Penal.

Nga aktet e administruara deri në këtë fazë të hetimit, në lidhje me kontratën e koncesionit nr. 6597 prot, datë 31.08.2017 “Ndërtim landfilli, inceneratori dhe rehabilitimi i vendepozitimeve ekzistuese, Tiranë”, lidhur mes Autoritetit Kontraktor Ministria e Mjedisit dhe shoqërisë “Integrated Energy B.V. S.P.V.” sh.p.k,, me kosto të investimit të parashikuar në kontratën koncesionare në vlerën 128,248,330 Euro (njëqind e njëzet e tetë milion e dyqind e dyzetë e tetë mijë, e treqind e tridhjetë) pa TVSH, ka rezultuar se shtetasit Klodian Zoto dhe Mirel Mërtiri janë pronarët “de facto” të shoqërisë “Integrated Energy B.V SPV” sh.p.k, e cila ka fituar kontratën koncesionare “Ndërtim landfilli, inceneratori dhe rehabilitimi i vendepozitimeve ekzistuese, Tiranë”, si dhe janë pronarët “de facto” të shoqërisë mëmë të saj, të themeluar në Hollandë, “Integrated Energy B.V”, ndryshuar më pas me emrin “Geogenix B.V”.

Nga provat e marra gjatë hetimit ka rezultuar se, shtetasit Klodian Zoto dhe Mirel Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k.

Është evidentuar fakti se shtetasit Klodian Zoto dhe Mirel Mërtiri, janë personat që kanë udhëzuar dhe kanë marrë vendimet në lidhje me shoqërinë koncesionare “Integrated Energy B.V SPV” sh.p.k. dhe shoqërinë mëmë në Hollandë me emrin e mëparshëm “Integrated Energy B.V.”, aktualisht “Geogenix B.V.”, që përkon nga momenti i themelimit të këtyre shoqërive e në vijimësi.

Nga aktet e administruara deri në këtë fazë të hetimeve, rezulton se shtetasi Klodian Zoto, në bashkëpunim me shtetasin Mirel Mërtiri, kanë përfituar në sajë të faturave tatimore të falsifikuara, vlerën monetare 409,428,000 (katërqind e nëntë milion e katërqind e njëzet e tetë mijë) lekë, ku shtetasi Klodian Zoto është paraqitur dhe ka deklaruar fatura të falsifikuara për punime të kryera nëpërmjet shoqërisë tjetër të tij “Integrated Energy Services” sh.p.k., si nënkontraktor i shoqërisë koncesionare “Integrated Energy B.V. S.P.V.” sh.p.k. Në kohën e lëshimit të këtyre faturave të falsifikuara, provohet se aksionerë “de facto” kanë qenë shtetasit Klodian Zoto dhe Mirel Mërtiri.

Po ashtu, është evidentuar fakti se shtetasit Klodian Zoto dhe Mirel Mërtiri zotërojnë në mënyrë indirekte shoqërinë “F.M.O.” sh.p.k. Nga hetimi janë mbledhur prova se këta shtetas, duke shfrytëzuar perfitimet e paligjshme kanë blerë për llogari të subjektit “F.M.O.” sh.p.k., një pasuri të paluajtshme, me sipërfaqe 611 m2, me vlerë 1 000 000 Euro, e ndodhur në qytetin e Durrësit.

Bazuar në kërkesën e paraqitur nga Prokuroria e Posaçme, Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr.95, datë 28.07.2023, ka vendosur:

1. Pranimin e kërkesës së Prokurorisë së Posaçme Kundër Korrupsionit dhe Krimit të Organizuar dhe vendosjen e masës së sigurimit pasuror “sekuestro preventive” mbi pasuritë si më poshtë:
1.1. Personi juridik “Integrated Energy B.V. S.P.V.” sh.p.k., me Nipt L72031013B, me seli qëndrore në Tiranë, së bashku me të gjitha pasuritë e paluajtshme dhe të luajtshme në pronësi të tij.
1.2. Personi juridik “Integrated Technology Services” sh.p.k., me Nipt L02302032C, me seli qëndrore në Tiranë, së bashku me pasuritë e paluajshme dhe të luajtshme në pronësi të tij.
1.3. Pasuria e paluajtshme në zotërim të shoqërisë “F.M.O.” sh.p.k, lloji pasurisë “njësi”, me sipërfaqe 611 m2, me adresë Durrës.

Me ekzekutimin e vendimit nr.95 datë 28.07.2023 të Gjykatës së Posaçme të Shkallës së Parë Për Korrupsionin dhe Krimin e Organizuar është ngarkuar Drejtoria e Përgjithshme e Policisë së Shtetit dhe Agjencia e Administrimit të Pasurive të Sekuestruara dhe të Konfiskuara.

The post SPAK godet edhe “rivalët” e Ahmetajt, çfarë do të thotë sekuestroja ndaj inceneratorit të Tiranës dhe si u zbatua skema appeared first on Albeu.com.

Nga aktet e administruara nga SPAK, rezulton se, në lidhje me kontratën e koncesionit të vitit 2017 për “Ndërtim landfilli, inceneratori dhe rehabilitimi i vendepozitimeve ekzistuese, Tiranë”, lidhur mes Autoritetit Kontraktor Ministria e Mjedisit dhe shoqërisë “Integrated Energy B.V. S.P.V.” sh.p.k,, me kosto të investimit të parashikuar në kontratën koncesionare në vlerën 128,248,330 Euro pa TVSH, ka rezultuar se Klodian Zoto dhe Mirel Mërtiri janë pronarët “de facto” të shoqërisë “Integrated Energy B.V SPV” sh.p.k, e cila ka fituar kontratën koncesionare si dhe janë pronarët “de facto” të shoqërisë mëmë të saj, të themeluar në Hollandë, “Integrated Energy B.V”, ndryshuar më pas me emrin “Geogenix B.V”.

Sipas SPAK, Zoto dhe Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k.

Gjithashtu është evidentuar fakti se Zoto dhe Mërtiri janë personat që kanë udhëzuar dhe kanë marrë vendimet në lidhje me shoqërinë koncesionare “Integrated Energy B.V SPV” sh.p.k. dhe “Geogenix B.V.”, që përkon nga momenti i themelimit të këtyre shoqërive e në vijimësi.

Nga aktet e administruara deri në këtë fazë të hetimeve, rezulton se shtetasi Klodian Zoto, në bashkëpunim me shtetasin Mirel Mërtiri, kanë përfituar në sajë të faturave tatimore të falsifikuara, vlerën monetare 409,428,000 (katërqind e nëntë milion e katërqind e njëzet e tetë mijë) lekë, ku shtetasi Klodian Zoto është paraqitur dhe ka deklaruar fatura të falsifikuara për punime të kryera nëpërmjet shoqërisë tjetër të tij “Integrated Energy Services” sh.p.k., si nënkontraktor i shoqërisë koncesionare “Integrated Energy B.V. S.P.V.” sh.p.k. Në kohën e lëshimit të këtyre faturave të falsifikuara, provohet se aksionerë “de facto” kanë qenë shtetasit Klodian Zoto dhe Mirel Mërtiri.

Po ashtu, është evidentuar fakti se shtetasit Klodian Zoto dhe Mirel Mërtiri zotërojnë në mënyrë indirekte shoqërinë “F.M.O.” sh.p.k. Nga hetimi janë mbledhur prova se këta shtetas, duke shfrytëzuar perfitimet e paligjshme kanë blerë për llogari të subjektit “F.M.O.” sh.p.k., një pasuri të paluajtshme, me sipërfaqe 611 m2, me vlerë 1 000 000 Euro, e ndodhur në qytetin e Durrësit.

Kujtojmë se qeveria shqiptare në 2016 kur shpalli koncesion PPP për djegien e plehrave me incenerim e argumentoi këtë politikë, me faktin se investitori privat do të kryente investimin me fondet e veta, të cilat do të shlyheshin më vonë viti pas viti nga buxheti. Por realisht inceneratoret kanë marrë dhe vijojnë të marrin pagesa të cilat nuk i kanë të justifikuara më punë. Në praktikën e investimeve publike, inceneratorët janë një shembull i paprecedentë i shpërdorimit të fondeve publike nga një kompani private. Për me tepër kompania që ka shpërdoruar taksat e shqiptarëve është ndihmuar një spektër i gjere zyrtarësh dhe nëpunësish publik, disa prej të cilëve janë në burg dhe të tjerë në hetim.

The post Sekuestrimi i inceneratorit të Tiranës, si Zoto dhe Mërtiri përfituan 409 milionë lekë nga faturat e falsifikuara appeared first on Albeu.com.

Të premten deputetë të PD-së depozituan në Kuvend një kërkesë për zhvillimin e një mocioni me debat mbi temën e inceneratorëve.

Ndërkohë dje kreu i grupit të PD-së, Gazmend Bardhi depozitimin nga ana e tij një kërkesë për zhvillimin e interpelancë urgjente me Ramën për çështjen inceneratorëve dhe sa i takon zhvillimeve nisur nga vendimi i Kuvendit për lejimin e arrestimit të ish-zëvendëskryeministrit.

Por pavarësisht kërkesave, maxhoranca ka vendosur që mos t’i marrë parasysh ato.

Pas vendimit të konferencës së kryetarëve, kreu i grupit parlamentar të PD-së Gazment Bardhi ka reaguar ku është shprehur se tashmë parlamenti është shndërruar në ‘dyqan personal i Zotos dhe Mërtirit’ dhe se po financohet arratia e tyre dhe e Arben Ahmetajt.

“Konferenca e Kryetarëve vendosi sot rrëzimin e kërkesës për interpelancë dhe për mocion me debat duke shfaqur në këtë mënyrë vizionin për shndërrimin e Parlamentin në një dyqan personal të Zotos dhe Mërtirin. Fakti që dy mafiozë në arrati të inceneratorëve marrin pagesa çdo ditë për punë ta pakryera, nuk është një çështje urgjente për ta. E kuptoj vështirësinë që ka Rama si person i përfshirë, koka e inceneratorëve për të dhënë shpjegime, por sado siklet dhe hall të ketë do duhet të respektohet Kushtetua. Argumenti i tyre është se nuk ka urgjencë. Po financojnë arratinë e Zotos, Mërtirit dhe tani të Ahmetajt”, tha ai.

The post Konferenca e Kryetarëve rrëzon kërkesat e PD, reagon Bardhi: Kuvendi, dyqan personal i Zotos dhe Mërtirit appeared first on Albeu.com.